八妹雞煲

营业中

休息中

最近天氣開始轉涼，最適合就係打邊爐。嚟到大埔呢間八妹雞煲火鍋，想清清淡淡打個邊爐，所以就冇食到雞煲。要咗鴛鴦湯底，一個係清湯一個係番茄湯，兩個湯底入邊嘅材料都非常多，絕對唔馬虎。清湯入邊有大白菜豆腐菇菌，而蕃茄湯亦都非常濃郁，入邊有好多蕃茄仲有薯仔同埋粟米，估唔到佢湯底入邊有咁多材料，搞到叫咗啲嘢食都差啲食唔晒。配菜方便，叫咗五花腩片，鯇魚片，滑雞，竹笙，什餃，金菇，西洋菜。特別想推介嘅係佢嘅雲吞，大大粒，而且調味非常好，入邊都有好大隻鮮蝦，就咁食唔使點豉油已經超好味。另外仲有花生同埋粟米脆筒作為小食。

再三回味雞煲之夜😘😘😘前幾日終於放假入咗大埔踩單車，順便同朋友一齊食雞煲。之前朋友都成日話超級好食，叫我一定要試所以我非常期待🤩🤩雖然嗰日係平日但係估唔到7:00開始已經爆場！建議如果大家真係多人去嘅話一定要book枱🤓秘製八妹雞煲半隻 雞煲一上枱已經超級香，完全唔似平時食開嘅味道！而且每件雞都有醬汁包住😋望落好Juicy! 而且每件雞都好大件，份量亦好多😎夾埋啲雞煲醬真係越食越惹味😜手切肥牛(大) 身為牛魔王嘅我梗係唔會放過牛肉🤪望落去好細啲點知原來有好多層🤣最後仲食唔晒要打包拎走😂啲牛超級香！又唔會太肥，下次會再叫！蟹子墨魚滑墨魚滑冇令我失望非常之鮮甜而且爽口食雞煲點會少得索味三寶🥰炸魚皮、稻庭烏冬同萵筍

近排秋風起，朝早同夜晚都開始涼，心思思想打邊爐，朋友知我未食過雞煲，就帶我去試試大埔我地2個都近，而且見OpenRice 都有唔少好評，就揀咗八妹～ 太和火車站行過去大概10分鐘就到，勁大個招牌好易揾老實講我第一次食雞煲真係唔識落order一時又雞煲又火鍋湯底，好彩店員都細心解釋，佢地雞煲同邊爐用同一個煲，即使叫咗火鍋湯底都係加入同一個煲到，叫咗雞煲先，如有需要再揀火鍋湯底同配料 咁一場黎到我地當然2樣都試吓啦！我地首先叫咗個微辣花膠雞煲（半隻雞），上到枱先知足料！花膠好厚好大件，有一個手掌大，一個煲有6-7件，正！雞唔會斬得好碎，夠入味平時媽媽整花膠都會被我嫌棄，因為好韌又腥腥地，但八妹嘅花膠係腍中帶爽，一啲都唔腥，我依家先知自己原來係食到花膠食到咁上下我地就叫火鍋料，有羊肉、手切肥牛、水魷、墨魚滑、蝦滑、蔬菜籃、淮山、萵筍、白蘿蔔。手切肥牛新鮮較爽口，但個人中意羊肉多啲～蔬菜籃、淮山、萵筍、白蘿蔔、蝦滑都推薦！除咗食材新鮮同靚仔，呢啲入嚟打邊爐真係一流，好快就入味蝦滑食落好鮮同彈牙，比起墨魚滑多咗陣鮮味。我一直以為枱面上呢個係檸檬薏米水，爭啲問店員攞杯，原來呢個就係邊爐湯底，真係見

