全記點心專門店 (已結業)

20-5-2017(Sat)朝早同老公去完銀行買餸前食個早餐,可能時間尚早,重有卡位坐,一入去,亞姐即刻問飲咩茶,得兩款茶揀,就係普洱同鐵觀音.我揀o左普洱,然後我o地剔o野食,剔完落單,等o左13分鐘o野食至到.1. $29.00o既黑松露鳳眼餃夾起上o黎個皮黐住底o個張紙,攪到散晒, 黑松露味道好濃,蝦仁爽,唔錯.味道:4.6分2. $18.00o既蠔皇鮮竹卷唔大件,食落,唔多夠味,餡料唔多,口感係好腍,一般.味道:2分3. $18.00o既蒸菜肉包呢個味道清淡,OK.味道:3分4. $18.00o既香茜牛肉球大大粒,牛肉鬆軟夠味,唔錯.味道:4分5. $19.00o既金珠鹹水角同樣大大個,皮o既口感煙韌,味道都唔算好惹味,但都OK o既.味道:3分6. $18.00o既奶皇流沙包奶黃味濃,有少少流湯,都係唔錯o既.味道:4.6分茶原來係俾茶包,唔怪得只係$3.00一位咁平.環境:卡位枱同凳o既距離唔夠,幾迫.冷氣開得幾大,不過o岩o既,佢o既茶好熱,而且食物係即叫即蒸,好熱,要快快吹凍令翻枱翻快啲.裝修幾有特色.衛生:好乾淨,唔錯.服務:密密收o野.其他:如帶來飲品同o野食,每位

今日收工同三位同事食飯， 見大家都唔想食熱氣嘢，上網又見到附近間全記點心唔錯，所以就黎左呢度食。一睇到點心紙就已經有驚喜，竟然仲有鵪鶉蛋燒賣！現在已經好少有酒樓會賣啦。 燒賣上的鵪鶉蛋， 加上充滿肉汁的豬肉餡， 真係令人回味無窮，好難再搵到啦。鳳眼餃同蝦餃的鮮蝦， 不但爽口彈牙，而且仲大大粒， 加上皮又薄又滑，比一般酒樓既仲要好吃。必食的還有腸粉。 我們一共叫了兩份腸粉， 一個是 叉燒腸， 另一個是脆皮蝦腸粉。 先唔講佢既味道，淨睇成條腸粉霸哂張枱都好過癮，而食物方面，腸粉皮真係十分薄同滑，如果你食既係脆皮蝦腸粉，又脆又滑既感覺都好新奇。而飲茶必叫之品－流沙包，奶黃餡既份量都適中，一黎到果陣熱辣辣，Meet開佢即刻流左幾滴出黎；而流沙煎堆仔都是用同一個餡料， 兩件奶黃餡的食品都不算油膩，而且有蛋黃的香味， 拍得住酒樓點心的水準。最後我們也叫了一個甜品， 杞子桂花糕。 材料很足， 不甜， 很適合女生吃， 所以很快被同事吃清光。總結黎講，全記點心既份量都偏大，而且都俾足哂材料，但埋單價錢一人都只係差唔多$80，係性價比十分高既點心店！

今日收工去荃豐買game，買完game係附近搵嘢食，見到呢間鋪有得飲茶同食點心，自己一個唔知食咩好，所以入去試下。呢到的裝修好特別，充滿工業風，牆身只係本身的石屎牆，再加上感覺復古的天花燈，好特別，但似乎同點心有點格格不入。茶唔係一般茶樓用茶葉沖的茶，只係用茶包沖，專誠去飲茶的可能會覺得好失望，不過我主要係想食點心，所以無咩所謂一個食所以只係叫左3個點心，蝦餃皮薄多餡，好足料珍寶蝦春卷，脆卜卜，好好食，但係我1個人食就覺得好熱氣！share食會好d如果夜晚口痕想食點心，呢間鋪頭真係食得過

