又入左屯門搵好西食~ 除左輕鐵口個間丼丼之外, HANDS入面都仲有間八戶屋.
等待時間方面:
星期六晚約左朋友食7:30, 7:20用GULU拎飛, 大約7:40入得. 730到八戶屋既時候, 門口已經有好多人等緊位.
食物方面:
一人嗌左一碗拉麵, 再加一人一客火炙三文魚(必食!! 最愛!!)
豬軟骨拉麵$58: 湯底應該係醬油底, 味道比較遍咸. 麵質正常. 而豬軟骨都係偏咸, 所以成碗都係偏咸.
海鮮拉麵$65: 湯底正常, 而海鮮種類分別有帶子﹑蝦﹑鯖魚﹑蟹柳﹑蜆等等, 普通, 不過不失, 味道都OK.
火炙三文魚壽司$26: 1客有2件. 塊三文魚真係好正, 燒得好好食, 燒到有少少油, 好正!!!!
環境方面:
都好大間, 入面都好多位
總結:
想食就要早啲去排/用gulu拎飛! 因為7點後好多人!
價錢都合理, 60幾蚊就食到碗足料拉麵. 唔想食拉麵可以食魚生飯/炒飯.
食物選擇多, 有好多款小食﹑刺身同壽司, 下次可以主試小食同壽司.
但係......要收加一之餘仲會四捨五入. 我地今次食左$175, 加一$17.5, 收左我地$18
