傷心酸辣粉 (砵蘭街)

营业中

休息中

都已經食咗傷心酸辣粉咁多年，望住佢係咁加價，不如過就算加咗價都仲係平過出面好多餐廳。通常同朋友食先會叫套餐share啲餸嚟食，如果自己一個會食唔晒～我同朋友兩個人食，所以一人揀咗一個套餐嚟食。我就揀咗海哲脆耳，佢就揀咗蒜泥白肉。對於唔識欣賞芫茜嘅我嚟講，有時食川菜都幾痛苦，要係咁撩開晒啲芫茜先可以開餐。好彩呢度不嬲可以走晒啲青，啱晒我呢啲揀飲擇食嘅人。蒜泥白肉普普通通，有啲太甜，對我嚟講都係叫返口水雞會啱口味啲。至於海蜇感覺幾普通，似係惠康買到嗰啲$14一包嘅即食撈撈海蜇。而家甚至收起埋啲醋，要問先知有～唔知係咪因為要cut cost 呢...

其實mong kok好似真係冇咩廉價好食ge野 好食ge都係貴野 呢間已經算係唔錯。。價錢幾合理，味道都唔錯，幾好。我叫左碗傷心酸辣粉，唔知係薯粉定水晶粉黎，口感還可以，韌就夠韌。。。但係咬極都咬唔斷。。所以每次食都好大啖。。但係碗野又辣。。。。真係食得有d辛苦。。。不過個湯底係真係好味，真係夠酸同夠辣，有種上癮，飲完一啖又想飲多啖ge感覺。。。但係菜就真係少得可憐。。每碗傷心酸辣粉得一條菜。。。綜合黎講，唔錯

最近我約左個friend去何文田 打波 所以我地係打波之前就去旺角食晚飯 多啲選擇嘛 不過我地都要快食嘅關係 我地最後去左係朗豪坊隔離個棟大廈食傷心酸辣粉 最搞笑係我個friend 未食過xd入到去雖然只係六點幾七點 裏面已經好多人要禁票 我地等左大約8分鐘就入左去 我今次就叫左 傷心酸辣粉(BB 辣)再加芝士腸 豆卜同雞腎 而叫三個餸佢會送野飲架一黎到一如以往碗麵好香 而且望落都好惹味 有花生 芫茜 炸菜肉碎同蔥 雖然我好鐘意食薯粉 特別係依隻直身嘅 唔係譚仔嘅扭紋粉 比較入味 但我覺得好難咬 所以食完都用左好多時間消化 如果可以下次會試下叫姐姐煮耐啲 但都幾足料同入味 有兩條腸 好多舊雞腎 豆卜就索哂啲汁 正 不果碗麵都幾多辣油 要慢慢食 以免辣親喉嚨咳 (好彩叫左凍飲...) 鐘意食酸辣嘅朋友又食得辣嘅朋友一定要黎試下 唔錯架😁

今天以為會打風，不用上班，怎料沒有打風，所以一樣要工作。到了下午的時候，肚子開始餓了，想想要食什麼，就想起來傷心的傷心豬骨紅薯粉(>^ω^<)我叫了一碗豬骨紅薯粉，裡面還加了三款菜，所以有一杯熱飲送我。三款菜我叫了雲耳，金菇和海帶，至於熱飲就叫了熱檸水。☆*:.｡. o(≧▽≦)o .｡.:*☆豬骨紅薯粉，有豬的湯底味道，紅薯粉，彈力足夠，彈彈的口感，海帶份量都多，切至一條條幼條狀。雲耳煮到剛剛好，軟硬適中。

如果要食薯粉，一定黎傷心酸辣粉。。因為我次次都食唔晒。。佢嘅份量真係好多。。。哈哈海帶絲辣辣地好醒胃。。紅薯粉真係不得了，一碗夠兩個人食。。。入邊仲有啲配菜。。譬如係花生，榨菜等等。。可能我比較細食，所以兩個女仔食一碗已經足夠。。因為仲會叫埋其他小食佢個雞真係一定要叫。。真係超好食。。。平時食雞我一定唔食雞皮。。。但係傷心酸辣粉嘅辣雞我就會食啦佢仲可以+12蚊，有其他嘅小吃。。都係啲炸物為主。。。今次我叫咗個炸花枝。。。佢嘅炸花枝有配埋啲泰式酸辣醬。。。酸酸甜甜，脆脆地都幾好味。。佢其實有啲套餐優惠嘅。。。套餐優惠譬如係一個紅薯粉，就可以配一個辣雞。。。但係就唔包野飲。。。所以如果要飲凍飲嘅話，就要自己俾錢啊如果套餐有送埋嘢飲，你話幾好呢