點心這回事，大家有多少回憶？我總是憶起小時候跟家人在茶樓喝茶，那時候對所以食物都有幻想，小時候的我總是對每樣事物好奇；大一點的時候，反而多了跟好友們、同事們去喝午茶，我稱為最能面向每一個人、跟每一個人在午餐時對談的飲食方式。今次卻是跟他來喝晚餐，他剛好在荃灣那邊工作完畢，剛好發現有家叫做「全記點心專門店」的食店，心血來潮想要吃點中式美食作晚餐的他就這樣子決定了今次的晚餐地點。 剛走入小店店內滿滿的是點心的牌子，讓人可以清楚有甚麼點心可以點來吃。至於廚房嘛，剛入門時就已經見到了，放滿了蒸籠，廚師的工作人員亦忙於打點客人點的食物。小店的裝潢也充滿著「點心的意味」，天花吊落的小架上也放滿了蒸籠。 土魷肉餅飯 ($24) 最後來一個蒸飯，每粒飯的軟硬度剛好，也不油膩，加點豉油的話，味道更勝一籌。至於肉餅也不賴，肉餅中的豬肉肥瘦參半，食落相當淋身，而且也很香，土魷混在肉餅當中，為略為單調的肉餅添上口感跟味道，令整個土魷肉餅飯的口感跟味道更佳。 藥膳鳳爪 ($24) 一籠藥膳鳳爪中好像有三、四隻鳳爪，其實很好奇店方用了多少時間去蒸熟面前這個藥膳鳳爪，因為鳳爪相當入味，相當鹹香。藥膳鳳爪的湯

朋友知我鍾意食點心，今日就介紹左我黎全記點心專門店。距離荃灣地鐵站不遠，行過去好快，地理位置算係幾方便。黑松露蟹子流心芝士灌湯餃朋友話呢款必點，真係講得冇錯！黑松露味道超香，芝心達澎湃的流心程度，我從未食過一款灌湯餃咁有創意又令人印象深刻，必點！蝦餃皇＄28一籠三隻，粒粒都晶瑩包滿，蝦肉很多，爽口彈牙。北菇棉花雞＄23水準之上。黑椒金錢肚＄23最惹味就係呢籠，金錢肚很腍，尚算易咬。香茜牛肉球＄18份量絕無欺場，香氣撲鼻，也很有嚼勁。奶皇流沙包＄18流沙包必點是常識吧！蒸的時間掌握得剛剛好，真流心，我同朋友都讚不絕口。鵪鶉蛋燒賣 $21不過不失。滋補藥膳鳳爪 $21挺有特色的一款鳳爪，藥膳湯可以直接飲用，藥材味濃。而鳳爪非常嫩滑，如此配搭還是第一次吃。珍寶蝦春卷＄25長長的三根春卷棒，用玻璃杯裝，脆卜卜，點沙律醬分外滋味！蜜汁叉燒腸＄22外皮滑溜，叉燒餡料充足，不會乾精精，不錯。兩個人食咁多款點心真係飽到上心口，但佢款式多選擇，太吸引，忍唔住就嗌左咁多籠。最重要係質素好，華實兼備，唔似某酒樓咁得個款，持住大財團資源豐富就粗製濫。今次來食點心，不得不比個好評！

今日和朋友往荃灣全記點心專門店食晚餐聚舊。我們點了蝦餃皇, 菜苗餃、粉果、鳳爪、叉燒飽、鳳眼餃、芝士餃、柴魚花生朱骨粥、脆皮蝦腸粉、蘿蔔糕和土魷肉餅飯。這裡門面雖然平平無奇, 但店內很有特色, 有算盤的座椅卡位和有蒸籠嘅天花板, 很有特色。蝦餃皇好大粒, 皮好薄、蝦好新鮮彈牙；菜苗餃皮薄餡靚,好爽口, 食落不會成口油；粉果好足料份量十足, 粉果餡有蝦米, 瘦肉和花生等材料, 食落惹味；鳳爪夠熱, 味道尚可, 大小適中, 個人建議如果鳳瓜辣油多一點, 食落更加可口；叉燒飽面包好軟綿, 叉燒肥瘦適中, 肉質鮮甜, 很有水準；鳳眼餃是餐廳的特色點心, 賣相一流, 有黑松露和蟹籽, 鳳眼餃皮薄而且夠熱, 蝦入口新鮮彈牙, 配上黑松露和蟹籽, 食落口感豐富, 真材實料,好高水準；芝士餃芝士味濃, 入口即熔,食落不會太油膩, ；柴魚花生朱骨粥份量適中, 粥底好綿好滑, 朱骨肉汁美味, 花生和柴魚香口, 好食粥品；脆皮蝦腸粉個人認為餐廳另一特色點心, 腸粉味道適中, 皮蒸得好薄, 餡內有油條和蝦, 油條炸得香脆, 蝦好鮮甜彈牙,整碟腸粉十分美味, 質素甚高一定要趁熱食；蘿蔔糕煎得金黃, 份量適中,

