傷心酸辣粉 (砵蘭街)

营业中

休息中

約左朋友去朗豪坊睇戲，睇戲之前就去隔離既朗睛坊醫醫肚先好耐無食傷心酸辣粉啦，原來依家連雞煲同烤魚都有得食依舊有好抵食既二人餐！！不過二人餐無得轉我想食既手撕雞面同皮蛋，所以都係分開叫先黎我想食既“黃金皮蛋”HKd$35同“時令油菜”HKd$20呢度既皮蛋係透明嫁，金黃色既軟心我叫既“手撕雞涼面”HKd$53連可樂夏天好中意涼麵，配埋雞絲同青瓜絲，酸酸辣辣得黎又清新而朋友就要左個“滷水拼盤”套餐HKd$62+HKd$7凍奶茶佢嗰餐有得配小食，朋友仔揀左花枝丸，佢俾左粒我試，炸起熱辣辣，好香口啵原來佢個set仲會有埋甜品架我地食完“傷心”酸辣粉之後就“開心”滿足咁去下場~~~~夠鐘入場睇戲啦

傷心酸辣粉係附近學日文，諗住近近地食下啲米線填飽肚就去上堂。還記得第一次食傷心酸辣粉是在我中五的時候，那次是我一人的晚餐，翹了一堂校外的課後補習課，想著要寧靜的慢慢的享受那頓晚餐。可惜中學的我是個窮蛋，看到晚餐的麵都要50元起，所以之前只點了一個淨薯粉，誰不知我原來吃不慣薯粉，盡力地吃都是吃不到，最後就離開了，但肚是餓著的。不過到現在印象中都會記得那個湯是吸引的，下次有機會的一定會去再食。今次終於在學校附近看到傷心酸辣粉，就馬上去了，這次有男朋友與我一起吃，本來想點口水雞米線的我，都被鄰桌的雞煲味吸引過來，最後我們一致決定點雞煲！而且點了一碟軟骨和時菜。環境挺舒適，有很多卡位座。Menu上每項食物都圖文並茂，全部都很吸引。唔好比餐廳嗰名呃左，以為好辣，唔食辣野嘅朋友就唔黎得，以上全部食物都可以點唔辣架！先來了雞軟骨和時菜，當了這兩個餸是前菜一樣。雞軟骨金黃脆口，一向是我倆的最愛，更附上了酸辣汁，炸粉不會太多，輕輕包著軟骨，超爽口！是日時菜為生菜，又是食到chop chop聲，不會太油。最期待的雞煲來到了！我們點了半隻，等待它滾就可以吃了。我們選擇了淨叫雞煲加飯，不加料打邊爐。因為掏一些

好耐無食所以去開朗豪坊就去呢間分店食，衛生有點差，枱面無抹過，地下有點跣，坐咗十分鐘都無人招呼，似乎無人想理我。食物方面，味道仍然是很好，只是口水雞嘅份量少左好多，好似俾人食咗幾舊先俾我，有點失望！

做完Facial仲有五個鐘先等到朋友收工，陪去睇佢結婚啲嘢，咁不如食少少野之後先去行住街等佢。係朗豪坊附近又唔知食乜好，見好耐冇食傷心酸辣粉，可能已經有三四年，一於再試吓啦。叫咗薯粉勁辣加肥牛，大腸，蘿蔔，韭菜，秀珍菇！送一杯野飲叫咗凍檸茶少甜。傷心酸辣粉嘅麻味相對就比較重啦，正！不過勁辣呢佢只係加左好多辣椒油俾我！首先就係好油，偏鹹咗，雖然辣椒渣係多嘅，不過辣椒香味唔夠，重有啲苦…感覺一般肥牛都係一般雪藏貨冇乜特別，大腸甜甜地尚算入味，蘿蔔有渣，韭菜同埋秀珍菇煮得太耐…淋囇。薯粉幾彈牙，就做得唔錯。一般般啦下次食第二啲

坐低無幾耐已經問尼位女經理攞杯水 之後等完又等都係無攞來 之後叫佢都當我無到完全無應過我機 如果佢話搵同事幫我or轉頭幫我都無咁嬲 話佢知忘記左比水我仲要惡反我轉頭 由頭到尾一句對唔住都無 點解咁樣都做到經理？我態度唔係差 前後都有講唔該 貼錢買難受

身為學生哥既我，又唔想日日食頹M記，唯有呢到去下個到去下，務求搵到一間抵食又飽肚架啦。無意之中比我搵到呢間野！呢間野主打既係酸辣粉，聽個名好似好辣咁，但係店主好貼心，將湯底分為幾個辣度，唔食辣既人都可以試到佢種麻味，正呀食個陣咁岩係星期一至五既下午茶時間，只係一至五先有架炸！口水雞餐 包一碗酸辣粉 連杯野飲，都只係＄40炸

