八月花 (已搬遷) 新店位置

今日慶祝媽媽生日，所以一家人食飯，揀jor中間點九龍塘既八月花。本身俾佢外面裝修吸引去食既，但係食完都幾失望。首先我當日book台，去到佢竟然俾個茶水間隔離既位，然後啲人泡茶遞水周圍轉，講真食飯環境認真麻麻。然後嗌上黎既菜味道真係超級普通，但係勁貴。我地嗌jor個魚（唔記得咩名），啲粉勁厚，同埋食得出啲魚其實冰鮮，唔新鮮。比較好食既係咕嚕肉🤦🏻‍♀️ 心諗我比咁多錢食你一餐家常小菜仲要味道麻麻。由於生日，我地買jor東海堂蛋糕。因為大家都係美心集團，所以所有東海堂美心蛋糕唔會額外收切餅費。不過下次都係不了～美心西餅啲飽就越黎越差，唔止空氣咁簡單仲難食；估唔到外貌是正既八月餐廳都得個殼。