元気寿司 (已結業)

H&K一直以來都有光顧元氣，但最近已少了，因為H&K找到新龐呀!!但由於H是元氣的會員，並且在一月份生日，故較早前收到元氣送給會員賀生日的八折優惠卷，為免浪費這優惠，H&K決定再去元氣食一餐作為告別元氣之最後晚餐，日後H&K都覺得元氣已不再是其選擇的食肆之一 !今晚告別晚餐H&K吃了一些每次必食的壽司，其實必食是因為這裡的食物種類並不多，故差不多都次都是食同様的東西，最後選吃了以下:三文魚壽司 ==> 一般，但好像比起以往好了炸軟殼蟹手卷 ==> 較以往的差，飯好少，炸軟殼蟹凍的帶子壽司 ==> 一般，欠鮮味元氣卷 ==> 一般鰻魚壽司 ==> 一般，沒特別炸蝦卷 ==> 炸蝦是凍的，感覺不新鮮總括元氣各方面都沒有特別表現，最大問題是食物種類太少了，故H&K決定暫時告別元氣，希望日後重返的之時會發現元氣有進步啦 !

原本對板長的退步已經非常失望估不到，若將板長說是快餐店元氣壽司頂多只可成為茶餐廳真不敢恭維1) 我們點了XX "特大"元貝壽司，$9貨，自然不會期待過高，但老實說絕對不是特大，再別的地方點普通的帆立貝就是這貨色吧。也自然，不太新鮮也不突出，原本口感豐富的元貝落得肉質鬆散的下場，算吧，誰叫我真的未涉足元氣，想見識見識2) 那是甚麼豉油？很鹹很大味，坐著嗅著也很反感，不懂欣賞。芥辣，味道可以，形態如同牙膏 =_=3) 原來壽司飯團是用機器壓成的，只見店員(學徒)一路不停把掉在機器四週的飯放回機器內重壓....啊...啊.....可能百佳會衛生點？4) 那位店員 (?!) 行動遲緩形態頗為頹廢，面對略空的店和一列ORDERS，從容不逼地從櫃中取出壽司碟。不幸，拿的一疊碟子掉在地上，他竟然...把碟子拾起若無其事繼續疊在將要用的碟子上?! 天...啊......... X_X實在受夠了，吃完便立即結賬離去。

未到聖誕前己收到宣傳單張.一早預訂壽司便有81折優惠.早在12月己訂了壽司A和泡芙仔,12月25日6點鐘提貨.回到家掛住自己和壽司影相,沒有幫壽司影相.最後只好翌日把餘下的壽司影相啦!盒裝壽司有10種款式,每款4件.包括我最愛也勁介的火炙三文魚壽司.肥美的三文魚燒至半生熟,又軟又滑好好味.只是三文魚不夠肥美也唔夠鮮甜.至於鱆紅魚,吞拿魚,吉壽蝦,鰻魚,螺片,熟帶子, 也是中等貨色,唔係好味,又唔算好差,食完無乜印像. 最要彈的是魷魚,勁腥,好難入口.北寄貝也唔夠鮮甜,也太細塊.值得一讚今次的飯好軟熟,醋味也足夠.我最愛的泡芙,用上雲呢拿忌廉再加軟熟的皮包著,雪過後更為美味,為食的我一個人幹掉半打,還有點意猶未盡呢服務要讚一讚服務員,大頭蝦的我竟然唔見了黃色的取貨單,原本店員都唔肯俾我提取壽司,幸好最後我俾了張白色單據和講得出手提電話號碼,店員也肯俾我取,唔係真的不知怎麼辦了.

今期推介果款卷物(好似係醬油咩醬柳牛油果卷)好好味喎~ 個蟹柳加埋個醬油...好掂呀! 同埋可能係有promotion的關係, d貨去得快d, 所以刺身同壽司都新鮮d我個人喜歡食象拔蚌壽司, 今次亦都係好鮮甜, 好好味!!

當日同囝囝行街,佢最鍾意壽司,所以建議去食元氣~我哋點咗~蟹柳壽司(d蟹柳唔係咁靚)、玉子壽司(玉子冇甜味)、三文魚壽司(三文魚唔係咁新鮮)、仲有蟹籽壽司等等.........壽司飯太散同埋飯有暖既感覺,唔似食梗壽司~見唔太好食未飽我哋都停咗手,打算再去第二度醫肚,冇必要都唔會再踏足呢度~除非對食物質素冇乜要求~至於服務方面都尚可,叫做不過不失,但作為一間餐廳食材方面應該係最重要,唔好食又點會留倒客吖!

　　今天 lunch我又去了"元氣"吃壽司，趁著信用咭還有折扣時便多點"幫趁"，有風嘛！當然要駛盡利囉～　不過... 　　 　　唉～　又是一次失望的期待，明顯價錢是加了，由原本＄１５元正加到現在＄１６，但仍然保持不了質素，迴轉帶上的壽司不新鮮已是不爭的事實，但是連包著ｏｒｄｅｒ手卷的紫菜也是"軟淋淋"的，卻實在令人失望！ 　　既然加價了還是抵抗不了通脹，令食物質素下降，那麼我唯有選擇另作他選了！！

哈哈, 今日咁啱約左兩個"魚怪"食dinner, 大家諗都唔使諗就梗係食壽司啦. 有人去攞飛先, 我遲左小小到, 去到等左大半個鐘就有位啦. 同"魚怪"食飯就一定係狂食魚. 不停咁食三文魚, 劍魚腩同油甘魚. d劍魚腩同油甘魚勁好味, 我一人之力, 已經各食左三碟. 無得頂. 可能係食魚食得太多, 今次竟然無食最愛嘅海膽. 食完一輪魚之後, 見面口都仲有人等位, 我地就成人之美, 埋單再去飲野lu. 有信用咭做緊promotion有八五折呀.

