元気寿司 (奧海城二期)

营业中

休息中

元氣嘅壽司同刺身就食得多，有幾多人會特登入去元氣嘅雪糕？😹今日同朋友喺奧海城附近食完晚餐，想搵甜品店、但係周圍都冇，最後我哋有個提議，就係入元氣食佢嘅雪糕🍦平日嘅日子，晚飯時間呢度真係等好耐，攞咗飛之後至少都等左九個字先至入到去，好彩有電話提示功能，入咗電話號碼，差唔多佢就會打電話叫你返嚟，我哋可以行住街等。我哋今次試咗天日鹽雪糕 $24，柚子雪葩 $24天日鹽雪糕略嫌甜左少少，但幾香奶味；柚子雪葩清新唔太甜。最後加多個軟殼蟹手卷，一如以往，但係呢個手卷比較細size。

元氣已經係多區都有嘅壽司連鎖店，時不時都會岀新野，今日又試到新野！呢個香蔥吞拿魚壽司一食落去，有陣很香嘅味道，香蔥嘅味道同吞拿魚茸十分之夾，我呢個吞拿魚茸啦亦都十分之新鮮，係一款唔錯嘅新式壽司。至於個明太子薯條，都係新款嘅菜式，佢嘅薯條炸得十分香脆，又夠味道，加上佢嘅明太子醬，用薯條沾上呢個醬，簡直就係一流呀！日式海鮮燉蛋，呢個燉蛋唔會淡而無味，因為佢會夾一啲不同嘅海鮮，例如帆立貝、蟹柳。一如以往我哋都會叫帆立貝裙邊，佢亦保持水準十分夠味。今次我重點想推介下呢個限時嘅激賞優惠，包括有胡麻味噌真鯛、壽喜燒牛肉、珍寶赤海蝦迷你飯。珍寶赤海蝦迷你飯幾有驚喜，佢嘅帶子、三文魚子、同埋赤海蝦都十分之新鮮，材料咁新鮮，只係價值$22 ，值得一試。

依間元氣平時6點幾開始就有人排隊, 晚飯時間唔等番半個鐘唔洗旨意食~ 但自從早排新聞播左魚生有蟲之後, 真係少左好多人排隊, 今晚好想食壽司, 又見唔洗點排, 所以唔理lu照食啦, 無事既😂帝王蟹棒雖然知唔係真蟹肉, 不過個人情意結中意食赤貝普普通通三文魚湯推介依個湯, 熱辣辣正呀, 麵豉湯加三文魚真係煲過而出黎既味, 食得到唔係就咁擺舊三文魚落麵豉湯度, 加埋d大蔥係入面好香各款軍艦同壽司軍艦紫菜係脆既, 合格。元氣新推出既珍寶赤海蝦迷你飯22蚊算唔錯了, 不過主角赤海蝦又唔係話真係好fresh, 食落蝦肉唔彈牙似放左一陣~軟殼蟹手卷推介, 每次黎都必食, 紫菜脆, 軟殼蟹大大舊而且熱辣辣即炸, 外面脆卜卜入面蟹肉軟身, 入面配埋沙律醬, 讚!賣單300零蚊, 唔係話好top既壽司但食黎頂下日本癮都唔錯既!

今日中午經過奧海城，但又唔想食foodcourt，所以去左食元氣lunch set好貴呀!!!!諗左好耐最後叫左刺身配炙燒三文魚迷你丼飯，要$80幾，但份量係好多，食完係會超飽芝士餅係最好食，咬落去好cheese，芝士味好幾重，好香；亦都炸得好脆身飯的份量多，不過炙燒三文魚本身應該係熱的，但佢唔熱，只係少暖，少少失望鍾意食烏冬的覺得佢的烏冬唔錯，個湯雖然清清地，但都好夠味；而且烏冬好煙韌!!!!!

諗唔到食咩好 就會黎飯堂 今次仲有新野試添《炙燒鰻魚牛油果》鰻魚肉質肥美 牛油果可以解鰻魚的肥膩感 兩者好合襯👍🏻《蟹肉蟹膏軍艦》蟹肉仲有鮮味 蟹膏味道較淡 不過不失 都可一試好啦 到每次必食推介🤩由左至右《炙燒牛油赤海蝦》表面的牛油融化了 滲入蝦肉 令赤海蝦更香 而且蝦肉爽口 正《炙燒左口魚》燒後左口魚更融於口中 帶點油膩感 係脂肪既感覺《炙燒帆立貝》肥美既帆立貝 再加上奶油醬係面 加分 想食多幾件呀😋《炙燒黑椒三文魚》以往食係半熟三文魚加上黑椒香味 係好好食 但今次大失水準 感覺唔多新鮮 失望😔間間分店水準都有各異 奧海城2期呢間 普遍都不錯 保持到水準 所以係翻吃的選擇最後食飽飽 食左11件 都只係$172.7/2人 抵食呀

