八户屋和食料理

营业中

休息中

呢間位於屯門友愛邨附近嘅HANDS商場嘅街坊日式餐廳,得閒唔想煮飯,都會黎到呢度食飯餐廳環境舒適,座位間隔都頗為闊落,皆因餐廳嘅空間原本就好大,裝修都好養眼,有少少日式居酒屋嘅裝修風格,用餐環境頗為宜人👍咖喱吉列豬扒飯餐($56)_豬扒大大舊,炸得香口,不過肉質頗為炸過龍,有少少柴柴地嘅感覺,呢度嘅咖喱不過不失,甜辣味都好中和,分量夠足👍整體唔差八戶特色壽司+叉燒拉麵餐($65)_sushi 表現都不過不失,係街坊嘅口味,刺身唔算太鮮甜,不過起碼係新鮮嘅,刺身有彈性🤤拉麵就略為失色,拉麵有少少林🤒同埋就叉燒都係有少少柴嘅感覺,應該係煮耐左,同埋本身舊肉嘅位置就比較嚡😂整體黎講,食物味道不過不失,價錢方面都合理,街坊嘅味道同價錢,唔想煮飯又想食日式餐廳,可以一試😂

今日起安定食lunch, 見到間日本餐廳，諗住試下，結果有驚喜。我點左個雞肉飯，56蚊，雞肉皮脆肉嫩，只係入面既味唔太夠，但整體好好食，加埋溫泉蛋同牛油炒青菜，好抵食。野飲係金橘檸檬，唔洗加錢。朋友就點左豬軟骨拉麵同埋野菜牛肉飯，雖然冇我點個set咁豐富，但平10幾蚊，賣相都好好，食落都係好食，仲包埋野飲！下次會再黎！

我們一行七人，預12:30約等了15分鐘就有位。(留意要過半數才可入座！)雖然超值午餐只有四個選擇，價錢都低於$50(中學生的話定價甚至有低於$40)，但其實在餐牌上的所有定食物烏冬或拉麵也配有飲品，價錢大多$50至$60左右，價錢相當合理。我點了餐牌上的燒鳥丼。套餐非常豐盛，不但有一杯飲品，還有一碗麵屎湯加一小疊牛油炒雜菜。而主角：加上燒汁的雞扒外皮煎得非常香口，可惜除了裏面的肉略嫌不算太入味；最驚喜的是溫泉蛋，鹵得非常入味。.✔總括而言：不需要+1，座位舒適，上菜速度OK，亦有多項選擇，以呢一個價錢️，CP值高，值得回頭再食！

4個人食，4個定食都好味，但價錢相對比較其他日本餐廳平，午市仲唔使加一。餐廳環境都闊落，大窗口望到hands 商場同大馬路，仲有輕鐵，sofa 坐得舒服，裝修都幾有日本feel ，平時都多人排隊食，特別中午同夜晚時間，睇落都幾受歡迎。送的飲品都好特別，分別係芒果橙汁同金桔檸檬汁，但味道就一般。壽司都同出面日式餐廳差唔多，款式都好多，有炙燒，刺身，又有拉麵同定食，犞麥面等，比較出面餐廳更多選擇，個人比較喜歡壽司同烏冬定食。

八戶屋嘅炒飯一向唔錯✨今次有魷魚、嗚門卷同野菌等😋味道方面屬正常水平飯炒到粒粒分明，夠曬鑊氣真係不枉我地次次黎都叫🤣另外，之前食過佢個鰻魚炒飯😜暫時覺得係最有特色，最重口味😍.呢個海膽帶子杯飯絕對係今日嘅mvp⭐海膽份量真係意想不到，整整有9小片食落去第一個感覺係好軟滑creamy既質感😊隨之而來湧入口腔既係海膽獨有個種回甘味帶子刺身方面有兩大粒😇師傅仲將佢切成一片片，擺到成朵花咁😆最估唔到既係簿切能夠提升到帶子個鮮甜味😱唔駛再點其他醬汁都已經非常好味以六十二蚊有海膽、帶子同蟹籽黎講，絕對係超值💰👍呢味菜或會成為我地以後必叫菜式之一🤣.由於我地食完海膽杯飯先再食個豚肉拉麵，所以覺得沒帶太大驚喜但都想講下豚肉個肉質無平時食拉麵個種叉燒咁諗😛而係偏向有小小咬口嘅肉質😋

