八月花 (朗豪坊)

营业中

休息中

美心集團其下的餐廳都算係非常有水準, 今次試八月軒點心, 價錢合理, 除了傳統點心以外，還有有些特式的食物很是不錯! 今次試咗二個特式點心, 喜出望外! 枱與枱之距離較近, 但環境算是ok下次會試晚😋其待

I was there with my friends for dim sum, first thing I encountered was mediocre service, plates were dirty and oily. The restaurant itself is nice, cutlery, condiments were good, however, food not meeting expectations. Basic shrimp dumplings, steam rice rolls should be any dim sum restaurants' soul food...but these were not done right. Big disappointment... anything good??? Yes, out of my surprise, abalone tarts, pig's feet and eggs in ginger and dark vinegar sauce, chicken's feet with peanuts i

入座時冇同客人說明一定要四時清塲，我強調係清塲，吾係埋單⋯⋯客人未走，可以當客人面前連杯都收埋，兼我剛放下茶杯，侍應即收埋個杯，完全當客人透明。叫八個點心，有四樣冇，唯有再落其他點心，依照係有幾樣冇，兼且食物水準一般，價錢又不便宜，簡直貼錢買難受，以後吾會再幫襯👎🏻👎🏻👎🏻

一早四人諗住飲茶，冇人帶位入座都算，自己入去揾位坐喇。啲四人枱坐得一或兩個人，就算有吉嘅四人枱都迫到根本坐唔落，唯有選坐張六人枱囉。嗰位全場唯一見到，但臉黑黑嘅伙計就話，三個大人加一個小朋友坐四人枱咪得囉，我哋冇理佢，佢就吚吚哦哦，還要俾說話我哋聽𠻹!!!! 咁嘅服務態度，我還以為係非集團式嘅酒樓，難以想像呢間酒樓係美X集團旗下囉!!! 最諷刺嘅係，放點心嘅嬸嬸相對有禮貌得多，還會說聲多謝!!!!!

去飲菜被安排坐全場最入，俾點心紙都要自己行出去。d碗有油未洗乾淨，用茶洗完又係要自己行出去。飲咁耐茶一直都叫天不應，d樓面自成一角吹水。然後我打電話去前台投訴，話我俾左點心紙但未有落到單(未收到張白單)，之後先有人盪過黎望下，但都無人接觸過我幫我解決問題。d服務差到爆，未食野都一肚氣。

坐底，點2餸一湯，等三個字後同我講個湯賣晒，咁唔緊要la, 唔飲湯lor。再等多2個字連叉燒都話無晒。咁唔緊要啦，轉要咕嚕肉，等多2個字回頭又話賣晒。等咗total35分鐘乜差都無嚟過，啲野食賣晒完全無人知道，其實要POS嚟做乜呢咁樣？啲呀姐又好似完全唔知發生緊乜事咁，成班好似唔係響度反工咁，十問就九唔知。最好笑就係，咁我問佢咁到底有啲咩係未賣晒架？佢竟然答我：「你續樣試下入單咪知囉。」無野食賣就唔該唔好比客入，不知所謂。

唔知點解會有人幫襯，食左4千幾蚊個餐（一圍12人）連加一成五千幾， 都要迫係張8人桌，但旁邊都無人坐勁多位。服務差，d餐具有水漬都算，最重要係有食物渣...個花膠豆苗d豆苗老到咬唔開...真係去明星 稻香都無咁嬲！

繼續挑戰食中菜，做冬前好多地方都係多人，真係要搵一間坐得舒服，價錢又ok。今次係朗豪坊，方便家人去，地點算係方便。八月軒係美心集團旗下，價錢比較貴啲。我地4個人早小小開餐，希望少人啲。坐多陣，落咗order，無幾耐就開始多人。六點已經9成滿，好彩早啲嚟咋。菜式一般而言比較精緻，味道都ok。紫薑脆蝦球($148)，外脆內軟，有小小芝麻令到更可口。味道唔錯，不過份量俾我地想像中少。洛神花黑豚骨($98)，味道幾特別，小小甜，幾開胃。松露醬煎比目魚伴岩米（$148），條魚都ok，家人都幾重視條魚，佢地都滿意。松露唔算太搶，還好，岩米同條魚都夾到嘅。小蝦拌炒黃金粟（$78），呢個無咩特別，可以唔叫。仲叫咗上湯龍蝦柚汁天使($98)同埋蛋白岩米桶仔($32)，味道一般啦，可以接受。叫咗薑汁雙皮奶($26)同雪榚楊枝甘露($30)，價錢同出邊差不多，味道一般。每人差不多200元，還好，份量淨小小。

