八妹雞煲

营业中

休息中

大埔高質雞煲火鍋《八妹雞煲》，都係因為住大埔既朋友帶路，先食到好野😋果然無介紹錯餐廳裝修懷舊，滿滿是舊香港情懷·霓虹招牌打卡一流因為我地2個人關係，叫左半隻雞、店員推介既即炸響鈴、安格斯肥牛（細）同2人必點既什餃。雞煲色香味俱全，上枱店員話雞已經熟可以食得，但再想入味D同洋蔥再淋啲，所以都煲左一陣先，半隻雞份量都好多，廚師斬雞技術幾好，無碎骨雞肉好嫩滑，醬汁好惹味安格斯牛，油脂分布平均，好重牛味要重點推介個響鈴🤩真係大過我拳頭食落好酥脆💯，浸埋雞煲汁食真係好邪惡🤣什餃-有雲吞,韭菜餃同魚皮餃出面拎醬油位，有花生同三角脆片拎送酒一樓👍🏼但係我叫左大大杯凍檸茶🤣 兩個人食完捧住個肚走，高質又抵食💯

#ftf_大埔惹味八妹秘製雞煲半隻 小辣 $168醬油 人頭 $12⭐️⭐️⭐️⭐️⭐️雞煲醬汁香口濃郁，重口味得來又唔會死鹹，有麻香，小辣味道唔太辣，鍾意食物嘅朋友可以再叫辣啲。雞肉夠晒入味，肉質十分嫩滑，記住食晒啲雞先好慢慢加湯！以下三款十大必食之選 當之無愧！兩個人食到勁飽，但係如果要減走一樣，真係揀唔落手。即炸響鈴 $50⭐️⭐️⭐️⭐️⭐️呢個一定要食！而且食得落要食兩盤～ 有豆香得黎，火候炸得剛好，口感酥脆，冇油溢味！千祈唔好落多過3秒，鍾意食酥脆口感既話，建議夾住到響鈴，然後喺上淋一下熱湯就得！野生竹笙 $70⭐️⭐️⭐️⭐️⭐️份量驚人，大大條，極爽口，吸湯一流！雖然本身竹笙無味，但真係好新鮮，無可挑剔！鵝腸 $78⭐️⭐️⭐️⭐️處理得好乾淨， 淥一淥，爽口即食！唯一嫌佢剪得太細條，要用個筲箕兜住，食得冇咁爽。鮮滑牛肉 $55⭐️⭐️⭐️⭐️⭐️個名話咗俾你聽，又鮮又滑！大大份，抵食之選～竹庶茅根（一酌）$42⭐️⭐️⭐️⭐️肥仔水以外，健康之選！味道唔太甜，但飲落足料，唔會太淡，唔係一大煲得少少料就加勁多糖水嗰隻。雞煲配竹蔗茅根根本就天生一對，解膩消濟。油麥菜 $35⭐️⭐️⭐️新鮮～ 冇話唔好味，但唔會特別話好味。😂只係食雞

本身諗住同朋友開完會去食宵夜～就去左太和試下呢間雞煲💫第一眼見到間鋪面就被懷舊香港嘅裝飾吸引到，入到去嘅座位都幾闊落同舒適，如果少人嘅時候去食，仲可以周圍打下卡🤤我哋五個人叫左一隻微辣嘅雞，辣味唔算重而份量都啱啱好，但喺啲醬汁味好濃，食落都好香！完左雞煲仲食左轉邊爐，叫左手打牛肉，份量唔算多但質素幾高，值得一提係佢個響鈴好大，係平時街市買嘅三倍左右🤓食完埋單五個人平均都係200幾蚊，如果有機會會再幫襯，啲侍應服務都好好👍🏿

