八月花 (已搬遷) 新店位置

枱好迫，好嘈，感覺好似去咗大排擋咁，待應人手不足，叫極都冇人理。 茶壺放咗好耐冇水，想叫待應沖水都難。食物質素較差，唔好味，感覺到係零誠意.......真係總括咁多唔好嘅地方，真係食龍肉都冇味。叫咗個滑豆腐，薄到’北‘唔起，同一’北‘就散。問待應有冇炒飯或者麵類，竟然回答係’餐牌冇寫嘅，你想要咩炒飯呀？講啦！’.......咁大間餐廳係九龍塘嘅商場入面，咁嘅回應，簡直係令我呆一呆呀！原本想叫甜品食，但食完餸菜後，都唔想再試甜品喇！

今次黎到九龍塘的八月花同友人食晚餐!醬油炒飯 - 炒得唔錯，醬油味唔重，味道適中份量都幾多! 素翅 - 普普通通呢個蛋！見到隔離台叫左，就覺得好香！再即刻叫左！ 最後都唔知呢個蛋叫咩名但，勁好食！唔係熟蛋，呢個生熟度岩岩好！101鮮果拿破崙 - 好多層酥皮，而且層層都唔同水果士多啤梨、藍莓、蜜瓜、菠蘿，仲有香濃吉士酥皮非常香脆鬆化，岩晒鐘意食酥皮既你！好足料！睇見都覺得好飽！呢個份量應該係4人份量！

同朋友去左Festival Walk shopping，之後決定係商場八月花晚飯，好彩我們早到一步，坐低不久已看見外面大排長龍攞飛等位。我們四人決定每人叫一款湯潤一潤南瓜蝦皇羹 翡翠魚蓉羹 鮮鮑魚黨參燉土雞原粒瑤柱菜膽燉花菇湯飲完湯之後，我們就點了幾個小菜和炒飯：1. 極品醬油炒飯2. 粥水鮑魚公雞煲3. 一常素願(炒清齋)4. 鬼唔搭八春卷5. 金沙翡翠豆腐6. 拔線石榴咕嚕肉因有AE白金卡，四人同行有75折，抵食👍🏻

話說今日下午請左半日假，諗住同家人出九龍塘飲餐茶食個午飯啦，點知去到依間八月花見門口都有好幾枱人等位我都要等十幾二十分鐘先入得去。八月花既食物種類都多，小菜及點心都有，其中亦有不少新派中式點心，不過我就只叫左一樣。我先俾大家睇下我地叫左啲咩食啦👇大家都見到其實價錢唔平架（小點：26，中點34，大點38，茶芥14/位，前菜：16），不過考慮到地段因素，坐得幾舒適（我地坐卡位，張枱好大，梳化亦好寬敞），同埋食物質素佳，整體都值既有點奇特既係，佢干炒牛河同埋蛋白岩米桶仔飯反而上先，其他點心就後上，不過唔緊要，因為佢每道菜都好似即整既，熱烘烘的干炒牛河有分大碟及細碟版本，依個係細碟，但有啲後悔，應該叫大碟先岩，因為佢好好食，好夠鑊氣每人食一碗仔已經無左了，真想再叫桶仔飯味道較淡，唔油膩，好健康叉燒包比一般出面茶樓既細啲啲，但內裡叉燒夠，汁味濃，係好食既叉燒酥亦做得出色，同叉燒包一樣，內裡叉燒同汁味濃，推薦依味其實我無食啊，不過家人話都好食，軟綿綿似的。最後依味酥皮龍蝦湯鮮竹卷就係唯一一味我地叫既新派點心見佢送個龍蝦湯好得意，先講鮮竹卷，較出面酒樓比較，皮薄香脆，令整體上無咁油膩，味道就差不多。

今天星期日打八號風球，酒樓應該會少人吧！於是，同爸媽去飲茶！果然不出所料，包咗大半個塲，還可聽到悅耳的輕音樂，真不錯！可惜，此現象只維持了半個鐘🙄😅點了蝦餃（皮夠薄，味道一般）、珍珠雞（部分糯米唔熟，生生地）、煎蘿蔔糕（縮咗水，蘿蔔糕薄咗又細件咗，感覺好像美心MX早餐的蘿蔔糕）、叉燒腸粉（粉皮夠薄、叉燒足料，但味道都係不及從前）、土魷滑燒賣（土魷無味）及 豉汁斑腩炒河（斑腩勁腥）經此一食，應該無下次，除非又打八號風球，貪佢近近地！

