八哥主題餐廳 (已結業)

雖然我唔係八哥狗fans 不過之前嚟過，特別鍾意佢嘅甜品，所以好友生日同佢呢度慶祝~餐廳位於加連威老道龍城藥妝對面，沿著樓梯上去已經見到餐廳嘅poster，同埋地下既HUNGRY PUG logo 。入到去好多八哥狗既擺設坐低先告知服務員甜品寫上happy birthday字句，朋友嚟到先點個黑松露薯條。呢度嘅黑松露薯條用上了黑松露醬，黎到嘅時候已經好香既松露，服務員問我哋要唔要茄汁我哋都話唔需要喇!薯條炸得好香脆~我點左杯西班牙特飲Sangria，呢杯結合左紅酒同鮮果既香味，調較得唔錯吖！好友點既係Macha Latte，上面仲有隻八哥狗，個個女仔見到都一定中意啦! 招牌八哥燒烤豬肋骨餐牌上寫咗有四條，但原來上檯見到好大份囉!!其實有八條，豬肋骨嘅燒烤汁非常惹味，肉質有彈性厚身，唔會燒到乾咁，脂肪分佈均勻。雖然另外有醬汁可點，但本身既味道已經好夠。呢份ribs 對2個女仔黎講確實係幾多~ 已經容不下其他野了!! 不過話哂birthday dinner無理由唔點個甜品既~ 上次好好味既八哥宇治抹茶朱古力慕絲，同埋4D  Pug都賣哂了，最後點左蘋果金寶~ 蘋果金寶，頂層既餅碎焗得金黃香

最鍾意狗仔嘅我一見到尖沙咀開咗間八哥主題嘅餐廳 就一秒決定一定要去啦入到去間餐廳環境都唔錯 座位都幾闊落 重點當然係四周嘅狗仔裝飾啦 我地兩個人食叫咗兩個主菜加個小食再加個甜品 份量睇落唔多 但食落都幾飽-黑松露薯條簡簡單單炸薯條 上面有啲松露醬咁 炸得香口 冇乜驚喜但正常味道啦～-黑松露牛肝菌意大利飯意大利飯略嫌啲飯煮得太腍 但整體味道上嚟講都係正評嘅！-招牌八哥燒烤豬肋骨佢寫話4條骨 但上菜時就有6條😂 幾大份👍 邊邊位嘅肉腍身啲 加上佢個酸酸甜甜嘅汁 又幾惹味！伴碟嘅蔬菜都唔係是但執啲 全部都有特別煮過 菇呀豆角薯仔都好食！-八哥宇治抹茶朱古力慕絲為咗狗仔先嚟嘅我 最期待就係依個啦～ 個樣真係好得意😍 宇治抹茶味好濃郁！慕絲嗰part真係好夠抹茶味 唔甜 然後配返偏甜嘅朱古力餅底一齊食就岩岩好！少少意見就係伴碟啲生果再多啲就好啦😆整體嚟講都幾好 聽講而家晏晝仲有做90蚊任食 應該幾抵食 可以encore！

身為八哥狗狗既粉絲，知道尖沙咀開左間八哥狗狗主題餐廳，梗係狗衝去試下。抱住開心又緊張既心情入到去，見到好多自己八哥狗狗偶像既圖畫同裝飾，不禁係心中大叫左一聲！餐廳周圍環境都好舒適寬敞，又有Sofa，坐得好舒服，同朋友行完街hea下傾下計就最岩啦。 坐底之後，立即打開menu 睇下先，佢既選擇好多，小食主菜意粉飯類同甜品飲品都好多種類，我地兩個人都好肚餓就點左芝士多士，黑松露薯條，雞翼，韓式一口牛同卡邦尼意粉首先芝士多士上面既regular cheese 入口好香，芝士味濃，同麵包一齊食剛剛好，非常配搭，係會想再ORDER既小食之選。之後就係黑松露薯條，侍應一拎到泥，好香既黑松露味已經令我食慾大開，炸到金黃色既外觀剛剛好，入口熱辣辣又脆口既薯條真係要讚下 仲有我最愛既雞翼 有三個汁 各有特色之後就係韓式一口牛，一口牛既下面配左韓國泡菜，食完和味既韓式牛肉之後有泡菜中和一下，是不錯既組合，仲要一粒粒既一口牛排的好整齊，望落去已經加左分，相機食先既我覺得非常滿意。最係就係卡邦尼意粉，意粉上有蛋黃配搭，顏色好吸引。我地將蛋黃汁同意粉撈埋，卡邦尼汁同蛋黃汁相輔相成，佢既味道一Ｄ都唔溜，對於我呢Ｄ

