八月花 (已搬遷) 新店位置

- 本席 6人餐包括 ：炭燒半熟安格斯牛肉沙律，龍蝦湯蛋白會燕窩，上湯焗加拿大龍蝦伊麵，清蒸游水沙巴龍躉，米湯蟲草花藜麥浸菜苗，慢烤脆香茶燻鴨，蛋白金屬岩米炒飯，101鮮果拿破崙, 另再散叫鮑魚花膠富貴雞。1. 炭燒半熟安格斯牛肉沙律： 安格斯做得好出色！！ 食到真係有炭燒嘅味道。2. 上湯焗加拿大龍蝦伊麵： 龍蝦大大嚿、啖啖肉，爽口彈牙。3. 米湯蟲草花藜麥浸菜苗： 平淡嘅菜苗上面加咗啲藜麥，成個健康指數爆曬分！！ 再加埋蟲草花，覺得好補。4. 慢烤脆香茶燻鴨： 感覺好似食片皮鴨咁，係另一種嘅食法，幾特別。5. 101鮮果拿破崙： 層層嘅拿破崙，每一層有唔同嘅鮮果，有藍莓、芒果、菠蘿、蜜瓜、士多啤梨，加埋上嚟好清新。6. 鮑魚花膠富貴雞： 呢個係限量嘅，所以要打電話留定就包有得食喇，呢個本身係乞衣雞嘅做法， 外面就用咗個好硬嘅麵包嚟做，入面嗰隻雞啲肉係化開曬，有四粒鮑魚， 有冬菇，有瑤柱。_______________________地址： 九龍塘達之路80號又一城G層25號舖

今日叫左個切雞及芥蘭，切雞十分之鞋，芥蘭像樹幹一樣粗及有渣。另外叫左碗白飯，個碗有漂白水味既，反胃了，冇哂食慾。之前食過沙田分店其實冇問題的，沒想過九龍塘店可以如此差，真係好失望又浪費金錢。如果只係茶記既價錢我是絕對唔會花心機留下負皮的，但這個價比這種菜色，我認為應該提醒一下大家避免中伏。要寫下二百字先可以留下一個負皮，咁我再講講餐廳既環境好了。頭坐低到離開餐廳，全程都是職員收碗碟的”餐餐”聲，十分吵耳，總之整個過程都好不安。以後唔去了👋🏻👋🏻

不常只係去飲菜, 晚飯小菜係第一次! .洛神花黑豚肉排骨 $108🌸 蜜餞洛神花炒黑豚肉排骨 🐖 排骨肉嫩滑, 用料上乘! 當季洛神花酸酸甜甜, 解肥解油膩! 雖份量唔多, 不過賣相及美道非常好! 芝士燴大蝦煲 $158🧀 濃濃的芝士醬, 一打開煲蓋已經聞到超級香! 3隻開邊大蝦, 新鮮爽脆, 蝦肉嫩滑 🍤 包滿芝士醬! 底下配有紫洋蔥及泰國椰菜仔, 惹味! 😋 食晒都仲有好多芝士醬! 😁生菜包唯一份量比較多的一碟! 😁 好多豆角粒 & 肉碎, 只係唔夠辣! ...未試過生菜包嘅餸係切到咁大粒嘅 😂😂😂極品醬油炒飯 $108😳只有醬油 + 飯 (珍珠米)......甜甜哋唔咸, 粒粒飯粒飽滿, 不過超油膩!

由於朋友由外國回來, 所以相約出來一聚! 此店位於九龍塘, 飯聚當晚雖然是平日的晚上, 但過了7時之後已經要等位輪候, 幸好之前有book位, 所以不用等候!!友人叫了一壺人蔘烏龍茶,雖然要額外加38元, 但茶味清幽, 唔錯! 叫了一個炸蝦球, 雖然只有5件，但每件都份量十足, 味道亦唔錯!另外, 豬手鮑魚亦煮得不錯, 豬手和鮑魚都很入味, 幾好食! 至於其他小菜都合乎水準, 不過一口牛好真係敗北之作,很韌唔夠腍, 要咬很多口才能食到, 亦引致肉絲黐牙情況的出現!!!Anyway, 環境舒服, 服務都可以, 食物份量精緻，但都算好味!

