公和荳品廠

营业中

休息中

就嚟又新年，所以就去深水埗買下啲新年嘢同揮春行完買完之後，又係時間搵個地方食少少嘢同坐下休息吓行行吓見到有公和堂，仲要有兩間舖位裝修都好新淨，一間舖頭就keep住左八九成以前嘅裝修，另一間就完全新裝修！所以我就去新裝修嗰間度食啦去到都幾多人下，不過都有位嘅兩個人叫咗一個熱豆腐花，一個凍豆腐花，同一個薑汁豆腐雪糕！凍豆腐花就稍為失色少少，唔知點解間間豆腐花都係熱嘅豆腐花好食過凍嘅不過佢哋嘅豆腐花都有豆味同滑最驚喜係個豆腐雪糕！個雪糕食到好香好滑，上面有啲糖膠咁嘅嘢好濃薑汁味真係好正好好食！我諗就算經過唔堂食都要買返個雪糕試吓必食推介個人

睇到近日出個米芝蓮推介，諗起前排先食完公和，佢啲豆品係幾好食嘅，又平呢，餐與餐之間口痕去食下幾好㗎，不過一位難求，要堂食都撞運氣。黎到公和點可以唔食佢地嘅豆腐花，左邊係凍豆花，右邊就係熱，兩碗其實差唔多，啲人話熱食滑啲？有無根據㗎？佢地個豆花係滑嘅，仲好有豆味，最正係黃糖任落，哈哈。仲食左個三寶豆腐，豆卜同魚腐，廚房不停咁出，擺係姐姐個爐到，個姐姐只係負責有人order就夾落碟，如果靠佢一個人煎有排都無得食啦。講返個三寶，個人最鍾意豆腐，又香又滑口感好正，豆卜我覺得硬左少少，魚腐都好食，但魚肉味太搶，記得加辣醬食，加左好食好多㗎。一人十幾蚊過下口引抵啦，而加米芝蓮喎。

📍 公和荳品廠 (深水埗)深水埗北河街118號地下📍 每次黎深水埗，一定會諗起公和既豆腐花。係我心目中「公和」已經同「深水埗」掛鈎，每次黎到深水埗都一定會食碗豆腐花，因為咁多年都搵唔到邊間好食過佢。今日同老婆去深水埗買聖誕裝飾品，所以帶老婆去試下咩係真正豆腐花，我以前細個一定叫凍既豆腐花，特別係夏天時食完透心涼，爽YY~但人大左，食得多凍野對身體唔好，今次再光臨，叫左碗熱既細豆腐花。出奇地發現其實熱豆腐花更加滑，好香豆味，比起凍既更加好食。因為雪過既豆腐花，質感一定無熱豆花咁滑溜，豆味更加會降一大截，仲會有凝結的感覺，所以熱原來仲比凍仲正，公和豆腐花永遠無令人失望，一如以往咁入口的確柔滑，桌子上一大樽的黃糖可隨意任加，個人覺得小甜是最理想，不會太奪走豆腐本身的清香味 😍😍📍三拼 $16煎釀豆腐
頂層有薄薄的鯪魚肉，豆腐外層煎得甘香，
內層豆腐幼滑，不易鬆散，好食

豆卜
與煎釀豆腐相比，豆卜明顯唔夠熱同唔夠脆，較腍身，相信已炸起了一段時間。

魚腐
個人認為是三拼之中最好吃的，魚肉跟豆腐混合一起，很入味，鹹淡度適中，不太油膩總括來說，如果喜歡食豆腐花或豆製食品，必定要一試

⋆⁺₊⋆.公和荳品廠.之前開左好多好多間嘅公和荳品廠執到剩返1間了(つД`) 擁有128年歷史～深水埗1893最知名嘅豆腐花✔︎米芝蓮亦都曾經推薦過！.參拼/ $16 / 🥨🥨🥨🥨 /參拼入面有豆腐、豆卜、魚腐各兩嚿～豆腐好滑口～啲嘢炸左都唔會話好油！外脆內軟( ˃᷄˶˶̫˶˂᷅ )而且價錢超平！所以性價比真係好高～.豆腐花/ $12 / 🥨🥨🥨 /呢個有少少失望～豆腐花口感唔係好滑(•́₃•̀)但係整體都唔差嘅.豆漿/ $10 / 🥨🥨🥨🥨/ ..［滿分5個🥨］...⌫ 公和荳品廠 (深水埗)深水埗北河街118號地下.#深水埗咔嚓

