八月花 (朗豪坊)

营业中

休息中

其實呢間中菜嘅水準真係唔錯，再加埋AE半價真係好抵食。一直覺得美心中菜啲蝦特別好食，所以去咁多次每一次都一定會起碼點一味餸係有蝦嘅。另外，個嫲嫲朱古力我每一次都叫，個曲奇好脆好好食，加埋凍冰冰嘅雪糕好正。

好心美心集團就賣佐佢啦，留住炒地產？叫佐四個菜，每一個都從材料到烹飪都可以咁失敗 十分少見酥香鴨成陣鴨味 可見材料普通 肉干唔帶油 可見廚師功力有限蛋白桶仔飯淡而無味 只有少量豆味 昆布雙耳蝦滑 竟然只有昆布食得 豆腐又粗又難食 蝦滑差過一般火鍋料 肉粗味少 原汁原味蒸豆腐 只可遠觀不可食用(勉強少少 腐皮還可以)第一次遇到一間餐廳 每一個菜都難以下咽 唔食又會餓 食佐又只有飽 懷疑世界欺騙了我 好啦，唔寫了，肚餓，要食第二round嚕。

今日去了朗豪坊八月軒飲茶，由於星期天，我們等了差不多1小時才有位。我們點了車仔豬腸粉、菠蘿叉燒餐包、煎蘿蔔糕、酥脆鮮蝦腸粉、鮑汁炆鳳爪、叉燒包、鳳爪排骨煲仔飯、皮蛋瘦肉粥、蛋撻仔、甫魚滑燒賣、鵪鶉蛋燒賣、娥姐素粉果及潮洲粉果、甜品點了薑汁雙皮奶及蛋白杏仁茶。車仔豬腸粉：正菠蘿叉燒餐包：普通煎蘿蔔糕：香脆酥脆鮮蝦腸粉：香脆鮑汁炆鳳爪：好味叉燒包：普通鳳爪排骨煲仔飯：飯上灑上豉油，很美味皮蛋瘦肉粥：正常蛋撻仔：香脆甫魚滑燒賣：普通鵪鶉蛋燒賣：普通娥姐素粉果：普通潮洲粉果：正常甜品點了薑汁雙皮奶及蛋白杏仁茶，甜度適中。

喺旺角如果想揀間靚少少嘅茶樓飲茶 ，其實選擇並唔多🤔🤔🤔 今次上咗嚟朗豪坊入面呢間八月軒。其實佢下午茶都幾抵食， 裝修又幾靚，不過服務就麻麻😂😂😂菠蘿叉燒包 -- 好鬆軟，啲叉燒很好夠味， 可惜只係微暖，唔夠熱😓😓😓 如果係新鮮出爐一定好好食🙈🙈🙈 紫薯煎堆仔 -- 芝麻味好香，食落好煙韌。推介!!👍👍👍其實我哋幾個仲食多咗好多嘢，不過啲燈光影出嚟真係好醜 ☻☻☻所以放棄咗影相 💀 繼續食算數😂四個人埋單 total $581， 圍起每人百五蚊都唔使。重要其實飽到到食唔落😂😂😂，多到要打包返屋企可以夠當晚餐同埋聽日早餐食都夠。

朋友話就嚟踏入八月就要搵間八月名字嘅食店，所以八月一號晚就去八月軒。等朋友到來嘅時間，就直接叫了菊花花茶，芬香撲鼻。雀籠點心：係八月軒招牌菜式，個雀籠非常精美上層係蒸嘅，有魚滑燒賣上大大大隻鮮蝦。蝦餃也是內包大隻鮮蝦。下層係比較香口嘅點心。一口鮑魚撻，鮑魚唔會太硬，放在撻底剛剛好，鮑魚與撻份量配合得宜，真係一口就可以放曬入個咀，好美味！下層食物熱番少少應該更好。蛋白岩米桶仔飯雖然味道淡淡，但唔太油膩，加了粟米粒都幾健康。燒味拼盤基本嘢，一次過食晒三樣燒味， 個叉燒更加係熱架