酒樓點心常令人有一種油膩的感覺，而且滿口肉，但今天我要改觀了，舊同學因某些原因在數年前開始成為素食者，她今天竟然約我在九龍塘八月花飲茶聚舊，我初時還以為自己弄錯地點，真的不敢相信她會選擇在酒樓醫肚，而不是素菜館呢！或許顧及我這個肉食者吧。細看點心紙，原來真的有不少適合素食者的點心，看來無肉不歡的飲食文化亦漸漸被多菜少肉的健康模式而取代了，這也是一個不錯的轉變。最後我們點了竹笙上素腸粉、白灼田園芥蘭、黑醋素芳和茶居芝麻卷。熱騰騰的蒸腸粉，香滑軟薄，散發陣陣米香，配以爽口的竹笙及菇菌，味道雖淡，但絕不遜於我平日愛吃的叉燒腸，對我來說可算是一種新嘗試。白灼田園芥蘭不過不失，芥蘭清甜無渣，合時宜；至於黑醋素芳則有少許失望，腐皮經油炸後較多油份，即使有黑醋中和，亦要大大扣分，但同學為它平反，話往日她是最愛吃這款點心的，並沒有這麼多油，今次可能是廚師失手，不在狀態之作而矣。精緻小巧的茶居芝麻卷像極舊式的菲林卷，咬落少少煙韌，芝麻味香濃，甜味剛剛好，作為最後結尾的一道甜品，感覺非常滿足。

同屋企人黎做節，睇外面好靚，都諗d食物質素都不錯啦，點知抱太大期望了🤦🏿‍♀️。其實最初的感覺良好，精美的茶壺及美味的前菜，但之後就。。。有好有唔好。。。這碟叉燒的外表幾好咁，但咬第一口時，就覺得有無咁硬呀😥😥。而呢個叫冷•脆•香 就正常d。呢個青擰奶油汁拌黄魚個外型都幾靚，但個味道就見仁見智啦。薄荷牛肉炒菜遠、蟹肉炒黄埔蛋、同埋洛神花照豚骨就正常，無咩特別。最後的炸子雞皮夠脆，都算ok。不過到最後埋單時發現點解隻雞要成$288，我頭先食左一隻雞嗎？如果我相中真的是一隻雞就真係好貴😱😱😱。我重複又重複咁睇返我影張相，再比呢張相這裡的員工看，這是一隻雞嗎？相中只有一隻雞比同一隻雞亦，會等於一隻雞嗎？？再比經理看我這張相片，經理一看已回答係半隻雞😑😑😑，最後都幫忙改返張單。

浸會醫院探病， 到九龍塘站又一城覓食， 決定飲茶，試吓五月花美心集團旗下， 叫咗煎釀三寶，棉花雞，芝麻卷，蝦餃， 煎釀三寶蝦膠打結實有質感，調味都好， 胡椒粉豉油糖調味得合適 ，附有淡豉油汁， 可惜，煎豆腐有用翻炸多次油痕跡， 沾滿左翻炸油黑點點， 賣相肉酸 。 棉花雞 內有三塊雞胸肉， 雞胸肉入口唔會太實， 第一次食到棉花雞竟然係加咗馬油，好多集團，我都未試過會落麻油，不多不少，反而出奇地好味 ，引起食慾。 芝麻卷除咗大會堂同深水埗食過 滿意 ，呢一個係我真係覺得好好食和滿足滿意的，非常之濃味芝麻卷價錢35蚊三條再要加一，但係真係物超所值 。 蝦餃 可以接受，但係我呢一籠蝦餃，蒸好放置 太耐有倒汗水，引致個皮沾濕 。 美心集團旗下呢間樓面員工上下都做事快手普遍都達到標準這一點真係令我有啲奇怪連大會堂服務都唔及佢哋 。可能今次我好運氣嗎？！

