八時神仙草 (歌賦街)

营业中

休息中

呢間來自台灣嘅人氣過江龍甜品店 主打仙草產品作為仙草愛好者 Bookmark左好耐終於係前排聖誕嘅時候 去開中環食到！______________________________/ 芋泥燕世雪花盛盤 /芋圓•珍珠•紅豆•紫米佢哋嘅冰底係用仙草去做 質感好特別食落會感覺到有一絲絲好幼嘅仙草咁而且冰底嘅甜度 我覺得啱啱好唔會太甜如果鍾意甜嘅朋友都有煉奶喺隔離 可以自己加另外最底都仲有一層仙草 成個組合勁豐富🔥另外最頂仲有一球芋泥 芋泥對我來講就少少甜不過幾鍾意佢嘅芋泥質地 呢個冰真係有驚喜🫶🏻/ 燒仙草盛 /芋圓•珍珠•紅豆•紫米呢款係熱食嘅仙草 熱食真係第一次熱嘅仙草會流質少少 但口感同樣滑溜另外佢嘅芋圓都好正 食得出番薯嘅比例比木薯粉高所食落番薯同紫薯香越咬越出 真心幾正🥳______________________________/ 仙草芋泥牛奶沙冰 /我會話呢個係三樣之中 最有驚喜嘅一款🤣芋泥好濃稠 而且奶味都好突出 兩樣好夾好smooth而且甜度啱啱好 加埋滑溜溜嘅仙草 真係一流🥲🔥______________________________

📍中環 𝙲𝚎𝚗𝚝𝚛𝚊𝚕❝台式甜品🥰有驚喜既仙草絲牛奶沙冰!🍧超豐富! 煙韌芋薯圓🍡芋泥💗抹茶雪糕🍵❞最近好多人黎食呢間專食仙草甜品既台中過江龍🔥😎我都比佢個仙草沙冰吸引到! 究竟仙草凍絲加入牛奶沙冰會係點架呢?!😳🍵抹茶嫩仙草雪花盛盤(S) $78 (4.5/5)好豐富既盛盤🥳有齊抹茶雪糕🍵沙冰🍧底下有仙草凍! 沙冰係奶味 好綿密 仲有大量滑lutlut既仙草絲 好特別有好食😍仙草既甘甜同奶香味好夾✨另外仲有碗芋薯圓,紫米,同珍珠😆芋薯圓好大粒 煙韌 重芋味蕃薯味🥰呢個盤S size 3個人都夠食!😜💗芋泥嫩仙草盛盤 $56 (4/5)想試下芋泥! 好綿密軟滑 芋味天然唔假甜😜好好味🥰🥹主角係仙草凍🖤另外都有一樣既芋薯圓紫米碗仔🥣🫘圓仔紅豆紫米鮮奶 $42暖笠笠🔥紫米鮮奶做base 有仙草凍 紅豆粒🫘同小丸子🍡🍂焙茶仙草凍奶茶 $42焙茶奶茶底好飲!😳厚身香濃 少甜少冰剛好呢! 都係配仙草😍🖤八時仙草茶 $28仙草凍+仙草茶😎最甘香 最輕盈清新既一款!꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍八時神仙草中環歌賦街19號地舖

【台灣過江龍·拉絲雪花冰❄️😋】/////呢間由台中逢甲夜市過江龍開到香港中環區店員每日用八個鐘去熬煮陳年仙草 好花心機(￣∇￣)小店主打雪花冰以及仙草 怕凍嘅朋友仔可以叫埋佢哋最近推出嘅冬日限定 過一個温暖又冰凍嘅冬天🤤.👉🏻抹茶嫩仙草雪花盛盤 (大) ($88)滿滿嘅雪花冰上有球抹茶雪糕 味道頗濃郁 微微回甘🍵刨冰口感甜絲絲又軟綿綿 有好特别嘅牽絲效果‼️食到中間嘅時候加入少量煉奶 提升刨冰調味 最底層嘅仙草滑嘟嘟 容易入口.👉🏻紅豆紫米粥盛盤 ($56) 芋泥 (+$8)紅豆紫米粥質感非常濃稠飽肚 紅豆同紫米甜度適中 兩者味道都取得平衡〰️另外再加嘅芋泥口感綿密 帶芋頭香 而芋圓就選用左台灣而嚟嘅大甲芋頭 味道豐富 大大粒又煙韌🤪.👉🏻圓仔芒果甘露凍 ($42)呢款飲品有粒粒芒果🥭、白珍珠、柚子肉以及仙草凍 好足料 好似食緊楊枝甘露甜品 可惜整體偏甜🥶———📍八時神仙草 (中環)中環歌賦街19號地舖

