備長

营业中

休息中

今日由紅磡亂搭車去銅鑼灣，一落車見係sogo落，靈機一觸就決定左去備長食飯。估唔到佢星期六都會有午市套餐。餐包湯，飲品，一串燒。我叫左牛舌飯，豬肉荔枝，明太子雞亦，翠肉瓜。全部都幾好食。性價比高😋😋 牛舌唔老， 應該係比左心位我。。 加埋啲蔥花一齊食係幾正。 豬肉荔枝角荔枝中和咗豬肉嘅肥。而明太子雞翼個心係有啲明太子嘅，係大部分人都食到既少辣。

已經Encore 再 Encore 好多次 lunch set係煮菜加三點串燒， 主菜可以由最平110幾蚊++ ， 去到貴啲靚啲HKD 200頭都有..今日食最平嘅 - 野菜烏冬 一來係上得快啲 其次就啱曬啲 唔太食得多嘅OL 黎到重點實係三式串燒 如果幾個人一齊嚟，當然就係order 唔同嘅串燒可以再分享啦最signature 就係 荔枝豬肉捲.其次鹽燒雞翼 雞骨豬肉腸牛肋骨全部肉類都燒得剛好， 上碟唔會太油， 同埋就算咁凍嘅天氣，上碟嘅時候 串燒仲係熱辣辣，要即刻食先如果唔太鐘意食肉嘅朋友呢，之前試過汁燒豆腐燒茄 子燒蘑菇最抵就係個lunch set係包埋嘢飲，仲要有大人小朋友都鍾意嘅梳打今日就order 咗個芒果梳打, 我自己雖然都食得甜 但係今日就真係可能比較甜左少少啦都係巨峰梳打會比較適合香港人嘅口味

冬至搵d新餐廳食下新野,今次搵咗間日式串燒店食晏。book咗1點鐘,去到餐廳只有一張檯有人。之前以為匿類店會好full,可能係午餐時間掛,心諗會唔會伏伏地呢。午巿原來有午餐,一個主食可揀三種串燒。鰻魚飯安格斯牛肉薄燒串燒包括豬頸肉,牛肋骨,雞翼鹽燒,日本小甜薯,茄子,荔枝豬肉卷。另外叫咗豬肉露荀卷同雞軟骨。除咗茄子無咩特別,其他都幾好味,特別係雞軟骨,但叫即食。平行返所以叫多個炒雜菜。整體匿間幾好味,又唔貴,可以encore

平時都鐘意食日本野，今次試呢間我覺得唔錯，大家可以試下👍🏻👍🏻前菜每兩位$28，留意串燒要叫最少兩串起。以下呢啲都係我覺得好食推介俾大家🔸牛舌 $112/2串 勁厚切🤩肉質厚嫩多汁，好惹味🔹鹽燒雞翼 $64/2串 個皮燒得金黃香脆，又夠入味，值得encore👍🏻🔸自家製免治雞肉棒(付温泉蛋) $84/2串 重點係要點佢個温泉蛋，當醬咁點🔹刺身六點 $388 刺身有六款，好新鮮，又夠肥厚，除左甜蝦我唔食之外，其他我都覺得唔錯🔸燒飯團 $35/1個 脆卜卜，好似食緊飯焦咁，外脆內軟，餡料我地揀左三文魚同明太子，兩款都好食🔹燒銀鱈魚 $48 個皮燒得好香好可口，點埋啲蛋黃醬，正👍🏻🔸荔枝豬肉卷 $66/2串 豬肉卷入面加左粒荔枝，荔枝清甜多汁，減去油膩感🔹黑白胡麻炸多春魚 $52 炸得鬆脆可口，加上有芝麻鋪哂係面，未食過咁樣既配搭，口感好豐富.本身想後加個清酒煮蜆，可惜賣哂了😢而成餐最貴既係枝酒，我地叫左枝京姬匠純米吟釀 $528，買一送一，一枝即場飲，另一枝就拎走。店員拎住成箱酒杯，俾你揀個啱心水既酒杯，枝酒算易入口，但飲下飲下就好易飲多左🤭小心醉呀🍻最後仲有雪米糍食，有荔枝味同綠茶味，兩