有成年冇黎食好好彩個時仲未係好旺既晚飯時間 所以即刻有位！入面環境夠大 卡位應該坐到6個人 但因為我地4個人 所以十分寬落！今次都係叫單點餐（粉+揀配菜）揀左傷心酸辣粉 小辣+芝士豆腐 雞翼同金菇 揀三樣仲送凍熱飲 加埋都係$57芝士豆腐真係好好食 真係次次黎都會叫 食完3粒仲想食侍應都好有服務態度好nice 我地叫得慢 差唔多配料但又分開叫 要分開4張紙寫都冇嫌耐嫌煩！仲同我地開玩笑小辣其實都幾辣 不過好好食 食到譚三小既都會食到 bb辣就唔夠過癮份糧都剛好食到好飽 食傷心酸辣粉一定要叫菜/金菇料 佢地會索到湯汁 食落去好正！不過食唔到好辣既人建議唔好浸太耐本身都想叫蒜泥白肉 但仲未要返屋企食完個口會好臭就無叫到 好可惜 蒜泥白肉都夠味好濃好正食前太心急唔記得影 唯有補返食完圖

隔住個Mon食川菜：傷心酸辣粉食得辣而又會上癮真係好煩⋯⋯成日搵唔到朋友陪食辣，但係好在香港地食嘢一支公都算可以出街唔會俾人望或者俾情侶煩親。呢度就係一個好地方，我知個個都只係識食潭X，唔係好記得呢間嘢，但係其實呢間嘢都唔錯，性價比都高！特別係呢個雞絲麻辣撈麵，$55連汽水！算係咁啦，最緊要係大大份，食完飽肚㗎！食辣之人都知，麻辣之中既麻香先係重點，呢盤真心唔錯！5個麵餅加蓋面雞絲同花生既香味，果然色香味俱全！講真可以單人加價錢合理既辣嘢，呢個餐決定可以encore！

去完波鞋街買波衫，就諗住食碗傷心酸辣粉當晚餐。去到舊鋪門口，我先發現間野原來搬咗去朗豪坊附近。～大家記住留意啦～今次亦唔例外，我叫左口水雞同酸辣粉。(由於我唔太食得辣，只係食到BB辣既level)。碗粉都有幾多配料，有花生，肉碎同埋蔥，而酸酸辣辣的湯底配薯粉都依舊吸引，食落口雖然幾辣，但都好滿足。至於碟口水雞就有啲失色啦，唔單止太肥無咩肉，亦有少少老，唔太爽口😑溫馨提示：BB辣都好辣，大家量力而為

中意食辣既我🌈最中意就係食傷心酸辣粉架La😍😍今日就去左旺角行完街，好肚餓就去醫肚La🙌🙌🙌🙌🙌🙌🙌🙌附近有間傷心酸辣粉就即刻入左去🤤🤤🌈叫左滷水拼盤酸辣粉餐同酸辣土豆絲🥔🥔兩杯凍檸茶😍😍滷水拼盤勁足料，滷得非常入味!!!👍🏻👍🏻酸辣粉湯底好正，酸酸辣辣，好開胃我就叫左個大辣👍🏻👍🏻超級好食呢!!!!!士豆絲，好有口感🥔🥔👏都幾好食ah!!!!凍檸茶，好飲，唔會有苦澀味，食粉飲絕配👍🏻

長期好多客人🤓紅油蒜蓉青瓜🥒這一道菜不錯，如果前菜來的說，我認為沒有太過辣。當然大家可以考慮可以再清一點。可是喜歡超辣的朋友，應該完全不會介意。香酥軟骨🔥炸雞軟骨，一道好吃到停不了口的小食。高溫炸制後的雞軟骨，帶着焦香的酥脆感。雞軟骨沒有肥肉，粒粒香脆爽口👅，對唔鍾意食辣嘅人，一個福音！海蜇手撕雞🐔超級多海蜇，成半碟都係！麻油、辣椒油、芝麻、芫荽，配合埋白肉一齊食，非常開胃。酸菜烤魚🔥🐟主角酸菜魚，終於上嚟。成盤酸菜魚，大大盤，好似一個迷你火鍋咁樣，食咗半個鐘都未食得晒，二百幾蚊真係好抵食。酸菜魚好多配料，有金針菇、酸菜、聲帶條魚、豆粕…… 成條魚，本身已經煎香過，然之後再落酸菜湯，煮左一陣，浸左酸菜湯之後一齊食更加有風味。招牌酸辣粉水晶粉做底，配菜有炸醬、酸竹筍、芫荽、山菜、花生，以肉湯混合。雖然唔係好辣，但係酸酸地依然好開胃😋。由於我哋係叫咗一個二人餐，加酸菜魚，以上咁多餸菜，加埋嘢飲、白飯，買單＄400就有找。傷心酸辣粉，真係好鬼抵食😂！