親戚從外地來港約飲茶，為了方便大家，約了在九龍塘又一城八月花飮早茶。由於是假日，不設訂位，在門口排到籌也要超過一半人才獲安排入座，入座後限一個半小時結帳，限制多多，但仍其門若市，大排長龍，我們十一時多去到，等了近一小時才能入座，時間緊迫，閒話暫休提，立即選擇點心粉麵，三、四十元一碟，説貴也不是，但大多得三件，我們五人不夠分，限於經濟效益，我們選擇叫多幾款，共同享用，分甘同味。煎蘿蔔糕叉燒酥原粒菠蘿包牛肉腸粉沙律炸蝦角炸春卷棉花雞豉汁鳯爪肉絲炒麵乾炒牛河款款點心都不錯，但也不是特別出色，那麼多人光顧，主要是地點好，交通方便吧！

平日等阿妹放學同佢一齊食飯，平時經過都已經見到好多人咖啦！裝修又靚，環境舒服，服務又好所以今日就嚟試一試！鮑魚豬腳煲鮑魚份量都好多，而且大細適中，都非常之新鮮！而豬腳方面唔係話特別林，啱老人家食不過啱晒我哋啲後生，豬腳唔係話特別入味不過整體來講都唔錯上湯豆苗肉碎豆腐呢兩個餸都比較清淡，上湯豆苗入面仲加咗啲瑤柱碎^_^個上湯係用雞湯嚟煮，我連啲湯都飲埋正！肉碎蒸豆腐味道偏清淡，唔會好鹹但又夠味！肉碎冇煮到鞋晒豆腐又非常之滑？食到停唔到口啊！整體嚟講非常之好由服務到菜式都非常之吸引

<遲來的父親節飯>帶了爸爸來吃八月花我這個不孝女點了爸爸不吃的牛一行六個人嚟點了好幾款菜式希望可以同大家分享下食後感安格斯半熟牛肉沙律$248煮法特別 後面的配菜是洋蔥、三色椒 酸酸地既感覺 令人食落忘記牛肉本身的膩！個人覺得兩人拍拖都可以叫呢個餸食 再加碗白飯 甘又一餐😝😝😝避風塘黃金脆番薯🍠都係果句咋得來一啲都唔油食落去好香脆✌🏻只係＄48咋其實真係算係抵抵食過日式天婦羅芝士燴大蝦煲$158芝士好香好濃見到啲芝士漿住啲蝦令人食指大動🙀食完啲蝦仲餘下好多芝士可以用來送飯 呢碟餸我大推！👍🏻洛神花黑豚骨 $108不過不失洛神花無乜味可以唔點呢個餸😼炸子雞 $148半隻提供檸檬汁、華鹽作配料之用屋企人都好鍾意檸檬汁，因為可以去咗炸子雞本身嘅油膩感🤣你就鍾意用華鹽，將炸子雞本身嘅味道帶出嚟，炸子雞識落更加香口😎😎😎乳豬三拼 $198據說八月花嘅燒味好出名，特別係BB豬🐷不過我就覺得可以唔食燒味，因為冇乜特別留番啲quota，食呢度其他嘅菜式吧🤗菠蘿蜜咕嚕肉$108價錢唔算貴咕嚕肉嘅汁，味道不夠，沒有咕嚕肉應有嘅酸酸甜甜感，唔會令你食完既刻想食下一舊。而且肉質唔夠新鮮，再待改

因為工作關係提早食父親節飯難得ㄧ次家庭敍會, ㄧ定要找間舒服, 中菜店食飯, 今次就選 "八月花" 試試。入到店内, 店員態度好有禮貌 因為有老人家, 所以幫我安排近門口位置, 放便出入在點菜其间, 店員發現我們點了三款菜式都有蝦, 所以店員都有提醒我 (好窩心)最欣賞 "澳洲火焰金紗骨", 是用白酒淋面之後用火燒 , "芝士燴大蝦煲" D芝士多到, 澳洲松露盨 M5和牛炒飯澳洲脆皮走地🐷, "雙蝦蘿蔔糕", 紫薑脆蝦球, 雞樅菌醬炒帶子, 不ㄧ樣白灼響螺盞, 最後當然來個甜品 "鮮果拿破崙" , ㄧ頓完美晩飯

