全記海鮮菜館

营业中

休息中

米芝蓮套餐=倉魚+死蝦+炸面團+灼菜+芝士面兩位、四位、八位，全部都系268蚊一位，我地四位，揀左5款海鮮/肉類。1. 海上鮮竟然系倉魚？Execuse me？？味道：茶餐廳食四五十，味道冇分別。份量：都系咁細條，唔知八人餐會唔會俾番條兩倍大倉魚，又唔知兩人餐是否一半大？？？總之呢款份量不足，唔夠分。價格：你都可以轉沙巴躉，不過要再加118蚊，見隔離台條沙巴都系細細條，唔知有冇一斤。2. 白灼死蝦只只都系黑頭黑面，唔知死左幾耐，如圖。難吃，唔新鮮，份量小，每人分到3只。3. 椒鹽鮑魚中伏，好似炸面團，厚厚一層面，冇鮑魚味，唔新鮮4. 椒鹽墨魚同上，中伏，好似炸面團，厚厚一層面5. 龍蝦伊面一隻細細龍蝦，一大pat面，芝士夠多ok6. 奉送時菜不如唔送，一小pat白灼生菜，我自己煮都好過7. 跟餐冇飯冇湯8. 可樂芬达22蚊/樽（玻璃樽汽水）9. 食完一個鐘之後又肚餓

我一共點了椒鹽瀨尿蝦，燒賣，燒鵝（例牌），排骨，腐皮卷。椒鹽瀨尿蝦，不能在酒樓樓上點，要在樓下點，非常新鮮，但價錢頗貴（其實如果以蝦來看不算貴），因為師傅煮得差，油過猛過熱，使瀨尿蝦變焦，蝦頭太黑太焦，浪費了新鮮的瀨尿蝦。腸粉奇差，粘口又散，很難夾起，皮很厚。燒鵝肉很少，還頗乾。燒賣賣相頗差，但吃起來還可以。其實食材還蠻新鮮，但是廚師真的煮得不好，平白浪費食材，服務態度不過不失，人比較多的時候，態度不太好，我們問了4、5次才回答我們要如何點海鮮，但主要還是食物不好吃，不會再光顧。

好耐冇同我班老友出嚟食飯....今日老友話揸車去西貢食海鮮好耐冇去真係開心到爆我哋四條友平平哋叫咗個套餐...每位都係$248應該都好抵食今晚超級多人...而且人手又唔夠聽到隔離枱成日喺度吹話啲餸未到...我哋都驚唔知等幾耐點知出奇地順利叫咗冇幾耐啲餸就嚟啦第一道菜嚟咗呢個白灼蝦啲蝦雖然大隻不過尚欠新鮮第二道菜嚟咗個蒜蓉粉絲蒸元貝啲元貝尚算大隻第三道菜嚟咗呢個好味嘅芝士龍蝦...個伊麵底做得非常出色而且好冶味呢個薑蔥炒蟹都有好多蟹膏最緊要個薑蔥都炒得好香但係呢個蟹子海鮮炒飯就冇預期中咁理想同普通一般炒飯一樣最後每人食咗$304其實都算抵食

西貢半天遊，咁岩今日大家都放假，就陪婆婆去街街，因為平日所以就左去西貢食海鮮。我哋大約五點鐘入到去，行咗一個鐘，就落大雨，啱啱行到全記附近咁就試吓啦，佢哋有米芝蓮星星的。一直以為西貢食海鮮會好貴，原來都唔係，都幾抵食，我哋叫咗個四人套餐，有十幾款可以揀五樣，仲包一碟油菜和糖水或水果。花雕蛋白蒸蟹 - 味道十足，材料新鮮，有兩款不同的蟹，花雕蛋白配白飯😋👍🏻清蒸海上鮮 - 好新鮮，蒸得啱啱好。椒鹽瀨尿蝦 - 好大隻，有三隻，椒鹽好好味😋特濃芝士焗龍蝦加伊麵 - 份量很多，材料新鮮，但係我就覺得太濃了，一定要即食先好味。香蒜椒鹽墨魚 - 墨魚新鮮。油菜 - 新鮮，好似啱啱擇出嚟。糖水 - 紅豆沙，紅豆，有蓮子百合。整體：超值海鮮餐，每人大約$250 ，就可以食到咁多野，而且材料新鮮豐富，而且坐得舒服，不過上菜太快，海鮮要熱辣辣先好食，佢哋差不多同一時間上晒，但食物質數真係幾好，值得推介👍🏻

