八時神仙草 (歌賦街)

营业中

休息中

中環依間「八時神仙草」係台中嘅過江龍甜品店，佢哋嘅自家製焙茶奶蓋好Jeng，仙草因為係天然無鹼製作，即使係外賣都品嚐到同樣滋味，仲要有巨型狗店長坐鎮，好得意吖！抹茶焙茶奶蓋雪花盛盤（單點$98），抹茶雪糕茶味濃香；焙茶奶蓋表面鋪有玄米，採用日本靜岡焙茶製作，口感幼滑，茶味濃厚；仙草雪花冰口感入口即化，內有仙草，拉絲效果突出，食落有纖維感，配以煉奶食用，味道更佳。芒果甘露盛盤（單點$58），內有芒果、西柚，味道酸甜，類似楊枝甘露；盛盤，好足料，芋圓、地瓜圓，內有芋泥、地瓜泥，口感厚實，紅豆口感綿密，味道香甜，紫米份量多，白玉珍珠口感彈牙。純萃嫩仙草（單點$48），仙草口感滑溜，食落好清涼，麻糬口感煙韌，食落甜度適中，圓仔口感軟糯。仙草芋泥牛奶冰沙（單點$45），奶味醇厚，略嫌芋泥份量比較少，飲落好清爽，內有仙草、白玉珍珠。

最近聽聞這一間由台灣過江龍專門食仙草的店，仲有特別的仙草𣲙，便過去中環試吓。嫩仙草雪花盛盤 $72上面配料有紅豆，已淋了啲煉奶在上面，不夠甜可自已額外再落，不過個人覺得已夠甜，甚至本身不用落，個冰幾特別，有淡淡們仙草味，會牽絲的，口感上都比一般刨𣲙特別，而且幾清新，都ok 加上下面仲有燒仙草，好q彈，夠滑，幾好食。不過盛盤的芋圓就較粉，不是很好吃。整體上是幾特別，都好吃的，不過個人認為cp值上就不算太值，未必會encore，所謂試過就算😅

芒果甘露盛盤真係好正！佢係超豐盛嘅芒果甜品，我哋仲加咗抹茶雪糕！一啖入口就係多汁嘅芒果，再加上香滑嘅抹茶雪糕，真係太頂呱呱！仲有芋泥焙茶奶蓋雪花盛盤，我哋仲加咗麻糬！真係食得好過癮！一啖入口，先係濃郁嘅芋泥，再係香濃嘅焙茶同奶蓋，最後再加上軟綿綿嘅麻糬，真係好滿足！最正既就係八時仙草茶，佢嘅熱同冷都超正！不論係熱飲定凍飲，都係好好味！推薦有趣既熱飲，首先係液體形狀，然後幾分鐘就變成半固體！超有趣！可以自己揀鍾意嘅溫度。不過不得不提嘅係，佢嘅圓仔紅豆紫米牛奶暖暖好飲！仲可以免費加白珍珠！

呢間糖水鋪賣既糖水都好普通，價錢都唔平，好甜加左勁多糖，唔太健康，味道又一般，沒有什麼吸引力，服務態度差，趕收工咁，地方又污糟無人抹枱，埋單收錢大紙又唔收，外賣盒又細

呢間甜品店係台中逢甲夜市開過嚟，環境以白灰為主，主要食仙草甜品。同朋友一共3人，排咗一陣隊就入到去坐，掃QR code自己落單，叫咗兩個仙草冰share。個刨冰令人好我驚喜，啲冰刨得好幼細，冰入面夾住仙啲仙草，令冰嘅口感係一絲絲，同平嘅刨冰好唔一樣。芒果奶蓋口味，最頂放有粒粒芒果加奶蓋，芒果有啲酸，但加埋奶蓋都中和到酸味，配料芋圓、地瓜圓、紅豆係分開另上。冰嘅最底下放滿燒仙草，好滑！另外焙茶奶蓋唔會淨係死甜，有芝士個種鹹香味又唔會蓋過焙茶味。

「驚喜的仙草創意組合🥳」來自台中的超人氣仙草甜品店，終於又在尖沙咀開分店了！！😆小店堅持用天然的配方熬煮仙草，簡單的甜品製作成了與眾不同的口味，每一次都能品嘗到新穎的口感😋真的很喜歡裡面文青的裝修風格✨芋泥焙茶奶蓋雪花盛盤 $98第一次吃把仙草絲融入綿密的雪花冰的感覺，口感真的很驚艷🥹每一口都足夠綿密，特別喜歡芋香的濃郁，還有少見的白珍珠和手工芋圓😳✨圓仔芒果嫩仙草盛盤 $58採用天然的配方熬煮，每一口都吃到仙草清涼自然的口感，味道真的跟別處不一樣！！芒果的份量也很足夠❤️

