八時神仙草 (歌賦街)

营业中

休息中

炎炎夏日會好想食個甜品 消暑一下🍧 但係除咗食冰之外 都可以有啲健康少少嘅選擇😉 仲記得細個屋企人成日買仙草返嚟食 今日嚟咗呢間專食仙草嘅舖頭回憶下兒時嘅味道抹茶焙茶奶蓋雪花盛盤呢個真係打卡一流嘅甜品 面頭有個抹茶雪糕同埋焙茶口味嘅奶蓋☺️ 食咗一啖之後真係覺得好幸福 下面嘅雪花部份就係用上冰塊同埋仙草碎製作而成 味道清清地 每啖都有仙草涼快嘅感覺👍🏻 底部就有真材實料嘅仙草 口感爽彈 側邊仲有個小碟叫盛盤 入面有芋圓 薯圓 珍珠 紅豆同埋紫米 好鍾意呢度嘅芋圓同珍珠 口感Q彈🤣 芒果甘露盛盤呢個香港限定嘅甜品雖然冇招牌菜仙草 但係同樣都好食 想推介比大家🥭 芒果汁裝住咗柚子同鮮芒果粒粒 我仲額外加咗白色嘅圓仔 即係我好鍾意嘅小丸子 同芒果超夾👍🏻 係個必加嘅項目 側邊同樣有個盛盤 真係好足料啊仙草凍奶茶呢個我哋嗌咗無糖同埋少冰 更加食到仙草嘅香味 如果鍾意食仙草嘅朋友一定會鍾意呢個飲品🥤仲可以免費加珍珠㗎 不過我哋擔心太飽 所以就冇額外加到啦仙草芋泥牛奶冰沙呢一杯有指定嘅甜度同埋冰度 但係個味道都唔會太甜😎 芋泥沙冰底真係好消暑 加埋有仙草喺入面 感覺健康咗好多🥰呢間甜品店真係好消暑