收工經過龍城望過對面被窗口D八哥公仔吸引到，原來新開咗間以八哥為主題嘅餐廳。愛狗之人嘅我決定上去睇下，大發現！成間餐廳都係拍攝靚位，位置好寬敞好舒服無咩壓迫感，啱哂三五知己黎把酒尋歡。由於聽日仲要返工關係叫咗杯熱朱古力 ($40)，好彩叫咗熱飲，因為熱飲先有PUG圖案呢，CUTE CUTE。叫咗幾款小食同一個主食試下:燒烤瑞士芝士多士 (2件) $28芝士味好香口, 每人1件實在唔夠皮，ENCORE多一碟，最後一人兩件好滿足。黑松露薯條 $58次次見到MENU都會叫 ^__^ 薯條即炸好夠熱好脆，黑松露絕對係不能抗拒嘅味道！滋味單骨雞翼三重奏 (10件) $98單骨要加分啊食得好方便同埋D肉好滑嫩一D都唔”鞋”，D醬又好惹味食唔停口，推介啊！黑松露牛肝菌意大利飯 $148啖啖黑松露味, 飯唔會太硬太淋身, 口感剛剛好，為今晚晚餐畫上完美句號 ^__^P.s建議大家如果想窗口位一定要預早book，因為見到窗口位於長期都full的

今日同朋友去是但一間餐廳食飯, 而超鐘意狗既我經過呢到緊係即係停低啦。首先, 我俾幅牆既粉筆壁畫吸引到, 真係好靚畫得!!不過個一刻我先知粉筆原來可以有咁多色😂😂我地今次叫左個二人餐, 500幾蚊唔算太貴, 因為有扒有羊架有湯有野飲仲有甜品, 差不多啦。先黎個磨菇湯, 呢個唔太濃, 我鐘意偏淡味呢個岩我口味, 因為湯太濃的話會影響之後食扒胃口。飲完個湯無野做, 我周圍望, 發現呢到好多野都係特製, 包括紙巾同碟, 都好有心, 呢啲都係成本呀!先黎既係原隻蟹沙律, 勁好食!!!!!不過好大碟, 食完已經無畫三成戰鬥力。之後黎既係朋友既牛扒, 我先留意到既係隻用粉篩出黎既狗狗!!佢每碟角落頭都有 好細心, 扒有驚喜, 整得幾香岩岩好, 我地叫七成都唔會over老左, 但佢既薯仔片真係食唔停口!!! 之後就到我既羊架到, 我叫左五成熟, 我覺得幾好食, 但唔係好靚貨, 不過好腍整得, 我幾鐘意食, 大家可以試下。野飲我無刻意影啦, 因為到甜品一黎我已經大叫左聲"好得意呀!!!!!!!", 真心我同朋友都放左係到五分鐘唔肯做動手個個, 因為覺得好殘忍。當然最後都有食, 但我食完都唔知係雪葩定