服務員態度非常差。進去餐廳時一個服務員給左張靠近魚缸的台給我，剛好我仔兩歲鐘意睇魚。服務員去左開茶，我把雨傘放在台面上，我仔拉左我去睇魚（就在張台旁邊）。這時另一個服務員帶左另一group打高爾夫球客人過來，我便告訴她我已經坐這裏了。她語氣很差的問我如果給另一張台我坐唔坐，我告訴她我想坐這裏。她又一直重複問我（應該是希望我走開）。我再三告訴她我已經被安排坐這裏並且我仔鐘意睇魚。她用手指指我並講粗口鬧我。旁邊的客人可能看見服務員態度惡劣，同我講他們可以坐其他台。食物放了非常多味精，吃完超級口渴。

嗌咗薑炒蟹同埋椒鹽龍蝦，個海鮮牌出咗$1100，兩個人啱啱好夠。嗌咗個雞餸同埋鴛鴦炒飯，都幾平好好味！下次會再試其他嘢食 個環境都幾乾淨，最緊要係廁所好乾淨服務員態度都幾好

sunday lunch walked-in, waitress served with a window seat,table which spacious,then picked our fresh seafood from the shopfront ourselves &choose of your own style of,how them cook..along with;Salt and pepper mantis shrimp-fresh picked, sweetness and delicious,Panfried clams in blackbean sauce-not too salty and with a nice texture that remains juicy,Melon slices in fish soup-creamy and full, there pork mince too,Chasui pastries-real puffy the outer,chopped chasui with alittle sauce innerStewed

見今日放假就同友人一齊諗吓去邊度食好西，難得閒日放假就梗係諗吓邊度有啲平靚正嘅嘢食下，順便諗住去西貢行個round 見到西貢呢間全記海鮮有特價海鮮餐，好似好多選擇咁，而且只係$248一個人全包，於是就特登揸車入去。落大雨結果坐入面樓上嘅閣樓，環境都唔錯坐得都幾舒服。一坐低當然叫$248一位海鮮套餐。分別帶咗白灼蝦，薑蔥炒蟹，椒鹽賴尿蝦同蒜蓉粉絲扇貝。一上菜伏就嚟啦。白灼蝦：兩位份量得9隻？好彩佢都算新鮮椒鹽賴尿蝦：呢個個味都幾好食幾香口，但份量真係好少，一隻賴尿蝦分兩個人食，仲要嗰隻賴尿蝦唔係大隻。薑蔥炒蟹：不過不失蒜蓉粉絲扇貝：我覺得最伏係呢個，我好懷疑佢唔係原隻蒸，因為扇貝肉同個殼係完全分離，粒扇貝好似雪藏同你喺佳寶買凡立貝再放喺上面蒸差唔多，伏。郊外油菜：冇嘢好講，好hea 總括而言：啲海鮮除咗個扇貝都尚算新鮮，不過價錢真係偏貴，份量好少。兩個人食total$496。