八妹雞煲 (大埔).今日溫度驟降，好想打邊爐，念念不忘八妹雞煲嘅味，佢真係我食過數一數二好好味嘅雞煲！今日一去到，哇好彩早少少去到，遲少少會喺出面等位！因為我地記得佢嘅花膠雞煲好好食，所以今次照舊叫左半隻，花膠係好多而且好入味雞件醬汁濃郁又入味，雞肉又嫩，入面仲有芫荽洋蔥炒香食完雞煲就可以直接加湯打邊爐，我地叫左脆肉皖魚腩，鵝腸，韭菜餃，娃娃菜同埋響鈴我發現佢會寫到明係脆肉皖片，皖魚或者係脆肉腩，咁當然後者呢個價錢會貴少少，但係佢真係比脆嘅你鵝腸好乾淨，之前食嗰啲唔乾淨嘅真係怕怕。韭菜餃肥嘟嘟，娃娃菜夠入味，響鈴先至係最誇張，一份好似有成六舊，每一件係卷咗好多層，平視我鍾意淥3秒就食，因為呢一個太厚身，反而浸耐啲個湯好食啲最抵讚喺呢度嘅飲品，全部都係大大杯，打邊爐飲嘢就係飲得最快！.八妹雞煲 (大埔)大埔舊墟直街4-20號美新大廈地下A1號舖

雞煲好多地方都有得食。但今次食呢個雞煲都真係好惹味。這裡有不辣至大辣5種任君選擇。怕辣嘅我，就選微辣，結果真係可以做到少少辣，相當好味嘅雞煲。雞煲嘅雞能夠保持肉質嫩滑，而且非常入味。真係無得頂。難怪網上咁多人話正。食完雞煲，緊係要打爐啦。分別叫左高級牛肉粒，萵笋，魚皮，羊肉，脆肉鯇魚骨腩。提一下，取調味料地方，有花生和脆筒零食，任你攞。脆筒好好味，所以，我食完，再攞左兩小碟仔。呢度價錢公道，而且食物都算大碟，份量足夠。脆肉鯇魚骨腩～真係好新鮮，而且比其他店，佢俾嘅份量都算多。萵笋厚切大大件，出乎意料的好味，非常爽口。正呀！羊肉充滿羊味，只係50幾蚊，就一大碟，出去街市買，都要呢個價啦！魚皮好脆，點埋湯，吸晒湯嘅精華，認真唔錯好味。我地仲叫左一jar竹庶矛根水，都係30幾蚊，清吓熱啦。總括而言，食材新鮮，雞煲好食。值得再去。

大埔出名多美食就係人都知啦，於是同朋友發掘到呢間雞煲🙈一行三人，叫左半隻雞煲唔辣，另叫一碗秘制辣汁。首先雞煲份量正常，雞肉係滑，醬汁非常惹味之如，仲夠入味。我地因為秘制辣汁，總共叫左十樣既配料，超級滿足呀🙈先講下覺得比較出色既配料係蟹籽墨魚滑，爽口彈牙，仲有新鮮既墨魚味，完全無腥味，係物有所值。另一樣值得讚下既係即炸響鈴同海鮮芝士豆腐，響鈴一上枱就漂來陣陣既豆香味，仲有剛炸起既炸炸聲，即刻整翻舊黎點秘制辣汁，完美配搭👍🏿🥰海鮮芝士豆腐係外面就好少見，所以叫黎試下，一咬係有芝士爆出嚟，但就冇咩海鮮味，而豆腐既口感係好彈，好得意。除咗以上野食，我地有叫蟹柳，生菜，金菇，魚皮餃，安格斯牛同竹笙。呢d份量都唔少嫁，安格斯牛係好有牛味，唔需要淥太耐，口感就岩岩好。竹笙夠爽口，吸收曬湯，再點辣汁，令人忍唔住哇一聲🙈。叫左咁多野食，緊係要叫野飲啦，我哋叫咗一酌竹蔗茅根水，三人分剛剛好，飲返兩杯咁樣就好似冇咁熱氣啦🤪仲有太多野未試啦，下次會再食🙈