➿ 抹茶燕世雪花盛盤平時日本刨冰食得多來自台灣嘅仙草刨冰店除咗仙草避免加入添加物.以仙草本身釋放既膠質再熬製8小時凝結成型. 刨冰係一絲絲軟綿綿🤩🤩.所以即使刨冰及底下嘅仙草味道都比外界一般突出抹茶燕世雪花盛盤亦配有芋圓.薯圓.珍珠.紅豆.份量好大兩個人開心Share最好😉..➿ 抹茶燕世雪花盛盤 ʜᴋᴅ 𝟿𝟻..(.❛ ᴗ ❛.) foodiepoison 👩‍🍳  整體味道: 8/10💸  性價比: 8/10📸  打卡指數: 8/10🤵🏼  環境服務: 8/10🤔  推薦指數: 9/10

今次嚟到依間台灣過江龍朝聖🥰 主打仙草系列甜品及飲品，最近仲推出咗香港限定新產品，鐘意食仙草既一定不能錯過😍❀ 芒果嫩仙草雪花盛盤 🍧香港限定🥭 雪花冰用仙草冰磚刨製而成，冰既質感綿密，仲有一絲絲仙草既拉絲效果，好特別😍 表面有芒果粒及奶蓋，裡面亦有唔少芒果粒，食到最底仲有嫩滑既仙草☺️ 可以撈埋芋圓、薯圓、紅豆及白珍珠等配料一齊食～本身個冰味道較天然，倒入芒果醬及煉奶可以增加甜度😝 另外見到其他配料都好吸引，就加咗圓仔及抹茶雪糕，味道豐富，好啱兩個人share👍🏻❀ 燒仙草盛盤 🥄除咗雪花冰，依度仲有冬季限定既暖胃甜品☺️ 上枱時熱騰騰既燒仙草呈液體狀態，隨著時間放涼會慢慢凝固成啫喱狀✨ 口感比平時食既更滑溜，旁邊仲有唔少配料，芋圓及薯圓煙煙韌韌好有咬口🥰❀ 仙草紫米牛奶冰沙 🥤❀ 仙草芋泥牛奶冰沙 🥤大大杯而且份量十足😍 入面有仙草及白珍珠，啖啖都會食到唔同配料，甜度適中

冬天就更加想食冰😋😋今次黎到呢間新開既台灣過江龍甜品店🇹🇼 — 八時神仙草 ～～佢地主打多款嫩仙草雪花冰、甜品同飲品，啱哂各位仙草控❤️❤️🍨香草芒果嫩仙草雪花盛盤 $98✨呢個係新出既「香港限定🇭🇰」系列之一～～雪花冰採用整塊嫩仙草製成冰磚🧊，然後再刨成入口即溶的雪花冰🤩🤩味道清甜，帶點拉絲的效果～好特別！！賣相都好吸引！頂層有雲尼拿雪糕、芒果同奶蓋，內層有粒粒芒果，底層就有仙草～～另外仲有芋圓、薯圓、珍珠、紅豆等配料，好豐富😍😍🫘圓仔紅豆紫米牛奶 $42✨我地叫左兩款特飲試試～～呢杯望落好靚，紅豆味同奶味都好濃郁👍🏻👍🏻裡面有嫩仙草、紫米同新出的白玉小湯圓！湯圓口感Q彈，好好咬🤤🤤-🧋焙茶仙草凍奶茶 $42✨鍾意飲奶茶既朋友要試試呢款！！奶茶入口順滑，每啖充滿焙茶香同香醇奶香！配搭嫩仙草一齊飲，口感好豐富呢❤️❤️

我本身其實麻麻地仙草，但試完呢間台灣過江龍之後真係改觀，原來仙草可以咁好食，極力推介俾大家😍🍡芋泥嫩仙草盛盤 ($56) 芋泥好綿密，仙草帶有淡淡甘香，質感係偏液體狀態，非常非常滑，係一擺落口已經差不多可以直接吞落肚唔駛咬🤣 🍧燕世雪花盛盤 ($88) 雪花冰特別在係用燕麥奶，冰仲有拉絲效果，食落好綿😋 個人覺得加咗煉奶有啲甜味更加好食👍🏻 冰下面有仙草，其他配料有芋圓、白珍珠、紅豆、紫米。芋圓同白珍珠非常煙韌～

