允升甜品

营业中

休息中

香港離島多，而每個離島都會有佢著名既食肆。就例如入到長洲，就必須要食允升甜品既糯米糍，否則唔好同人講入過黎！允升糯米糍其實唔止有芒果味既，仲有我好鍾意既榴槤味，不過後者要睇季節，過左就無得食架啦。而芒果糯米糍就一年四季都有，size勁巨型，成隻手掌心咁大，係我食過最大粒既。一切開，係好甜好熟既芒果，出面就係勁軟熟煙韌既糯米皮，兩者配合得天衣無縫，真係勁正！如果要堂食，齋食糯米糍係唔得既，必須要叫多最少一種甜品。既然呢度既芒果咁出色，就叫多碗芒果涼粉啦，果然都無令我失望，芒果香甜，涼粉夠爽，好味！而家周街都話係長洲糯米糍，但我買過根本完全唔係果回事，芒果肉唔甜又唔大粒，而且仲濕立立，糯米皮都穿埋，根本就唔得。要食最好味既長洲糯米糍，都係去番允升食啦。

兩個人諗住尼食芒果糯米糍，一坐低d野無人執，叫到人尼執，侍應又黑口黑面，態度唔得。凈食芒果糯米糍唔可以堂食，除非叫糖水，我就叫左香芋西米露。芒果糯米糍一啲都唔好食，芒果選材不佳，粉又飛到成身都係好彩香芋略有香芋味，算係咁。但一定唔會再尼食，失望

今日全家又坐艇啦！重陽節假期，周三卡窿，唔知點請假，唯有留在香港玩啦。加上天朗氣清，好想去偏遠少少的地方，加上電視劇＜張保仔＞效應，一於去長州。今天這小島真是熱鬧，可以用香港式英語來形容就是people mountain people sea!很多食店都大排長龍，包括這家甜品。排隊就是為了榴槤糯米糍。可是單點榴槤糯米糍不設堂食，唯有多點几款。榴槤糯米糍HKD10這是餐廳主打美食。家人很喜歡這個，所以堅持來這家甜品店。煙韌的白皮，加淡黃的榴槤肉.軟棉棉的榴槤肉是帶絲呀, 入口香甜, 煙韌的外皮QQ，要咀嚼多几次, 榴槤香味就可留在口中更耐.加上很多人光顧，流量快，保證新鮮。喜歡榴槤的人就會明白.楊枝甘露芒果汁有柚子肉及芒果粒及西米。芒果汁唔太甜, 但都重芒果味.柚子肉粒粒分明, 酸酸的柚子肉, 襯托出芒果汁的甜.嚐第一口, 就想嚐第二口.但西米真係落得好足夠(份量好多).佔了很大比例。芒果凍奶HKD26一小杯下層是白色的奶凍,  面層有好多芒果粒，芒果鮮甜.奶凍的奶味夠, 滑得似豆腐花。網上食評提及店員的態度，真係形容得好貼切。但職員見到小朋友，即時軟化，變得好溫柔呢。

去長洲玩，點會少得不停咁食食食。講起長洲，一定係諗起長洲大魚旦同芒果糯米糍。今次就介紹下長洲嘅芒果糯米糍。我每次去長洲，都會係去允升甜品嗰度。允升甜品唔止芒果糯米糍做得好，而且其他甜品都好好味，所以每次都會幫襯。熱辣辣嘅天氣最岩食啲凍嘅嘢，而我好鍾意芒果，所以我每次都會叫啲同芒果有關嘅嘢。芒果水晶(左上) $23，芒果凍奶(左下) $22:一睇就見到啲芒果隻色好深，姐係代表佢係好熟，好甜不在話，不過水晶同奶凍都好普通，都係為咗食個芒果甜品，如果要比較，芒果水晶似乎吸引啲，水晶咬落去又爽又冧，比奶凍特別。芒果糯米糍:雖然啲皮好多粉，食果時會跌晒啲粉，又會整到周圍都係，但係個皮好煙靭，厚薄啱啱好，但係又唔會黐牙，包住個大大舊嘅芒果，一咬落去好juicy，啲汁都會咇出來，芒果亦都好甜。仲可以外賣返去，一盒可以4/6/8/12咁買，我每次都係買6個返去，通常6個入面有1-2舊係比較酸，但其他嘅都好甜。芒果糯米糍(黑糯米皮): 而黑糯米皮嘅芒果糯米糍亦都唔錯，食落去比嘅口感同普通嘅差唔多，煙靭程度多少少，黑糯米有小小出，但一啖咬落去芒果味係會較重，呢款亦都不失為好嘗試。下次去長洲又會食呢間，係點