今天同親朋戚友聚會，選擇了呢間坐落旺角朗豪坊的八月軒。我們一行6人去飲茶，可能正值10月黃金周好多人去旅行，所以很快便有位，但限時90分鐘，酒樓枱都算多。我們叫了點心蛋撻、鳳爪、腸粉、粥、炒麵、煎堆、菠蘿叉燒飽、雙皮奶及燉蛋等等，味道都唔錯。

特飲賣相好正去了旺角的八月軒吃晚餐。整體覺得不錯。每一碟菜的外貌都幾好。所以令我忍不住每當一碟菜式上台的時候，就先拿出手機來拍照。哈哈。因為無論菜式的顏色，擺設，外觀，都很吸睛。要其中最令我覺得特別的是，八月軒的特飲。我和朋友每人叫了一杯八月軒的特飲。當特飲送到我們面前是，特飲的賣相真是不得了。其中一杯的特飲是，他的名稱叫做青翠時光 。綠色的，很大杯的，有青瓜，有青檸，有青桔，還有薄荷，梳打。飲下去，微酸的，很醒胃。而另一杯特飲是，他的名稱叫做法國奇緣，你面有西瓜，蘋果，青蘋果，熱情果，西柚，青桔，士多啤梨，藍莓，金柚，香橙，還有薄荷，茉莉花茶。一整杯，橙橙的，又紅又黄的水果，賣相很吸引，飲下去，甜甜酸酸，很好飲。最後賣單，吃得我和朋友都很滿意。最難忘的是他的特飲。

由於喺媽咪正日生日嗰日Oppa要返工，所以我們一家四口就提早同媽咪慶祝，而我們就揀咗以前食過覺得出品相當唔錯喺旺角朗豪坊嘅「八月軒」食晚飯！我們叫咗海鮮炒鮮奶一上碟嗰陣我們見到出晒水已經覺得有啲怪怪，點知食第一啖就已經感覺到有一股臭味，而且啲鮮奶亦炒到過咗火，所以係比較老唔係好滑溜！洛神花黑豚骨嘅賣相表面睇落覺得無咩問題，但食落就知道同上次食嗰碟簡直係天淵之別，因上次係有經過「走油」，所以食落嘅質感係外脆內軟，但今日呢碟係炸到「無啲鑊氣」咁，所以食落非常肥膩，好似食緊一「嚿」沾滿酸酸甜甜洛神花醬嘅肥豬肉咁！松露醬香煎比目魚伴岩米嘅比目魚煎得都幾香口脆身，肉質亦都幾彈牙，但岩米就唔係好煙韌彈牙，質感相當腍身！極品醬油炒飯初頭睇到餐牌寫個名話係極品以為會係好好嘢，點知一上碟睇到個賣相已經覺得係一碟相當普普通通嘅醬油炒飯，因他們完全無加添任何嘅色彩去點綴一吓，而且食落亦都無咩特別嘅驚喜！金沙脆炸蕃薯表面睇落以為都幾大粒，但外層嘅炸粉係非常厚身，而蕃薯就係相當細件，感覺好似係有啲鹹蛋黃香味嘅炸粉先係主角咁！黑醋珠伴豚肉係將豚肉整成一個個豚肉丸，再加啲黑醋珠喺面，雖然黑醋珠有都算幾香濃嘅黑醋味，