用仙草製成的雪花冰🥰 雪花冰的質感很特別 因為內含仙草絲 所有有「拉絲」的效果😂口感綿綿 帶仙草的香氣☺️ 喜歡燕麥奶蓋 有燕麥香還加添少許甜度 但整體的甜度依度適中 若然不夠甜 可以再加上煉奶😌 芋泥球口感幼滑😋 吃到底還有仙草凍!! 這家的仙草真的做得不錯 口感滑溜 帶自身的草本味道～在旁的芋圓較一般的巨形 挺有咬口的😆 還有紅豆和珍珠 好豐富!! 😚另外點的冬季限定燕麥燒仙草奶茶 暖身而且感覺養生 而且很足料 挺飽肚🤣

🍧抹茶燕世雪花盛盤 $95兩個人分享都足夠✌🏻 用仙草製成嘅沙冰 質感係一絲絲好特別🤩面頭淋上燕麥奶蓋🍼即使食到中間都好夠味😋最底有一層仙草凍 仙草同平時食開有少少唔同😌 用無鹼嘅方式製作 令口味更加回甘 質感偏向彈牙🤓盛盤配料都好豐富 有紅豆 紫米 白珍珠 芋圓同薯圓🍠 芋圓同薯圓好軟糯 仲食到粒粒嘅芋頭🥰抹茶🍵雪糕甜度較高 茶味重啲就更加正💚.💜鮮奶紅豆紫米粥盛盤 $52紫米粥偏向杰身 甜度唔算高 冬天食暖笠笠🔥另外都配左盛盤 同刨冰果款一樣😌

冬天食冰❄，一個字：爽啊！ 想一個人食燒仙草🍲，抑或兩個人share一個仙草冰🍧️，不妨try try呢間位於中環PMQ附近嘅仙草甜品店😋🍲燒仙草盛盤💰$48（+圓仔💰$5、+芋圓💰$8、+珍珠💰$5）店家嘅燒仙草同其他甜品店嘅唔同❗️其他店嘅燒仙草裡面有一塊塊嘅仙草凍，店家單靠仙草乾本身釋放嘅膠質，熬煮八小時凝結成凍而成，所以♨️高溫加熱時呈液體狀，❄️放涼後會慢慢凝結成凍，入口感覺天然🌱，喺好特別嘅口感體驗😋🍧芋泥燕世雪花盛盤💰$95（+圓仔💰$5）盛盤有芋圓、🍠薯圓、珍珠、🫘紅豆、紫米，驚喜嘅以「真·仙草」薦底，寶物沉歸底❗️份量超大絕對夠兩個人分享雪花冰冰底❄️帶淡淡嘅仙草口味，唔係綿花冰嘅入口即化，而喺有略帶碎冰粒嘅口感；面層嘅芋泥球極細膩軟綿，配搭芋泥下頂層嘅燕麥奶蓋，甜度剛好，還略帶奶香😋

芋泥燕世雪花盛盤配料有芋圓、珍珠、紅豆同紫米～芋圓都幾煙靭幾有咬口！唔錯！而佢哋啲冰因為係用仙草做～所以佢質感好特別！係一絲絲的！啲冰唔會叫冇味但會比較淡口～所以夾埋燕世/配埋嘅煉奶會比較好食！而且底部仲有仙草添！夾埋一齊都幾好食，層次好豐富～芋泥味道香濃，同唔太甜！好食！燒仙草盛呢款係熱食嘅仙草！熱食嘅仙草會偏向流質🤣～仙草微甜，口感好滑溜！配料同樣有有芋圓、珍珠、紅豆同紫米～好滿足！Btw我去嗰陣有聖誕新年扭蛋優惠活動～唔知去到幾時呢八時神仙草中環歌賦街19號地舖