行街行到攰諗緊食咩好 就見到全記點心，之前聽朋友講呢間好好食 就試下先啦！果然名不虛傳呢！特色裝潢，新一派茶樓感覺！價錢都不算貴坐低即呷一口鐵觀音先，但只係茶包沖，並非一壺壺。先點特色點心黑松露芝士蟹子湯包芝士蟹子湯包啖啖濃濃芝士😍芝士控係必點，黑松露味又不會搶走芝士味，內裹混著肉粒，外皮亦十分薄，好食。黑松露野菌餃，野菌混入黑松露，外皮做到煙韌不痴牙外皮超煙韌。點少得我最愛奶黃包呢😍混左蛋黃在內，口感有沙沙的感覺，滿滿幸福感呢！值得一讚係，連素腸粉 都拉得好滑！好驚喜。 必點的，脆炸雲吞，即炸脆卜卜，蝦新鮮座位亦十分舒適，店員服務態度亦很好。

平時有去開葵芳總店， 今日路過呢度見到原來開咗間分店，咁咪入去試下囉呢間分店的裝修都幾得意， 攞啲點心籠做裝飾幾特別同葵芳一樣 早茶同下午茶都係32蚊孖寶， 我叫咗個孖寶， 其中一款當然係我經常食嘅鳳爪排骨飯， 十分鐘唔夠就有得食 估計都唔會係即叫即蒸，但好在都夠熱， 先講下排骨先， 食落嘅感覺 就好似一嚿 好硬而冇味嘅瘦肉， 鳳爪咬落怪怪哋好黐骨而味道麻麻， 啲飯就一般般啦冇乜特別， 鳳爪排骨飯 我真係經常食 但呢一個 我唔可以畀佢合格囉， 食就唔算十分十分難食 但絕對唔係好食囉！！！至於個鴛鴦燒賣， 兩粒鮮蝦燒賣拼兩粒乾蒸牛肉， 呢個配搭其實我幾鍾意， 先講乾蒸牛肉，第一啖入口 覺得比一般乾蒸牛肉重牛味, 原本覺得係牛肉多唔錯丫， 但食食下 又有啲怪怪哋嘅感覺， 唔多似傳統嘅乾蒸牛肉味， 唔係難食， 只係個人覺得有啲講唔出嘅感覺， 不過問題唔大嘅， 至於鮮蝦燒賣咬落比較容易散, 其中一粒瘦肉有啲筋吞唔落， 蝦都幾多不過輕輕唔夠新鮮， 係爽口但唔足夠， 味道都正常嘅總結呢間分店 我個人覺得不及葵芳總店， 不過都有一排冇去葵芳喇， 唔知啲水準會唔會 搞到好似呢度咁呢

夜晚12點幾去到，人唔算太多，落完單坐左成半個鐘都仲未有野食，比我地遲黎既人宦已經食緊，當我一問職員，佢地話 check 下，點知一 check 竟然話 system 問題，入唔到我地張單！！唔係掛？？？坐左成半個鐘，你地地方又唔係大，我地身為客人一樣野都未上，唔會覺得奇怪？？而且我地介要四目交投左幾次，職員都係望一望我就行左去，請問你地鋪頭係咁做生意咩？仲要行埋黎講句唔好意思就算，呢d 咁既服務點樣會令我再去呀？？

