全記海鮮菜館

营业中

休息中

今日去咗西貢全記食海鮮套餐每人大概＄300。龍蝦伊面都算幾好嘅，但係就用波士頓龍蝦。賴尿蝦啲肉霉霉地可能係冰鮮貨。個扇貝最離譜，冰鮮嘅扇貝真係第一次食，蒜蓉粉絲蒸粒扇貝係無扇貝嘅鮮味嘅！炒蟹可能係全晚嘅亮點，因為可能係唯一一碟海鮮。雖然係套餐，但係收得人咁嘅價錢仲要係西貢都冇理由會攞啲冰鮮貨扮海鮮啦！可能求其喺屋邨搵間酒家食啲海鮮都比西貢全機好。留返係呃自遊啦。另外，廁所衛生環境都真係麻麻哋，生意咁好好想搵個人去清理下啦。

差不多等了兩小時D餸都未到齊，吹完又吹都未到，糖水由有變冇，不知所為，白飯到話冇得叫，吹一碟來一碟，又要再等了，不知所為，職員話叫人忍下，食完一碟等到你餓先至嚟第二碟咁咪開心啲囉👎🏻，最後發嬲，糖水可以由冇變有，👎🏻👎🏻👎🏻👎🏻

入西貢食海鮮都有選擇困難，因太多海鮮食肆。今次就揀全記，因經常入西貢都見佢比較旺埸，加上是米芝蓮餐廳。這晚星期五，去到大約七點左右，天氣比較清涼，門口的位已經座滿，只有面選擇。座低後就去揀海鮮，豐儉由人。自己問價錢，以斤計的。買完後會有個號碼牌給你，埋位後將牌再轉交給餐廳員工。全部海鮮都收加工費的，感覺上都幾貴。其實係全記門口買個加工費應該收平d，外來的就貴d，如果改一改個收費就好啦椒鹽鮮魷和椒鹽豆腐是例牌，鮮魷就普普通通，豆腐就有驚喜，好靚，必試。海鮮不用講必定好味，因為是新鮮加上鑊氣夠。辣酒煮花螺就辣咗d，可能我哋唔多食得辣。佢有火油在底熱住的，所以就覺得仲辣，花螺下面有烏冬的。蒜茸白菜和上湯浸菜，兩款菜都新鮮好味，唯一扣分是太細碟。蛋白炒飯炒得乾爽，最後還有紅豆沙糖水送。另一提是免茶介，免加一的。這餐埋單$2163，七個人食。下次可再叫多一、兩款海鮮

Recommended by the Michelin guide, Chuen Kee has the best dim sum in Sai Kung. Personally our favourite seafood restaurant in Sai Kung. The seafood dinner is pricey but we recommend coming here for dim sum. The atmosphere is nice here, dinning with locals to local celebrities you never know who you are going to bump into here. Dim sum menu mainly Chinese with some English. Show photos if you have difficulty ordering as the service staff are willing to help. - Custard Buns100% must order, freshly

等了成個小時才上菜，而且是一碟食完再等一陣才再上另一碟。同一時間，有幾枱都追單，我又唔見太多客人。味道一般，唔明有什麼特別之處。再加上元貝蒸得熟過頭，招待人手又唔夠。下次唔再來。

今日同班朋友去左西貢行山，行完之後個個都好累啦😅，有個朋友提議不如去食海鮮，睇左一陣就決定左食呢一間，環境都可以，服務就一般般，1）薑蔥炒蚧，個味唔錯既，但蚧就細隻左小小，2）蒜蓉蒸扇貝，都可以，3）白灼蝦，不太新鮮😅，4）賴尿蝦，味道可以，但都係不太新鮮🤦🏻‍♀️，5)芝士伊面，呢個都可以，不太差，6）鮑魚，又係得個味，個鮑魚好靱🤦🏻‍♀️，其實總括嚟講，味道係ok既😂，但大部分都唔係咁新鮮😅😅

好耐無去西貢食海鮮，朋友車咁放便就去下啦。朋友話全記連續9年攞米芝蓮，搞到我都好期待朋友拍板叫左4樣嘢:1. 椒鹽瀨尿蝦好神奇地唔係用椒鹽，係用7味粉炒，不過又幾好味喎😛蝦肉好新鮮彈牙，正！2. 瑤柱蛋白炒飯例上好大碟，分到6碗咁多！但係鹹返啲啲就好lu。btw, 2個人食有啲多，我地打包左。3. 蒜蓉粉絲蒸聖子皇，粉絲勁大堆頭，蒜蓉雖然好多，但食曬都唔會成口蒜頭味。4. 椒絲腐乳炒通菜（相片從缺），味道份量都正常，但都係食唔曬打包走人。5. 餐廳送紅豆沙做甜品，都幾“沙”，唔比甜品舖差嫁。成餐整體都幾好味，間唔時食餐都唔錯。