Date: 30Nov自從某信用卡在美心集團旗下的食肆有優惠後，經常會和朋友2個人來吃飯。這天和家人來吃，發現這裡的menu終於換了！餐具等等都換了，很有新鮮感！不過新的茶壺的嘴太短了，有個侍應在我身邊行過急停時，她拿著的托盤上的茶壺有熱茶濺出，差點灑在我身上，真的很危險！↑之前的「雨花海蜇頭」變了「葱油菠蘿海蜇頭」，味道跟之前差不多，但沒有之前的彈牙。↑鹽燒九肚魚↑拍蒜秋葵蕃茄：蒜味不算很濃，蔬菜不會太「老」，蕃茄除了有平時吃到的紅色蕃茄外還有綠皮蕃茄！吃著的感覺像茄子和蕃茄的混合體，很有趣！↑紫薑脆蝦球：份量比較少，以為是紫薑造的汁或和蝦混在一起炸，誰知道薑片只是像配菜般被放在一旁。蝦還算彈牙新鮮，但味道一般，沒有什麼特別調味。↑魚·羊新作：一上菜的時候看到「煙霧瀰漫」大家都很驚訝，沒想到平常的中菜晚飯會有這種效果。味道方面羊架比魚更出色！很多時候即使是西餐廳也拿捏不好羊架的生熟程度，想不到在這裡的羊架熟得剛剛好！咬得開又不會有血水，啖啖肉，沒有什麼肥膏！和魚一起炒的菜也很特別，之前沒有吃過甚至沒有見過，問一下侍應才知道是餐廳從外地進口的菜，叫四角豆；質感比較硬，有點爽口，咀嚼後有

朋友喺外國返嚟約佢見面 ，而我自己又忽然間好想飲茶食點心 ，約喺旺角等我搵咗一輪卒之畀我搵到八月軒 ，諗住大集團應該唔會差得去邊， 正如我標題講嘅一樣， 中價中規中矩 唔好抱太大期望去食係冇問題嘅三個人點咗一咋點心 飲茶最開心就係嗌到成枱都係蝦餃正常水準，個皮略嫌厚咗， 鳳爪味道可以，特別之處係用柚皮做墊底夠傳統抵讚， 春捲腸粉好味， 灌湯餃係點心裏面最好嘅一樣， 鵝肝鮮蝦春捲，鵝肝味唔多， 上枱熱辣辣點埋個wasabi沙律醬都幾好味嘅 鹹水角等咗好耐先上枱點知係凍嘅 雞扎都係普通貨色， 不過好在佢仲係用火腿唔係好似其他啲酒樓咁比舊蟹柳你 仲有蘿蔔糕都冇影相，酒樓嚟講佢杯茶確係幾香幾好飲㗎至於服務方面，基本上嚟講係沒有服務 埋單四百幾蚊 ，不過賺咗兩個鐘頭泊車， 不過不失啦

同兩位好姊妹食飯慶祝生日， 其中一位姊妹介紹話八月軒的小菜幾好味！ 咁唔使諗啦！立即book枱！當日星期五準時七点正到達，立即有位，不用等。抵贊。但當入到去， 找不到侍應帶位，有点迷惘！约數分鐘後終於搵到人幫手，立即坐下！ 當晚叫了三個小菜， 黑松露煎銀鱈魚， 咕嚕肉， 雙蝦芥蘭煲， 味道帶点鹹，但幾好味！之後再叫了三個花茶。味道帶甜，但幾好味，可惜花茶到了很久，但沒有侍應埋會給我們杯子。最後終於搵到位侍應取杯，但佢竟然答話無時間， 叫我哋繼續等！！好好笑！ 我的花茶是熱的，有蠟燭熱住，我們等到蠟燭都快燒完了，杯子還未到！最後 我們多次催促先給我們杯子。 但都不是花茶專屬的杯子！很失望！ 真心待應服務麻麻， 態度很差！