睇左openrice咁耐, 終於寫食評喇尋晚一行三人叫左三文魚, 煙三文魚, 蟹籽, 熟帶子, 波士頓, 軟殼蟹手卷, 炸墨魚咀等等~今次d三文魚都幾新鮮, 尤其係 刺生, 加lemon juice 都幾好食其餘O個D不過不失啦, 不過d蟹籽有怪味, 軟殼蟹手卷d紫菜唔夠脆叫侍應姐姐畀左碟軟殼蟹手卷醬畀我地點墨魚咀, 正埋單DBS有85折, 唔駛$240, 都okay飽, 咁抵, 畀笑面啦

剛剛下午去食, 可能因為有dbs的關係, 所以繼"加價"和"迴轉老鼠"後, 人龍又再現了! 我之前一星期會黎兩次, 不過加左價後就少左黎不過, 照計人多左, d料應該新鮮d同埋冇放咁耐架, 但係我order的軟瞉蟹手卷係淋的, 唔熱, 好明顯唔係岩岩炸出黎架囉, 連果個炸蝦卷(唔記得叫咩名)都係淋O既, 有冇搞錯??連D大蝦(紅碟, 得一隻果隻呢), 都係比之前細隻左喇... 唉~~~但個黃金蝦就好掂囉, 我第一次食到佢係凍架咋, 我之前食, 全部都係"暖暖地"架!!同埋, 我食個LUNCH, 應該唔駛半個鐘, 但係壽司枱前兩次D客都話埋單有出入, 要同D職員UP好耐野, 都唔明... 照碟數都有錯O既?!~?!?!?

6月9日晚上約8時多.有好多人等不了位便走,所以不用等了很久便有位.壽司不新鮮,壽司的基本材料之海苔腍,沒脆口感.就算是order的壽司都一樣.飯與料不能緊貼.壽司包括有: 腐皮,三文魚,燒墨魚鬚,赤蝦黃金燒,鰻魚,熟蝦,甜蝦,炸蝦卷,蟹子沙律,辣味吞拿魚.炸公魚: 是即炸因此夠熱氣,條魚仔肥嘟嘟.甜品: 迷你泡芙(好腍),日式朱古力蛋糕,味道適中.

今朝睇報紙見話用DBS信用卡有85折, 咁咪去囉, 點知... 原來佢話1/6先開始, 有冇搞錯..., 但我都黎到囉, 咪唯有死死氣冇折都照食囉...不過, 都算佢保持到手準喎, (除炸蝦卷係唔熱, 明顯係炸左好耐好耐之外) ;自從加左價又出現左"迴轉老鼠"之後, 竟然又漸漸出現返人龍...1/6後我都要早d黎食lunch先有位座lu...

11/5母親節唔想同人迫,一於叫外賣點了平日食開的火炙三文魚,小柱,赤貝,油甘魚,辣味三文魚,海膽魷魚,味道仍然不錯比較係係醋黃魚,唔多夠魚味試了新出的豚肉($9)一件,唔好食.,還有,鰹魚都係好一般.八折後252,超抵食

12/4今晚跟家人到此吃壽司,現在有五款壽司做特價,加洲卷,辣味三文魚,軟殼蟹卷,三文魚皮手卷和吞拿魚手卷,只試了三文魚皮手卷和辣味三文魚手卷,前者美味可口,紫菜夠脆,之後的辣味三文魚好一般了還有點了帶子,劍魚腩,火炙三文魚,小柱,海膽魷魚,元氣卷,新出果款蝦,油甘魚,芥辣八爪魚,最好味都係帶子,夠鮮甜,其它平平啦三文魚頭湯無飲,妹妹就話好味燉蛋我覺得唔夠滑,可以更好幾好味的唔知乜公魚,炸得夠脆又熱,不錯服務是不俗的,有禮,有成日斟水.573-450元coupon,最後埋單123最後多謝某周刊送出的$270元coupon

真的一年多沒去此品牌,巧合地又係同GG食.壽司飯像是進步了,而且可能今次鱆紅夠新鮮吧.這裡的日式蒸蛋不像外間的甜,所以不會太滯.

上個月同愛人去食過一次，只因太耐無幫襯，諗住睇下佢有冇進步。去完大失所望！最基本的三文魚壽司都整到又乾又有朕唔新鮮的腥味。再黎玉子壽司冇蛋味，Ｄ飯係散哂的！最後黎多碟八爪魚，都係冇鮮味！我第一次兩個人去食壽司會只係食三碟就埋單！仲要俾七十幾蚊！真係去Ｍ記好過！就連埋單，Ｄ侍應都唔係好想理我，有Ｄ明明見到我遞哂手都當我透明，食物唔得服務亦唔掂，仲要唔係平過人喎，於是我同愛人講：「我下次一定會再試元氣，今次之前我已經三年冇幫襯元氣，下一次會係十年後，如果佢到時仲有分店的話！」記得當年第一次幫襯尖沙咀大噴水池分店時，好多人排隊仲好好食，點解宜家會搞成咁？