八幡屋涮涮鍋 (已結業)

今晚過黎油塘搵朋友食飯，想打邊爐又想食刺身，就揀咗呢間八幡屋涮涮鍋，價錢相宜又多野揀。餐廳環境舒適寛落，裝修有特式。我地揀咗個澳洲和牛套餐，$268/位，可以任食火鍋配料加多款刺身，款式吸引。丸類同菜等都係擺在自助區，任揀的，仲有汽水，雪糕等。海膽龍蝦湯底，味道清甜美味，南瓜味濃郁，龍蝦鮮甜彈牙。炸響鈴，金菇菜，墨魚丸，魚蛋等款式眾多，彈牙爽口，新鮮嫩滑。特選牛肉，肥瘦適中，嫩滑鮮甜，牛肉味濃郁。新鮮海蝦，大隻新鮮，彈牙爽滑。刺身系列有三文魚，甜蝦，油甘魚等，鮮甜嫩滑。仲有多款熟食，燒多春魚，雞翼，菠蘿等，燒得剛好熟，多汁鮮甜。

冬天又想打邊爐，男朋友近近地搵到油塘一間抵食，又坐得舒服既火鍋加刺身！環境算寬敞，可以食足兩小時！店員推仲海膽龍蝦湯底！每人加多$30湯底仲包半隻龍蝦同埋兩片加拿大海膽，龍蝦爽甜彈牙，海膽鮮甜。性價比極高！湯底好rich又唔會覺得太鹹太漏,中式的粒粒海膽，真係好淨！牛肉、豬肉厚薄恰好，單看照片已知道其新鮮程度！壽司款式甚多，選料新鮮，亦有不少較有特色的壽司，誠意十足。刺身特別推介赤介和劍魚腩，解凍得剛好，沒有魚腥味。蔬菜及其他食材新鮮，最愛青芛，仲有三文魚，可以增添湯底的鮮味。海鮮有生蠔和大蝦等選擇，質素甚高。燒物特別推介蔥燒豚肉串，豬肉爽蛋，有點像吃韓燒呢！最後吃甜品，捧着肚子回家！

油塘大本型商場 food court 前排大裝修，裝修之後進駐咗好多新餐廳。最近天氣涼涼地，梗係去打返個邊爐。八幡屋涮涮鍋係其中一間新進駐嘅餐廳。放題分兩款: 火鍋放題 / 日式料理+火鍋放題 而價錢就視乎你食乜嘢牛肉，今次我哋揀咗日式料理+火鍋放題嘅澳洲和牛 $318/位 (星期一至四)湯底有8款選擇， 都算幾多~我哋揀咗骨膠原豬骨湯，清清地等緊湯底滾時，叫咗啲刺身食住先~我哋每款都有叫兩件試試，刺身都算新鮮，但有啲就仲未解得到凍。有醬料區，可自助混醬連湯底都好自助，唔夠可以自己拎一渣入去自己加。個餐包一碟澳洲和牛，而其他款嘅牛肉可以任叫。澳洲和牛味道較濃，特選美國牛肉比較有口感。海鮮方面有生蠔、蟶子、東風足夠螺、蜆、海蝦、墨魚滑同花膠仔。海鮮都幾新鮮，見到啲蜆仲識郁，蟶子同東風螺鮮甜。海蝦肉質彈牙而基本嘅丸類同菜類方面，可以自助形式去凍櫃度攞。飲品同甜品方面，亦都有另外一個凍櫃可以自取。燒物方面最推介係香芋丸同燒菠蘿。自己本身都好鍾意食香芋~呢度燒物同天婦羅仲要係即叫即整熱辣辣，燒菠蘿亦唔錯，有層薄薄嘅焦糖係菠蘿面，令菠蘿味道提升。天婦羅炸粉薄，熱辣辣唔錯。甜品仲有雪糕同雪條。

