八八八拉麵 (已結業)

試一次都無妨. 拉麵就無咩特別, 價錢就貴小小, 環境都OK, 服務都幾好.

66蚊(加左一)食左碗鹽味牛油粟米拉麵...不過由於工作關係...我一定要外賣...點知佢拉麵唔做外賣..但最後佢都做左...用佢堂食d碗+保鮮紙就俾左我拎走lu~之後要還返個碗俾佢講返個麵...真係...我寧願去食橫丁/味千..咁既價錢咁既質素....唔值~~d麵我懷疑係粗既生麵...試過一次就算~

想吃中華冷麵，成條拉麵街都只得Gottu賣關西風的冷湯拉麵，不是太合胃口。見到這裡的冷麵，雖然也不是但也較接近中華冷麵，就走了入來。Sanpachi是札幌品牌，彼邦做得當然不比山頭火好。年前在尖沙咀食過，味噌湯都只是一般，印象麻麻。是日再臨，一樣先打四十。就是個地庫的溫度都幾高，出面是大悶熱天，至少都三十一度，但落到來，都至少有廿七/八度，見有不少人在呼呼的吃熱湯麵，能耐真高！入座安排跟上次一般的亂，我一個人，見未有位就坐在椅上邊看雜誌邊等，但之後的人就直入拿位，店員也不控制。結果我也不等，用了這個「無品」拿位法，在一張二人檯坐下了。價錢好像是相宜了，一個飯加迷你麵又有飲品的午餐只賣48蚊。要了汁燒豬肉飯，冷麵要加5皮，當然要埋。想等埋飯都一齊影相都不容易，因為飯5分鐘不用就有，但麵呢，等了差不多廿分鐘，好在不是湯麵等飯，如不是不變「肥仔」都難。先吃麵，都夠涼，伴麵的汁要了凍味噌，但就是沒有什麼味道。冷麵的湯汁跟湯麵的熱湯一樣，是靈魂，這是個沒有靈魂的冷麵。伴碟的黃芥末又多過頭，可幸只撈了一點點，如果不是就變了「芥末撈麵」；燒豬肉飯反而不錯，豬肉都幾有咬口而不過韌，飯是珍珠米，都煲得軟

見食評唔錯先落黎地庫走一轉豬骨湯底粟米牛油叉燒拉麵逐樣講原來正如尖沙咀扎幌(2005-12-01)歐巴桑所講日本粟米真係好食尐架今次既就似乎唔係喇唔係粒粒飽滿之餘亦唔多夠甜不過勝在量多撈極都有食極都唔完湯似乎不夠熱令拉麵很硬幸好充足的牛油的軟滑和香味救回硬面的一命忽發奇想唔知如果叮出前一丁唔落麻油落牛油又會是甚麼光景試過的不妨話我知叉燒得三片但肉厚得來亦不韌幾好一客有一份既北海道明信片亦補足了地道風情如果我果份有一張小樽運河就更加好喇快將離席之際有多位自由行大叔駕臨同待應妙問妙答如「這個豬骨湯拉麵是啥湯底?」「這個大的拉麵和小的拉麵有甚麼分別?」「小的是大的一半。」「那大的用多少両麵?」「…」內地文化真係博大精深大家有排學有排習慣…不幸言中新一浪又衝緊埋黎傳統智慧話「俾佢浸親多幾次就學識水架喇」好彩我仲未浸死但係幾時先學得識游水?

女友早兩日已經話左要去呢度食, 於是今晚一放工就走過去, 怕無位. 去到, 我地係第四台客, 明顯唔怕無位.明知係面店, 我已經話唔好叫飯食, 於是一個叫左一個面, 仲加個餃子. 我既味憎魚湯叉燒面, 一味得個鹹字, 魚味點食都無, 食到一半已經覺得個咀興興地, 食完飲左三杯都仲覺得口渴...女友叫既係炸豬排面, 一樣係得個鹹字, 湯底除左鹹真係唔知有咩, 女友仲食到d面有粉味, 好似煮唔熟咁, 我就食豬排既時候覺得個皮有粉味. 最後個餃子算係最見得人, 皮薄而且軟, 味度都ok.我自問真係一個唔咀刁既人, 所以連我都覺得難食既就真係有d問題. 難食到要上黎寫既咁你話喇. 仲要咁既價錢, 元八好食過佢一百倍! 就算中環札榥呢間我唔會去既謀人寺都好過佢...

