八月居 (海港城) (已結業)

12/8 晚上在海洋中心吃奶奶生日飯, book 了位, 所以立即有位, 要不是便要等. 八月居給人的感覺是比較高級的中菜, 而且位於尖沙咀海洋中心D租實好貴, 所以價錢也不會平, 不是其他稻香級數的中菜可以比美. 我以為會比較安靜, 可以慢慢坐及傾計, 點知星期三流流, 都好似稻香咁嘈. 可能是樓底低的問題?食物方面都幾精緻既, 不過另一個說法就是細碟, 吃不夠飽. 也有些上海菜式較為特別的.價錢方面就不太記得因不是我比錢. 但是有用信用咭優惠, 有一個menu的菜式, 可以用Hsbc咭有折. 

收工已經好肚餓。。 諗起美心有間中菜喺海港城。。。 。。。而且信用卡有discount, 地點都方便。。 咁就去睇下多唔多人啦。。去到都係等左五分鐘。。 好快就有得入座。。 兩個人就好興奮喺到睇menu, 好多野都想試。。但係得兩個人。。 就要揀一啲最想食既。。。 咁我地就揀左五樣野， “清爽正”， b b乳豬， 一盤齋， 點心雀籠 同迷你桶飯， dessert 就叫左楊枝金露同吾中吾西，食物其實都不過不失。。。 不過所有食物都唔熱，令到食物失色不少，所以個頭盤 “清爽正” 相對嚟講係唔錯既。。。個齋不過不失。。清清地。。。 係唔夠熱個點心雀籠, 睇menu 好似好好味咁。。。 不過嚟到已經唔熱。。 啲酥皮同炸既凍左之後， 咬落去就會覺得好油， 啲蝦餃還可以。。 燒賣個帶子完全比啲肉搶哂啲鮮味。。 另外個齋餃因為唔夠熱。。個皮開始硬。。 入面啲紅蘿蔔太老。。 太多。。 味道一般呢個迷你桶飯唔錯。。 是日既亮點。。 佢好似糯米飯咁。。 有啲雞肉同蝦米點綴下味道。。 估佢唔到!!睇個menu 話b b豬係推介。。 可以一試。。。點知。。 嚟到既時候。。 附送頭髮一條。。 其實都明白忙中有錯

一上菜好靚，乳鴿好滑，好香濃酒嘅昧道。乳鸽皮脆肉感好，好像剛燒起脆皮一样。桶仔飯細桶十口甘上下，食落味道好像糍米飯。個素菜清新可口，多款素菜有豆腐卜，荷蘭豆，腐竹。

約朋友聚餐，有book檯。其他的八月X都試過，今次到尖沙嘴呢間喇。因為真係覺得佢地環境好，好味又抵食。叫左10個餸左右，大部份都好細碟但味道滿意。特別個和牛沙律 ($2xx)，唔記得全名，但真係好好食！每位朋友試過都話好食，和牛入口即溶，下面既沙律就大部份都係洋蔥同蔥，朋友唔鍾意但我自己鍾意，所以差不多食晒。拿破侖其實就係好睇，食落淡而無味，中間既生果都非常求其，亦無乜cream。 

星期六去八月居試試他們的點心, 十二點幾到，因為無book枱，差不多等了45分鐘。早知去附近新開的Jamie Oliver 好過。最抵死係外面見到有枱又唔放人入去。兩人午餐點了迷你桶仔飯（$26)、叉燒餐包、雀籠點心（$198）同牛肉餅。迷你桶仔飯，一人分量，味道似荷葉飯，顏色亦似，味道偏咸同油。跟同集團的翠園個迷你桶仔飯好唔同，後者係蛋白蟹肉炒飯，味道較清。叉燒餐包，一碟3個，但size好細，似一般酒樓牛肉球size，包面塗了蜜糖跟放了少少應該係橙皮的物體，增加了點點清新感覺，但整體味道偏甜，勝在熱辣辣同新鮮，不過size太迷你。雀籠點心有鮑魚酥, 燕窩蛋撻, 蝦餃，素菜餃，炸芋角蝦，燒賣。各2件。鮑魚酥，原隻細鮑魚加上鮑魚粒放係曲奇撻皮上，味道偏甜同濃，好彩曲奇撻皮夠脆。燕窩蛋撻，清淡的燕窩加上酥皮撻令到整餐飯無咁濃味。蝦餃，不過不失，但size偏小。素菜餃，味道清淡，有菜有菇，正常水準。芋角蝦，完全唔得，凍冰冰，出晒油，唔新鮮，只是一團芋泥加條蝦尾，差差差！燒賣，無食到，但友人話正常貨式，無特別。牛肉餅，中㐲！一心以為係清真牛肉館那種牛肉餅，但實情係似壓扁的牛肉球再拿去煎，感覺粉

雖然聽聞八月居好耐~但一直都未食過.是日晚餐,雖然BOOK左位,但Walk In 都有位啵~可以食1.5Hrs(最終慢慢吃到LAST ORDER的)好~睇下是日晚餐食咩先由於母親節關係~期待既菜好多都無,選擇少左好多,得一張菜單*下次要試下今日想食又無得點既餐牌