兩點幾先lunch，又想飲茶，但原來唔少中菜廳都三點左右就休息，好彩呢度仲有得食 ，三點三先last order，可以坐到4pm，三點都仲有人等位。點心款式唔算好多，有常見嘅蝦餃燒賣叉燒包等，亦有啲少見嘅鵪鶉蛋燒賣同鮑魚酥等。但例如鯪魚球、蒸魚雲等就冇喇。雖然係美心集團，但啲餐具都有啲心思，加碟咸酸菜雲耳花生。可能人星期六都比較多人，點心都要等一陣子，送嚟嘅都冇咩次序，比如甜品會早過其他點心，睇得出唔係好夠人手。招牌酥脆鮮蝦腸粉 : 睇個名都實物都似炸兩，食落就比炸兩更好味，腸粉包著啖啖蝦肉，感覺比平時蒸鮮蝦腸粉更多蝦，炸過嘅蝦肉食落更香口同惹味。鵪鶉蛋燒賣 : 呢啲傳統點心唔係間間酒樓有，難得呢度有，當然叫一籠回味下。充滿著童年回憶，唯一唔同係反而冇兒時食嘅咁油膩，，好味!!芝麻卷 : 原來呢度嘅芝麻卷都好傳統同足料，唔係只夠黑，仲啖啖黑芝麻香味。雀籠點心 : 可以話係招牌菜式，啱哂鐘意食靚靚點心嘅我，上層係蒸嘅，下層係比較香口嘅點心，最正係上層嘅甫魚滑燒賣，魚滑外仲有大大隻鮮蝦，正 ! 下層嘅一口鮑魚撻亦比預期中好味，鮑魚唔會好硬，大細仲fit哂撻底，食落唔會覺得鮑魚或者係個撻太

老友隨興約埋一眾食個晚餐...尼到最旺o既旺角...周五晚商場人流當真多到不行!!!!...慶幸能夠訂到個靚座…全場滿熱鬧非常…服務生都忙到氹氹轉…研究一輪餐牌…快快趣…落單去!!...脆脆BB豬沙律 …1客4件, 要2客先夠分!!...一如其名…脆脆嫩口…沙律菜沾上醋汁…減去油膩感…昆布雙耳燴蝦滑… …雙耳為雪耳木耳…有D 磨菇...豆腐…蝦滑…味道配搭屬平平凡…可以話冇乜留什麽印象…吾算欣賞…避風塘黃金脆蕃薯…吾算好”避風塘”…就係炸蕃薯…再外層撈上咸蛋漿…咸咸甜算幾好味!蔥油菠蘿海蜇球…所謂菠蘿就係將海蜇界花…撈大量沾白切雞用o既蔥油… No! No! 完全就只食到一口蔥油味…!!香茅炆原條海斑…超香芫茜...大量薑塊...魚炆得好入味...汁送白飯好美味!!...唯獨係見兩條香茅似乎冇先拍拍…就咁放落去…吾會點出味o既! 做樣o既啫!! 哈!櫻花蝦炒粉絲…炒得乾身, 吾會”痴”埋一箸…有D鑊氣!...除左大量櫻花蝦, 仲有蛋同芽菜…加添水份同爽爽o既口感!...吾錯呢! 白灼豬蹄筋…筋實在少…成碟似豬腳肉多…一般般…甜品叫左……杏仁露 + 芝麻湯圓……滿意!

八月軒不嬲都係FIF同朋友既飯堂，坐得幾舒服，野食都唔錯，今次同一位朋友都再去朗豪坊既八月軒！ 雖然大家放左工到左朗豪坊都係食飯既繁忙時間，好彩有book台，唔係就要係門口排長隊啦！ 首先，我地就叫左最出名既安格斯小牛排沙律。薄切既牛肉非常嫩滑，肉邊脆香，而肉質鮮嫩又有牛味！而放係牛小排下面既沙律非常清新。FIF建議大家可以食一啖牛小排，一啖沙律，再將牛小排同沙律夾住一齊食，一碟主菜有3重享受！另外叫左一碟薑汁雞肉，薑汁味非常濃同惹味，一食非常提神！如果當前菜食都非常適合！ 另外FIF都叫左一碟菜苗，未有影相，但非常鮮嫩香甜，食完牛排有小菜苗清一清新口腔，中和返牛排既油膩感～ 八月軒作為朋友聚會既食堂非常適合～下次有聚會會再揀八月軒！

當日星期六我飲中午茶，以食物黎講係唔錯，但如果想預期有服務，就勸大家唔好考慮。可能太忙，老闆又唔願請人，令員工個個都黑口黑面。另外環境十算係幾劑迫，真係食得好唔開胃。以哩個收費，服務加食物質素比較下，唔會再有下一次。