天氣開始轉凍，又係時候食雞煲打邊爐！上網搵咗呢間出名食雞煲嘅餐廳，係太和火車站行10分鐘左右，都算方便。除咗雞煲，餐牌仲有好多其他款式嘅煲。不過今次一心想食雞煲，所以就叫咗花膠雞煲(半隻雞)。同我一樣唔食得辣嘅朋友，可以試吓微辣，有少少麻味同辣味，惹味得嚟又接受到😋• 花膠雞煲(半隻雞) $228半隻雞嘅分量兩個人食啱啱好！而且花膠嘅分量都唔少，大概有6-7塊，每塊都大大塊，絕對足料。雞煲嘅醬汁係有少少甜甜地，好濃郁。雞件索哂醬汁嘅味，而且一啲都唔老～• 八妹拼盤 $82呢個好有驚喜！全部蔬菜都好新鮮～打邊爐除咗食肉，都要食啲菜先得嘅😂• 手切肥牛(小) $208打邊爐必叫嘅肥牛😂今次奢侈少少叫咗手切肥牛，牛味幾濃，而且肥瘦比平時嘅肥牛均勻。• 羊肉卷 $58呢碟羊肉幾抵食～$58份量都幾多。而且估唔到羊肉同雞煲湯底都幾夾😆• 鴛鴦滑 $108左邊白色係墨魚滑，右邊係蝦滑。兩款都好有鮮味！而且就算滾耐咗都keep到好彈牙😋• 三拼(萵筍/准山/蘿蔔)一盤有哂得我打邊爐必叫嘅配料，三樣食材都係越滾越入味，可以吸哂湯底嘅精華😋餐廳嘅飲品選擇都幾多，今次就叫咗杯凍檸柑桔($32)。味道同酸梅

今日黎到大埔，就決定試下好多大埔人都推介既八妹雞煲啦餐廳位置尚算方便，由大埔墟火車站搭K12去到總站再步行大概3分鐘就到平日晚上都算多人，都係事前Book定好D餐廳裝修風格係懷舊港式風格，係度打邊爐食雞煲特別有滋味！就連湯底都好多選擇呀!!不過我地都係簡返雞煲，點左半隻微辣火鍋配料都好多選擇！樣樣都好想食 哈哈哈！雖然我地只係叫左半隻，但份量都好多呀！Ｄ雞食落都嫩滑並唔會覺得鞋，而且好入味！淨係食個雞煲未打邊爐都已經覺得好滋味了配料方面我地打親邊爐就必叫既娃娃菜～夠新鮮已經足夠了！索晒個湯底既精華，好味！墨汁墨魚丸一碟有８粒大大粒既墨魚丸，粒粒都好彈牙！墨魚味好足，而且都會食到墨魚，夠晒足料！Ａ級安格斯肥牛（小)雖然話係小，但其實份量都好多，２個人食絕對足夠脂肪分怖平均，唔會太肥！牛肉煮大約十秒就已經可以食入口感覺好滿足呀～肉味好突出，適當既脂肪令到油脂感恰到好處果然係A級安格斯肥牛，質素果然有保證脆炸軟殼蟹依個係大埔既朋友推薦架！果然無介紹錯外表炸得金黃酥脆，入面仲保留住軟殼蟹既質感炸得唔會過油，作為小食黎講非常惹味大大杯椰汁冰嘩～真係好大杯呀！夠晒２個人飲而且都好好飲，夠晒冰涼，椰

問地膽大埔之友“大埔有咩好西食？，十個有十個大埔人都會答“八妹雞煲”🤣 大埔出名美食多，但係得八妹雞煲可以脫穎而出🤔聽完佢咁響既朶，今晚就試下佢咩料咁巴閉😋 一到鋪頭附近就已經聞到好大陣好香既雞煲味，店員好熱情咁招待我地，帶我地去卡位位置坐低又講解推薦食咩辣度嘅雞煲😋除左order左個微辣度雞煲之外，我地仲加配左安格斯肥牛、即炸響鈴、混丸同埋娃娃菜👧😋 仲有食雞煲最重要既飲品🤣大大杯冬瓜茶&大大杯椰汁冰😋 秘制八妹雞煲(半隻雞🐔微辣)$168因為朋友唔食得辣既關係，我地order左微辣😋原本以為雞煲要食辣先好味，點知微辣更加可以吊出雞煲既精髓出黎，唔會被太麻太辣奪走味道感受😌麻麻地辣辣地引出雞本身既雞味同醬煲醬既甜味😋，原本以為會嚡口既雞胸有種入口即溶既嫰滑感覺🤯🤯衝擊左我對雞胸既刻板印象，原來係可以咁好味！食完之後我要對雞胸肉重新定義😍名不虛傳既雞煲有芫荽中芹花椒八角等配菜調味，身為芫荽控達人既我一定唔會放過🤣芫荽中芹點埋雞煲醬一齊食簡直好味到難。以。想。像！識食既一定係咁食🤤食晒雞煲之後我地就開始放湯打邊爐 淥肥牛啦😋 A級安格斯肥牛🐮(小)$188A級果然係A級👍！絕對冇令我失望