來到附近的街道時，能夠感覺到陣陣打邊爐的氣味，不其然便被這間火鍋店吸引了，這間店的裝潢很有特色的，都是以懷舊風格處理，甚至有部份像舊式五金店等的店舖面外表，別具一格。我和朋友選了招牌的八妹雞煲微口味，送上枱時雞件已熟。雖然半隻雞份量不算很多，但二人進食已經十分足夠，秘制雞煲醬香濃適合重口味朋友，雞不是與雞煲醬一起醃的，所以不要太早加湯否則影響雞的味道，雞嫩口滑身，不過「孩」口。另外選了羊肉，羊羶味夠重，如果喜愛吃羊的朋友千萬不要錯過。八妹拼盤是蔬菜拼盤，皇帝菜吸掉雞煲醬味，不俗。我認為雜餃中的雲吞，鮮蝦是新鮮，並沒有腥味，而且蝦份量不少。值得一提的是響鈴份量多，較多圈數。最後選了一枝天地一號的蘋果醋，十分解渴，是夏天的好選擇。

味道😋😋😋😋環境😋😋😋😋服務😋😋😋😋😋衛生😋😋😋😋抵食😋😋😋😋今日唔知點解口痕好想食雞煲，但今日實在太熱，唔想去太遠，所以同左朋友仔去左位於大埔舊墟直街嘅八妹雞煲到食啦！一去到職員十分有禮貌，去到都有推介邊隻雞煲受歡迎，除左最受歡迎嘅秘制雞煲外，仲有6款有湯底嘅煲可以選擇。當然黎到就緊係食最受歡迎嘅秘制雞煲啦！我地叫左半隻雞，微辣！雞煲上枱已經聞到好香，醬汁香濃、雞肉嫰滑，就算係微辣我都已經覺得好好食，加多支啤酒，簡直係人生樂事😋😋依到d雞都算多肉，唔似出面個d叫半隻骨仲多過肉！職員都好好提我地唔好太大火，如果唔係好易燶同變老。食完加水，打邊爐囉！叫左三併蔬菜、雲吞、支竹、貢丸同安格斯肥牛！牛肉睇相都知靚野，食落牛味濃😋雲吞好食呀，入面嘅蝦彈牙，豬肉唔會話好實，調味岩岩好！如果有埋蛋麵就正🥰其他野食都好好食😁佢三併蔬菜嘅淮山仲正，出面都唔係間間有淮山叫！整體黎講，食物質素好好，價錢方面，以散叫黎講又真係唔算貴，可以再次返食😍

$168 雞煲（半只）（微辣）雞煲味道係自創，味道唔錯。叫咗微辣，辣味確實唔會好重。不過雞似係原隻雞斬件，每舊雞無出面啲食咁啖啖肉，相對骨比較多。$20 泰國粉絲個人比較重口味，粉絲容易索湯，所以我中意打邊爐食粉絲。相對平時係香港買既普通粉絲，反而泰國粉絲唔算好索湯。$33 娃娃菜$148 雙併蚌雙併蚌好食。淥大概一分鐘，蚌無縮水，反而脹大咗，而且脆口。$42 竹庶茅根（一酌）$53 芝士海鮮豆腐$53 墨丸$55 墨魚腐皮卷$24 醬油醬油會收錢妮樣反而有啲驚訝，每人$12都唔算平～

呢間八妹雞煲係大埔好多年，由中學食到而家，一樣咁好食，唔食得辣嘅人都可以食到好香嘅雞煲😋😋呢日再黎8妹食雞煲，ig story打完卡即刻有搬咗出去嘅朋友話要返黎大埔同我再食！😋😋🐔8妹雞煲必點！真係雞滑汁香濃，甜甜地又辣辣地，好好食！完全唔係個啲雪到啲肉死哂嘅雞😋 兩個人都清哂半隻雞😋😋🌶八妹辣汁呢個汁比較重川菜味，重口味人士可以叫，我地覺得加埋落去打邊爐會更加好味🐂食過幾次8妹，建議大家貴小小都要叫手切肥牛，真係滑好多，牛味又重好多！至於呢個雙蚌，我自己覺得桂花蚌好食啲，又爽又滑，雞煲必點！ 下次會叫一整份桂花蚌😍😍平時食譚仔最愛叫竹笙，索湯一流唔記得影埋個野飲椰汁冰世一！又大杯又解辣！超級推介！ ❤️‍🔥❤️‍🔥真心呢餐好滿意，一定會再食😋