Book  8:30  8位比兩張卡位要分開座  我話唔分開座叫我等半個鐘  好我等，15分鐘後都話冇位要再等半個鐘 要9:20先有位 10點last order咁我book位黎做乜？之前食過都冇咁樣樣...請貴公司跟進一下眼見另外兩人一樣book左位完全十問九唔應反而比walkin既入先 果兩個人都一樣嬲到走！

原本今日唸住去油塘大本營Food court食嘢。入到去見到有間新開 “八幡屋涮涮鍋”。見到價錢都唔算太貴，環境又唔錯。所以就試試八幡屋涮涮鍋有分不同價錢。我地揀咗$248日式料理+火鍋放題。除咗用食物紙落單之外, 仲可以用QR Code 落單的. 湯底有9款揀。其中有一個係海膽龍蝦湯底。但要加$30/位。包括一份澳洲和牛/龍蝦半隻/海膽一份。咁抵當然要加啦！鍋底係有海膽呀! 好足料. 日式料理+火鍋放題（蝦/蜆/花膠/帶子/聖子/蠔/特選美國肥牛/美國黑豚肉），刺身（三文魚/劍魚腩/吞拿魚/榮螺/赤貝/馬刀貝/鯛魚/吞拿魚.......等等），扬物(炸蝦天婦羅/蓄薯仔/南瓜.....等等)，燒物(鹽燒虎蝦/蒜香雞中翼....等等)，壽司 (赤貝/三文魚.玉子....等等, 仲有特色壽司(黑松露油甘魚/黑松露帶子/火灸左口魚裙邊……等) 仲有部份火鍋食物係出面攞的. (魚蛋/芝士丸/金菇/鮮冬菇...)墨魚滑夠彈牙新鮮海鮮, 雖然聖子係BB SIZE, 但係聖子肉脹卜卜. 蠔SIZE都適中, 而且好鮮味鹽燒大虎蝦唔算大，有少許鹽提升了蝦的鮮甜味。  粟米好甜蕃薯仔, 我至愛, 自己已食

今個星期開始轉涼, 好朋友即刻叫我陪佢打個邊爐暖暖身.我份人就貪心啲, 想食放題又想打邊爐所以呢就嚟咗呢間八幡屋 油塘嘅八幡屋位於大本型嘅food court裏面 座位都好多亦都好闊落 可能做屋邨生意多所以服務都比較⋯⋯隨心我哋揀咗個澳洲和牛套餐 叫左先知原來只係包一碟和牛真係要好好品嚐其他牛就可以任叫質素我覺得都差不多，只係厚薄既分別醉翁之意不在此，首先嗌咗碟魚生先啦 每樣兩件試一試味 我覺得貝類蚌類就好食啲其他個口感就一般，因為好冰食完魚生就打邊爐啦海鮮嘅種類都幾多聖子雖然望落去好細隻只係一隻手指咁長但係就出奇地好味另外仲有蠔、東風螺、蜆等等都可以嚟打邊爐喺外面凍櫃裏面仲有好多蔬菜揀 包保你食得飽燒物放題燒菠蘿真心不錯本身已經好甜面頭仲有層焦糖脆脆地雞亦都唔差，幾好幾好飲品雪糕任食，食足個半鐘

今天冇煮飯， 一家人落咗屋企附近大本營美食廣場搵下有乜好嘢食， 睇到有間新開嘅日式料理+火鍋放題， 就呢間試下啦， 望下個價目表每位208元， 我們升級揀咗個美國特選牛肉248元， 選了個豬骨湯底， 湯底味道香濃， 火鍋配料種類繁多， 海鮮有蠔、 象拔蚌、 蜆、蝦... 每樣都很新鮮， 肉類也有很多選擇， 特選肥牛肉味道濃沃， 對我哋呢啲牛魔王嚟講 食得非常暢快😂 雞件嫩滑， 另外日式放題種類都很多 ，有刺身、燒烤 、壽司 、天婦羅、 都係任點任食嘅, 天婦羅蝦做得非常好👍香蒜雞翼醃得好入味， 燒得皮脆肉嫩 值得推介👍 自取飲品 ，甜品，雪糕啫喱，食到幾乎行唔郁！抵到爛！

