八達茶餐廳 (已結業)

位於鰂魚涌祐民街4號地舖嘅八達茶餐廳，有區內街坊食堂嘅稱號。之前錯過咗一次，今次嚟跟食早餐。我食牛奶麥皮健康啲，波兒最鍾意食火腿，例牌就叫咗火腿齋包。值得讚揚佢嘅熱火腿，聽到廚房傳來鑊氣聲，夠氣氛。麥皮本身無糖不過牛奶送容易入口，心理上比即食麵健康得多。茶餐奶茶十分夠熱，見多數人叫凍齋啡，如果唔係咁早都想試吓。朋友叫食唔同嘅嘢，話份量都幾多。鋪頭唔大得七八張枱，感覺服務和質素都唔差，嚟體驗早食文化都好。

今日買咗一個招牌豬扒酸辣米線 下晝2點落單 當時餐廳已經唔多人因為大部份人都食完 侍應都執左一半嘅枱 但係我叫一個外賣自取都等咗20分鐘🤦🏻‍♂️…本身都驚如果叫炒飯因為要即炒 所以要等得耐 但係估唔到叫湯麵類都要等成20幾分鐘😂比想像中耐 本身以為10分鐘多d都搞掂🥲不過拎到返屋企 個米線質素非常之唔錯 豬扒都似係即場再炸返熱 有少少脆口既感覺 調味都幾好 米線唔會過淋 湯底有酸辣味但係唔會過多 適合一啲鍾意食辣但係又食唔到太過辣嘅人 可以再戰🤓而且價錢唔貴外賣自取$48連熱飲不過就要有心理準備等耐少少 可能堂食會快啲

作為鰂魚涌嘅一名打工仔，本身都叫開呢頭D外賣，同事一時慶起話不如試下呢間D外賣啦，咁就11:34AM落order外賣自取，佢叫我地1154am 落去，結果等到12:16PM 先拎到三盒外賣，眼見後來即場落order嘅人都可以攞外賣order走先，我哋就要繼續喺出邊等等等….等等等🤷🏻‍♂️🤷🏻‍♂️🤷🏻‍♂️ 個刻心情真係好複雜…😂😂😂天氣又熱…落定order又要等,遲黎又先上岸…個種心情…你明架啦😅我地返到去食完評價都係：好一般般啦😂😂😂楊州炒飯 、星洲炒米 及 常餐叉燒湯米粉 味道都係好一般般啦😅茶走就都係一般般，我覺得佢茶味少咗啲😅拎44分鐘等三盒外賣，值唔值自已衡量下啦😅😅😅

🇭🇰八達茶餐廳·呢間係我係附近翻工既朋友仔推介我食既 果然無推介錯 我自己超中意😍😍不過因為佢唔做晚市 而且星期日唔開 所以唔係成日有機會食🤭·西炒飯 l 馳名揚州炒飯 $43佢呢度既炒飯真係超有鑊氣 而且炒得好乾身 超級粒粒分明😍我自己就比較中意佢個西炒飯 佢個調味好好 明明都係番茄醬 但係佢炒出黎係零舍惹味 而且佢入面既配料都好多🍅🤤🤤個揚州炒飯都唔錯既 又係好有鑊氣 不過我自己就覺得呢個會偏油少少 西炒飯食落清爽啲😎·雪菜肉絲湯米粉$44之後因為佢呢度既炒飯超大兜 就算嗌左扣底 我地都食唔曬 所以另一個我地就嗌左常餐😌佢個雪菜肉絲份量好多 而且唔會過鹹 早餐食應該會好正☀️😈😈·#rbyeat#rby港式#rby鰂魚涌·📍鰂魚涌祐民街4號地舖

沒有影相，不過你想吃最有鑊氣同用豬油炒飯既地道抄飯得呢間先比到你，不過佢入邊啲位唔算太好坐，如果住附近可以買外賣，因為佢個飯都好香即時拎到返屋企都好熱！佢呢個飯我至少叫咗六七次都未食厭，唔係講笑！另外佢個星洲炒米都唔錯，你會見到每日都好多工友過嚟食！因為份量好多!再重複佢個炒飯真係好正😜

呢間餐廳係而家少數唔洗使用開心出行或者登記個人資料嘅餐廳，所以佢啲位係兩個兩個咁坐嘅，我有嗌咗佢嗰個所謂被仔嘅咖哩飯大家可以睇下張相，咖哩係幾辣嘅不過味道就一般般。

係鰂魚涌番工，lunch hour出去覓食既時候見幾乎間間都要排隊，就揀左呢間轉角位既茶記食個快既～——————我地同行4個人，岩岩有張空枱可以即刻入☺️坐低大家都叫左常餐🍝常餐：五香肉丁湯米粉+火腿奄列+熱檸茶 $42🍝 (6/10)野食5分鐘就送到👍🏻本身冇期望d咩，點知食落估唔到都幾ok，米粉唔會煮過淋仲有彈性，火腿奄列唔會太細份，蛋亦冇煎得過熟，食曬成個常餐對我黎講分量岩岩好，都夠飽嫁😆雖然野食冇咩特別，但係上餐快又就腳，以後想食個快既lunch既話，呢間會係我選擇之一👼🏻———————😋味道：6/10🤵🏻服務：6.5/10💰抵食：6.5/10⏳排隊時間：0分鐘

特登訓到兩點起身食佢個午餐呢個咖哩豬扒飯配凍飲都係$45  份量夠我食仲有凸 唔錯呀平時好多茶記既豬扒又薄又鞋又有陣鬆肉粉味呢塊 味道真心唔差喎 塊豬扒都幾厚身 厚得黎好鬆軟個咖喱汁既味道唔單調 好香 而且個薯仔好淋好好食！

終於辛苦完了, 急不及待與他來了。兩個多蔥揚州炒飯, 份量夠, 蔥香, 不油, 炒飯的最高境界, 是我們心目中的第一位呢!不得不提老闆的服務不錯的哦!