是日出尖沙咀做檢查，閒閒哋都要等1-2個鐘，所以就同老公去左八月居飲茶。我倆都喜歡食點心，但小妹總覺得平時0既酒樓真係超嘈，你要靜0既，就要有番咁上下價錢，所以，小妹喜歡到八月x呢類酒樓。八月居係美心集團旗下餐廳，價錢相對地大眾化，食物有水準，而且唔會話超多人，唔會有好嘈0既感覺，係度靜靜哋食嘢嘆茶就最perfect。位於海洋中心0既佢，仲有室外選擇，可以對住個海景食。但小妹而加越嚟越怕熱，所以都係留係戶內涼冷氣,飲啖茶。由於去年先裝修完，所以新淨同光猛左好多，餐具都特別D。由於老公今日勁咳，所以全部叫D清淡嘢，完全無煎炸物。魚湯菜肉餃: 外皮厚度適中，好滑，魚湯好清甜，餡料個味係淡左D，但好0既地方係唔會搶左魚湯0既味道。當然，個魚湯唔係話勁重魚味嗰D，但一D都唔味精，食完餃再飲曬成碗都無問題。娥姐素粉果: 皮超薄，餡係蔬菜粒，好清新，唔會好似平時D粉果咁好重胡椒味，好似老公今日咁咳法，食多多都無問題。蒸鯪魚球: 唔咸，亦唔會好重胡椒味，加上有D娃娃菜墊，所以唔會好重味。幾個點心中個擔擔麵係最失望，本來見好多人都點個類似籠仔飯0既點心，但小妹諗住試下D無咩人叫0既嘢，發掘下…唉，但試

是日約了兩位友人聚會, 地點選擇了八月花. 週日晚上七時, 場內只是八成滿, walk-in也可入座. 一如以往, 場內裝修典雅, 私密度高, 可說是筆者喜愛的中菜館之一.是次點選了迷你桶仔飯(HK$25), 鍋巴醬爆銀鱈魚(HK$138), 三蝦燴有機豆腐(HK$118), 燒味雙拼, 上湯浸豆苗, crème brulee.迷你桶仔飯, 水準依舊, 充滿荷葉香, 正!鍋巴醬爆銀鱈魚, 味道始終不及怡翠軒, 鍋巴夠脆, 但銀鱈魚不夠嫩滑, 醬偏辣了一點, 汁也不夠.三蝦燴有機豆腐, 豆腐很嫩滑, 也有豆香, 味道佳! 蝦夠大隻也夠爽口, 但鮮味一般.燒味雙拼, 乳豬不及招牌菜bb乳豬的好, 應是材料問題, 乳豬脆得來但不夠甘香, 就是差了一點.上湯浸豆苗, 豆苗夠嫩, 沒有過青的情況, 滿意!crème brulee, 雖不算很滑, 但夠奶香濃郁, 也okay!AE 咭有折, 算是物有所值!　期待下一次的lawry.

多年以來都是美心旗下八月軒 (旺角) 和八月花 (九龍塘) 的捧場客，但是來自同一系列的八月居 (海港城) 卻一直未有機緣拜訪過。幸好 2015 年新的開始，願望終於得以達成。五時左右已經搶先在門外等候，等足接近半小時，終於可以如灌入座。眼見餐廳的門口位置相當細小，但想不到內𥚃原來別有洞天，大大話話起碼有四、五十張枱！不過座位多，但沒有服務員也是無用。我們耐心等待了十五分鐘，終於有侍應有空為我們落單。 脆脆 BB 豬, 3/5一如以往也是以脆脆 BB 豬打頭陣，乳豬皮如常酥脆，豬肉亦口感幼細，倘若再加多點海鮮醬一起燒，味道應該會更加好。 滋味蘿蔔牛腩, 2/5 這道菜式上枱時已經是凍的，究竟是款涼菜還是放在廚房太耐經已沒有力氣去考究 (因為完全找不到侍應)。蘿蔔的味道是可以的，不過牛腩凍吃的確有點古怪，而且入口感覺有點硬，相信難以稱得上為滋味。 鮮菌翡翠苗, 3/5經常提醒自己要吃多點綠，這款鮮菌翡翠苗味道清新，纎維質豐富，用來送飯頗為不俗。 迷你桶仔飯, 3.5/5整晚最靠得住的原來是這款迷你桶仔飯。米飯入口頗為幼細，而且味道豐富，不過如果配料可以再精彩一些的話，相信會更滿

