元神珍味料理 (已結業)

曾幾何時係元神0既常客,因為佢午餐無加一,仲有set餐,好抵,而且三文魚刺身好厚好好味今次去以為佢執左...因為無人><,睇下個Menu,咦!無加價?咁就叫左例牌0既三文魚刺身同壽司拼盤,刺身上黎----嘩!薄左一半呀!以前係好厚,雖然好難咬,但係好正,而家就無左呢種滿足感了,味道還算保持水準壽司拼盤,同以前一樣大件,味都差唔多,但係三文魚刺身真係令我非常失望,我寧願佢加價唔減料囉...

只係得幾個位多數都係熟客食刺身永遠大大件鰻魚只係食o左一客, 想再叫都已經賣晒

Went there last night.....Heard my friends said that ....Many people used to come here, coz their sushi are so big....And they used to have 3 shops, but now they are down with 1....I finally know the answer....Sushi was so big.....The taste was ok la but not fresh enough....We all carried a full stomach out of the door...However, my feeling....I believe other sushi shops taste better than them lor....

仲記得, 多年前, 每日門外都排滿客人, 我響灣仔成長, 睇住佢由橫街小舖, 到灣仔道大舖, 再開鐵板.. 尤記得當年大家都為左塊面咁大既三文魚而慕名而來, 今日同朋友重臨, 直入冇等位.. 叫左刺生拼盤, 六塊三文魚, 鰻魚炒烏冬, 海膽炒飯... 三文魚面積同當年小左一半... 非常失望, 而炒飯炒烏冬, 份量都好少.. 刺身拼盤.. 兩百幾.. 唔值..好失望.. 我都明白百物騰貴.. 但現實係殘酷.. 三個人, 食左四百幾.. 講真.. 大家都唔飽.. 希望可以加油.. 重拾當年風采

二月二十九日- 星期五記得元神由最顛峰期既三間分店變成現時只得一間，以前每逢食飯時段都會有好多人喺門外排隊，而家就算午飯繁忙時段唔使book位都有檯。因為太耐沒有幫襯，大家都抱有極大奇望。我們一共十人嚟到，每人點了一個lunch set，再加三文魚刺身、炒雜菇、炒野菜及壽司拼盆，好豐富。lunch set大家share嚟食，可以一次過試勻唔同既嘢。有野菜海鮮窩（湯底有大陣魚腥味）、吉列豬扒定食（豬扒炸得太燶）、銀鱈魚定食（好一般）、照燒雞扒定食（雞肉好嚡，燒汁唔掂）、炸軟殼蟹定食（太油）、蟹膏炒飯（食唔出有蟹膏味，似蛋炒飯多些）。三文魚刺身一味大大件，很厚身，唔夠新鮮，食一件已經足夠。炒雜菇及炒野菜味道正常，壽司拼盆的壽司又係大大舊，壽司飯唔掂，魚生又無鮮味，不過相比起lunch set還好些。埋單九百幾蚊。我們一致認為，食物質素真的比前差了很多，以這個價錢來說，我們寧願選擇飲茶或者食上海菜好過。

今日我同朋友來左呢間所謂元神,原先見到門面ok就入去食啦,點知原來係錯唉............啲魚生一啲都唔生鮮,全部得過大字又悟靚,寿司又係大一大見到都唔想食,呢啲叫寿司吖又挾都挾都到仲話師父不知所謂,本身見到個所謂師父有返咁上下年紀以為ok啦,點知原來得個樣不知所謂,仲要食到我肚痛,佢真係影衰日本菜同師父兩個字真係不知所謂..................

8/2/2008 年初二晚兩個人想食日本野~又唔想同人逼就黎左呢道~我地叫左個壽司拼盆~一個牛肉烏冬~2個芒果軟殼蟹手卷壽司拼盆~新鮮，味道都唔錯~有十幾件~魚生大大塊~ 厚燒玉子都不錯~唔好的我都覺得好食牛肉烏冬~呢過就差d啦~牛肉有d穌~烏冬唔彈牙~ 湯底無咩味~芒果軟殼蟹手卷~好食~軟殼蟹份量足~芒果又甜服務都唔錯~埋單~$254~我比多$6貼士

差不多九點先收工，好在是約朋友在公司附近吃晚飯，否則這一餐會變成消夜。其實，放工時已經累得很，加上第二日的一個公司拓展活動，真係身心俱疲，需要休息。吃什麼大婆牛肉麵或是日本野，不要再由我傷腦筋吧！結果選了元神，也是我第一次來這裡。點菜方面還是由朋友來話事，三文魚刺身、鵝肝炒飯、燒青魚、炒野菜和煎餃子。先來的是三文魚刺身，大大年，很厚身，賣相贏取不少分數。不過一吃便知龍與鳳，新鮮程度很有限。相反，炒野菜是較好的，實而不華。沒太多油，不過炒得幾香口。鵝肝炒飯也是要少油，炒出來較乾身，不過總是不夠香。鵝肝粒當然好少，味道頂多屬中等。其餘的燒魚和餃子也只可以說是不過不失而已！

今日去食lunch, 三個人叫三份set lunch + 一碟三文魚刺身, 先上三文魚, 一客六件, 嘩! 好厚呀! 每人食兩舊已經好飽... 再黎set lunch, 由於已經飽左一半, set lunch 既角切魚生飯d 魚生都食唔落, 只好打包拎走; 點知佢地話set lunch 係特價野唔准拎走喎!首先, 我真係睇唔到寫住唔准拎走野食(可能係我自己盲啦); 第二, 我地並唔係有心叫特價野然後帶走, 只係唔知道三文魚刺身咁大碟, 食唔晒唔想浪費先咁做姐, 你咪當我地食晒三份set lunch 然後食唔晒碟刺身, 打包既係碟刺身囉... 規矩係人定既, 轉個彎唔係咁難姐下話? 第三, 佢地寧願倒左d 野食都唔俾客人帶走, 迫我地做d 咁折墮既野, 好唔要得!唔緊要啦, 佢保得住呢d 食剩既野食, 咪保唔住客人囉(起碼我一定唔會再去)!!!