今日難得天氣吾錯又吾太熱就去長洲行下。第一次行過見店滿人冇去買住, 5點半再行過去仲有得賣就買佐四個芒果同1個榴槤番屋企食。有個妹妹負責接單再同後面包糯米糍講客人要咩，佢pack 好後我問佢有冇榴槤賣, 個妹妹即刻講句「你玩野咩。」服務員確係冇咩禮貌。芒果糯米糍每一件都有大約手掌禁大，行佐成個島佢果件係最大， 但係佢個皮吾係包到成件芒果而係吾知點解留佐條0.5cm闊的邊 （偷工減料？？）佢個皮係比較好食，芒果係大但我個人比較鐘意二合甜管芒果多啲。

榴槤糯米糍: 皮極厚, 不煙韌...芒果奶凍: 芒果肉很多, 也很新鮮!!!奶凍沒有奶味...凍豆腐花: 很滑, 但一點豆味也沒有... 吃飽飽, 請結帳!!!!!!

暑假就快完，同啲小朋友去長洲行吓，食吓野，雖然呢排長洲最出名的芒果糯米糍九龍都有得賣，但一埸入到長洲，無可能唔去朝聖一番。行到允升附近，已經見到條長龍，我地等左廿分鐘左右，都唔算好耐，黎到允升，當然係食招牌芒果野。我地叫左楊枝甘露同芒果糯米糍，楊枝甘露甜度適中，芒果又夠足，個芒果底真材實料無溝水。至於芒果糯米糍，皮夠薄，芒果夠鮮夠香夠熟又夠甜，一啖咬落去，皮帶點甜，配合埋啲芒果，簡直無得彈，我地食完一個又一個，食唔停口。見到啲職員一包口個糯米糍就送到你枱面，又特別覺得好味。除左堂食，我仲打包左三盒共廿四隻反去比朋友食。發覺原來打包同堂食係有分別的，打包嗰啲個皮較厚，稍為扣左少少分，可能因為個皮放左陣又漲左，又或者特登包厚少少驚個皮濕左啩。不過咁，雖然厚左少少，但都好好味。

以前每逢到長洲都會到允升食甜品，但今次經驗令我不過再光顧允升。雖然當日天氣好熱好曬，但仍無損到長洲散心的心情。每次到長洲都會必食大魚蛋及芒果糯米糍，這次也不例外。到了允升甜品門口，可能是平日的關係，只等候了數分鐘就入到店內。先每人叫了一份甜品：彩珠及西瓜雪糕涼粉，然後再外賣10個糯米糍，但該員工A沒有反應，轉身就走。彩珠的味道還好，但不夠凍，跟觀塘有一間「港記」的明珠極似，但港記更好味！西瓜雪糕涼粉感覺不過不失，雪糕配涼粉從來都冇得輸！哈哈...A寫的單只有2份甜品的價錢，所以我們以為她沒為我們落外賣單。但不消一會兒，她就拿了一大個外賣盒給我們，其實我們想5個/5個分開放。之後我們示意想分開放，對話如下：我們：唔該，我地想分開5個5個咁裝架。A：冇得分！我們：下，但我地要分開放喎，唔係點拎返屋企？咁有冇膠袋？A：冇呀！我們：一係我地買外賣盒，幾錢一個？A：唔賣呀！我們覺得很驚訝，原來想買一個外賣盒都不可以，難道允升的外賣盒鑲金？鄰枱的3位女士聽後都大感允升甜品服務態度差劣，更表示其實該芒果糯米糍味道不好。與A對話完結後她就沒有再理會我們，然後我們再問另一位女員工B。B欲走向廚房問，但A

因為好多人都話黎長洲要試「允升甜品」，所以今日親臨就黎一試糯米糍同其他甜品。可能 貴舖太多客源，唔休無生意，所以對客人既態度可以係好不知所謂！！！坐低先叫左「芒果糯米糍」同「芒果唔知咩涼粉」。果位年青少女落單都唔見得態度好，我見佢無重複人地落左咩，輕輕一問佢有無落到，佢就好好態度回應我一句：「聽到啦！」到食物黎喇，我只係想問佢拎隻叉黎分開糯米糍，另一位年青女就指示我無叉架，用匙更食啦，糯米糍就用手；我就問喇，叉都唔比拎嗎？佢答我係！！之後果幾位少女仲要響我身邊重覆，令我認為原來用叉食糯米糍係好搞笑既.....我唔明白一隻叉真係甘貴咩？定d叉係display唔比拎架？