差不多半年時間無嚟八月系列中菜晚餐，今日再到「八月軒」，原來已有點煥然一新，所有餐具枱布換了、menu轉了、價格亦一樣加了！一坐低未點茶已sell那杯七、八十蚊嘅兩款飲品，轉頭第二、第三個又再sell，大概餐廳務求要促銷這杯貴凍飲，但環顧四周只有一兩枱客點了，真的完全零意欲，加上不段的hard sell 有點反感。看看新餐牌，餐廳又似乎想進一步製造八月系列係中菜fine dining之選，價錢升了、選擇亦不及以往貼地，很艱難下揀咗今晚多菜少肉菜式：白灼味味俱全(配香辣汁)：超清淡的一道灼蔬菜，但配上香辣汁都唔覺好相配，淡口素食一族應該鍾意，我就有所保留。溫泉蛋紅菜頭沙律：份量少，而紅菜頭薄片亦唔太鍾意，普普通通啦。湯浸南瓜花翠苗：原來係"南瓜花"不是南瓜，沒有特別但都ok。燒味雙拼(叉燒+油雞)：份量超少，要求雞胸卻真係只得相中的兩件雞胸，味道可以但誠意欠奉！原條香茅炆海斑：原本味道都唔錯，似廣東泰式口味，可惜海斑唔多新鮮，失色！極品醬油炒飯：簡單的醬油炒飯係最好味！一間餐廳的革新原意係好，但現在的八月軒「色香味」中，似乎過份著重「色」，味道、份量比前遜色、價格卻上漲，還要入座限時90

一向走中高價路線的八月軒，市場定位非常清晰、所以每次飯局一定happy happy。富貴雞這一道傳統江南名菜又叫做叫化雞，食之前要先用手握錘仔敲打一下外面焗得金黃色的麵糰，然後就會見到荷葉包裹著主角富貴雞的真身。雖然不是超香濃，但都會聞到有雞及荷葉香味。今次烘焗的時間要拿捏得幾準確，如果焗得過火就會令雞肉流失水分而變乾、令雞肉過於軟腍，失去嚼勁，口感不佳。味道應該用了八角、花椒及桂皮把雞調味，加上了鮑魚及花膠。朋友都大叫 大滿足！很久之前，食過用埕頭泥或塘泥裹住來焗的富貴雞，焗出來的雞特別香，可惜現時由原材料及成本問題、現在已經一雞難尋。

今日係「七夕」，係中國嘅情人節，所以我們去咗朗豪坊戲院睇完戲之後，去咗「八月軒」食晚飯！一坐低店員就同我們講話喺星期一至四用美國運通白金信用卡有65折優惠，咁啱今日係星期一，所以我們可以用到呢個優惠！我們叫咗露筍山藥炒藕片嘅藕片相當清甜爽脆，而且份量都幾多，最好嘅係唔會有好油膩嘅感覺！薑蔥龍蝦煎米粉嘅龍蝦主要係得殼，無乜肉，祇係得一兩「嚿」到，而煎米粉煎得一啲都唔香脆，食落嘅質感係極之腍身，而且芡汁嘅味道亦比較鹹！豉汁帶子蒸豆腐嘅豆腐超滑溜，舖面嘅帶子亦好爽甜彈牙！粥水鮑魚公鷄窩係用鮑魚同鷄再加埋粥水一齊煲煮，所以鷄肉嘅肉質好嫩滑，另外再加咗啲胡椒，可以更加帶出鮑魚同鷄嘅鮮味出嚟，真係幾好味！海參花菇陳皮鴨嘅花菇好軟滑厚身，海參嘅份量唔算好多，鴨肉嘅肉質亦比較鬆散，至於芡汁嘅味道就啱啱好，唔會好鹹！

八月軒而家D碗碟好似我早前去尖沙嘴嗰間唐人館既碗碟一樣，提供非常精緻既碗碟！我係八月軒既熟客，對於食物既質素感覺日增無減，越來越喜歡八月軒既環境，價錢開始貴少少，但係仍然係非常好好既餐廳，CP值高既餐廳，仲有Free Wifi，食完順便上去入分！當中經理成日推既飲品，HKD78蚊，心諗試試無妨，我飲完既感想係，OK啦，價格係的確貴少少，但係一杯野成1公升咁大杯，可以share比三個人分都算好玩，杯入面仲有好多水果食！最後強烈推薦八月軒既奶黃包，超好食！