今日同屋企人一齊去到屯門呢間平價日本餐廳食晚飯👍🏻呢間餐廳好好，嘢食價錢唔貴，但係質素都唔錯。我哋一早就拎咗位，眼見都好多人等位，我哋四個人食都要等一段時間。入到去間餐廳就好快就叫嘢食，佢可以入QR code同埋手寫紙去點餐，我哋就手寫啲號碼比佢。我哋叫咗兩個拉麵一個魚生飯，魚生飯仲配埋麵豉湯，仲叫咗一份4人份量壽司同埋天婦羅。人均都係食咗$100多啲，已經食到好飽。味道又唔錯，還算新鮮。而且送菜嘅速度都好快。不錯不錯，可以一戰

黎到屯門搵朋友 lunch想食日本野🤣佢就推介左依間 八户屋🤣🤣我就揀左依個網燒牛排定食🤤🤤成個餐就包左個麵豉湯 4塊刺身 沙津 同 酸瓜前菜 仲有杯凍柑桔檸檬🍋超級多牛排!! 而且燒得好香好好食🤪$80唔洗加一 個人覺得依個質素同份量黎講都幾抵食啊😋

之前睇新聞報導過HANDS呢個商場的街市，今日黎睇下有咩料到，順便食餐晚飯，不過餐廳唔多，就去咗呢間日本料理屋。上菜速度算快，味道都OK，係平凡的屋邨商場裏面都值得一去。海鮮豬骨湯鍋，海鮮有三文魚、青口等等，配蔬菜同粉絲。八戶特色壽司，配細碗叉燒拉麵，壽司有六件：三文魚、吞拿魚、墨魚、鰻魚、熟蝦、蟹柳。豬軟骨拉麵，金龍卷，蟹籽沙律：配菜都幾大件，尤其係沾滿蟹籽，好爽口。七味雞軟骨，脆卜卜，加埋檸檬汁好啱配搭啤酒。蟹肉明太子玉子，蟹肉豐富，好鬆軟。

叫咗個吉列豬扒拉麵 想問服務員攞個沙律醬點下 點知回來後回覆 如果要沙律醬要加收5蚊 係咪真係 要收錢呢太過分了 食吉列豬扒要點沙律醬不是很奇怪吧 是常識吧 很失望呢間店舖原來睇錢睇得那麼重要

夜晚近十點，係屯門搵個地方食飯都唔容易。諗住安定、友愛商場會易搵餐廳d,不過好多間都表明唔接客，最後去左呢間開到11點既八戶屋。見佢咁大間，價錢唔算特別平，一開始對佢有少少期望。不過最後當然令我失望😞。點左個拉麵和鰻魚定食。坦白講，個拉麵唔貴，加埋一都係六十幾。但問題係我去其他拉麵🍜點都係呢個價錢，但人地水準就高好多。拉麵太淋，叉燒份量足，但唔好期望入口即化，湯頭一般。鰻魚蛋飯$98:我係貪佢有碟細既豬肉炒雜菜和麵豉湯。炒菜太油，豬肉好肥。鰻魚肉質較薄，蛋似茶餐廳既炒蛋😂😂我先生仲話個飯有怪味，可能佢指薑既味道。

今晚星期四晚差不多晚上9:00一人進去用餐，餐廳目測大概只有1/3 人，見到有多張四人吉枱，便隨意在一張四人枱坐低，準備點餐時，一個肥女經理走過來説一人不可坐四人枱，我便話這裡有好多張吉枱喎，也不阻你做生意，可以不用轉嗎？但那肥女經理擺出一幅極惡劣的態度再次表明必須轉枱，如我不坐過去二人枱，是不會有人理我及幫我落單的，亦不會做我生意，而後來竟然...竟然真的全餐廳侍萬眾一心，叫極也沒人過來落單，有個黑衫男經理辦睇唔到，叫另一個頭已大半禿的年輕男侍應，佢竟然兇番我話你坐番去二人枱咪幫你落單囉，嘩...真係經典，食了幾十年野都未試過有餐廳會這樣對待顧客的，真係火都嚟埋，最後只有無奈地走了，因為我怕就算真的俾我落單，也一定是加了料的食物，而我也不敢再在這餐廳進食，決定永久blacklist 此店以及通知附近街坊及朋友有此無理的遭遇！吃了一肚氣