成年几無去, 去開果頭就去左呢間, 點知真係好失望!我地兩個人, 夜晚七點几入去得三枱人坐, 叫左兩個手卷、墨魚壽司、三文魚壽司、蟹籽壽司、汁燒帆立貝、野菜牛肉鍋手卷同壽司都ok, 無乜特別!又唔係話好大件同新鮮!牛肉鍋就好咸, 用既肥牛好差, 本身完全無味! 但最差係果個帆立貝, 即係帶子, 有六粒, 佢話汁燒, 已經feel唔到佢D汁有燒過, 十分之稀, 好似牛油加水咁, 仲有d帶子好似雪藏咁, 又細粒, 切到好似粒粒唔同厚薄, 好樣衰, 用個好似recyle既大元貝殼裝住, 唔明佢個殼有咩用途, 睇到已經唔開胃, 仲要賣成五十几蚊, 你話佢好大粒我都無咁激氣, 同我自己用滾水煮熟無咩分別, 咁我洗咩去你果度食喎! 由以前三間舖得返一間, 應該好好檢討下點解lor!我個fd由外地返, 諗住食下日本野, 我都好唔好意思! 勁失望, 以後都唔會再去!

我一兩個月就會黎食一次~野食好~服務都好~~(可能係認得啦~)d燒三文魚同燒帆立貝好好食!!!~~唔似得有d店燒到熟晒..........面頭剛熟但內面都係生既~~~燒魚刺都好味~~~

除了大件, 實在想不到這店有甚麼賣點.刺身質責算不錯, 但實在太大件, 吃三文魚刺身好像在吃三文魚扒一樣, 口感很差, 完全好有滿足的感覺.大件, 並不代表抵食. 雜錦刺身+三款壽司+燒雞翼共三百多元.已往經常見到很長的人龍, 所以今晚才去. 去的時候發現並不多人, 現在明白了.

我好耐之前幫襯過依間鋪頭，因為睇過食肆排行榜佢好高排名，但試過之後覺得完全名過其實，主要問題係可能我對食日本菜要求唔同。有人可能追求抵食夾大件，咁依樣佢真係好稱職，但問題係我覺得佢根本唔係日本菜。首先係魚生，日本人見到一定激死，刺身切到好似豆腐咁大舊，一刀章都無，而且口感全失，咁同去百佳買舊魚生返有乜分別？其他食物問題大致一樣，就係只追求量而不求質，結果喪失晒烹調藝術。老實講，如果係咁我寧願買料回家自理，又何需光顧食店呢？如果只要大份就叫好食，咁我諗所有廚師都會失業。

本人和朋友兩人係灣仔諗住食日本菜,諗左好耐終於諗到去元神啦,見咁耐無去,點知去到既然見到得返一間,入到去都唔滿,即時有位(以前排哂長龍)入到去order左三文魚,油甘魚,劍魚壽司,榮螺刺身,牛油焗金菇,燒墨魚嘴,醬汁茄子(唔係好肯定個名)首先先上壽司,真係幾大件,不過質數一般.跟住就到榮螺刺身,嘩.....呢個真係好唔掂,一食入口勁腥同好硬,(應該係唔新鮮先會咁)我同朋友兩人即時吐,跟住即搵服務員反應啦,咁個服務員攞左碟野去問一個應該高級d嘅服務員,咁0個個人埋黎同我地講,話個螺係新鮮開既,咁我話新鮮開唔可以有問題架咩,點知佢竟然答我新鮮開左我地退左佢地賣唔到比人(真係未聽過咁好既解釋囉)咁我朋友話唔退就算,咁個服務員真係施施然咁行左去,(宜家仲有咁既服務態度)個燒墨魚嘴普普通通,最後到茄子又出事,一食落口竟然係苦既,咁今次又搵人黎啦,0個個咁既高級服務員又黎解釋喇,佢話因為落左醬汁既關係,我即刻話呢個餸好多日本餐廳都有得食,我就未食過係苦嘞,我叫佢不如你試下食喇,咁佢先肯攞入廚房問,跟住出返黎話整過新比我地,仲敢要咩!真係一肚氣呀!以後都唔會再幫襯

fri nite 約左幾年前去日本旅行既一pair夫婦聚舊, 幾年無見, 難得氣氛唔錯, 感覺真誠.四個人叫左:1. 三文魚刺身- 依然大舊.2. Assorted sushi - 有油甘, 三文, 蟹子, 吞拿, 玉子, 赤貝,..., size偏大, 飽肚之作.3. 蝦天婦羅- 無食到tim...4. 京燒牛肉- 一片片牛肉燒得是全熟, 但唔太juicy.5. 炸雞- 似炸雞寶, 無乜肉質, 偏油.6. 煎軟骨餃子- 咬到爽爽聲, 但煎得唔夠香脆.朋友B請客, 實在多謝哂!