公和荳品廠 網址: 地址: 深水埗北河街118號地下電話: 23866871===================呢間有好多年歷史架豆品店，出開附近我都忍唔住來食碗豆腐花。有架$12 當然要大碗啦，凍熱價錢一樣的。好實在，本身會落左糖水架啦，鍾意食甜架亦都可以隨意落紅糖呀！滑溜溜架豆腐花，直滑入喉嚨，簡直只可以用個爽字來形容哦。有豆香，食一碗當糖水，在冬天極為滋潤順喉架價格實惠，也有好多街坊買豆制品添。店仲保留左以前架物品，antique 黎架

一家擁有百年歷史的公和荳品廠, 每到店舖都幾乎座無虛席, 堅持原汁原味手工製作, 石磨造的豆漿市面上越來越少有荳品店除了招牌豆腐花、豆漿之外, 煎釀豆卜、煎釀豆腐、黃金豆腐都是必食推介, 現在更多了地道小食, 腸粉、燒賣、粥品、咖喱系列及瑞士汁系列 煎釀豆卜加豆腐花, 喜歡豆卜煎完有點脆口, 配上辣椒醬更加惹味, 豆腐花很滑、沒有加糖水更加食得到原豆腐的味道另外店舖還有新鮮腐竹、響鈴、生根、素鴨、素雞及秘製腐乳可以買

自從搬離深水埗較遠地方少咗去食，但好懷念佢既煎釀荳卜所以幾次都特登搭車去食，呢兩個月去食咗四次三次都係微溫，今次同朋友食咗3碟荳卜兩碟又係微溫，食完去到收銀見到個肥肥地嘅男人，我好有禮貌細細聲諗住比下意見佢話煎釀豆卜唔夠熱，點知比佢大聲鬧話你要熱就要師傅‘特登’服侍你整一碟俾你，仲唔只閙一句，旁邊有幾個食客望住我，尷尬到不得了！原來食物唔夠熱係應該！係理所當然！禮貌咁俾意見都係錯！仲要比人大聲鬧！老字號又點！原來食物差咗都可以好巴閉咁調返轉頭鬧顧客！！當然以後都唔會去食！！

深水埗老字號🕰公和荳品廠其實豆腐花黎講我覺得平同貴都差得唔遠🧐呢間豆花都滑嘅 $12豆味就唔算濃郁🤭但係裝修真係好靚！好復古！💚🥰另外見到好多街坊都幫襯食煎釀豆腐，睇落又唔錯窩😋～臨走拎走帶罐玫瑰腐乳走（$30 細罐 ）聽日用黎搽麵包先！🤩

今日嚟咗個深水埗半日遊，食咗好多有名氣嘅區內小店，公和荳品廠係深水埗嘅老字號，嚟到點可以唔嘆番碗豆腐花😎-豆腐花 （凍） 好重豆香，食落好滑身，就算唔加黃糖，都夠晒味🥰🥰-煎釀三拼（魚腐，豆卜，豆腐）豆腐多汁，香滑，上面仲有一層魚肉😋豆卜一定要趁熱食，先食到香脆既口感👍🏻公和嘅魚腐同出面嘅魚腐有啲唔同，口感好特別，好重荳味，食之前加少少豉油，更加好食🤤🤤

每次入開黎深水埗都會黎公和食D野原因真係為左佢地豆花同飲杯豆漿都成為左指定必做既事今次都係叫左⭕️豆腐花(細)$1️⃣0️⃣豆腐花唔洗講,公和既豆花真係滑嘟嘟,我通常都會食熱,凍就唔知滑唔滑喇lol⭕️腐竹白果粥 $1️⃣2️⃣ 感覺係一款健康既粥品食完其他野唔夠飽可以整多碗粥食下 包飽⭕️煎釀豆腐$1️⃣2️⃣/4件價錢相宜 好味~都係一款必點既食物但如果 一個人我就食唔曬咁多野喇⭕️細孖寶(4條腸粉+燒賣5粒) $1️⃣6️⃣/份我諗如果唔係太肚餓都唔好叫大份呢份細孖寶都好大份好夠食