星期日出遊，先去蕉坑尋找蜻蜒的足跡，行下影下，收獲甚豐。不經不覺又到醫肚時候，一行三人揸車入西貢全記飲茶。點了一碟炒飯和幾個點心，剛剛好！脆米魚肉蛋白炒飯，飯粒炒得粒粒分明，加上炸過的米粒，香脆可口，魚肉軟滑，配搭一流，精彩！菲林卷芝麻味香滑，味道清甜，不愧為傳統美食，經得起時間的考驗！海蜇熏蹄，中規中矩。燒賣，蝦肉和豬肉餡鮮甜爽脆，和味。鮮蝦白菜餃，皮薄餡靚，都不差。酥炸魷魚鬚，食材新鮮，香脆鬆化，味道很好，百食不厭。黑椒爽肚，普通貨式，吃過便算。假日在西貢飲茶，環境舒適，坐看四周景觀及來度假的遊人，令人心曠神怡。唯一美中不足的是隨時會吃牛肉乾！但全記有全天候天文台用中央廣播提水走鬼，所以食得淡定！呢個額外服務超值。

公司決定今天去西貢進行 team building 的活動，還有在外國的同事也來參與，當然要帶他們去試試地道的點心和海鮮啦。我們一行十人在31度下坐在户外的位置，幸好上面有數把大風扇才沒那麼熱。點心也有不少選擇。點心味道平平無奇。蝦餃的皮偏厚身。炒飯反而有驚喜，炒得十分乾身，而且每粒飯也很有咬口。蘿蔔糕煎得不太香脆。海鮮方面我們點了椒鹽鮮魷，但味道很普通，粉漿太厚並不鬆化。魷魚與炸粉很易分開。豉汁炒蜆反而不錯。鮮味十足但蜆肉有點小，沒吃到沙石已能加分。我最愛就是椒鹽蝦了！實在太惹味了，蝦殼也炒得脆卜卜的，我竟然咬掉蝦頭和腳後便吞掉了。蝦肉嫩滑有彈性，相當高質。

炎炎夏日又係船P季節, 一早訂了位, 船P完去食個海鮮餐開心下. 去到酒家, 佢有幾層的, 地方寬敞, 舒適. 我地點了12個人的豪華海鮮套餐首先上菜既係碧緑泡蝦球, 雖然只係蝦球, 不過都好爽口, 仲有雲耳, 健康配搭. 椒鹽豆腐, 有驚喜, 上碟已放得好睇, 外脆內軟, 令人忍唔住食完一件再一件, 好快就清曬, 難怪叫［星級］椒鹽豆腐. 嘩, 到我最鐘意同期待既鮑魚, 雖然講不上驚喜, 係正常彈牙鮮甜.炒蟹因為係避風塘口味, 所以對我黎講有點SPICY. 不過其實好野味. 又多膏.經常喺海鮮店門口見到既大大隻怪獸瀨尿蝦, 今次用椒鹽煮. 雖然瀨尿蝦一向比較怕食, 因為怕容易弄傷手指, 不過今次LEE D大大隻, 啖啖肉, 一剪開就好方便食. 瀨尿蝦超級肥美, 椒鹽味道啱啱好. 蒜蓉蒸扇貝, 加埋粉絲底, 正. 帶子肉鮮甜.龍蝦伊麵, 大家食到LAM LAM脷, 龍蝦超級彈牙鮮味, 芝士味好濃郁, 冇得輸. LEE餐食得豐富又開心, 可能船P後大家都好餓、加上食物好好味、我地10個人都清曬個12人餐下次唔駛船P既日子, 都必定相約原班人馬再黎.