第一次來八月居，是五年前的生日，那時男友特意安排坐在露天位置，吃過什麼我已經忘記得一乾二淨，但初夏的涼風加上迷人的夜景，那一幕卻非常深刻。是日相約三位閨密聚頭，順道慶祝聖誕，當中有兩位孕婦，地點選了比較方便她們的尖沙咀。八月居呈S形，乍看之下很地方很少，其實兩邊盡頭都有大房間，足夠作為婚宴場地，另外還有個戶外區，佔地很廣。當晚視線範圍下都滿座，全店侍者都非常忙碌，喚人比較困難。店內提供三款手工花茶，禁不住點了當中的金盞飄香來欣賞一下。可惜，店員把茶端來的時候，整朵花已經全散開來，因此看不到最期待的畫面。這個茶跟我想像的不一樣，金盞花份量比較少，茉莉的比例佔得比較多，兩者其實有類似功效，可以降火和緩和胃部不適。呷一口，茶色雖淡，但甘味卻很重。以為孕婦吃肥膩東西會反胃，似乎懷孕中其實也各有體質，叫了小碟脆脆BB豬，剛好有四件。碟邊伴了顏色繽紛的沙律菜和黃椒，混了點醋，酸酸的開胃之餘也減低油膩滯。乳豬皮層有薄薄的油脂，底下是顏色粉嫩的豬肉，再加上薄脆的乳豬皮，一件又怎麼會夠哦。湯羹選了鮑魚黨參燉土雞，因為今日無法供應，我們改了比較平淡的翡翠魚蓉羹，因為魚肉蘊含豐富的蛋白質，對寶寶也好。透明的

朋友提議在八月居食飯，因她的同事推介，我見食評也寫得不錯，但結果是大失所望，原來只是一間裝修高級，環境不錯，美心集團旗下的中式食店，而食物的味道，用料和一般酒樓同級，但價錢卻高於一般酒樓。前菜點了冷盤蘿蔔牛腩，但超多油，冷食未免太膩 。四人份量的煲仔飯，飯又乾又硬，腊味切得超細，而且用料極小。 海蔘腊肉炆蹄筋味道不錯。蓮藕露荀只是不過不失的菜式，桂花千層糕算是比較用心的制作，桂花味很濃，香奶和桂花合共有十層，但甜味太淡。侍應質素一般，熱誠但不细心。清理完枱上飯後的餐具後，上了甜品，要提示才再给乾淨的餐具。整體感覺麻麻

這是我最愛的餐廳之一, 雖然十次有九之都到等位, 但是我都甘心乖乖地等位一般都是來晚飯的, 上星期六因為要返學所以決定跑去八月居試試他們的點心, 由於兩人午餐的關係, 可點的種類不多, 樣樣都想食....終於決定點了二人點心拼盤, 其實對我來說是必點的, 因為有鮑魚酥, 燕窩蛋撻, 絕對不能抗拒! 二人拼盤$188, 不算平不算貴, 有鮑魚燕窩都no complaint啦! 再點了椒鹽鮮魷, 味道可以的但$68稍微貴了點, 可能因為吃午餐吧…晚飯點的話或者可以接受! 再來吃飯是肯定的事, 午餐飲茶便看機會了

四人飯聚加一位bb, 就速選了四人餐（$898），便可多點時間傾偈。選餐有幾大好處：1，不用花太多時間點菜、2 上菜時間較快、3水準一般較可靠，因為一天內重覆做多次，水準自然有保證4 較新鮮，因轉流快，食材也較新鮮這個餐水準一般，份量夠，菜多肉少，上菜快，價錢合理。種類多，頭盤有鮑魚、青瓜、海哲。魚茸燕窩羹很適合未夠一歳的bb吃，但大人吃就稍嫌不夠味。整個餐最有驚喜的是醬油炒飯。一送來已香氣撲鼻，飯是珍珠米，只是簡簡單單放點薑粒和蔥粒，已非常美味。只要用心造，簡單食材已可變美食。

連續兩天都同朋友嚟呢度晚餐吃了都有好多款食物，食物出品吾錯不過吾介紹咁多，只是介紹幾款自己比較喜歡的涼拌鮑魚爽口鮮甜，海折頭同青瓜亦不錯名附其實真的無錯叫清爽涼呀牛肉沙律D肉幾嫩, 有牛味,沙律有好多青瓜絲洋蔥絲甜甜地味道調校的恰好呢個太雕玻璃蝦球,蝦球做得爽口彈牙只不過菜名特別，不過味道就沒有甚麼特別之味而且花雕酒味亦不算太濃杞子雞汁浸時蔬,清淡的上湯.好似雞湯味杞子非常夠香味.時蔬煮都算很甜燒BB豬,上枱還是暖暖的,外面層皮脆到不得了肉質鬆嫰又吾太肥，味道一流別不同炒飯調味茨汁吾錯.上面有大量蟹肉同蟹膏飯底亦炒得吾錯蒸班片份量都多，雖然唔記得乜野班，很滑亦夠鮮味呢度環境十分清幽，枱與枱有空間感，服務都好好

位於海港城，又係美心集團。環境舒服又有隱定水準。絕對係行到攰要填飽肚子的好地方。款款食物都十分美觀。味道亦算是美味。雖不是特別的款式。唯獨要讚生煎包。下面都是洋蔥令味道十分香。其他點心亦不錯。