 黎到深水埗，冇理由唔試下呢間深水埗名物公和荳品廠🤩已經經營左好多年，有米芝蓮推介，價錢唔貴，食完飯黎食啲小食都好唔錯😋  1️⃣煎釀荳腐（$12）有四件，豆腐好厚，煎得表面好香，配埋鯪魚肉係面，唔錯😌  2⃣️荳腐花（細）（$10）得減要甜既定係無糖既，因為想食得清淡啲就揀左無糖既。食落豆味好香🤤加少少黃糖食已經好好食👍唔怪之得咁多人黎食。

2021年11月13日 晴男朋友繼續帶我深水埗遊黎到呢間佢次次去深水埗都會食ge 店凍豆腐花（細）$10凍豆漿（細）$7兩樣都好有豆味, 不過豆腐花就唔夠滑, 再滑d 更好參拼（豆腐,豆卜,魚腐各2件）$16最中意佢個豆上同魚腐同出面ge 唔同, 佢有更多豆蓉？（豆卜入面白色個d,我都唔知叫咩）係入面, 食落更重豆味, 好食XO 醬蝦米丸 $12入面真係有xo 醬味, 但整體就冇頭先個參拼咁有驚喜, 都好食ge咁多都係$45呢個小食餐十分滿意

公和係傳統豆花老店，難得的是，沒有因為老店的名氣而提高價格，價格仍是相當的相宜。叫咗碗豆腐花和煎炸兩溝——煎釀豆腐和煎釀豆卜，煎釀豆腐香口鯪魚肉夠鮮味，亦有相當厚度，不是薄薄的一片，而煎釀豆卜整舊都非常脆口香口，但就吃不到鯪魚肉的味道，必點埋鎮店之寶的豆瓣醬，味蕾簡直10分滿足。豆腐花方面，豆味香濃，質感滑溜，分量亦很大，雖然我叫嘅係細碗，但已經非常飽足，沒有將貨就價，本身豆腐花上枱的時候已經有甜味，所以紅糖亦不需要落，正正是這樣，食得出豆腐花的貨真價實。

途經深水埗 見到公和荳品廠重新裝修過依稀記得食過一次 於是入去坐低咗餐牌上嘅選擇唔多 選擇困難症嘅我揀咗招牌參拼🍴參拼 HKD16/6件豆腐 豆朴 魚腐 各兩件上枱嘅時候微暖 略厭炸得唔夠乾身豆腐係三款入面最好食 面頭釀咗薄薄嘅魚肉 豆腐切得厚 食落好有豆味 而且好滑 滑到我一路夾一路散🥲豆朴 同 魚腐就一般般 冇咩驚喜~🥤健康薏米水 HKD12嗌咗暖嘅薏米水店員姐姐好有心咁話 唔係好凍 啱飲㗎啦有少少特別就係 薑味比較重 夠哂養生————————————————————💬埋單$28 作為小食嚟講 好滿足㗎啦下次再嚟 希望個胃可以裝多碗豆腐花😋公和荳品廠 (深水埗)深水埗北河街118號地下

當你今日仲有機會係街度仲見到荳品鋪既時候，真係要好好搵機會試下細嚐荳品既味道，因為親自用石磨既豆腐真係買少見少，依加好多都係靠機器製造，通常都係工場用好多石膏粉同機器去製造，冇乜豆味之餘，都冇咁健康😢。點解突然咁感慨？因為原本呢間公和荳品廠有好多家分店，做下做下可能捱唔住人工同鋪租，又或者業主要收返，由以往十幾間分店，到依加執淨呢一間......最後一間既總店，而呢一間正正係2016、2017、2019、2020年榮獲米芝蓮街頭小食推介既店舖，六十年既老店有咁既成績，所以有機會要過來品嚐一翻！豆腐花（大）$12簡單既一碗豆腐花，香滑嫩口，同埋真係有黃豆既味道，親手石磨真係比機器造係食得出分別！推薦程度😶😐😬😁😄