嗰晚同朋友嚟咗大埔呢間好出名食雞煲嘅八妹雞煲食晚餐，住北區嘅人都應該聽過呢間雞煲嘅名堂，基本上去到七八點一定爆滿，所以嗰日同朋友六點半就去到。一入到去，見到餐廳環境都幾特別，好似模仿緊80年代嘅香港嗰種舊有嘅情懷，牆身仲張貼左八妹雞煲頭十項受歡迎嘅食物，好細心，咁就可以幫到一啲有選擇困難症嘅人做選擇。食材選擇唔算多，同一般火鍋店差不多，但可以話係麻雀雖小，五藏俱全。我同朋友就揀咗秘製八妹雞煲半隻，二人必點嘅三拼，裏面有淮山、白蘿蔔、萵筍，竹笙、脆鯇魚片、響鈴。不得不提，佢嘅二人必點係一個幾貼心嘅諗法，方便鍾意打邊爐人數少但又想食多幾樣嘢嘅人。秘製雞煲醬味道香濃，特別要一讚嘅係佢嘅即炸響鈴，平時出面嘅火鍋店都係用來佬貨，但佢呢個不規則響鈴一用筷子夾落去就感受到佢嘅脆度，味道真係冇得頂。 下次再嚟，除咗食雞，一定要食嘅就係呢個響鈴。

話說同朋友係大埔行完山好肚餓，佢帶左我黎呢間食火鍋，我地選左沙嗲同麻辣湯底，想讚下佢既沙嗲湯底，好鮮味，食落有少少椰子，而且湯底濃到起沙，甘先係好味道既沙嗲湯底！配料方面一定比任食個啲新鮮，叫左蔬菜拼盤，有齊晒平時會點既蕃茄南瓜菇，仲有貴價既羽衣甘藍添，幾抵食。雲吞都係火鍋推介，入面既蝦餡大大粒，皮薄餡靚火鍋點少得肥牛，肥牛好多雪花，食落先唔會鞋拾拾，而且重牛味。另外記得點野飲，大大杯有排飲！大埔終於搵到高質既雞煲火鍋，會再encore!

第一次嚟大埔呢間雞煲火鍋店 之前都有幾個朋友介紹過呢間雞煲店話😇食物質素同環境都唔錯今次我哋點左半隻雞 雞煲 雞肉滑嫩而且好惹味麻辣😋配料方面超級多選擇有雞牛羊都丸類水餃蔬菜等等都好多款 😍😍推介蝦滑 好多粒粒蝦肉爽但有鮮味 首手切牛頸脊牛味濃郁脂肪比例相對高但入口更加淋😋😋😋另外一定要叫凍豆腐可以吸火鍋醬料🤩總括依然依間我我一定會再嚟！˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ 八妹雞煲 (大埔)大埔舊墟直街4-20號美新大廈地下A1號舖