唔知點解, 很久之前起太子花園街街邊檔吃過酸辣粉後就上引了我鐘意薯粉的煙韌口感, 辣度及配料又可自行調配不過很久也沒到太子了, 今日上完堂, 突然想食碗下午2點幾人流唔多, 唔使等位呢度坐得舒服又算乾淨男友唔食酸辣粉, 佢最鐘意就係涼麵, 因為怕熱墊檯的紙也印有介紹酸辣粉內裡有什麼, 食開既人都唔使點睇架啦檯邊還貼上新推出食物飲品, 不過我是專一的男友點的重慶炸醬涼麵 (走花生), 都幾大碟, 加入大量像台灣的滷肉碎如果係我, 我唔會走花生, 加入花生碎的口感應該會更好不過呢個涼麵都幾香, 麵質又唔錯! 我都幾鐘意, 不過對比心頭好, 就緊係唔會揀佢先啦yeah, 我既心頭好黎啦, BB辣度既酸辣粉最鐘意就係佢煙煙韌韌既薯粉口感, 成碗食光, 不過今次d花生如果再脆d就好啦男友想食蒜泥白肉, 呢個係跟我個心頭好一齊叫, 套餐價$50, 都ok la套餐應該比單點的細份, 佢一個人食夠哂, 我唔太鐘意蒜頭切到透薄, 晶瑩剔透的半肥瘦豬肉片, 好靚男友話呢間分店係最好味!食飽飽好滿足, 2個人簡簡單單的一餐, 都唔使一百蚊, 而且我又食得開心, 好抵呀!

起旺角落完堂後，就同班同學仔去左傷心酸辣粉食下辣野，過下口癮！老實講，起旺角搵個午餐地方真係好難，度度都好似打仗咁，人又多又要等位！好彩呢個野就連等都唔使等，心諗應該係被樓上既三哥搶曬d客，同時又諗會唔會係伏呢？不過，起元朗分店食過真係唔錯，所以先念念不忘要食多次！其實我叫麻辣架，為什麼會好似俾左酸菜我既？試過佢既小辣係完全唔辣，下次可以挑戰更高水平！湯底都幾濃下，不過味精還是有些，吃完覺得有點口渴！雞翼係魯水雞翼，還是不過不失，魯水味仲未入到內膽！牛肉就咁整熟配落去，所以都無咩講！個紅薯粉就比較淋，吃還是覺得不太飽肚！最後埋單43蚊，咁我相個樓上間野會比較經濟實惠！

今日行完朗豪坊，落到地下本來諗住去Gap逛一逛，但發現已經執笠了- - 所以就直接食晚餐去了^^ 係附近已經有我中意食既酸辣粉，唔洗行到去登打士街食，好感動><上到黎不是太多人，所以有卡位坐^^ 因為好耐無食了，餐紙都設計得與別不同了！加插了不少卡通圖案，酸辣粉仲可以加麻加辣或者加酸，睇見餐牌都流哂口水><我簡簡單單叫左一碗小辣既酸辣粉^^ 唔洗加餸都已經有榨菜，炸醬，同埋花生～ 另外有芫茜同埋蔥香香地做調味，加上紅油辣湯底，流哂口水了^^ 紅薯粉比較有嚼口，而且榨菜同花生都比較香口爽脆，湯底辣辣地好醒胃，吃辣也會對心臟好呢^^

平時一直都有食開傷心酸辣粉,呢間係算坐得舒服ge一間但今日真係食到一肚火,好耐未試過忍唔住上黎打評價!本身叫左個$118 ge二人套餐+一碟$26 ge 酸辣貢菜+5*2=$10兩杯凍檸茶跟著見到張單係$118+26+10=154+15.5=169因為平時冇加一所以先問個待應先知新年期間要加一,ok無問題我明白!後尾因為套餐中有碟酸辣青瓜食唔哂要打包,問個待應攞一個外賣盒.因為之前試過打包,所以知外賣盒要加一蚊,而餐牌亦有寫明.點知張單變左$118+$26+$10=$154+$15.5+$1=$171變相外賣盒收兩蚊??????去到收銀處同個疑以女經理講.佢話係電腦將毫子尾巴數四捨五入所以變左$171但我張單原本係$169喎,加一蚊應該係$170佢之後話係呀,原本169我地係收少左你四毫.咁依家四捨五入就$171.其實張單根本冇列明唔收毫子or會四捨五入.再同個疑以女經理講佢都只係話係電腦問題,一句唔好意思都無都算仲用好差ge態度講你依家比番$170蚊出黎都得,我地D員工咪要貼番一蚊出黎囉!後尾佢要我地比一蚊佢,佢找番三十(本身已付200蚊),即係無分別.嬲爆爆走左總結即係話"被"將原