12點幾，我同家人諗住去八戶屋食個快lunch，點知一坐埋卡位，態度差劣的副經理，喝令我哋唔可以坐卡位，因為繁忙時間，我哋又唔係唔夠四個人。其實講咪得囉，使唔使喝令我哋？幾好食嘅嘢都唔想食。我轉身就走🤬冇下次

今日lunch 幫襯呢間，其實黎過好多次，因為住附近😉呢間質素唔差，價錢又唔算貴都食得過日日有唔同精選特價可以揀👇學生又平啲所以lunch都幾多人架今日1240左右到超好彩唔使等😍平時遇著學生放飯實排隊呢間有gulu, 可以喺屋企就拎定飛💪有時啱食我都會揀快之選假日又唔同款架👇我多數午餐黎都係食我最愛😁😁登！登！👇👇👇就係呢個喇❤️27號仔我既第2最愛係呢個👇滑蛋豬扒飯😋3號仔😁老實講，食過質素非常好既唔會覺得呢間有幾特別，服務亦唔係特別好，所以佢係平凡之選😆

不時放工經過這間餐廳，外面都係大排長龍，有屋企人就話想試呢間餐廳好耐嘅喇，噉就搵個機會試下啦。燒章魚。上菜嘅時候比我想像中大份，章魚爽脆彈牙。再加上燒汁甜甜地，味道都幾match蟹子沙律。蟹子份糧都算ok，青瓜絲又凍又爽脆，撈埋沙律醬之後感覺很清爽。吉列蝦卷物。吉列蝦非常鬆脆，壽司飯適中，唔會話死實實噉樣，壽司面頭仲鋪滿咗好多蟹子。鰻魚炒飯。炒得幾乾身，加上落啲醬油落去炒，感覺係幾惹味，不過鰻魚粒就略嫌少的。火炙三文魚壽司。啱啱燒起就上菜啦。三文魚外熱内軟，一放落口就融化咗，好有滿足感。北寄貝壽司。呢個我就冇食。屋企人話北寄貝爽口彈牙。蟹棒壽司。蟹棒都幾大條，加上蟹子和蛋黃醬之後輕輕一燒，又係一個唔錯嘅選擇。總結，呢間餐廳大部分嘅菜色都唔錯，加上價廉物美，在這條村附近一帶真係冇對手，所以如果你咁啱喺hands，都推介你嚟呢度食。

位置方面:又入左屯門搵好西食~ 除左輕鐵口個間丼丼之外, HANDS入面都仲有間八戶屋.等待時間方面:星期六晚約左朋友食7:30, 7:20用GULU拎飛, 大約7:40入得. 730到八戶屋既時候, 門口已經有好多人等緊位.食物方面:一人嗌左一碗拉麵, 再加一人一客火炙三文魚(必食!! 最愛!!)豬軟骨拉麵$58: 湯底應該係醬油底, 味道比較遍咸. 麵質正常. 而豬軟骨都係偏咸, 所以成碗都係偏咸.海鮮拉麵$65: 湯底正常, 而海鮮種類分別有帶子﹑蝦﹑鯖魚﹑蟹柳﹑蜆等等, 普通, 不過不失, 味道都OK.火炙三文魚壽司$26: 1客有2件. 塊三文魚真係好正, 燒得好好食, 燒到有少少油, 好正!!!!環境方面:都好大間, 入面都好多位總結:想食就要早啲去排/用gulu拎飛! 因為7點後好多人!價錢都合理, 60幾蚊就食到碗足料拉麵. 唔想食拉麵可以食魚生飯/炒飯. 食物選擇多, 有好多款小食﹑刺身同壽司, 下次可以主試小食同壽司.但係......要收加一之餘仲會四捨五入. 我地今次食左$175, 加一$17.5, 收左我地$18