本來想再食韓菜，點知平時無主見的老公唔肯一個星期內食第三次韓菜，唯有就下佢啦。知道大衛食過，應該有一定保證，所以有信心去試一試。一打開餐牌發覺得與尖咀的Ramen Sanpachi好相似，落完order後，才發覺原來係姊妹店。初初時少少擔心，因為尖咀店是唔太好食，幸好呢間完全是兩回事。辣湯拉麵-湯不算辣，勝在幾香。又大塊又厚叉燒，有肉味，唔似尖咀店的煲湯豬肉，麵夠爽口，彈牙程度算一般。冷麵-有蛋絲、叉燒絲、青瓜絲等配料豐富，而食落又有種涼快感覺，好適合現在大熱天時食。再加一客炸豬扒，又脆又熱，豬扒又鬆化，唔錯唔錯。點解與尖咀是同一集團，食物質素差咁遠。

今日同男友睇"海神號"之前,特登帶他來吃的。本想叫炸芝士試下,點知個侍應話賣哂。唯有叫2個午餐,我要鹽味拉麵拼豚肉飯;男友加$轉冷麵(醬油味)拼咖喱飯。我今次呢個豚肉飯就唔錯喎,d汁最好味。而男友的冷麵味道ok,同d麵都夠凍,和壽司亭以前的中華冷麵都一樣咁好味。而男友的那個咖喱飯,醬汁不辣而濃味,配白飯一流。好彩男友先到左位,後來漸漸多人,要係門口排隊;而且不少係日本人來幫襯番。今日我終於見到那個日本老細,對客人好友善,但會惡惡地咁話d員工(用好似日文的廣東話)。而員工方面,基本上每個都好nice,只有一個藍衫的收錢女侍應,全程黑口黑面，一d都唔friendly,同其他侍應一齊顯得格格不入。*因為今次d飯好食番,所以俾番個笑臉啦~

Came a month ago when my friend introduced me. I had a good time. Food are good. Waiters are polite. Environment bright and clean. The Fried Cheese ball was so impressive. Only I felt guilty of being fat.This time a birthday dinner. so we ordered quite some food. Choices of main ramen are not many. U read carefully U will see only a few kinds but ADD butter or ADD corn. The small or special ramen are on another page of menu.魚湯醬油拉面very nice. Soup a little salty but I like it. Noodle has good text

$48 的午餐有一碗小拉麵+ 迷你飯+ 罐裝汽水拉麵可選湯底, 平日只懂叫豬骨湯底的我, 見食評中好多都說鹽味湯底, 便試下啦~一試,唔.... ok 喎, 比想像中濃味,也不是只有咸味的那種。 麵質爽而不硬。份量也不少,對女仔來說,夠啦~但我選的那個迷你燒飯, 嘩,舊燒超硬超乾。X 不合格!

我係上年九,十月平日來食過呢度拉麵, 記得個時做promotion, 全店拉麵都賣十蚊,咁我就約埋屋企人(3個人)去食啦. 由於太多人足足等了個幾鍾先有位,到拿到位陣一位好高的侍應話無位分開坐住先.跟住同之前個侍應來點菜,我屋企人見到隔離台的食客走,就問個個侍應可唔可以調位,佢的態度好差,話唔可以.跟住我地點菜啦,我地叫了幾個麵食但不同湯"地",由於得一張點菜,我就問個個侍應可唔可以拿過張點菜來睇下點了什麼,個個侍應勁唔願意比過張新的點菜我0囉(但都比了)佢好串話你唔可以唔記得自己叫了什麼架,麵到了就要舉手應"呵"話.0下唔係話但碗麵到個陣我無舉手都黎0左囉.講d麵好唔好食,我覺得如果一間日本食店連服務態度都咁差,無人會再光顧囉.