自己一個孤獨精無無聊聊周圍行，見到條街呢度有張海報，初先以為外賣甜品，望真原來樓上2樓有野食。上到黎，呢度坐位夠闊落，周圍佈置都有狗狗，餐牌，紙巾，甜品碟都有，淨睇都開心。睇下有咩好食先。紅咖哩牛肋條飯，好有心思呀，D飯飯砌到骨頭狀，仲要一放底，已經好有椰香咖哩味。個咖哩汁夠辣，辣得黎好椰好香，牛肋條咬落係爽脆唔黏牙。蘋果金寶配雪糕，成件事真係演繹得好好，呢個蘋果金寶係暫時見過最靚既，出面好多時係求其將個雪糕放係蘋果金寶上面就serve比你。先試呢個藍莓雪糕，食落有粒粒藍莓碎，雪糕既口感介乎於雪糕雪芭之間，冇甘膩之餘，仲可以突出藍莓小小酸既味道。食完雪糕，蘋果金寶仲係熱架，上面D脆脆香脆可口，下面既果肉仲暖笠笠，所以廚師好細心，分開serve係有原因既，抵讚！其實我已經飽，但好奇心下，都試下右邊呢個cream, 不得了！個cream裡面好有空氣感，食落係cream既味道，但有棒棒棉花糖既質地。連蝴蝶都食得架，蝴蝶係薄薄既一張糖紙，入口即溶，絕對唔係平時係西餅舖買既一大舊厚厚糖餅。呢度真係又睇得，又打得。

我同朋友都係愛狗之人見到八哥咁得意既主題餐廳真係被吸引左全間餐廳既牆、窗都畫滿八哥而且都有好多八哥既佈置但周圍都有客人坐 影相唔容易食物方面其實就比較少有用八哥既造型我地叫左一杯熱朱古力係八哥樣自選汁烤焗雞翼有4款汁揀，BBQ汁/馬來咖哩汁/榛子楓葉糖漿/日底照燒醬我地揀左BBQ汁 雞翼味道有點像脆香雞翼葡式香辣燒春雞雞太多肥膏 不過都燒得好香脆卡邦尼意粉配溫泉蛋比較普通既意粉食物不算有太大驚喜只是為主題而來

朋友推介這間餐廳，環境的確幾好，有好多八哥的公仔，睇到的確會幾開心！可惜，食物價錢真係有啲貴，貴都唔緊要，重點係份量少得可憐，完全物非所值！特別是$58黑松露牛油菇菌，一隻巨碟裝住一堆份量極少的紙包菇菌，望住真係呆左。。。味道好一般，好失望。$78六隻單邊雞翼真係細隻到呢。。朋友話KFC好味好多，仲大隻夾抵食好多最後叫左個卡邦尼意粉配溫泉蛋，味道都一般，份量又少。。我地叫左兩杯飲品埋單三百幾真係好唔值，重點。。食唔飽，難怪冇咩人去我同朋友講，甘少人都好正常，因為去完的人實唔會再去。*唔好意思，真係冇影相，但句句屬實因為望住啲野食都呆左，唔記得影相

與友人慶祝生日網上見到八哥主題餐廳心想應該很可愛但除了店內裝潢有以八哥為主題食物或者餐盤設計並沒有配合此主題略有點失望點了安格斯牛扒， 味道一般，沒有多餘配菜感覺有點不值這價錢卡邦尼意粉不是很夠味食物有待改善

因為是八哥主題，一直就很期待了，開業以來也有不少好評和報章介紹。終於約到朋友來試試，怎知失望而回⋯⋯約了飯局之後當然要book位，怕還是很多人要等呢，當日去到都full了一大半。去到就看看餐牌，價錢不算便宜，但幸好份量不算少。叫左野食之後，都等左大約廿分鐘都未黎，吹下佢先黎少少，因為叫左五六樣野，都黎到好慢，都無左相機食先呢回事，因為餓死啦！食品就無乜八哥元素，飲品就加入到小小啦，但叫左個綠茶latte，八哥隻耳仔無左，同埋有少少溶左，有點難睇得出是八哥。而味道真是不予置評，無咖啡味無奶味無綠茶味，即係乜味都無，是水味而且綠茶粉很苦，攪拌後還是無味，凍左更難飲！十分失望！另外叫左雞翼，係細隻版m記脆香雞。黑松露薯條就算吾錯，薯條食到最後都好脆，有黑松露醬，好惹味。德國香腸拼盤，無乜特別，同出面食到差吾多。卡邦尼意粉同黑松露飯算係比較好食，同埋大碟。叫左set叫左豬仔骨同西冷扒，兩種肉都好嫩好淋，吾錯！最後跟set有個甜品，本以為係簡單一件cake，但原來都幾特別，個底類似牛脷酥既野，上面有芒果雪糕，成個都幾特別，但吾知叫咩名，同埋等到吾耐煩都無影到相。整體：食物味道同外觀算吾錯，份量都