傷心酸辣粉係我由細食到大既野。同中學同學約聚會，間唔中都會選擇去傷心酸辣粉，回憶下以前著住校服去食，彈到成身紅色湯汁既時光😍今次行完朗豪坊黎食，原來而家多左雞煲同烤魚套餐！半隻雞都係$198，又包埋幾樣火煲配料，幾抵食！雞煲黎到，size唔算大，但一開蓋已經噴哂煙咁，陣麻辣味迎面而來，已經好吸引。雞煲面鋪滿芫茜，簡直開中我地果範！成個雞煲睇落唔係大，但原來半隻雞都夠食有餘！睇以下張相都見到啲雞塊係真心啖啖肉！連埋雞皮食係真心皮滑肉嫩，好正！湯底方面，睇落好似好辣，但食落同普通既小辣差唔多，早知叫加辣啦🙈 配料方面，我地揀左肥牛、生菜同薯粉，份量唔太大，啱兩個人share👌🏻除左個雞煲，我叫左每次黎都必叫既香酥軟骨同香麻雞翼，真心係「雞，全部都係雞」🐥😆 同以前一樣咁香脆可口啊，回憶一秒番哂黎！其實有時食得多所謂「貴野」、「正野」，反而中意食番啲貼地又好味既野，就好似傷心酸辣粉咁，食成世都唔會厭。🤗

這間店舖為本人經常返食既食店，每次都非常開胃！侍應有禮，而且食物的份量，味道，上菜的速度都是遠超期望！特別喜歡土豆絲，雞軟骨新鮮脆口，口水雞滑而爽口，而凍0茶也相對比其他店舖好飲！十分力推！

6點左右去到竟然要等位 ToT 全場只有2位侍應負責清潔傳菜落單（其他員工正在用膳中），等左約10分鐘先有人落單(¬_¬)ﾉ我點了麻辣肚絲配傷心酸辣粉小辣，小食要黃金花枝丸，一罐可樂（$72）肚絲切得太碎，無乜口感（之前點過肥腸比較有口感）。酸辣粉都幾大碗，不過今次偏硬，但都ok。花枝丸熱辣辣，但肉質比較實，一般。"友人"點了口水雞配傷心酸辣粉唔辣，小食要黃金芝士豆腐，凍檸茶（$70）一碟細細既口水雞竟然有齊雞背雞胸雞翼雞脾，不過總比成碟雞胸好╮(╯▽╰)╭  口水雞都唔"鞋口"，ok。炸芝士豆腐比花枝丸好味好多，口感軟熟＼(^o^)／另點了香油海哲（$38）上菜時以為咁大碟咁扺食，但原來海哲底有一半係青瓜←_←  味道正常，但下次唔會再叫。整體ok，主要係為左食酸辣粉，希望下次唔需要等咁耐先有侍應落單。

同3個朋友一起第一次去傷心酸辣粉度唔係食傷心酸辣粉，而係食鸡煲同烤魚。其實鸡煲味道一般，可能我地煲得唔夠耐，感覺味道唔夠濃而且好多汁，下班煲耐d。而烤魚對我開講有小小辣，但幾野味。今次體驗都唔錯！

由細食到大！作為一個冇辣不歡既辣妹，以前放學就會去食傷心醉辣粉。貧佢夠辣又有學生餐！今日終於有機會再去食，果然冇失望！我平日最愛叫一個set，平啲又有個餸襯下！我個combination係酸辣粉加麻辣豬耳！酸辣粉我叫小辣，以前食中辣架，而家廢左！不過佢個薯粉係出色既，煙煙韌韌！當然最重要係個湯底啦！佢酸辣比例洽度好處！不過我相信有人會覺得太油膩既，不過我覺得唔飲湯就得啦！而我亦推薦豬耳！佢個麻辣汁食到流晒口水，而且豬耳好爽脆，好正！野食依然正，不過加左勁多價，如果仲係以前學生既我實比唔起！