本人好中意食點心, 尤其即叫即整既腸粉金錢肚 , 同 蘿蔔糕! 我基本上都係必食但成日一到左晚上就得食今次唔同 全記點心 全日都係做點心 早午夜都可以隨時食金錢肚好食,好食,好食! 因為重要既野要講三次基本上我覺得呢間必點都係金錢肚濃度濃郁, 爽口多汁份量正常, 不會俾配菜佔左半籠蘿蔔糕 3件, 有D茶樓會4件, size黎講 3-4件都差唔多啦煎出黎小小金黃色我覺得岩岩好因為太濃會好熱氣...好唔健康拉布腸, 份量算係多^^ 拉布腸講求既係醬油, 滑度等.呢到醬油小小帶甜, 有煮過, 但未夠香係我食過咁多間之中,但算唔錯啦^^ 我覺得煮醬油煮得最好食 係要甜中帶香, 好似係要用小小蔥去爆香佢滑度方面都唔錯 食落口感好, 尤其佢份量方面多 整體我都係滿意^^ 因為份量太少就過唔到口癮牛肉球大大粒, 勁飽/口\偏香, 大粒, 食落有d蔥/菜既味道整體服務水平唔錯, 員工好友善, 有傾有講^^大家晚上都想食下點心可以一去, 平均20$左右一籠

因工作在中餐 放假很少相約朋友食點心 今次專程來試網上推介的黑松露蟹子流心芝士灌湯餃茶只有兩款 普洱或鐵觀音每人每杯都有一個茶包芝士灌湯餃 內裡有蝦 帶子 蟹柳 特別之處入邊有勁多芝士 超濃味金錢肚 圖右上 夠灑淋 也入灑味了蒸鳳爪 圖右下 微辣 夠淋流沙包 圖左下 奶黃流沙包平時有咸蛋黃 呢到食不出咸蛋黃味 但我喜歡馬拉糕 圖左上好鬆軟 黑糖味重豉椒蒸排骨 圖右下排骨蒸得剛剛好 底下加了芋頭 鳳眼蝦餃 圖左下原粒蝦在內 鋪上面有蟹子同黑松露皮薄 食落啖啖蝦肉鮮竹卷 圖上脆皮蝦腸粉皮比較厚 內裡的蝦還很脆 證明新鮮炸起才拉腸粉 建議可以拉薄少少 藥膳雞腳有當歸 紀子 淮山 好豐富的藥材 甜甜的湯底鴛鴦燒賣牛肉燒賣 牛肉球加皮蟹子蝦肉燒賣蝦春卷外皮脆 不會好油膩奶黃煎堆仔剛剛炸起 外脆 入邊流心的奶黃 好特別咸水角凍香芒布甸平均人頭消費80蚊 款式也很多晚上突然想飲茶也可以來 非常好的選擇

星期五放工後梗係約埋d三五知己去食飯啦！正頭痕諗去食咩好嘅時候，有人提議去食點心。😲 好似幾特別咁喎，晚餐去食點心？😅😅 喺朋友推介之下，我哋嚟咗全記。 同平時d酒樓無咩分別，都係剔點心紙叫嘢食。佢有兩個推介係必食，就係黑松露鳳眼餃同埋黑松露芝士蟹子灌湯包。前者係升級版嘅蝦餃，黑松露味勁濃，喜愛黑松露嘅朋友必試， 後者就芝士味勁濃，簡直好似飲梗芝士湯咁，芝士控一定心心眼。😍😍我最鐘意嘅鮮蝦炸雲吞呀😍😍有大大隻蝦喺裡面之餘仲而炸得非常鬆脆，超超超鐘意 (但唔記得影相)其他點心同一般酒樓無咩分別，都好味嘅，同埋最重要係食完唔頸渴，而且平均都係廿幾蚊一碟嘢，個人認為價錢尚算合理。可以一試再試！👍