夏天熱辣辣，奈何打邊爐條癮始終好勁，一於趁放假約埋屋企人去大埔食下雞煲。去到大埔，發覺有一段長時間冇嚟過大埔/太和一帶，今日食呢間八妹雞煲喺大埔舊墟直街，屬於大埔區內出名比較多嘢食嘅區域。秘制八妹雞煲一隻($230)半隻雞$155，一隻雞就$230。我哋叫咗一隻雞，份量夠晒多，一開頭都驚自己眼闊肚窄，但係越食越吸引，最終都成功jep晒落肚。雞煲喺廚房入面已經煮好咗，店員一拎出嚟就食得。雞煲醬汁極度惹味，我哋揀咗中辣，由於我哋都幾食得辣，所以覺得啱啱好。雞肉本身嘅肉質夠晒嫩滑，唔會太老，搭配埋惹味醬汁，完全係冇得輸。雜餃($55)食埋雞煲就可以自己加湯直落打邊爐，首先叫咗一份雜餃，入面有韭菜餃、鮮蝦雲吞、魚皮餃，呢個價位有8粒餃算係咁。唐生菜($30)食雞煲一定係配唐生菜，一片片生菜索晒秘製嘅雞煲醬汁，即刻昇華咗唔少！竹笙($62)菇拼($42)薯粉($18)冬瓜茶($32)冬瓜茶大大杯上枱，飲落差唔多有出面台式飲品店咁大杯！

香港飲食文化其中一樣特別處，就是將火鍋變成一年四季都合適的餐飲。雞煲也是一樣，當然冬天吃雞能暖身，但在夏天時也有個好處-就是不用怕外套吸滿雞煲味。八妹雞煲雖然是第一次去，但之前也有聽過一些評語，尤其是他的店舖裝修很特別，很有香港的懷舊色彩。店舖入面重現六七十年代香港的街道和商舖，而且也將海鮮櫃改變成一個像舊年代的街市一樣。今次的雞煲我們點了小辣，根據店員的說法這已經是最基本的了。如果真的怕辣的話可叫微辣。雞煲的雞炒得很香而且醬料濃郁，居然我們只是叫了半隻雞也很有份量，兩個人的話已經足夠。除了雞煲外我們還點了一份雜錦餃子、羊肉、三併蔬菜，每碟的份量也剛剛好很適合食量不大的人。飲品方面如果不喜歡飲啤酒，可以試一下這裏的竹蔗茅根水，用料十足甜味也很適中，很適合害怕熱氣上火的人。總的來說八妹雞煲的味道算是很不錯，而且店舖很有特色得來也很舒適，我在冬天的時候也會再來幫襯。

有晚同朋友突然想食雞煲，咁岩行開附近就揀左八妹雞煲！好耐之前食過一次，但今次黎到發現裝修靚左好多，裝修「港味濃」，環境舒服而且好熱鬧。今次就叫左半隻雞既雞煲，雞煲既醬料濃稠但唔會過鹹，我哋叫咗微辣，煮嘅時間越長，啲醬汁越嚟越濃，會越嚟越辣，好惹味🤣雞肉嫩滑，每件雞唔會好大舊，會較方便進食，雞嘅份量都唔少，食完啲雞其實都半飽！差唔多食完啲雞就可以請店員要湯加落個煲道開始打邊爐！！我地叫左雪花肥牛（小）、混丸、娃娃菜、芝士小籠包、紅薯粉、即炸響鈴～肥牛脂肪比例唔錯，亦有油香，即使叫咗細份都好滿足。混丸就岩哂啲咩丸都想食既朋友仔！芝士小籠包其實係芝心丸，一咬落去會爆芝士！記得放涼少少先，如果唔係會辣親個嘴🥲🤭另外響鈴都好正，即叫即炸，每一舊都大大件，雖然形狀有啲奇特，但炸得十分鬆脆再淥一淥就做到外軟內脆，索晒啲湯汁好正😋打邊爐一定要叫一酌竹蔗茅根解渴又下火，清熱潤燥，又可以同朋友一齊飲🤭餐廳既一角有調味區，基本既醬料都有但我個人就好想要芝麻醬🤭覺得調味區嘅配料可以再多少少🤔不過調咗個醬汁返嚟都冇點樣點，因為打邊爐嘅湯汁已經好濃味，夠哂惹味，唔需要另外嘅醬汁。食物同環境都唔錯，值得推介👍🏻