前晚約了仔仔的同學連家長一行51人，在這裡訂了4圍枱，入到去小朋友（小一學生）們要坐埋一齊，有一圍枱只得3個大人，上菜時侍應生在隔離枱將預先食物分成12份，再分給小朋友，服務超細心，值得一讚。加上食物質素很好，由前菜到甜品都很有水準，小朋友都食很多，萬分滿意的一餐，讚。

男朋友生日，我join他好友一齊替他慶祝生日。他朋友選擇了八月花。我第一次來。味道不錯！龍蝦湯 - 第一味，湯濃，味厚，正！牛肉沙律 - 牛肉很juicy，加上沙律，吃下去夠味，又fresh！大蝦 - 蝦很大隻，分兩半上，汁濃，不是乾煎的，好味！冬菇海蔘娃娃菜 - 個人很愛吃娃娃菜，冬菇海蔘都喜歡，整個味道不錯，味道滲入汁！小食三拼 - 叉燒、燒鵝、青瓜三拼，味道ok，青瓜最fresh！拔絲咕嚕肉 - 男友指定要點，咕嚕肉夾起是一絲絲的。但今次個個都說差了，首先賣相已不如之前，肉小了一半size，而且沒有一絲絲連起。我沒口福，未試過之前的。只覺得配石榴很特別，清甜，但肉確是小。扒翡翠苗 - 翡翠苗有股菜生味，確不是人人喜歡，所以有朋友說不太喜歡。而我個人都ok，只是不是特別喜愛，因為口感一般。蒸魚 - 蒸魚不錯，時間剛剛好，只是愛魚如我，人多分來吃，不太夠喉。魚子蟹肉伊麵 - 好味，蟹肉加上伊麵，很濕潤，很好味，唯一缺點是濕了些，乾一點會更好。炒飯 - 乾炒飯，我沒試到，已飽。雜果拿破倫 - 主角出場，以雜果拿破倫作為生日蛋糕，特別！有士多啤梨、藍莓、芒果。蛋糕太大，方便處理，我們先分

假日黎行街 順便食下午茶，黎到呢到好多人排隊，兩個人等左半小時左右大大碗，不同一般茶樓叉燒酥有淡淡檸檬香味，感覺好清新，食落不太漏～春卷裏邊有好多餡，食到有雞肉，出邊酒樓好少會有呢個餡。好脆有大大粒冬菇 好足料

手執 American Express 信用卡，晚飯多數也會以美心集團作首選，因為半價的優惠實在太難以抗拒了。今天在又一城逛街，不用想吧？當然是去八月花晚飯吧。雙蝦蘿蔔糕 (原價 $138)。蝦球很大舊，而且還爽口彈牙。蘿蔔糕大大舊，煮得夠稔又入味。還有蝦乾在上面，十分惹味。還點了個健康的一常素願 (原價 $88)，腐竹，馬體，雲耳，豆卜，娃娃菜和荷蘭豆等等。味道清淡，有十分豐富的營養蔬菜！最後還吃了甜品芭菲香蕉三弄 (原價 $32)，賣相十分吸引！是班戟包著香蕉在裡，有雪糕球在上面。班戟十分鬆化軟熟，非常好食吃。正價也後掋食呢。半價後只需每人 $100！

今日男友生日, 他最愛中菜, 但不想吃傳統酒樓, 所以特意帶他來八月花吃晚飯。是晚我們接近9時到達並立即被安排入座, 坐下片刻後先點了三道菜, 點了脆脆BB豬, 白灼響螺盞和粥水鮑魚公雞窩。點菜後幾分鐘, 服務員首先通知BB豬售罄, 當下已有點掃興, 為什麼點菜時不告知? 因為男友最愛的BB豬沒了(全部乳豬售罄), 於是改要燒味三拼。心想叉燒, 油雞和燒鵝都是基本的東西, 很難出事吧！如是者又等了幾分鐘, 今次換部長前來通知說沒有鮑魚。好吧！我們都忍! 於是打算點一口牛柳粒, 但未點已獲第三度通知, 原來連叉燒都沒有! 天啊! 有沒搞錯! 在又一城這大地標內的酒樓, 只是9時多已什麼都沒有! 那乾脆提早關門吧！我倆都很生氣, 本來一心慶生, 但當下心情直跌谷底, 最想吃的沒了, 退而求其次點了次選, 亦沒有! ? 最後我們立即起身走人, 臨時找別家餐廳吃晚飯, 弄得男友整晚沒心機, 這家永沒下次! 今年的生日, 完全被這家不知所謂的八月花破壞了！