食得多日本韓國菜,有時候都會想食返中菜,加上朋友一家大細,食中菜會坐得舒服D~~鐘意前菜Gei我叫左個三拼~青瓜好脆好鮮~不過我自己鐘意呢個疑似海蜇gei食材,好入味好好咬~小朋友要食飯,我地叫左個醬油炒飯比佢地食,見到咁黑以為會好鹹,又唔會wor反而入口好香口,有鹹香更加開胃配豆腐食簡直係完美配搭~~不過呢碟菜式最好食其實係D黃豆~~超有咬口!雖然無啦啦食燒味有D奇怪,但呢度D燒味又真係唔錯!特別係叉燒真係蜜味滿滿,D肉又唔肥!如果人多的話記得叫片皮鴨!皮脆肉嫩就係exactly呢個情況~用個包食係有D怪,但個包又甜又滑,真係幾正,去到最後我地反而食曬個包剩左D肉,如果包可以Refill就好啦~不過D醬汁我地唔係點左好多,我自己都係喜歡甜醬多D

朗豪坊食肆多但太多人，見到八月軒便想飲茶，下午一點半不需等位也有位，我哋兩個人叫做咗义燒包，蝦餃，芝麻卷，車仔腸粉，可樂！义燒包算係最好味，但都比較咸，其他點心好差！蝦餃啲蝦好咸，蝦又唔新鮮，芝麻卷太甜，車仔腸粉好難食，醬落咗超多十分咸，腸粉就似一舊粉粘了好多花生醬同甜醬，因為所有醬上枱前都已落定先，唔係客人自己落，但又落得太多，所以咸到入唔到口，令人口渴, 叫咗罐可樂，要$28！雖然天氣好熱，都唔駛比一杯冰，之前因忘記叫不要冰，待應放下一杯冰，我話不需要，但佢好忙咁話擺係到先啦，之後好耐先拎走！酒樓內好熱，冷氣唔夠，熱到流晒汗😓！總括嚟講，太重口味，食完飲咗好多水都口渴，以前晩飯已去過一次，印象中不錯，可惜越做越差，唔會再幫襯！

我和屋企人去飲茶，一聚家庭天倫之樂， 去到旺角朗豪坊八月軒飲茶兼食午飯。今日等位都等咗好耐，坐低叫咗一壺洋甘菊花茶，壺下有微火熱著，好清香，但忘記拍照。另一壺是老人家較喜歡的普洱茶。我哋一行六人，自己各點選一樣自己喜歡嘅食物。第一款係鑊仔煎釀三寶，咁啱有六件三寶，紅青辣椒、饟豆腐同埋矮瓜，我哋六個人啱啱好夠分。望落去呢個鑊仔同埋呢六件衫寶好似好大碟、熱騰騰好新鮮嘅感覺，其實係一個視覺效果。煎釀三寶我吃到是饟矮瓜，味道都ok嘅。蝦子蟹肉炆伊麵，伊麵份量比較細咗啲，蟹肉都有啲啲嘅，蝦子可能都係太少，我就唔係好覺，咁味道都唔錯。有少少肥的蜜汁叉燒，好腍滑，好好食，不過加咗叉燒汁，我就覺得比較鹹咗一啲。紫菜上湯雲吞，有六粒雲吞，又啱啱好一人一粒，雲吞都唔錯，中規中矩啦！手刴牛肉陳皮腸粉，牛肉餡料都幾充足。鹽燒九肚魚，炸得好香脆亦唔係太油膩，好好食！上齊食物唔夠飽，再叫第二輪。醬油雜菜炒稻庭烏冬，偏鹹咗少少。最後一個是甜品，桂花龍鬚蛋散，我很喜歡桂花龍鬚，做得美觀又好食，蛋散就一般。其實都唔係好夠飽，食住咁多先埋單！放假大把節目，晏啲又再食過囉！