今日同家人到奧海城哩間元氣食壽司，大概兩點另鐘開始食，坐低見迴轉緊嘅壽司好似轉左幾個鐘咁樣，霉到要掉個隻，係唔會想拎黎食個種。我叫我先生order左啲壽司，然後我係迴轉到拎左碟炸蝦卷食，見狀好似ok ，放入口完全feel到係凍晒同唔好食，食左兩件炸蝦卷，order嘅壽司都到了，食埋個芥辣八爪魚同赤貝壽司各一件後，我開始feel到想嘔嘅感覺，係咁飲茶頂住，忍左一陣堅頂唔順沖去廁所即嘔晒啲食物出黎。前後嘔左兩三次。搞掂之後我返入元氣同我先生講我嘔。啲野食應該好多細菌，跟住瞬間埋單走人，我係第一次食完即嘔嘅一間食肆。哩間元氣觀感覺舊同啲食物轉到謝晒，之後我去左M記買左個魚柳飽充饑。🤦🏽‍♀️

大除夕的晚上，因為下午已吃了點東西，又不想與人到鬧市湊熱鬧，便與老婆仔一起來到這間久不久都會光顧的「元氣壽司」吃東西，打算隨便叫些壽司當作晚餐。來的時候已經是晚上六時有多，拿了號碼籌後本以為要等上半個小時才可入座，誰不知只等候了 15分鐘，便可有位，不禁讓自己喜出望外。想不到的是，這卻是這晚惡夢的開始。兩夫妻坐下之後，快快點了數碟壽司，便安坐在迴轉壽司座位上靜待點選的壽司到來。期間我在迴轉壽司帶上拿了一碟「帆立貝壽司」，我一向甚為喜歡的「三文魚湯」也很快便送來，想不到，在我吃掉「帆立貝壽司」，喝過「三文魚湯」後，我與老婆仔兩人便開始了難忘的等待之旅，足足等了差不多一個小時，我們點選的各款壽司才姍姍遲來，直教我怒火中燒，而且我點的一款「蒲燒鰻魚芝士卷」更是漏了單，沒有送來。其實，這次所吃的各款壽司雖然壽司飯握得鬆散， 味道是及格的，不過要等上接近一個小時才有壽司可吃，就及格都變了不及格，多好吃都變得不好吃啦！

今日係Wednesday, 係元氣食野，全日都會有8折（如果你係會員的話）。有見及此，我同同事們就係中午放lunch ge 時候去左食元氣。我地就去左奧海城果間genki ,一去到唔洗排隊就入到去坐低左，跟著睇下個menu ，lunch set 有4sets 可以簡，價錢大概八九十蚊左右，中午黎講係有d貴，不過有八折，過得去啦。最後叫左個set C，有魚生飯，有刺身，有壽司，想食既野都有齊，仲有個湯同芝士餅，總括黎講都幾好食。

奧海城有叮噹大型活動，諗住係商場食完午飯再去影相，揀左無咩人等既元氣，諗住咁大型連鎖餐廳應該唔會太差，入去之前見要等20分鐘都ok，好快就有位，入到去一坐底就話要用電話點菜，其實都係一個環保快捷既方法，抵讚之後上菜其實都好快，但壽司黎到見到個質素同之前食就有d差距，飯有d已經散左係碟邊，size都細左😞最誇張係個炙燒三文魚壽司，完全感覺唔到有燒過既痕跡，同三文魚壽司無分別，烏冬反而係最出色既，但份量就差點

Shopping 完已是四五點了，想飲杯茶坐低休息一下，就來這裡。一進入去，點員就立刻向我們說沒有下午茶，我們無所謂，只係行街行到好攰姐，我們一行四人就梗係無選坐迴轉位啦，拎住一袋二袋戰利品，坐一排靠背椅舒服啲啦！雖然呢喥未有高速線自動送餐服務，諗住服務員幫我們落單，但估唔到服務員對我說要用自己手機點餐，不能用人手落單，又好不願意提供menu給我們看，我唔明點解又咁多服務員行行企企。終於我用了手機先下載apps再scan QR code落單。點了一個燉蛋，好夠熱材料豐富，蛋滑鹹味適中。之後點了牛油果🥑炸軟殼蟹壽司卷，原來內有幾粒松子，牛油果好爽滑，軟殼蟹好脆唔太油，都ok。海膽壽司，好甘香，唔太腥。我們點了兩款刺身：油甘魚和三文魚腩，唔知點解要等咁奈！等一次問服務員，等了一陣都無回應，第二次再問第二個似是高級少少的服務員幫我跟進一下，再等了一陣終於來了。兩款刺身好彩沒有令我們失望，好鮮嫩幼滑！總括來說，食物一般，服務就麻麻啦！希望日後有了高速線服務會改善吧！