這間餐廳一直在我們的To Eat List。因爲小狗主題非常吸引，環境寬敞，每處都有拍照的特式位。如果有真狗仔一定會更開心 哈哈。這一天我們來了吃Lunch Set。前菜選了沙拉和龍蝦湯。龍蝦湯雖然沒有龍蝦肉，但喝起來非常鮮甜！食物還算不錯，最欣賞這個牛油果軟殼蟹蟹籽漢堡！漢堡包的表面很多芝麻，質感軟熟。雖然只是牛油果醬，但感覺新鮮，分量也不少。軟殼蟹炸得非常香口，鮮甜多汁，配上沙律醬蟹籽，咬下去口感一流！另外點了安格斯牛意粉。牛肉肉質軟稔，意粉醬汁像美極般，味道雖然偏甜但還可以。飲品方面，我們點了可樂和我至愛的matcha latte。結果除了有八哥樣子比較可愛吸引，味道真的⋯⋯⋯⋯下次有機會會嚐嚐別的咖啡，希望能平反一下。

由上年聽過八哥餐廳呢個名，就已經好想去（本人係八哥狂迷😛），趁今日得閒，於是就同妹妹去左。本來以為星期日會有好多人去，但tea time去到都唔算多人我同妹妹就一齊叫左呢個甜品set嘩~~成三層既甜品set，第一層係加拿大漏斗蛋糕，食落唔太甜，上面既cream都好軟滑，加埋炸過既蛋糕，真係食到停唔到到第二層就有唔同既蛋糕仔，推介朱古力蛋糕仔，朱古力味幾濃郁；其他蛋糕味道還可第三層就真係...唔知點解我地都食到焦糖燉蛋入面有檸檬味...食左幾啖就放棄了問題就黎啦我地以為食物上面起碼會有個八哥牌仔，配合返主題。環顧四周，有三幅大牆都有八哥畫，無奈前面都有人坐喺度，埋唔到過去影相，惟有叫返杯熱朱古力，希望有八哥樣望下結果真係有，終於叫左一樣係有八哥樣既食物！味道還不錯的

中午來到這間八哥主題餐廳午餐，牆壁同窗都畫滿八哥畫，定期會改變，幾可愛，打卡啱！但除了壁畫和少許擺設，就沒有更多其他關於八哥的原素，如果再多d就更好！以前吃過很多不同主題餐廳，一般環境同擺設贏曬，做得超靚，但食物質素會麻麻，所以本來已經有心理準備，誰不知這裡的食物也做得很不錯，有誠意！炸軟殻蟹漢堡，佢真係用原隻軟殻蟹！炸得香脆可口！牛油果醬好㚒！薯條剛炸好！又熱又脆！好食！All day breakfast 配料超有誠意！溫泉蛋好滑好味！腸不是cheap野，好味！薯角又好得！

好鍾意去主題餐廳， 見八達哥咁得意就試下，環境好靚， 老闆一定好鍾意八哥，連waitress都比個八哥公仔陪著我哋, 扼下like先。食物質素唔錯，陰暗燈光傾計最好， 坐得舒服德國腸拼盤caesar salard黑松露意大利飯黑松露薯條green tea latte

八哥除了野食好食外，大廚那份熱誠，用心去制作的每一道菜都十分精美，那麼以八哥做主題的甜品，吃了也什麼不快都通通忘記。餐飲種類多，連手工啤都有，三五成群去個唱飲，真的冇法忘記。那些八哥墙畫，定時轉新主題。愛八哥之人必定要去。不生難忘。