BBQ前來這裡吃碗麵打底，拉麵癮起，銅鑼灣的拉麵店多得很，迎合港人口味的亦不少，就揀了就腳的888。一條友自然坐吧檯，非叉燒迷，見粟米拉麵有3數片叉燒，夠過口癮，價錢又較叉燒拉麵平10個大洋，就叫了粟米拉麵。邊等邊看師傅表演，一款湯頭可以調出數款口味，秘訣在於「後期加工」，將不同調味料加到湯中，真的要幾簡單有幾簡單。中口闊身碗盛載著，蔥、筍、海帶、白菜、粟米及叉燒湊出北海道拉麵，賣想算是對版，若換做日本長蔥會更好，以$38的價位來說，無得「彈」。說回拉麵，湯底扁淡，沒有豬骨的鮮味，味精重得很，淺嚐一口已知不對路，說真的，味道絕對迎合香港人口味，足夠應付一般食客，嗜麵者而言，一次就夠。拉麵唔錯，起碼無麵粉的「押」味，以麵論麵，還是西山的好。叉燒醃得入味，偏瘦，叫做交到功課。環境唔失禮、流程簡單＠上菜速度夠快、味道夠中庸，唔濃唔淡，價錢唔貴，完全符合港人口味。

那天路經當店，見餐牌頗吸引，所以便和朋友一試。那裏設計簡單，不太像其他日式餐館，但發現牆上的證件，甚連老闆、廚房內的職員都說流利的日文！食物方面，我們只吃了拉麵。湯底濃，麵質爽口彈牙，和一般食肆不同。而且很大碗，我們根本不能再叫別的食物了。而且地方很整潔，職員服務一流。怪不得即使門面沒有多大的設計，而且還是地庫，也能吸引很多顧客呢！

星期日晚23/4八點幾都好多人，要等位，企在門口等，我地兩個叫左兩碗迷你魚湯醬油拉面同迷你豬骨湯拉麵，得一塊肉，一塊紫菜同d筍，我覺得前者好鹹，後者都幾香但肥，麵得好小同埋我覺得有d梘水味，每碗三十蚊，因為大碗實在太貴了，六十幾蚊一碗我覺得唔抵。另外叫左個燒魷魚，三十蚊，加埋一剛剛九十九。總括黎講我覺得油麻地果間棋綱好味好多，不過li度服務都ok，個日本老闆都幾好禮貌。開放比客人睇到的廚房間隔同隔離幾個舖位執左笠的cafe cardinal一樣o既?!

服務:一流! 員工好有禮貌~ 我o地兩個人去, 開頭俾o左張兩人位我o地. 隔離(四人位) 走o左之後, 佢就問我o地要唔要掉過去. 我o地話唔使, 因為仲有人等緊位, 留番俾真係四個人o既仲好啦~ 過o左一陣, 又有四人位走, 佢就再問我o地, 真係好體貼^^~ 走o既時候都好誠懇咁say bye-bye 添~環境:都唔錯~ 白色為主調, 幾舒服~ 唔似得"味千"咁又窄又暗. 令人可以食完之後再坐o下傾o下計~ 望住d 廚師o係里面煮都幾好~ 冷氣就有少少凍~食物:由於一早上o黎睇o左d 食評, 所以都冇叫醬油拉面, 反而叫o左個一客豬骨湯底拉面& 一客冷面. 豬骨湯好香, 唔係想像中咁salty, d 面好彈牙! good! 個冷面d sauce 同d 料就普通o左d, 都ok 啦~我o地下午去, 叫面有soft drink 跟. 所以都幾抵~對女仔o黎講, 份量算大. 要瘦身o既女孩子最好叫small 版~overall 都幾good, 值得去~!

又到每星期的例行公事, 橫豎都要等個多鐘, 倒不如吃個午餐先.朋友的同事話這間比小樽純更平更好, 我又即管試試.午飯時間, 雖然店子位於地庫但非吸煙區又幾多人, 至少一家四口都有幾檯, 有兩檯還是日本客.老闆好似是日本人, 但都識少少廣東話.沒有凍麥茶, 只有淡淡檸檬味的凍滾水, 稍有不及.我要較清的鹽味叉燒拉麵, 論材料, 此店不下於港島三大, 筍, 蔥, 芽菜很多, 還有肉碎, 麵質水準不相伯仲.叉燒似乎沒有燒過, 但醬油的味道配合得不錯.熱熱的吃得滿足, 個人而言比拉麵橫丁更好.