😋味道：9/10 🏡環境：8/10💰性價比：9/10👍🏻推薦度：9.5/10.🐼之前去台灣嘅時候見到八時 但好多人就冇等 但之後開左喺香港！緊係要去試🤩係一間仙草專門店 質素高仲要超大份。。其實叫一份可以兩個人食都夠飽 性價比好高！🥹推薦🥰.🍧抹茶焙茶奶蓋雪花盛盤 $98 (9.5/10)當仙草冰加上抹茶雪糕同焙茶奶蓋🤩仙草冰好特別 口感較黏 有一絲絲仙草拉絲除左冰嘅凍感 仙草食落口都係涼涼嘅感覺真係消暑恩物❄️抹茶雪糕幾濃 焙茶奶蓋可以再濃啲😆盛盤仲有仙草同芋圓 芋圓大大粒又煙銀🥰有埋珍珠、紫米 口感一流！非常大份！兩個人真係夠晒🤣🍠芋泥嫩仙草盛盤 $56 (8.5/10)仙草上有一整個芋泥球好足料🥰芋泥新鮮綿密 仙草都好滑好爽~用紅豆調味唔會好甜食完一大碗仙草仲有芋圓 好夠飽！🧋黑糖奶凍 $35 (9/10)唔想食甜品嘅 飲品都一樣好出色好鍾意佢呢度嘅嘢食嘢飲都唔會死甜😙有仙草嘅香 奶茶嘅濃~

🔸抹茶焙茶奶蓋雪花盛盤抹茶雪糕味道非常濃郁👍🏻淡淡焙茶奶蓋味道，亦非常鮮明！最有驚喜係雪花冰！冰帶有一絲絲仙草，相比起平時外面食嘅較為有特色😋雪花冰底部亦有仙草，配搭嘅芋圓非常Q，好有咬口😆帶有微微芋頭香總括🔹$98一個甜品價錢稍為高，但一份適合二至三人分享。尖沙咀亦開設有分店，喜歡台式甜品嘅朋友值得一試

八時啲仙草絲黐住支匙子😛呢個抹茶焙茶奶蓋雪花盛盤刨冰嘅口感好神奇！食落係有一絲絲嘅仙草，仲有啖啖焙茶味，加埋奶蓋同綠茶雪糕口感好順滑！佢哋嘅燒仙草係特別滑嘅😳因為冇加到鹼，淨係靠仙草乾嘅膠質煮完之後結成仙草凍，啱啱上枱嘅時候比較似液體，涼咗之後就有滑嫩的口感🤭另外仲叫咗一個圓仔芒果嫩仙草盛盤，仙草份量超多，而且芒果好甜去買芒果醬汁又可以打卡又好食😋！仲有兩款仙草飲品，焙茶仙草凍奶茶茶味濃郁，而且仙草同樣好食！

－直覺得仙草就是另一種涼粉；刨冰不外乎日韓國的天下 又或者刨冰機是關鍵。但原來有份量的技術和專注的心意才是王道。多謝戴眼鏡的師傅 ～沒有苟且；不怕別人眼光 做到至善。否則我恐怕永遠不會知道 仙草的纖維可做成冰；有外外觀 也有內涵；不會是＂死＂實的冰；入口即溶 而且還可以有仙草的香味 停留口鼻腔之間，－種獨有的仙草藥味 本應在熱食時才聞到的青澀 竟可以在刨冰中發現～超境！ 。 同行 當初對見到附近的上菜比我們快 ，又有人 只為打咭才飲2口 便棄下飲品 ；開始變得不耐煩。但當刨冰到時 他除了明白品質的分異 他更驚訝麻糬Mochi 的天與地．．其實我＂麻 麻＂澱粉質 ；但他被感動了😏 我本人寧願滿滿紅豆 🤪🤪🤪

作為一個仙草控，今日終於去咗試台中過江龍八時神仙草😗結論係佢真係我食過最好食嘅No. 1仙草！😚❣️🌟抹茶焙茶奶蓋雪花盛盤 $98本日之MVP🤩我覺得佢個冰仲好食過好出名個間舖頭😂雪花冰綿密超濃焙茶味，入面有一絲絲仙草令佢唔會溶得咁快，底個到都仲有仙草🌱圓仔芒果嫩仙草盛盤 $58芒果口味係香港先有嘅🥭自家制無添加仙草比起出面個啲更加滑嫩動L，勁鐘意佢個口感😆另外佢啲芋圓都好高質，大粒煙韌，真材實料有芋頭同蕃薯味😋焙茶仙草凍奶茶 $42仙草芋泥牛奶沙冰 $45另外仲叫咗兩杯飲品🥤焙茶繼續係我的最愛😚芋泥都好有芋味。