中意辣的我同唔食辣的朋友都岩哂。平時去開旺角另一間，任何時段都迫到爆; 所以今次我地又係(女仔x2)第一次去呢間朗晴坊傷心酸辣粉，都有哂心理準備等半小時以上; 點知一入去到，店員就好識做帶我地坐卡位。卡位無風口、又可以望街、又乾淨，在旺角真係咁多年都未見過唔洗都有咁好位。打開menu 見到set 有很多種，有包甜品又有包多款小食，認真講分類麻麻地，睇到眼都花。睇來睇去都唔明，最後有少少求其點中酸辣粉加口水雞set; 朋友就無酸辣粉蒜肉set。好快上枱，先由酸辣粉開始說吧 -花生鹹菜等配料足夠，花生乾口硬身，鹹菜唔會梅塔塔。湯夠酸，中辣就唔係好夠辣; 朋友的無辣就夠清，明顯現在客人少廚房都唔會亂煮，讚粉的份量比預期的多，好似永遠都食不完。我勉强食完; 朋友就中途放棄了。(記憶中朗晴坊店比旺角店份量較大，應該會適合男生的胃口吧@_@)。口水雞 - 紅噹噹的樣子其實只是用來吓人 (笑)。整體辣味比較大眾，老少怕辣唔怕辣都岩食。 – 味道適宜不特出; 蒜蓉多但蒜味相對地弱; 大概是考慮到在附近從事服務業的朋友仔或情侶檔吧 ? 吃完一整碟都不用擔心吃後會有大口氣。另外值很一讚的是肉類量跟menu

今日到了傷心酸辣粉吃晚餐。點了bb辣的紅薯粉配芝士腸，生菜和魚腐，點3個配菜或以上送一杯飲品，一共$44，感覺上比譚仔便宜。酸辣粉湯底有炸醬，酸菜，花生等等，少辣帶酸，非常開胃。紅薯粉很煙韌，很有咬口。芝士腸較平常的大條，芝士未濃，生菜跟平常的無異，魚腐其實是片狀的魚蛋，爽口彈牙。酸辣粉份量十足，但不會有肥膩的感覺。另外位置雖在旺角，但因不在街旁，所以十分寧靜，環境很好。

九時後，來到了傷心酸辣粉，因為太餓，想馬上吃一個麵當晚餐。我點了一個自選酸辣粉湯底小辣紅薯粉，沒有加其他食物，也27元。沒有等多久粉就來了，但是我的紅薯粉明明和朋友的只差一個酸辣度，看起來卻紅多油多了，不說真的以為是大辣。我真的很肚餓，沒有理會就開始吃了，但我終於發現自己選錯了粉，這裡的紅薯粉很有彈力，連在一起很難咬碎，要是心急想多放點下口，就會卡在喉嚨更辛苦，只有一條一條短短的慢慢吃才行。那個粉不加湯那麼吃真的只有麻沒有酸，但飲那個湯酸味道出來了，中和麵條的麻，要不是咬不開我一定會不停不停地吃個滋味。

又黎傷心酸辣粉到食午餐，二人套餐無加價仲係一一八一個餐，但個餐無左口水雞，換左做土豆絲，份量又縮左水。雖然啲野食變左，但味道無變，仲係好好味。涼拌土豆絲，爽口，酸酸辣辣好醒胃，滿滿一盤。夫妻肺片，入味，唔太辣，韌韌地有咬口。鹵水併盤，份量又少左，鹵得鹹左啲，浸落酸辣粉都食就ok嘅。酸辣粉，要左bb辣，呢個辣度啱啱好，紅薯粉有咬口，唔會太淋，花生鹹菜等配料都比得幾多，唔姑寒。加錢要左凍利賓納，甜到度中，好飲。今日晏晝唔好人，有卡位，幾好坐立。侍應落完單就無出現過，但至少無煩住哂，慢慢食都無比人趕，幾好。

夜晚十點剛行完朗豪坊想搵D野食，揀左傷心酸辣粉上到黎無乜人，有枱食緊鷄煲聞到好香好想食，但得一條友為有下次約D朋友先來食。睇完餐牌無咩想食，林住叫碗酸辣粉算數，但個男經理極力推薦個泡椒砂鍋米線，又話係新產品又話開胃，重話全線得佢獨家有得賣其他分店冇得食，姑且一試返正$38又唔太貴，最終揀左肥牛。等左五分鐘度就有得食都幾大鍋，肥牛有6塊左右又有好多配菜，$38算ok。個湯夠濃酸酸辣辣確係開胃又唔會好似酸辣粉咁油膩，女士食應會更喜歡，D米線都算彈牙。尼度環境都幾舒適D卡位都幾好坐，下次可以叫埋D朋友黎食鷄煲