已經有一段日子冇同 #爸爸媽媽 出去食好嘢，不過係呢個非常時期，真係唔方便去得太遠，唯有近近地入去 #西貢 食個 #海鮮餐，等佢哋可以行吓、輕鬆吓。呢日我哋去到海旁嘅「全記」，諗住食吓 #海鮮、叫啲 #點心... 咩都試吓。#海鮮午市套餐 $268一位，我哋三個人要咗二人份，諗住四個海鮮加啲點心，應該都好夠食。不過大家可能餓咗太耐，兩三吓手腳已經K.O哂啲海鮮🤣 四款海鮮比較有睇頭嘅係 #蒸倉魚，#師傅 將 #倉魚 蒸到剛剛熟，淋上熟油豉油，魚肉鮮甜、啲蔥又香口😋 不過 #龍蝦 太瘦無咩肉，#元貝 一般啦，#蝦球 過份迷你，唔夠攝牙罅😅 所以最後我哋再叫咗四個點心，#煎腸粉、#鮮竹卷、#綿花雞 都ok 啦，但係碟 #牛柏葉 似比人偷食咗幾舊先拎上枱，我向服務員指吓碟牛柏葉，佢已經知咩事... 真係唔係我偷心啦👉🏻👈🏻 真係估爸爸唔到，臨尾仲加咗碟 #菜遠斑腩炒飯，可惜 #眼闊肚窄.. 最終都係要打包返屋企😅不過「全記」整體服務都唔差嘅，起碼唔使叫到口乾先有人嚟加水... 難怪我間唔中都要返嚟幫襯啦😉

食物水準還可以，不過好似太多味精因為食完冇耐已經口渴。都真係維持到不過周邊既海洋酒家開始後來車上。我哋點左個三人餐(可能因為咁而睇唔起我哋) 每逢我哋食淨一兩舊餸佢走過來問我哋仲要唔要。。停下都唔得。。其實我睇返時間我哋只係食咗45分鐘。。所以係時候比教訓呢一間餐廳

昨天到西貢走走，正準備想下午餐吃什麼，食中餐還是西餐，因為同伴好喜歡飲咖啡食西餐，西貢亦都有好多好嘅選擇。正行到海旁 見到「全記」已經坐滿了客人，好熱鬧，這裏又變得跟疫情前一樣，好多歡樂笑聲。正想開口話不如食海鮮啦，但兩個人其實好難點菜，好彩米芝蓮最佳食府的「全記」有超值的龍蝦鮑魚全包宴，每位只$248。全包宴包括四款主菜，送油菜一碟及糖水或鮮果。選了「芝士焗龍蝦伊麵」這碟都好有睇頭，龍蝦雖然唔係好大 但係肉質鮮爽，芝士汁又真係特濃，唔錯。「薑蔥炒蟹 」炒得好香，薑片炸到金金黃黃伴以爽口的青蔥，隻蟹有少少膏好香口，好新鮮有鮮甜味。「蒜蓉粉絲蒸鮮元貝」滿滿的蒜蓉和鮮味的元貝。「古法椒鹽鮑魚」賣相非常之靚，椒鹽唔會好重蓋過鮑魚的味道，新鮮脆口。一邊吃一邊欣賞海濱美景，不用自己動手煑 也能品嚐到一頓經濟的海鮮餐。大家要多啲出外活動😎 回復昔日的生氣💪😋😊。

今日去咗西貢食海鮮，見到間自唱12年米芝蓮推薦嘅餐館，咁就試一試你，咁海鮮就當然係海鮮價啦，睇你好唔好彩啦，價錢都唔算係重點最緊要食物質素係點樣，我對佢期望非常之高，今日叫咗有賴尿蝦，芝士龍蝦焗伊面，椒鹽魷魚啊，鮑魚同東風螺，先唔講嘢食，個環境非常惡劣，勁多飛蟻飛來飛去，直程可以幫你加餸，食物個份量都幾多，但係食物質素總體而言係高過屋村嘅酒樓少少咁多，咁價錢就當然比屋村㗎貴唔少啦，唔知嗰日我條脷有問題定係真係佢啲海鮮冇乜味，唔講真係唔知佢即場喺個魚缸拿出來，都係果句有時間自己去街市買返屋企整好好多，我都有興趣想睇吓12年米芝蓮推薦咗佢啲乜嘢定係2012年推薦過咋😂呢啲正宗叫俾錢買經驗