不要再去了。三年前去過，雖然態度一樣衰，但食完糯米糍那一刻，你會覺得：正到爆！當堂咩氣都消哂無錯：甜到漏正到暈繞樑三日 不過係～以前～  加左2蚊，味道就退步萬2分，唉，可惜可惜對比以前就好比食00咁今次個店員一放個糯米糍係在臺，哇，需然仲係好大顆，但ｄ粉多到可以用黎做爽身粉，一食，竟然係咁既味？！  苦，乾，澀，酸，散 人生九味咩要我再食？食番m記算886允升

未試過要打食評專登黎為左食呢間既芒果糯米糍!朋友介紹第二間都唔去食!食左咁多年.都知呢間野既服務態度差!但今次真係........差到爆!!!!揀左係傍晚六點鐘已經唔係人流多,全間鋪都無坐滿客.野飲野食大失以前既水平. 嗌左芒果糯米糍三個都酸.有一個酸到咬左一啖，牙都痺!!!!!!其餘兩個都可以頂硬上去食.同一個比較後生小小既侍應講有一個芒果糯米糍好酸 .可唔可以換過一個比我地啦.嗱....你唔換比我地唔緊要.唔好當一個笑話咁.好大聲咁問佢既同事.不停重覆我地講既野." 有個芒果糯米糍好酸咼 .可唔可以換過個咼 "隔左一陣無人答覆我地.我地再問多次,個後生既女仔侍應答,酸我地唔知架咼. 我地唔會食左啖先比你地架ma.咁究竟有無得換啊？你唔換唔緊要.可以同我地講聲!而唔係咁既態度,更何況質素差唔係我地既問題!我地係消費者.比錢入黎消費.同你地講聲.比你地知妳地食物有咩問題.你地唔係解決.而係同顧客去R.可能你地覺得好多生意啦 唔休做啦 .但長州咁多間都有糯米糍賣.下次唔會再食呢間.入黎長州都係想放鬆下心情.點知換黎一肚氣

聽聞這間甜品店的芒果糯米糍十分有名，便藉著假去嚐一下，結果有個大叔男店員，對著我們幾個小女生大聲呼喝，叫我們出去等，我們又不是無禮，又是第一次去，怎樣知道要去買幾粒糯米糍有這些規則。我們都感覺被罵得莫名其妙，店員態度十分惡劣，"出名大哂"?最後嚐了糯米糍，糯米皮帶苦，芒果肉是酸的。吃完後滿臉粉，不太明白為什麼這麼多人去吃。我的友人說四年前也吃過，味道大不如前。結論，我不會再去。

今日同男友去長洲，當然要食長洲既芒果糯米滋拉，聽人講話允升既芒果糯米滋好好食，咁今日就去試食下拉…………點知，好失望!我地叫左一份芒果糯米滋，$10。賣相方面，個樣普普通通拉，size ok la，但味道就，完全吾掂! 糯米滋個皮太厚，仲要勁多粉係上面，食到成口粉!入面既芒果又細粒又酸，完全吾好食！另外，我地叫左一份芒果腸粉，腸粉ok既，幾薄幾滑，d芒果幾大粒，但勁酸lo，好難食，都係吾掂!服務態度方面，可能出左名，d店員都唔想理你，態度又差，2個人食件糯米滋想要一枝叉分開件糯米滋姐，佢竟然話食糯米滋係吾會比餐具! 好彩食芒果腸粉比左2枝叉。總結來講，呢間店失去水準，芒果糯米滋完全吾好食!芒果又酸！吾會再光顧!

長洲最出名就係大魚旦同芒果糥米糍。而允記就係最最名芒果糥米糍，去到雖然係星期五但都滿座。所以老闆娘語氣都好急促坐低就叫左芒果糥米糍同芒果西米露。芒果糥米糍比長洲其他店的大個，咬下去十分煙韌，芒果餡好多，十分足料另加一個奶凍，奶味十足。次次黎到長洲都會黎食

長洲最出名當然就係芒果糯米慈同大大粒魚蛋啦！個次我就叫左個芒果野飲加埋糯米慈外賣，杯野飲完全唔得，芒果味好假。不過聞名遠近既糯米慈就的確做得唔錯，拎到返屋企幾個鐘後都仲OK。個皮夠薄，入面大大塊既芒果亦幾甜，總括黎講普普通通啦！