今朝一早掛八號風球，入西貢飲茶去也。沿途風平浪靜，只是下著雨，比前兩天的雨還少！入到酒家，大把位任坐。蝦餃燒賣吃得多，不食了。點了鵪𪂹蛋燒賣，出奇地好食，燒賣的餡料有豬肉和鮮蝦，爽口彈牙XO醬炒腸粉，賣相麻麻，但食落腸粉都軟滑，早知點蒸腸粉算了！炒雜菌炒得翠綠可口，每次來吃都能保持水準芝麻卷甜度適中，有芝麻香味，好味

由於有老人家響度唔係咁方便影相。所以只可以係咁已介紹下食左乜。五點幾星期六入到西貢真係好驚無位食飯。行到牌坊有人派傳單仲中英對照咁。望到d 餐係可以響唔同既海鮮, 依照人數選擇。望落去都好吸引就入左去全記喇。去到本來想請我地上二樓既。但由於有老人家，最終俾左地下室內我地坐。本來想叫套餐，但爸爸一定要叫魚。仲要係班既。所以侍應就表明套餐唔適合我地。於是出去自己㨂海鮮。㨂左條星班、大蟶子、扇貝一人一隻、響螺片炒西芹西蘭花（好多酒家都唔會同你炒雙蔬）再叫蟹果陣，侍應已經阻止我地喇！因為佢唔想浪費，提我地一隻蟹就夠食喇。叫左前菜蜜糖合桃有芝麻，亦十分脆。成碟食晒。叫左沙薑雞。雞質有咬口。唔係霉既！有雞味。蟶子用豉椒炒，有小小燶味。帶子好大粒，蒜蒸加粉絲。生蒜變得好甜，豉油唔太咸。配落粉絲十分美味！薑蔥炒蟹，肉味鮮甜美味。肉蟹關係好多肉食！星班蒸得啱啱好熟，唔會過老！大量蔥同芫茜配菜係我既至愛。臨尾見到隔離枱有桂花糕。一問之下，侍應姐姐送左桂茽糕同橙做飯後甜品。坐得舒服，價錢正常，海鮮新鮮！會再帶朋友幫襯。

Happy Friday ~~ 朋友話唔想係油尖旺角食飯，問我去邊度好，問我梗係屯門元朗好，不過我冇講，講咗實話我玩野。突然諗起不如去西貢食海鮮，朋友當然冇問題啦，佢就話比我知佢1815可以走人同埋佢公司地址😅😅，明白1815我會係貴公司樓下等，然後小司機我會接埋你一齊入去，入到西貢都唔算難搵位泊車（意料之外）入到去坐底就點咗個二人餐，可能平時食海鮮都一定多人去，同埋我哋係會自己買海鮮去加工，見到有餐就梗係點餐試吓。《白灼海蝦》蝦都幾大隻，蝦膏又多，而且新鮮彈牙《薑蔥炒蟹》啲蔥好似將隻蟹重重包圍咁🤣，味道一般《椒鹽賴尿蝦》少少辣又夠味，仲有好大嚿膏《蒜蓉粉絲蒸元貝》蒸嘅時間剛好，唔會過老，粉絲又冇乾，帶子肉爽口《炒白菜》《紅豆沙》以上都係二人餐既餸，400幾蚊都算抵食，平時自己買海鮮去加工，人均消費都500以上。我明白一分錢 一分貨，所以呢餐我覺得都幾抵食。

Decided to try the famously Sai Kung Seafood as many have told me. Came and walked into Chuen Kee seeing the crowd outside. Order the typical fish, shrimp, clams, fried rice with sea urchin and a partial roast goose. All turned out well and nicely done. Definitely worth my 40 mins drive here.

今次特登同班朋友黎西貢食海鮮，其實我地都無乜食開邊間，所以就隨意地簡左一間黎食。今次我地叫左個套餐，包括有龍蝦伊麵，蒜蓉蒸帶子，蒸魚，炒蜆，白灼蝦。個龍蝦伊麵上既時候真係好香同熱騰騰、佢地用上湯煮，每條伊麵都好有龍蝦味。但隻龍蝦肉就少左d.蒸帶子，我覺得幾新鮮，但粉絲有點乾同有點少。蒸魚-條魚佢地蒸既時間真係岩岩好,魚肉好滑，再配埋薑絲，蔥一齊食，真係好好味炒蜆，食得出係即炒，每粒蜆肉都脹卜卜，非常好鮮白灼蝦-其實咁多樣菜式，我最欣賞就係呢碟蝦，首先隻隻蝦都好大隻，顏色鮮橙，賣相已經吸引。另外就蝦膏豐富，蝦肉鮮甜彈牙。完全係食得出即撈即灼。真係夠晒新鮮總括黎說呢間餐廳既海鮮都係新鮮好味，大家可以值得一試呀！