炎炎夏日會好想食個甜品 消暑一下🍧 但係除咗食冰之外 都可以有啲健康少少嘅選擇😉 仲記得細個屋企人成日買仙草返嚟食 今日嚟咗呢間專食仙草嘅舖頭回憶下兒時嘅味道抹茶焙茶奶蓋雪花盛盤呢個真係打卡一流嘅甜品 面頭有個抹茶雪糕同埋焙茶口味嘅奶蓋☺️ 食咗一啖之後真係覺得好幸福 下面嘅雪花部份就係用上冰塊同埋仙草碎製作而成 味道清清地 每啖都有仙草涼快嘅感覺👍🏻 底部就有真材實料嘅仙草 口感爽彈 側邊仲有個小碟叫盛盤 入面有芋圓 薯圓 珍珠 紅豆同埋紫米 好鍾意呢度嘅芋圓同珍珠 口感Q彈🤣 芒果甘露盛盤呢個香港限定嘅甜品雖然冇招牌菜仙草 但係同樣都好食 想推介比大家🥭 芒果汁裝住咗柚子同鮮芒果粒粒 我仲額外加咗白色嘅圓仔 即係我好鍾意嘅小丸子 同芒果超夾👍🏻 係個必加嘅項目 側邊同樣有個盛盤 真係好足料啊仙草凍奶茶呢個我哋嗌咗無糖同埋少冰 更加食到仙草嘅香味 如果鍾意食仙草嘅朋友一定會鍾意呢個飲品🥤仲可以免費加珍珠㗎 不過我哋擔心太飽 所以就冇額外加到啦仙草芋泥牛奶冰沙呢一杯有指定嘅甜度同埋冰度 但係個味道都唔會太甜😎 芋泥沙冰底真係好消暑 加埋有仙草喺入面 感覺健康咗好多🥰呢間甜品店真係好消暑

天氣咁熱, 行過就食個甜品 食物 : 芒果嫩仙草雪花盛盤(小) ~ 甜品賣相不錯, 味道不太甜, 芋圓及紅豆的味道都偏淡, 唔突出 環境 : 舖頭裝修整潔乾淨, 坐位不多 地點 : 餐廳在歌賦街, 由MTR行過來約10分鐘, 不過上斜路有D辛苦 服務 : 職員有禮貌 價錢 : HK$92 (無加一服務費)

之前已經想試仙草雪花冰，但因為太多人等億，淨係外帶過嘢飲，今次襯住落雨比較少人，可以堂食試吓雪花冰啦～▪️芋泥焙茶奶蓋雪花盛盤🍧面頭有一球芋泥，好綿密，而且味道好天然。然後係一層焙茶奶蓋，茶味好香濃，仲加咗啲玄米脆粒，增加口感。再下面就係仙草雪花冰，雪花冰夾雜住一絲絲嘅仙草，有牽絲感，好特別。最底仲有一層仙草，好滑溜。另外盛盤包括芋圓、薯圓、珍珠、紅豆、紫米，好豐富。仲提供咗花奶，唔夠味可以落，不過其實整體都好夠味，但又唔會好甜▪️燒仙草盛盤🥣除咗冰，仲叫咗款熱嘅。上枱時，出晒煙，熱辣辣，可以解凍😂 仙草喺熱嘅時候係液體狀，但稍微放涼後，就會慢慢凝固成凍。熱食口感就更加嫩滑，而且仙草嘅甘甜味更突出▪️仙草芋泥牛奶沙冰🥛🧊芋泥牛奶沙冰打得幼細，另外入面有三分一係仙草，仲可以免費加白珍珠，增添咬口▪️圓仔紅豆紫米牛奶🫘🥛糯米圓仔Q彈有咬口，配埋仙草、紅豆、紫米，好足料，好似飲咗碗糖水咁八時神仙草📍中環歌賦街19號地舖📍尖沙咀厚福街5-6號多富閣地下2號舖

再一次甜品當飯食，趁飯市少人d，如果唔係平時都好似幾長龍咁~ 一路食野背景一路播住好多經典台灣歌，感覺好有氣氛！✨芋泥焙茶奶蓋雪花盛盤 - 賣相很討好，芋泥質感好細滑入味，焙茶奶蓋亦夠香濃，最特別嘅係佢嘅雪花冰有一絲絲仙草絲，底層就係仙草凍，口感軟糯而且超滑嘟嘟，味道幾清香，唔會太甜🧡而盛盤包左芋圓、薯圓、珍珠、紅豆同紫米，煙煙韌韌，好鍾意有咬口嘅感覺😻✨燒仙草盛盤 - 食完個凍要食返個熱嘅暖下胃，上枱時熱辣辣，慢慢變涼嘅時候就會開始凝結成啫哩狀，好滑嫩好過癮🤩✨圓仔紅豆紫米牛奶 - 全部都係有咬口嘅野，雖然幾飽肚，但咬下咬下就飲晒😚✨仙草芋泥牛奶沙冰 - 牛奶味幾出，芋泥好足料，夏天飲真係幾清爽😝