現在點心專門店，越開越多，質素頗為參差，但試過全記的點心，就感覺到他們做點心的誠意。今天中午來到，都很多人，要等數張枱，但因為大多數人吃完都不會久坐，所以都算快等到枱。流沙奶皇煎堆仔（$20）👍👍👍👍👍這個煎堆仔是我最愛，芝麻煎堆香脆中帶些煙靭，內面的流心奶皇味道不會太甜，吃時要小心，因為啲流心很熱。土魷肉餅飯（$24）👍👍👍👍喜歡蒸飯很乾身，飯粒分明，肉餅也很香滑，滲出陣陣的土魷味。鵪𪂹蛋燒賣（$21）👍👍👍👍鵪𪂹蛋燒賣不是很多地方吃到，我最欣賞這裏的鵪𪂹蛋蒸完後蛋黃還很軟綿，很creamy!鴛鴦燒賣（$22）👍👍👍👍一籠有燒賣、牛肉燒賣各兩粒，最適合二人享用，可以一個價錢，試兩種點心。蜜汁义燒腸（$22）👍👍👍腸粉夠熱又夠滑，整體不過不失。黑椒金錢肚（$23）👍👍👍👍👍金錢肚又爽又彈牙，醬汁調味也很惹味，亦沒有厚厚的生粉獻。茶（$@3）是茶包，只有普洱和鐡觀音可供選擇。內裏環境，可以看到天花吊着一個個的點心竹籠作裝飾，還可從玻璃窗後看到廚房的環境。牆上掛滿舊日點心車的點心牌。

一行四人約左放工去荃灣按摩 按摩完差不多2100 覺得係時候要食d野 兆和街好多選擇 從按摩店望過對面就發現間點心專門店 商議後一至決定近近地食完去睇午夜場 Happy Friday實在係需要放鬆下入正題啦 點心店係我心目中點都不及酒家般好 但今次食過這店後有點改觀 不過唔明點解佢地係用陸羽茶包而不是用茶壺茶葉 店員招呼坐低兼介紹order紙比我地 每個人都有各喜好落order 後要等 當送上既食物都好熱辣辣 這是基本要求 即叫即蒸 個人非常鐘意佢地的黑松露系列 內餡豐富包括芝士肉粒虾粒餃皮薄 還有蟹子同黑松露係上面 賣相已超吸引 但食落黑松露無太過搶味 每樣食材好夾好出色另一款是黑松露鳳眼餃 比虾餃更為色 內餡飽滿 食出層次來 係d外皮較舐夾時會痴住 味道正架 其他點心都保留到水準 珍寶虾春卷都好好味 脆仆仆 熱辣辣 滿枱點心超滿足 腸粉都好滑兼內餡係脆脆似包左d春卷咁 幾特別 其他酒家既春風得意腸 不過佢地用米網紙

又回到最初的起點 - 從前於葵青區上班的時候經常到荃灣用饍，今日回到兆和街，赫然發現新開了一家全記點心專門店。內籠潔淨，少許老香港感覺，比酒樓吸引。茶位$3/人，數十款點心，價錢二十餘元，還免加一，非常划算。黑松露鳳眼餃($29): 為普通蝦餃皇的升級版，極薄餃皮包著大大粒爽彈蝦仁，蝦味鮮濃，而且還有蟹籽及黑松露增加鮮味及層次感! 黃沙豬潤腸($23): 腸粉最重要是腸粉皮，亦是一般酒樓失敗之點。此全記能造出薄而幼滑的腸粉皮，並沒有糊糊的質感，基本已勝。豬潤剛熟，有黃沙質感，頗香。棉花雞($23): 我會形容為沒腐皮的雞札，雞脾肉/ 魚肚/ 北菇/ 蟹柳，還差腐皮包著便成雞札，味道還不錯，與酒樓的差不多。豉椒蒸排骨($19): 排骨十餘件，肉帶蒜香和豆豉香，質感滑嫩，也是不錯。瑤柱珍珠雞($24) & 醬皇蒸鳳爪 ($18): Again，兩者與酒樓的差不多，但觀其賣相及整體環境，感覺更勝酒家。