作為要跑業務既打工仔 難免要周圍去。係油塘忙完一輪，又要食飯去大本營搵野食。。係food court搵下野食。是但搵間坐得舒服既就入左去入到去先知係食邊爐揀個湯底 揀個肉 就等野食黎豬骨湯底都幾濃郁。。黎到慢慢等佢滾起d牛睇落又幾靚喎。。唔會太肥另一碟豬肉， 片到勁簿，咁就可以快d熟多d黎， 密d口。勁食d 菜同丸原來要出去拎。想食乜就拎乜原來除左邊爐，仲有好多野食壽司刺身，炸野串燒咁。。我睇少左哩間野tim炸野炸得幾香口。有我喜歡既炸蟹棒。好開心壽司都唔錯有唔同料，唔同汁，口感幾豐富最後仲可以拎甜品。

今次的中學同學聚會我們求其抽籤,居然抽到在油塘食,未諗食邊間餐廳,就去左大本型先,但去先知好多餐廳都內部裝修緊。行行下,我們行到FOOD COURT,居然在最入面見到間火鍋放題,正!!可以一邊打邊爐,一邊傾下計~~我們點了特選美國牛肉($248),D牛肉好新鮮,見到有光澤,而且肥膏好少,真是靚牛肉,入口唔點韌,真的是靚牛肉!!除了要在雪櫃取的菜,丸,雪糕,凍飲之外,打邊爐點會冇麵(要行出去取)?懶懶地唔想行都冇所謂,有大量放題食物:炸物,燒物,軍艦/卷物,特色壽司,刺身,仲有D海鮮火鍋配料…..呢碟壽司絕對不馬虎,唔會飯多肉少仲有特色壽司 夠晒創意炸蝦都好正,唔會話好油膩 燒物,燒到岩岩好,冇燶又食到食物的鮮甜

11月雖然漸入清涼，但火鍋仍然是我們喜歡的選擇，一家人圍著爐子，吃自己喜歡的食物，有說有笑才是令人最感溫暖的地方，大本型最近新開了八幡屋涮涮鍋，新店開張當然要湊一湊熱鬧，正好這幾天轉涼了不少，確實是吃火鍋的最好日子⋯位於大食代內其中一間店舖，自成一角，自助食物區有各式蔬菜、粉麵、丸類，還有飲品及雪糕櫃，也有醬油區⋯湯底有9種選揀，我們選了豬骨湯底，價錢也細分了只吃火鍋或火鍋加日式料理，讓客人自由選擇⋯豬骨湯底算是日式火鍋之日我最喜歡的⋯刺身新鮮，北寄貝爽口，三文魚油脂豐富⋯天婦羅全部新鮮炸起，外層炸漿輕簿香脆，yummy﹗燒物同樣即點即製，海蝦新鮮，雞翼Juicy﹗牛肉分3個級別，最貴及牛味最香濃的當然是澳洲和牛⋯特選美國牛肉口感軟爽，牛味雖然不及澳洲和牛，但味道同樣絕佳⋯別以為最低級別的美國肥牛很遜色，有些餐廳的而且確最平收費會給予較差的肉，但八幡屋涮涮鍋的美國肥牛口感軟滑，而且非常新鮮﹗要一讚生蠔雖然看上去細隻，但依然肥美，鮮味十足，海鮮類之中最值得推介，可惜是晚我們點了四隻之後就沽清了⋯海鮮類有很多選擇呢﹗新店開業，食物存貨似乎備貨不足，希望運作純熟後可以有足夠存貨供客人點選，整

話說諗住食個牛陣，點知轉左八幡，甘米試下，係門口睇下餐牌，個店員同我講幾多錢，我米用手機計下幾錢，因為我仨個人，我俾錢，之後個店員同佢同事講我，之後帶著歧視的眼神係度笑，我同家人食緊時，個店員都啤住曬，而且佢地係大堂一邊食野一邊返工。另外野食方面，配菜好少，啲丸唔新鮮，個鼓油湯底有點怪味我以後都不會再食呢間