呢間雞煲嘅門口都非常有特色，入面依然保留懷舊風格，別有一番風味之餘，亦覺乾淨企理！除咗一般醬料、調味之外，亦有特色小食😋餐牌只有一張紙，非常簡單，但項目非常豐富，肉類、菜類、丸類、餃類、海鮮類，咩都有😆個雞煲未上枱已經聞到香味，真係非常惹味，當中見到一啲特殊嘅調味材料，相信係秘製配方吧！而且雞非常厚肉，兩個人食半隻雞都已經非常飽肚🤣當中餐牌有啲二人份量嘅特式item，就係將會有幾款菜品雜錦哋推出，方便二人都可以嘗試多種item👍🏻雲吞既鮮蝦非常彈牙，皮薄！而且係人手新鮮包製😋十級推薦👍🏻

雞煲必食雞件好大件啖啖肉，份量夠多，調味料好入味 ! 呢個半份雞小辣就最岩我食！個雞汁非常之惹味，雞件唔in 又掛汁，紫洋蔥好甜。食完雞煲就加湯，可以打邊爐啦！即刻加啲炸土豆、豆腐、菜，索哂啲雞煲湯汁額外加左個秘制麻辣醬，撈落薯粉度食好夾A級安格斯肥牛牛肉片比較薄同細片，😋😋所以稍微涮兩下就熟，滑順軟嫩牛味濃，雞煲嘅味道慢慢和牛肉本身的肉汁融合埋一齊，入口融化，好味。羊肉羊肉騷味比較濃，但口感唔錯，入口軟熟。限量供應既蟶子皇，必點！👍🏻👍🏻$78兩隻，都算大隻，淥半分鐘甩殼就食得鮮甜得尼，好易咬得開，好抵食，我哋食完無耐就聽到佢話賣哂！另外要提一提佢擺係醬汁個度既小食，好香脆食唔停口，好想買埋返屋企送酒食😂😂

住喺大埔又鐘意食雞煲嘅朋友仔絕對要試下八妹雞煲！辣度由微辣至大辣都有，任君選擇，秘製醬汁嘅味道一試難忘，而且雞件嫩滑，十分出色！其他用料亦都十分新鮮，牛柳粒入口即融而且好有牛味，魷魚很彈牙，魚片切得薄份量又多，性價比好高！除咗用料上乘之外，場地嘅裝修亦都係別出心裁，落過唔少心機，令我印象深刻嘅就係「大埔戲院全院滿座」同埋妹記生猛海鮮，一啲比較復古嘅設計同埋裝飾，除咗味道嘅享受，仲有環境同埋視覺！舖面亦都好寬敞，坐得鬆動，而且唔會好大煙，有良好嘅通風抽氣系統。樓面夥計反應好快，基本上一舉手就有招呼。總括而言，我喺大埔住咁耐，諗起雞煲就一定會諗起八妹雞煲~食過返尋味，食過佢係雞煲久唔久又會諗返起想食，一試難忘😋

疫情期間久違了的外出晚餐，今晚就約左朋友去試下食雞煲。去到門口再坐低都唔覺有咩特別，點知原來鋪面後半部用懷舊香港街景做主題，岩晒各位打卡加食好野。🐔麻辣雞煲因為朋友唔食得辣，叫就左小辣。雞煲調味剛剛好，我可惜食小辣，食得辣既話真係建議食辣D。雞肉煮到剛剛好，鮮嫩唔鞋口又入味，2個人食半隻都爭D唔夠食。🐙墨汁墨丸大大粒，而且咬落入面都有唔少墨魚肉。🥒鮮荀片鮮甜爽脆，食落無渣，加分。🐚鴛鴦蚌人份量都唔少，珊瑚蚌質素可以，貴妃蚌就好有驚喜，唔小心淥耐左都仍然爽口，必點菜式。🐖豬大腸其他雞煲餐廳既豬大腸大部份都係無乜處理過，而呢間既就有先滷過，自然味道層次更加豐富。💥鮮炸響鈴卷如果你以為係普通來貨就錯嘞，佢比普通食到既大一倍，更加鬆脆，自然能夠索更多湯汁。💁🏻‍♀️總結雞煲同配料都有質素，而且環境舒服整潔，值得再去。