-燒鰻魚迷你丼配壽司定食（$90）第一次食元氣lunch set☺️依個定食真係好豐富，有燒鰻魚迷你丼，什錦壽司🍣芝士薯餅，糖心蛋🥚，麵豉湯🍲燒鰻魚迷你丼 真係好好味，鰻魚燒得好靚，油脂豐富🤤，魚皮有點焦香，而鰻魚醬汁都好多，魚肉嫩滑❤️芝士薯餅 好邪惡，咬落入面芝士，趁熱食👍🏻糖心蛋🤤半熟的蛋黃，蛋黃味幾香，好吸引！-伊佐木壽司🍣（$14）伊佐木食落有點清淡❤️，配合柚子胡椒，提升味道層次，而且食落幾爽脆又滑身☺️-Name🏠: 元氣壽司Location📌:任何元氣壽司分店價錢💰:燒鰻魚迷你丼配壽司定食（$90），伊佐木壽司🍣（$14）

今日係假期，四圍都好多人等位，見元氣唔多人等位，加上好耐冇食過就攞飛入去，正當我想攞飛時，俾店員截住咗，原來入面迴轉有位，雖然我地坐邊都冇所謂，但佢係咪應該問下介唔介意坐迴轉位呢？如果客人真係介意，俾你帶完入去，又要出返黎等位就唔係咁好喇。埋位即睇有咩揀先餐牌都係嗰啲款，冇咩點變過。太肚餓可以攞住一兩碟食住等。帶子唔係好夠新鮮，味道唔夠鮮甜，冇咩味左口魚同油甘魚夠肥美，入口食到油花滲出黎，好香魚油味北寄貝一般。吞拿魚同三文魚唔錯，不過切得比較薄。小柱壽司入面有沙律醬，我唔鍾意食有沙律醬嘅壽司，所以食咗一件就冇食芥末八爪魚夠新鮮，八爪魚夠爽，芥末亦好夠飛魚子最正，粒粒魚子卜卜脆，係口入面爆開元氣亦算保持到水準。

星期四下午三點半，場內8成客滿。在門口號碼機攞完number等工作人員帶位安排落座。可能係由於落場時間，全場只有兩名職員，一個在收銀台，另外一個在場中。我和另一位後到的客人兩個人站在門口等。兩個職員都明顯見到我們，但是同時兩人都選擇視而不見，而且連一句「歡迎光臨」或者「請等一等」都欠奉。後到的一位客人等了兩分鐘後決定離開，我等了五分鐘後問收銀職員是否能夠安排帶位。她安全沒有歉意地告訴我未執好檯，彷似「有位無人坐，有人無位坐」完全不是問題。平時繁忙時間帶位的長髮眼鏡小姐比這兩人的工作效率高3倍不止，態度也好上許多。對於街坊來說，奧海城食壽司並不是只有一個選擇，希望能夠聘用更積極的員工以提高競爭力。

其實我好少寫 食壽司食評既，一係就係魚生刺身食材新鮮，鮮美；一係就唔新鮮，魚生質地"媒". 今次我寫係想介紹，入左會逢每月第一個星期三，有八折。今日放lunch, 唔知有呢個優惠，坐低先知.我，同事二人 各叫lunch setSet A 有三文魚 吞拿魚 帶子 炸蝦 蛋籌司 附上沙律及日式麵 湯我叫左Set B 魚子 蟹柳 三文魚 豚肉軍艦 +魚生飯 一樣有沙律及湯最後仲散叫 綠茶千層蛋糕 及芝士蛋糕

今晚得自己一個人，最好不過就係去有迥轉枱食壽司，一來唔會霸住張枱俾人趕住埋單，二來樣樣嘢一細碟，可以食多幾款，綠茶又任添，真是一大享受 !我叫了季節限定的天婦羅蠔花卷，炸蝦卷，筋子和野菜餅湯烏冬。天婦羅蠔花卷望落去幾抵食，但咬下去後只感覺到天婦羅粉漿，好似食唔到蠔的感覺，可能隻蠔太細，哈哈！炸蝦卷及筋子都不過不失 !最期待的野菜餅湯烏冬終於來了 ! 炸野菜餅炸得有點油，但幸好碟上面有一張隔油紙可以將一些油份吸及去。湯烏冬煙韌好吃，不過就細碗了些少。