美心中菜其實好多, 但係食來食去啲野好似都差唔多. 今次去又一城試下八月花. 佢啲野食有啲似Fusion菜, 樣樣都有啲, 但係又好多都係粵菜, 今晚三個人去食飯. 其實都已經食過好幾次. 覺得個BB豬都好有水準. 喜歡食乳豬既真係可以試下. 人多就可以叫一隻, 反正一個例就4件, 一隻就16件. 識計數既其實就睇你有幾多人去食. 包羅萬有係我第二個推介, 呢個自己整都要好多功夫, 出街食就睇下煮得好唔好. 食過幾次都覺得個師傅KEEP到先寫呢個食評. 但個人認為佢可以放少啲味精會更好.

昨晚去八月花晚餐，待應態度差，發脾氣，真令人失望！事緣我地的枱面已無位放來的食物，我地要求稍後才上，但那待應卻想將那很熱的窩放在枱面。我們有個三歲的小朋友就坐在她想上菜的位置，於是便說這樣會很容易燙傷小朋友的。那待應卻發脾氣，將那窩飯大力放在預備上菜的枱上，更說唔知其他同事會將窩飯拎去邊！再講，晚餐只可吃個半小時，待應卻不斷提我地幾時夠鐘，真係好大壓力！如果當初訂位時有講只准吃個半小時，我地一定不會來！食物方面，BB豬很鹹很鹹，要喝很多水啊！沙律的汁又非常酸。青瓜條的汁又係好鹹好酸。最好味就係個炒飯，其他野食都太重口味了！

太久沒吃中菜，特地到了九龍塘吃八月花，因為該集團的中菜一向有點保證。晚上八時到，等了半小時才入坐。快快點了食品、湯和飲品，便乖乖等上菜。最快上的竟是迷你桶仔飯，飯夠香味，不會太軟或太硬，不錯！之後，便到飲品，水果茶和芒椰，這兩款沒甚麼特別。脆脆BB豬的肉不多，但皮真的很脆，配上酸酸甜甜的沙律，很開胃然後是龍蝦湯蛋白燴燕窩，濃濃的龍蝦湯味，配上一粒粒的燕窩，好味，差點跟友人搶了起來再上菜，上菜次序有點怪怪的洋蔥頭焗骨，配有焗南瓜，味道很酸甜，配飯一流！最後的是炒鮮奶，蝦仁大大粒，也很新鮮！總括來說，它的中菜與一般餐館的不同，想吃點特別的中菜，又不想有味精的，可以嘗嘗這間

食物不錯菜式很好，但是經過幾次，叫好多樣都冇，呢樣冇，個樣又冇，結果有乜呀？叫少啲慳返！我叫佢地如果你冇唔好唔擺上菜單，或者取消佢啦！所以如果你哋去食飯預咗有啲餸菜係冇嘅！魚榚好特別，BB豬好脆皮，和牛沙律開胃好味道

今晚係度食晚飯，七點九去唔洗等位，餐廳七成滿左右，大把抬係度諗住有張舒服啲嘅枱，點知個阿姐就俾張對正門口我哋😓，我問吓可唔可以轉，佢話可以⋯點知入面係大把位，十張枱坐四枱人，menu又俾左lunch menu😅極度懷疑佢係新來嘅🙄兩個人諗住食好啲，睇完menu想叫龍蝦，點知話冇，仲要理直氣壯，唔好意思都冇句，乜唔係應該坐低左比menu嘅時候就應該要講架啦咩?好失望，唔知點解佢哋唔早啲講🤔話晒都係招牌菜式，算！個醬油炒飯勁唔得，啲飯係爛嘅，同我係海港城八月居食爭好遠⋯其他個三個都可以。