大埔雞煲的不二之選店內環境較為懷舊，燈光光線充足，另外店內服務也相當nice！今次我哋點了招牌八妹雞煲 ，中辣口味！食唔到辣嘅朋友可以叫唔辣嘅，不用辣味遮擋雞煲美味～雞煲醬汁味非常正每舊雞都非常之入味 入口太絕了！打邊爐嘅菜品很齊全 最推介佢嘅招牌大大大響鈴稍微喺雞煲入面浸一下湯汁啲響鈴就很入味 ！其他嘅食品也都在水準上 叫嘅菜都幾新鮮下😜 但就是鵝腸不是我認為嘅嗰種新鮮鵝腸所以不推介鵝腸總得來說 體驗不錯👍建議早d到 夜晚人氣旺 可能要等位 下次還會再來！！！

天氣開始涼返，於是決定去到太和嘅八妹雞煲食返個雞煲，店舖裝修以舊香港為主題，有唔少霓虹燈嘅裝飾，比起其他食雞煲嘅店舖，呢度嘅坐位舒適，有卡位，坐得舒服，冷氣夠，就算夏天嚟食都唔會太熱拎醬油嘅位置勁細心，有多種配料選擇，辣唔辣 任君選擇兩個人食建議叫半隻雞已經夠，因為食完可以加湯再打埋邊爐，個雞煲到左，足料，真係比足半隻雞，唔會用d雞頸湊數，係餐牌見到可以加個八妹辣雞汁，好奇之下點左，問左侍應姐姐話可以點嚟食或姐直接加落個雞煲，咁我就點嚟食啦，嘩！ 勁正！完全係個精華所在，唔會太辣但好惹味但唔食辣嘅朋友就唔好點啦，如果同朋友嚟而朋友又唔食辣，咁可以點呢個汁，自己獨自辣🤣 另外我鍾意食雞煲嘅芫荽&加左湯之後整嘅山根，呢2樣嘢都要個汁本身正嘅會好食丸類就點左墨魚丸&芝士小籠包，兩樣都唔錯，但建議多人一齊食先點多啲丸，因為會比較飽肚

就算啲野食幾好食都好。只會幫襯一次。再無下次。。十點要走吾係叫晒甘多枱話要走要清場。唯獨叫我地坐後面果幾枱走。門口果幾枱仲打緊邊爐又吾叫佢地走。。十點未夠就熄燈。摸黑食晚飯🤦😡😡 。唔收現金！！！見到有枱客帶唔夠現金 數神沙😆😆今時今日第一次打邊爐吾收咭。。啲野仲要吾平。。萬一啲人真係無拎錢。。方圓幾公尺都無提款機點算。。埋枱食埋啲菜式一齊落單。居然唯獨一碟等到我地食到一半都未黎。就追單但講幾次先黎。。😡😡

係我食過最貴最唔低食既雞煲，覺得貴並不是真係貴，而係佢既食物質素禁普通甚至或以下，我覺得不值得兩人合共攞$1000去食。兩人叫左白鱔、脆骨腩、手切牛肉、竹笙、響鈴、油麥菜，除左油麥菜係新鮮，響鈴係新鮮炸，其他真係食到好嬲。1. 白鱔切到好薄，又無本身的白鱔味。2. 脆骨腩食到得肥既魚油味，勁難食！3. 手切牛肉已經係menu中最貴個隻牛，食落口又韌又無嘜牛肉味。4. 竹笙又係無味既。5. 響鈴食新鮮炸，但炸到勁大舊 都無從入口雞煲本身個味ok. 就係普通雞煲任食個啲餐廳既味。最後賣單要$1000，我真係第一次由心而發地擰頭，擰左我5分鐘 唔係講笑！