溫書溫到悶, 又想起了八達, 他叫我考試後再來, 但我實在忍不住了。就這樣一個人來了, 今次特別點了多蔥, 整個飯就很有蔥香。吃完了再買外賣給他, 免得他投訴我獨食, 哈哈。

這裡已經成為我們的飯堂, 美食這回事, 從來不在於價錢或環境, 一間小小的茶餐廳, 都可以炒出出色的揚州炒飯。每次來必點揚州炒飯, 但這樣就好難試到其他的炒粉麪。今次難得捨得一個揚州炒飯, 試了星州炒米。揚州炒飯固然出色, 蔥蝦蛋叉燒比例洽到好處, 飯炒得乾身, 暫時還未找到一個可以與它相比。星州炒米都不錯, 香辣惹味。如果中環開一間八達, 我想我就不會每日都想不到吃甚麼了。

lunch time又掛住揚州炒飯, 中環來回需時一個鐘, 我都很佩服自己的虔誠。小小的店子, 要吃好東西就要張就一下位子較窄。來到當然是點我最愛的揚州炒飯, 炒得香口, 有蔥香, 叉燒大粒, 足料, 100分之選。老闆和老闆娘的態度亦十分之好, 要多多支持小店哦!

超級超級超級掛住八達, 只怪中環上班的我要來就太山長水遠, lunch time要來真的好辛苦。星期六來到, 我們又可以探探八達了! 這裡的揚州炒飯其實已很有名, 沒有太多笑臉, 如我之前說過, 需要夾天時地利人和。(或者是經常來吃揚州炒飯的食客都不太寫食評吧!)這裡的揚州炒飯較一般餐廳的好吃的關鍵在於多蔥(當然前題是你是一個喜歡蔥的人)。多蔥令到飯炒得很香, 加上很多的叉燒粒、蛋、蝦仁, 飯也炒得很乾身, 作為我們的下午茶不二之選。 檸茶沒有苦澀、奶茶香滑, 都在水準之上。

念念不忘揚州炒飯的程度達到，因為這裡星期日不開門而我星期六有事忙而這裡又不做晚市的關係，我lunch time 遠道由中環外賣自取。這是我工作以來試過最遠的一個外賣自取呀，為咗一個揚州炒飯，原來可以去到咁盡！踏上中環到鰂魚涌的路途上我便打電話給餐廳落定order, 務求以最短時間從中環來回鰂魚涌。餐廳位置在兩個站的中間，一出鰂魚涌站，三十多度太陽超猛下的斜路.... 平時來都是駕車來的，我不知道原來從地鐵站行過來是一段斜路，行呀行呀，十分鐘左右就來到了。到來時已經入面坐滿人，出面一堆人在等位，幸好我來到時我的外賣已準備好，我可以即刻回中環了。回到公司，用了差不多一個鐘的時間，即刻打開外賣，仍然是我最愛的揚州炒飯 - 大大粒叉燒，香蔥，炒蛋，乾身的飯，口感與味道俱佳。奶茶是典型茶餐廳奶茶，我較喜歡偏西式的奶茶，這個就不是我杯茶了，但相信一定有欣賞它的人的。為了喜歡的事物，果然可以不惜一切呢。

食評這回事，其實都要夾天時地利人和，好吃的故然多笑臉，旺區也自然笑臉特別多。雖然明知寫旺區餐廳的食評，收視率一定有保證，可是我個人喜歡旺區不旺區都寫，好吃不好吃都寫，才客觀真實反映事實，才對不在旺區不過其實很有水準的餐廳公平。而今次要介紹的餐廳就是這一間平民不過，座落於舊區的一個隱蔽位置的茶餐廳。這一區其實也不是我地頭，我得知這間餐廳的原因，就是因為他嚕。這次回來的原因是念念不忘這兒的揚州炒飯。個人覺得餐廳還是有點狹窄的關係，我們點了外賣在車上吃，然而寧願在車上吃都一定要駕車過來自取外賣，可想而知這個揚州炒飯有多吸引了。因為太念念不忘的關係，即使吃過午餐，我也嚷著要來，於是我們兩個人分享一個炒飯做下午茶。其實揚州炒飯一直都不是我超級喜歡的飯，所以就沒法與其他餐廳比較。我覺得這兒的超水準就是了。揚州炒飯炒得乾身不油膩，入面的叉燒粒是比一般的大粒，有口感。因為加入較多蔥粒的關係，飯炒得比一般的香。還有頗多的菜粒和蛋，用料豐富。茶走香滑，奶味較重。缺點是這兒較早關門，不做晚市的，要吃就要趁早嚕。