全記食左好多耐好多次，依家班侍應服務態度差，人多去食時未坐轉枱無問題，人少去食或飲茶比個門口位‼️《天氣咁熱比個門口位，話轉位侍應服務態度好差‼️‼️》食左咁耐，侍應服務一年比一年差‼️位吾岩大不了吾食，知客轉枱比我地食無所謂，可惜新鋪冷氣吾夠😒張枱仲滴水，仲要落漏單😫食咁耐咁多次，都未遇過咁Q差服務態度既侍應，舊鋪侍應檢討下啦吾該全記野食無問題，食物吾差有水準，係舊鋪某幾位侍應態度差係今朝去飲茶拎位侍應態度差，話轉枱態度更不知所謂‼️‼️‼️舊鋪間侍應態度真係好差，吾差我都吾會上黎評價仲要隔離張枱坐著條友，係咁咳吾掩口🤮離晒普

西貢食海鮮正就街知巷聞，氣氛一流，又chill又有feel係唯一猶豫既就係會貴啲，全記係西貢又老字號又米芝連咁，環境舒服又係海邊前面，唔太熱時坐出面既話實在好正好有feel閒日有套餐，按人頭揀幾款海鮮，價錢相當相宜，諗住上枱會份量少啲或者無咁好，點知驚喜連連先黎一個芝士龍蝦伊面，都唔細碟，賣相好正俾埋刀叉你起肉，本身龍蝦已經半起肉，一叉落去就成舊肉出嚟，肉嫩而且濃鮮味，肉質好滑，夾埋芝士汁無得輸整埋少少膏落芝士汁度食伊面，個芝士汁味道相當好，唔會太芝無晒海鮮味極之推介再黎蒜蓉粉絲蒸扇貝，一人一隻，手掌大小，肉都算大粒入口鮮味非常，肉質啱啱熟好鬼滑，鮮扇貝加豉熟油好好味粉絲都好有海鮮味，送飯一流套餐以外再出去揀海鮮，黎西貢食海鮮就係要出去個缸度睇下揀下先有feel揀左游水中蝦黎白焯，返入去坐坐等食，五分鐘就上枱，加埋蒜味豉油，鮮味十足一剝即離殼，好鮮甜，蝦肉又彈牙對比下係貴啲，但感覺良好另一套餐菜揀左薑蔥炒蟹，上枱好香下，都足一隻蟹既，幾唔錯既肉蟹，夠晒肉地，彈牙又新鮮味道相當不錯，雖然鑊氣普通，但個汁好正，葱都好食套餐仲有條魚，問左係倉魚，即刻決定加$88改為清蒸沙巴龍躉，賣相幾唔錯，

今晚天公做美，西貢的迷霧，趕走了郊遊的人潮，使行走在西貢海傍倍感安全。在海旁走着，選擇了平時好多人幫襯的全記，舒舒服服的享用晚餐。本來想寫享用海鮮，不過經理哥哥話，全記唔止海鮮出名，燒味都係招牌菜。咁就一於試下啲燒味啦。(原來可以自己排相，咁一於喺度繼續寫食評啦)鮑魚好大隻，實而不硬，鮮味同椒鹽味互相輝映。簡簡單單嘅咕嚕肉，喺寧靜嘅西貢海邊享用，直接升價十倍。龍蝦伊麵，無懈可擊。經理哥哥推介嘅燒味，真係幾好味，有燒烤味，夠腍。元貝夠大隻，鮮味十足。沙巴龍躉，香滑好味。呢個菜粒蛋白炒飯，入面加咗些少米通，令到平平無奇嘅炒飯更加粒粒分明，呢啲先叫做真奇脆啊﹗喺郊外食嘅油菜，重唔係郊外油菜﹗靚紅豆沙，食完好滿足，唔使再過隔籬食﹗重有橙皮添，認真超值﹗