元気壽司 (已結業)

去食過3間元氣,點都係香港仔最好,食物分量俾銅鑼灣大,雖然銅鑼灣食物味道唔係太差,但係壽司俾香港仔分店細,,服務方面幾好,由其是個男侍應,動作快!!

上次仲讚緊佢好食,點知今次就要彈番..唉!好失望,因為其實我好鍾意食元氣..最失望係,吞拿魚(maguro)壽司..maguro應該係走肥,如果我要食肥,我會食toro(吞拿魚腩),點知我既maguro唔肥唔瘦,變左中腩,唉!手卷上次食紫菜卜卜脆,今次無,但係都唔係話難食..再咁落去..點撼一壽司,板前等勁敵!

今非昔比ge原因~元氣轉左老細<br />由美心話事<br />已經唔係日本佬同馬時亨搓旗ge年代

再踏入元氣,追求既唔係一句日文歡迎光臨,更唔係日本師傅企喺自己面前握壽司,而係新鮮既魚同埋海鮮,食一餐踏實既回転壽司就夠!坦白講,元氣其實做到我既要求,壽司料新鮮,不過水準唔係穩定,我既意思係:有時會忽然有啲好好食既水準..例如以前曾經在灣仔分店食過好正既紫菜(用嚟包手卷),好似啱啱烘出嚟..但有時又好普通..如果成日都係高水準,都唔到板前出名!今次呢間都算幾好,服務員都積極,手卷既紫菜雖然無灣仔嗰次咁正,但係都有脆既感覺,一吃再吃,食左四件手卷!最正係三文魚子手卷,d三文魚子喺口入面爆,嘩,滋味無窮!去元氣,仲有一樣要食係個燉旦,好滑!或者就係因為味道踏實,所以元氣到而家始終係我既選擇!

25 March 2007 (Sun) - 晚飯我以前係元氣既超級擁’等’，不過好耐冇去，再去時發覺己經冇以前咁多款啦，而且價錢仲好似貴咗啲．．．好失望呀！其實都冇咩寫．．只係想講今非昔比，希望佢快啲加入新壽司，同希望可以平啲，喺咁多旋轉壽司競爭下，佢哋變得好輸蝕～～～

可能同最近爆諾郁克病毒有關,由大概6:00pm入去,到接近6:45pm走果時,都吾見有人龍喎~甘少人所以坐得好舒服。辣味三文魚依然好味,不過軟蟹殼手卷退步左…好琳……試左個海獅圈及蟹肉海鮮圈,味道都幾好。不過要彈下個service……我見轉盤無海獅圈於是落單點菜,等左好耐終於羅左壽司黎。佢放落黎果時都覺得吾多妥, (未曾食過海獅圈所以吾多確定係點樣,但我望過下菜單好似吾係甘款)於是問多一句係吾係海獅圈,佢答我話係於是我比佢放底走人。後來覺得吾多對路再睇多一次菜單,終於確定一定吾係我要果款。於是叫第二個阿姐幫我換,而且重好快羅過黎。甘都算知錯能改啦。

星期二响時代睇七點九,六點十一就到咗時代,居然見唔係好多人排隊,就博下排下啦,嘩,竟然十分鐘就有位,一坐低就梗係即刻叫嘢食啦,2個人用咗最高速掃咗十碟嘢,其中包括另類既日式朱古力蛋糕,即order即响雪柜拎出嚟,凍凍地都幾好食架,又軟綿綿唔"溜",我諗如果係擺响迴轉帶果d就真係差d喇.二人共消費: $152

中午坐低﹐想速戰速決快手搞掂餐飯﹐好彩唔駛等位。不過今次o的壽司差唔多全軍覆沒﹐冇一碟合格。三文魚竟然感覺唔新鮮﹐連帶元氣卷都冇哩生氣﹐油甘魚壽司有一陣腥味﹐oh no......冇辦法﹐原本想拎碟甜蛋壽司"瑯"一"瑯口"﹐結果望到顏色毫不吸引o既蛋塊就決定埋單算數

紅日登高無我份,本來入赤柱或西貢也突然取消,變成到老銅,化身企鵝,享受另類"家庭樂".在時代打個圈後,下午茶時間到.萬料不及,最後在元氣作驛站.契仔在商場比"鬼"嚇,需要一些比較開心的食店,去緩和先前之不安情緒.相信迴轉壽司店的輸送帶,帶上的壽司,或會令佢感覺上,置身遊樂場,坐上旋轉木馬吧.假日下午茶時間,大量空位,當坐定沖茶之時,再望出外,已經變條人龍出來.仲神奇過David Copperfield變走個自由神像.友人不愛壽司,點些刺身和熟食.劍魚腩刺身,肉質偏爽,也算新鮮.椒鹽墨魚咀炸得香口.壽司不再另外追加,輸送帶上有什麼,邊吃什麼.帶子,北寄貝沙律,帆立貝,魶魚等等大路貨色.沒有特別之處,壽司飯醋味略嫌不足,飯團又握得幾實.只見契仔拿住豉油碟,玩得不亦樂乎,心裏歡喜.等他長大一點,再帶其去吃罷.以小弟一向對迴轉壽司有所成見,照計唔比劣評都會寫得幾負面.今次可能氣氛良好,人物+事物,已經彌補水準不足.所以,笑面係比個氣氛.寫到第七百個食評了,時間過得真快.希望繼續保持動力寫下去吧.

