元神珍味料理 (已結業)

算落很久沒有吃日本料理，不過要找間似樣一點，正宗一點的，價錢不太價的又實在難了點，怪就只怪銀彈不足。味千、元氣、元祿、和花亭想起也提不起興趣，對於魚一丁、和民、壽司亭也有點厭倦，還是想找些個體戶，走呀走呀又到來了元神，很久沒有來這家港式日本料理店了，姑且再吃一次吧。知道元神出名三文魚刺身特大件，就是偏偏不要，到處都是鮭，魚刺身不是只有三文吧！所以點了：1)魶魚及希靈魚刺身魶魚賣相精美，食落都好新鮮。我喜歡淡味的魶魚，清清的吃到魚味，鮭及鮪的濃味很重，感覺浮誇，不似在吃魚。食刺身都係求新鮮，不是求大件。反而份量就是港式日本料理店的賣點，無他的，文化差異也。產自北海的希靈魚未有聽過，也未吃過，就點來試試，肉質在於刺身來說就不算好吃，不過好吃在脆脆的魚脂?(定魚子?)黃色一大片緊連魚肉，爽口非常，拿回不少分數。2)海鮮炒飯點炒飯也旨在填肚，飯炒得算唔錯，乾身不黏，料又足，而且多蔥，算是及格，但吃落又好像缺少了些甚麼似的，大槪只是主觀的感情吧！3)滑蛋雞柳飯sweetheart又點了飯，滑蛋不算很滑，雞柳也是一般，用了日本米，但整個飯的感覺很港式，而且港式得太厲害，所以還是要扣分。日本料理店太

前兩天, 我跟男朋友去了元神食晚飯. 因為十分想念他們的大大件同非常厚身的三文魚. 當我們打算入去時，才發覺這間食店小了很多人，因為以前須等位的, 而且以前他們有２間鋪的（開在隔離），　但宜家只剩下一間!我見形勢不對，猶豫了一陣子還是入了去!我們分別叫了６件三文魚，一個石狩鍋，２件明太子沙律壽司，２個軟殼蟹手卷，同一個鰻魚定食．當我食第一件三文魚魚生時，給我的感覺是淡而冇味，唔覺自己食緊三文魚，只覺自己咬緊一舊野．而且覺得很不新鮮，還有些根，我男朋友也覺得味道大不如前，我們不斷沾豉油才可勉強食下!接著食明太子沙律壽司，跟以前的水準沒什麼分別，都很好食!,至於軟殼蟹手卷，軟殼蟹是（林）的，沒有鬆脆的feel!鰻魚定食一點也不抵食，那鰻魚味道可以，但所謂的前菜真的是前菜，只有幾片黃色的瓜，幾條大豆芽菜，那面豉湯唔熱的，只是微暖！最後是那個石狩鍋，真的是淡而冇味，三文魚頭一點也不新鮮，那些湯非常的多油，我一淡也不敢飲!

其實因為搬離左灣仔區, 我都有成年幾冇去食過呢間元神, 食物方面我對佢地好有信心, 魚生的確抵食夾大件, 以呢個價錢食咁大件真係好滿足。但唔知係佢staff既問題定係間舖有心呃人, 我上次埋單畀錢時, 諗住食左200幾蚊, 就直接拎左3張100出來, 而個staff之前已見我地打算用cash, 拎單埋來時就用手指公剛剛遮住少少個總數(做得另人好唔為意), 睇到係2xx, 同我地講"多謝298元", 通常好唔為意會直接畀300蚊, 然後等找錢。我地當時都先畀左錢, 但佢行未遠時醒起, 叫佢返來睇下張單, 佢仲唔想畀我睇, 咁我當然堅持, 一睇就知佢想收多我好彩我地入坐時見隔離枱埋單時為張單有爭執, 話佢地收多左錢, 所以先特別alert, 然後到我張單時, 見佢有少少遮住左, 所以特別望下幾錢, 原來唔需要298, 我張單只係258, 佢想收多我40蚊, 之後我發現如果每當客人用咭結帳就冇事, 因為要簽單, 但畀cash佢地就會收多, 我發現左&問佢做咩收咁多, 佢就笑下咁答唔好意思睇錯左, 但好明顯佢地係有心, 因為除左我之外, 佢對其他枱人都有咁做, 而真係有好多人冇為意畀多左錢,

我由佢當紅時到宜家末落期都不時有幫襯, 呢度三文魚生超厚大, 滿足口感同慾望, 當然有人覺得超漏, 但我屬前者象拔蚌壽司都不錯, 爽厚炸軟殼蟹幾juicy, 膏都香滑蟹子沙律壽司就幾乎見不到蟹子既踪影

和友人兩個人來這裡晚餐, 記憶中已好久沒有再幫襯了。兩個人, 只點了一「客」的雜錦壽司, 再加一客鰻魚定食。鰻魚定食很普通, 份量有點少, 也沒什麼特別。壽司依然是仁最大賣點, 超級的大件, 魚大件, 飯也是加大的size, 而且也很新鮮, 頗有水準。若以size 和味道比較的話, 我個人覺得皆比以大size 壽司見稱的「大盛」更勝一籌。ps. 有點不好是全店沒有劃分非吸煙區, 我們原本的座位旁有對情侶不停地「煲煙」, 幸好我要求換檯時他們也很快便給我們換了, 值得一讚。

呢到d螺肉好好味, 以前大大粒架, 而家雖然細咪左, 但一樣咁大兜, 好抵食.三文魚剌身六大件, 價錢唔貴, 但唔夠鮮味lor, 唔掂.海胆炒飯完全見唔到海胆踪影, 唔知佢地游晒去邊鼠, 似普通炒飯, 唔掂.生牛肉壽司好大雪味, 唔掂.但佢既鰻魚飯好好味, 可惜而家冇得食, 雖然佢地d野食咪道一般, 但勝在夠大碟又唔貴, 我都會繼續支持佢地架!