是日昕昕爸爸親戚嫁女擺酒，因為新娘子係長期外國生活，新郎係台灣人，所以主要宴請女家親朋戚友(^_-)餐牌設計係一對鳥，感覺特別~~~ 等到晚上八點半終於開席，一開始當然上乳豬—滿堂金豬耀星輝，個人覺得幾好食，咸度可以輕DD，不過要自己吐骨係麻煩，昕昕用手拎住骨位食D肉= =" 百年好合玉帶蝦球，幾好食，近來食得鮮蝦太多，所以硬塞俾昕昕爸爸食 多子發財瑤柱脯，有我喜歡的髮菜和溫室豆苗，我真係食過唔停=] 酥炸百花釀蟹拑，其實去任何地方食感覺都係咁，唯一特別係中間的硬糖花好靚，但冇人會咬開來食~~~ 紅燒津膽大排翅，其實翅唔算明顯，反而覺得菜明顯多D~~~ 原隻南非鮑魚扣海參，鮑魚和海參肉質夠軟熟，由於上菜時我帶咗昕昕去洗手間，所以只能影到分咗每人一碟的版本~~~ 清蒸原條大星班，勁大條，好在肉唔會老~~~ 當紅一品脆燒雞，由呢個位開始又係我收口的時間，始終我唔想飽到未完全消化就走去瞓覺~~~ 美滿鴛鴦雞絲飯~~~ 高陞水餃伊麵~~~ 雙喜臨門美點，我食咗一件蛋糕，昕昕就食咗五年，因為蛋糕係士多啤梨慕絲和朱古力蛋糕，另外果款貌似慈菇椗（其他人講我先知），寓意生個男仔，

平日lunchtime 想近近地去又一城食飯，但係一到lunch time 就好多人，如果冇時間早d 出黎搵位，又想坐得好d ，開開心食個靚lunch ，我就會揀去八月花，雖然都幾多人等位食飯，可能都要等一等，但間餐廳都比較大，多台所以都快有位。我自己就鐘意食八月花名點之一，雀籠點心。裡面嘅點心真係唔講得少，用料好足，我必食就係 燕窩雞蛋撻，幾特別。食個好d 嘅lunch 跟住做野先會得心應手，每人平均$100幾蚊都接受到的

今日慶祝媽媽生日，所以一家人食飯，揀jor中間點九龍塘既八月花。本身俾佢外面裝修吸引去食既，但係食完都幾失望。首先我當日book台，去到佢竟然俾個茶水間隔離既位，然後啲人泡茶遞水周圍轉，講真食飯環境認真麻麻。然後嗌上黎既菜味道真係超級普通，但係勁貴。我地嗌jor個魚（唔記得咩名），啲粉勁厚，同埋食得出啲魚其實冰鮮，唔新鮮。比較好食既係咕嚕肉🤦🏻‍♀️ 心諗我比咁多錢食你一餐家常小菜仲要味道麻麻。由於生日，我地買jor東海堂蛋糕。因為大家都係美心集團，所以所有東海堂美心蛋糕唔會額外收切餅費。不過下次都係不了～美心西餅啲飽就越黎越差，唔止空氣咁簡單仲難食；估唔到外貌是正既八月餐廳都得個殼。

老父患上絕症，生命正在倒數，希望盡量帶他出街吃飯，与親友朋友見最后一面，一行六人，2人提早去拿位，竟然要求要半數以上才可入座，而我們1人開車，2人要照顧失去行動力的父親上落車，以及收推輪椅，等輪椅來到，已无可入座之檯，多番要求，才好不情愿的給了一張10-12人大檯，此時，心情和胃口已經大打折扣，一顆孝心，也隨之變成了煩燥之心情。八月花的管理層，是否應該考慮一下，生命的意義，生意的真締，人性化的服務，才可讓一間餐廳立於不敗之地，如此之服務，相信八月花好快就會凋零！如此情況之下，已經食之无味，也沒有心思影下食物相，為顧及老父的心情及朋友的情面，故作輕松，柯達了$1200幾元的食物(午市)，總体食物有化心思，有點新意，但份量太迷你，定價不菲，招牌BB豬，又凍又硬，又无肉，總体食物只能算中等，相信只能是昙花一現，一試可以，一定不會成為經典。最后一提，該餐廳沒有設置无障礙通道，輪椅人士无法去廁所。由于老父体弱，一行六人匆匆埋單。不會再有下次。