台灣仙草過江龍八時神仙草係中環開設第一間分店八時神仙草主打堅持每日熬煮嫩仙草成型，純天然無添加店家做緊聖誕優惠活動，Follow ig 就可扭蛋一次仙草系列外，還有供應 雪花冰系列！燒仙草盛盤 一上盤熱辣辣流質狀態當影完相慢慢打卡時慢慢動L動L，非常療癒～配合埋煙韌QQ芋頭圓及地瓜圓一起食用！抹茶燕世雪花盛盤 心大心細想食芋泥口味又想食抹茶口味why not both所以再加一個芋泥球，口感綿密唔會太甜！用嫩仙草製成雪花冰質感好特別，一勺起會有牽絲狀態，而且底部還有仙草凍增口感燕麥燒仙草奶茶 燒仙草軟嫩，用吸管都可輕易吸吮，配合埋燕麥，較有飽足感！美中不足係堂食都是用外賣杯！

同姊妹行完PMQ，本身想搵間cafe坐吓傾吓計，行行吓見到呢間甜品店，咁啱有位，就入去試吓佢個芋圓。原來佢係台中逢甲夜市嘅人氣仙草店，用八小時熬製仙草，所以叫「八時神仙草」，主打嫩仙草雪花冰。 燒仙草盛盤♨️燒仙草口感順滑，比平時食開嘅仙草凍較水狀，入口即化。 芋泥仙草盛盤呢個仙草就比燒仙草固體狀少少，芋泥十分出色，口感細緻軟糯。紅豆好大粒，圓潤飽滿，豆味濃郁。 燕世雪花盛盤🍧好大盤雪花冰😂加入仙草令冰與冰之間有牽絲效果，底部亦有仙草凍👍🏻煉奶令雪花冰奶滑香甜，唔夠甜仲有一小杯煉奶可添加。非常欣賞個燕麥脆脆topping，烘過好香口，如果鐘意脆脆口味可以追加。 盛盤都會有芋圓、薯圓、珍珠、紅豆、紫米。芋圓同薯圓嘅芋頭味同番薯味都好出，好大粒，夠煙韌😋

前幾日咁凍，梗係要食返暖笠笠嘅甜品中環有間好好味台式甜品舖食返個飯後甜品先店舖裝修簡約，豐富有台灣味道今次主要食冬季限定，暖吓身😌✨ 燒仙草盛盤 $48這款燒仙草口感好特別，與別不同送到嚟嘅時候，熱辣辣係液體狀態，擺放咗一陣之後，慢慢凝結成又凍又滑嫩燒仙草仙草上面仲有幾粒好香嘅松子！✨ 紅豆紫米粥盛盤 $48買咗嘢食嗰啲嘢囉🫘同紫米一齊煮，軟綿綿，甜度適中配料有煙煙韌韌芋圓、地瓜圓、珍珠相當豐富！✨ 白玉燕世仙奶茶 $42以燕麥為主配白玉珍珠，口感十足✨ 仙草凍奶茶 $38飲完超清涼，香濃奶茶配上滑溜嘅仙草

🌟餐廳：八時神仙草📍地址：中環歌賦街19號地舖💰價位：～$50⏰營業時間：星期一至日 12:30 - 22:30📱電話：2343 6933喂喂~台灣人氣甜品店「八時神仙草」既第一間海外分店，終於係中環開左啦!趁而家仲未有得去台灣，一於去朝聖一下，重拾久違了既味道先!!———————————————————🔹熱燕麥燒仙草奶茶 (冬季限定)凍凍地，梗係要飲返杯熱飲暖下胃!呢杯冬季限定既燕麥燒仙草奶茶材料非常豐富~加左大量燕麥粒，搭配埋仙草及奶茶，微微甜，味道好濃厚~———————————————————🔹仙草茶凍呢杯純仙草茶凍，夠哂健康～佢地既仙草凍非常嫩滑Q彈，夠哂清熱解毒~我就揀左微糖，食起黎啖啖仙草既甘香味，甜度剛剛好!———————————————————🔹芋泥燕世雪花盛盤主角出場!! 係不能錯過既雪花冰~有別於一般雪花冰，呢個雪花冰以仙草制成，天然既膠質帶點牽絲效果，入口綿滑， 口感一流!而且冰底仲加入甜煉乳，食起上黎，層次更加豐富~重點係佢上層用上大甲芋頭整既芋泥，味道香濃，一食落，完全係台灣既味道~配料仲有芋圓、薯圓、珍珠、紅豆同紫米等，用料非常多，而且甜度適中，岩哂我地2個