今日黎到油塘大本型，一個非常大嘅領展商場，行到腳仔軟，又係時候搵食啦。去到FOOD COURT諗住睇下有乜食，點知見到最入果檔竟然係一間涮涮鍋，牛肉癮即時發作，即刻同老婆講「我諗到食乜啦」。八幡屋涮涮鍋就喺FOOD COURT最盡頭，雖然招牌夠光猛，但都不易察覺。呢度係除左食火鍋仲有日式料理供應。而價錢方面，主要以入座時間及牛肉質素去分級。我地揀左最貴嘅澳洲和牛，另外，選擇左骨膠原豬骨湯底。日式料理種類繁多，刺身當然少不了，另外，壽司、肉類、燒物、天婦羅、各式海鮮火鍋配料等等都可以用ORDER型式下單，任點任食。刺身一定有我至愛嘅三文魚，仲有鮑魚片、甜蝦、赤貝、希靈魚等，款款都咁新鮮。我地揀左最貴嘅澳洲和牛，當然可以食埋價錢平一點嘅特選美國牛肉啦。澳洲和牛肉味較濃而且口感嫩滑，而特選美國牛肉味道較溫和，但帶有口感一些，各有特色。生蠔份量唔算大隻，但食落夠肥美，可惜美中不足係叫第二轉時已經沽清了，早知第一轉叫多幾隻啦。除左高質牛肉及生蠔之外，仲有蟶子、東風螺等其他食肆比較少有嘅海鮮，而蜆都清洗乾淨，無沙而且鮮味十足。火鍋料除左可以ORDER外，有部分係放喺凍櫃以自助形式去攞，各式菜類、丸

油塘大本型近月有多間食肆翻新。原本的日式涮涮鍋店被八幡屋所取代。八幡屋跟一般的日式涮涮鍋店有所不同，就是一間火鍋店跟日式放題店的混合體。一個價錢，可以食涮涮鍋，又可以食日式放題，真的超划算！以牛肉的等級, 入座的日子及時間來劃分收費:特選美國牛肉（$248) (星期一至四/ 18:00-20:15入座/ 任食2小時)特選美國牛肉的顏色鮮紅有光澤，油花不是很多，但用來打邊爐已經夠殺！牛肉的質感嫩滑中帶一點嚼頭，牛肉味亦相當香濃，配合甜甜的壽喜燒湯底，更能凸顯牛肉本身的甜。美國黑豚片切得很薄，有"燈影"的效果。淥個十數秒就食得。豚肉好爽口，而且一點豬羶味都沒有。又有壽喜燒湯底的加持，豚肉相當甜美。******************************海鮮類選擇眾多，生蠔大大隻脹卜卜，放湯煮熟後仍然相當飽滿。咬落去蠔汁豐盈，鮮甜而不腥。花膠仔好迷你，煮完差點撈不回來呢！但口感有黏性及彈牙，味道不賴。蟶子是連殼的，在坊間任食火鍋料中比較罕見。肉質爽口多汁。帆立貝群邊爽口，橙色的卵則粉糯。蔬菜丸類是大路款式，但質素不俗。******************************雖然主打涮

黎到油塘大本營，隨意地行去美食廣場，望下有咩食，見到竟然有間邊爐係入面，而且還有壽司放題任食，價錢又唔貴，所以試試，汽水，雪糕任飲任食，火鍋配料除左海鮮和肥牛類，其他都可以在出面任拎火鍋方面有3款價錢的牛肉，我就選擇中間價錢的特選美國牛肉，專登叫埋進口牛肉，望下之間的分別，兩款牛肉望落都新鮮，但明顯特選牛肉更吸引，食落口感更好，題外話，掛住食，我都唔記得食前影低湯底，今次我就骨膠原豬骨湯底，穩穩陣陣刺身當然大概都叫，最常食的都可以見到，黎到都幾新鮮，因為有火鍋的關係，燒物都只係叫左燒波羅，秋刀魚，雞肉串，另外各特色壽司都試一試，最抵食都係海膽軍艦任食