我今日同老公去食，未行到去已經見好多人排隊，奈何好想食，就唯有排啦，等左一個鐘倒啦，有位啦，一坐低就開始拎壽司食啦，我見倒d 三文魚好細塊，而且迴轉帶轉黎轉去都係果d，Menu 都好少選擇，相比元綠就多d 選擇，同埋唔係好明點解元氣d 飯係暖，反而元綠d 飯係凍的﹖我比較喜歡食凍的。但整體上都都OK 的。

講開食迴轉壽司, 我想很多人都會吃過元氣, 大家都熟悉不過!但久不久也會來光顧, 可能貪其方便就腳, 價錢實惠吧!在這裡多數吃的款式不多, 海膽魷魚女朋友最愛吃, 總要吃上幾件, 三文魚也會吃, 五元兩件, 若遇上新鮮肥美時, 真的可以吃很多!劍魚也會吃一、兩碟!不得不提的是元氣的軟殼蟹手卷, 軟殼蟹炸的新鮮, 配上其沙律醬, 味道很好, 在外吃軟殼蟹卷不便宜, 這裡反而提供一個抵食選擇!軟殼蟹首重鮮炸, 殼的質素分別不會太大, 因此這裡吃的軟殼蟹誠然抵食!大家不妨試試!

因為妹妹要儲分做會員,仲欠七個就黎呢樹開餐\.由六點半開始排隊,七點先可以入座,外面仍然長期推持u字形排法.三個人點了($9)三文魚X3,燒墨魚鬚,=36(12)辣味三文魚x3,芥辣八爪魚,波士頓卷=60($15)小柱x2.油甘魚,赤貝,海膽墨魚,,海鰤卷,加洲小卷,牛油果軟殼蟹卷,=120($18)帶子,他他牛,元氣卷=54($15)三文魚皮手卷, 三文魚手卷=30小食$15x2)日式炖蛋x2=30炸墨魚嘴=25三文魚頭湯=15甜品日式朱古力蛋糕和迷你泡芙x2=30好多食物ok.除了辣味三文魚個樣古怪,他他牛肉唔好食.服務,人手不足,斟茶次數少.還有,問拎外賣盒裝野食問完又問,驚死你唔知做乜,唔多大方

同老婆呢排耐不耐都來呢度因為諗住攞佢地嗰張會員咭。但係本人相信當佢地做完呢個promotion之後就會加價。所以到時有九折都會同而家價錢相若。但係而家就成日見到的人諗埋單就給自己一科數學堂睇吓自己有冇食夠$50嘅倍數來儲吸印仔換取會員咭。如果佢地真係加價，咁就真係捉正啲人心理來鎌到笑。食物方面尚算新鮮，老婆應為軟殼蟹手卷最好味。但係想講一講就係佢地嘅波士頓卷同埋辣八爪魚卷($12碟生嗰隻)。係波士頓卷裏面，有一嚿唔知係牛油定係cream-cheese嘅野。不知是否佢地想節省成本唔用價錢較貴嘅牛油果定係波士頓卷嘅特色係咁，食左之後會好溜。而辣八爪魚卷就好鹹，最終要撩走pat八爪魚而淨係食嚿飯。

呢間元氣次次都唔洗排隊,就算排都係一陣,可能呢間元氣大啦,仲有好多張卡位,可以比我同7個friend 一邊食一邊傾計,d壽司水準ok,最緊要係唔洗排成個鐘先食得.....哈哈

2005年7月24日來吃下午茶之前,有一個意料之外的驚喜,懷著超愉快的心情前來這裡,籍此機會謝謝友人的幫助,驚喜才可以來臨!這天主要是品嘗每隔一段時間新推出的食物,先喝的是牡丹蝦味噌湯,原隻牡丹蝦...頭在湯中暢泳,喝一口,鮮甜的蝦味慢慢跑出來,不錯,可惜的是,我們向店小二拿取七味粉時,四個人才給小量,都唔知夠你用定夠我用,這店未免太吝嗇吧;特大虎蝦壽司:蝦肉頗爽甜,最初覺得貴了一點,但吃罷就認為價格還算合理,石垣貝壽司:頗爽口的貝類,口感與赤貝差不多;沙甸檸檬漬:起初擔心會有幼骨,很好沒有,略帶酸味的令我很開胃;辛辣吞拿魚卷:雖云是辛辣,不過對於不太吃的辣的我也接受到,辛辣這兩字可以刪除掉吧;溫泉蛋,不太明白怎樣做得半流質的樣子,骨碌一下便已吞下,沒有什麼味道,很滑是它的最大賣點,芝士班戟蛋糕,吃了一小口,有點像早前金帆船名噪一時的蛋糕,味道一般啦.