係得三文魚大件之嘛, 個味都係一般, 加州反卷好細好細, 一D都唔經濟!個野菜拉麵嚴重唔好食, 我都知一定係清, 但無諗過會清到好似無食過野咁, 好唔得一定唔會再去

黎左依間野都成4年,一時去主店一時去依間福安店.基本上除左分店新開張期間有d水準不穩.整體都唔錯.今晚同女友黎依度食sushi,order 左以下sushi:蟹子, 奇怪地蟹子本身會過咸!!加左鹽?而且未算最新鮮.墨魚, 好大件,但女友覺得片墨魚食到好"漏",我覺得ok,如果再凍d就更好.油甘魚, 新鮮但肉質不夠彈性.火燒蝦脊, 蝦味很重,火灼的食法有點新穎,好食,新鮮.青介魷魚, 魷魚加重芥辣好刺激,大件夾好味.三文魚刺身(3件),新鮮肥美,但colour有點蒼白. 炸雞軟骨,時而爽口時而彈牙,極有咬口.整體水準不錯.同意下面既朋友所講係wanchai區而言算係新鮮好食既日食店.

此區而言,元神的刺身水準仍是頗高.今天午餐叫了三文魚刺身,兩件肥美一件口感頗差.再要了一大堆壽司與同事共吃,墨魚及油甘魚很肥美,另外還有甘蝦仍是依舊的好,但海膽奇差,欠缺鮮味,要彈!另外叫了豬扒湯麵及三文魚皮手卷,仍是水準之作.服務卻好像差了一點,常常趕著收檯,令食客有點被趕的感覺.但最重要還是食物質素,這裡還是同區較好的和食店.

好耐冇黎過, 朋友提議就黎左呢度晚飯~中華沙律同螺肉, 味道幾好同埋都好大兜~壽司麻麻...- 海膽, 唔係咁新鮮, 放低開始溶, 紫菜都唔脆- 三文魚, 係就係好大件, 不過有根- 北寄貝同帶子, 普通- 軟殼蟹香芒卷, ok~雞軟骨, 夠熱幾好味總體黎講都係麻麻, 冇咩必要都唔會再去

第1: 我大約一年前食過呢間野已經覺得d 野mama, 燒牛肉凍o既第2: 同意forfour, 不過好似唔少店都係用同一手法, 我試過o係lan kwai fong 間lost 飲野, 時間係8:35, suppose 9 點前有happy hour, 佢攞張單嚟話個computer 時間係9:05, 足足早成半粒鐘, 你話離唔離譜???

我時不時會一個人到來吃午飯, 因為食飯時間是一點鐘的關係, 所以從未試過12點45分前的優惠。今天一行5人專誠"偷雞" 早食飯想享用佢的午市優惠，一行人12時40分未到已坐低看餐牌。至店內的掛牆鐘剛到12點45分落單...點好菜後侍應小姐竟邊行邊說已經過了特價時段!!! 大家再看看牆上的鐘剛到45分, 但原來自己的手錶竟然是12點40分!!! 即使大家的時計有差異亦不會是差那麼多呢!!剛好店內有收聽電台廣播, 到下午一時正我可以肯定牆上的鐘快了5分鐘!!結帳是我提議侍應小姐要調教準確時鐘以方便顧客以免有爭議，奈何侍應用非常無禮亦滿不在乎的說我們是根據電腦的時間決定的。那是否應該要調整電腦的時鐘及在落單前知會客人呢?!食肆的優惠是吸引顧客光顧，但差勁的態度是謝絕顧客的利器!!

今日12 點黎呢度食early lunch,爭另咖哩海鮮未試,決定試埋,咖哩既味道本身吾錯,少辣,但d海鮮就令人失望,三文魚粒,鱈魚粒及青口都無鮮味,另有薯仔,蘿蔔粒及魷魚,但自己不太好薯仔及魷魚,所以呢個餐系吾啱我口味.

同事牛一請佢食lunch,一行3人12點黎食佢special lunch,12:45前結帳幾個set都系$38.我地叫左2個雜綿壽司定食(原價$55),自己食左角切魚生定食(原價$58),全部跟前菜,沙律,麵豉湯及野飲.前菜---玫瑰味既瓜幾好食!黃瓜亦頗爽口!沙律---普通薯仔沙律.麵豉湯---一般!偏咸.雜綿壽司---4-5件巨型壽司有三文魚,2種"立"魚,炸三文魚皮壽司,蟹蚧壽司,6件tuna roll,全部都好新鮮!角切魚生---呢款仲正!有三文魚,油甘魚,立魚,章紅魚,甜蝦,吞拿魚,八爪魚,每款有2-3舊,系蝦得1隻,全部都十分正!特別系三文魚,油甘魚同章紅魚,$38簡直超值!仲要無加一!service亦合格.必試!

今晚叫0左個雜錦壽司食,138蚊,有12件壽司同6個小三文魚卷.12件壽司包括2件吞拿,2件三文,2件油甘,2件蟹子,2件玉子同2件赤貝.每件壽司都好大件...飯多又實,魚肉厚要肥美,正!個吞拿好厚...厚到件sushi好重...差d夾唔起...一咬就覺得好新鮮...好味道!蟹子今次就差少少,冇咩味,三文都ok,反而個油甘好有驚喜!今次食0既油甘又肥又鮮,比起之前食更鮮美~好正呀!!!138蚊,埋單冇加一,份量又足又好食,食到咁飽都係140,去邊搵丫.