工展會又開鑼，老婆要去入返少少海味過新年，於是今日晏晝就出去辦年貨，之後就再搵地方食飯。行行下見到一間樓上串燒店好似幾吸引，於是就拖住老婆上去試下。原來我地之前黎過，仲要食物方面都唔錯。店內裝潢不錯，而且燈光氣氛感覺幾relax。餐牌都有好多選擇，仲要我去的時段有清酒啤酒優惠添，到最後食物方面當然俾老婆揀啦，不想用腦諗，哈哈哈！【前菜條】蔬菜條點上特色味噌醬，味道濃郁又爽脆！【汁燒魷魚筒】魷魚筒燒到恰到好處，軟嫩爽滑，加少少薑末同吃仲比較清爽。【燒豆腐】左外皮炸到金黃香脆，再搽上醬汁，外脆內軟，口感軟滑。【美國露筍】右露筍鮮甜多汁，鮮嫩爽甜。【荔枝豬肉卷】左荔枝一咬爆汁，非常香甜，而豬肉軟嫩入味。這個值得推介!!【鹽燒雞翼】右香脆嘅外皮，而雞肉鮮甜入味，燒得非常滋味。

今日突然想食串燒，老公提議不如到銅鑼灣揾食，因為始終比較多日式串燒居酒屋。向Sogo附近搵到間日式串燒店，一於就決定食呢間啦！餐廳裝修充滿日式feel, 環境舒服。餐廳選擇多樣化，而且有些款式出面比較少見。店家現在做緊指定啤酒，清酒買一送一優惠，我當然要叫返杯啦！辛辣炸雞脆漿非常特別，似脆片或者薯片碎製成，入口特別酥脆，但雞肉保持嫩滑多汁，而且仲食到少少辛辣感覺，好惹味喔！鹽燒雞翼外皮金黃香口，肉質鮮美，沾上少少檸檬汁，增添一份清新感覺。鵪鶉蛋外層咬落有少少煙煙韌韌，但入面蛋黃軟綿可口，蛋味香濃，好好食呀！柚子芥末墨魚鬚墨魚鬚爽嫩彈牙，鮮味十足，而柚子芥末醬雖然有少少搶喉，但令人有一種食唔停口嘅感覺。大蔥雞肉串雞肉鮮味，大蔥多汁美味。銀鱈魚魚皮焦香酥脆，魚肉鮮嫩軟滑。海膽海鮮炒飯海膽份量多，而海鮮有蜆肉，柱貝等等，味道雖然比較淡口，但就令到海鮮味突出些，炒得乾身清爽。價錢一啲都唔貴。而且仲食到好飽呢！

今晚同朋友去了間已開業有差不多廿載嘅日式燒烤店，識食嘅朋友經常都會去搵美食推介比前面師傅忙碌地燒，環境都算闊落，望吓餐牌有不同嘅串燒選擇，記住串燒食物最少要兩串起，店員亦會在落單時溫馨提醒的！美國安格斯牛柳$75，燒得香軟肉嫩，上面還有少少牛油，入口牛味香濃！而明太子燒雞翼$32，亦十分好味，咬開雞翼內裡充滿了明太子，入口啖啖肉！加了個海膽海鮮炒飯$128，上面放了大大件海膽在炒飯上，海膽入口鮮甜軟殼，飯內亦有其他海鮮配料，元貝粒、魷魚鬚、蜆肉，而個炒飯都好有口感！而鹽燒雞翼$32，燒得外脆內軟，而個露荀豬肉卷$33，用肥美嘅豚肉卷住爽口鮮甜嘅露荀燒，入口時露荀吸收了豚肉嘅油脂，入口更加好味！最後追加了隻汁燒魷魚筒$85，原隻燒魷魚燒後師傅再切開上，汁燒夠晒入味，而肉質彈牙爽口，邊食邊吹好地方！朋友推介確實抵讚！

上次試過樓下嘅燒海鮮時，已經見到備長呢間居酒屋，今次同朋友嚟試試!!!餐牌都幾多選擇喎!!! 豚之大腸好吸引，可惜朋友仔唔食呢～淨係燒鳥都有咁多款!!除咗串燒，仲有沙律，天婦羅等等嘅食物，所以唔怕揀唔到食物，只怕胃仔細，試唔到咁多款呢!點餐後，侍應送上前菜，蔬菜都好fresh，點下味噌醬，幾match!溫泉蛋牛油果沙律係我嘅favourite之一，溫泉蛋滑溜同牛油果嘅濃滑好夾呀!!! 沙律菜用上芝麻醬調味，好好味!!!鵝肝多士賣相一流，鵝肝煎得好香，用上燒汁調味，入口即溶，非常嫩滑呀! 多士香脆，好夾!汁燒原筒魷魚好大隻，汁燒後魷魚仍然軟嫩之中帶彈牙，不得了呢，送酒一流呀!雜錦天婦羅脆卜卜，熱辣辣，又唔會過份油膩，天婦羅蝦有三隻，都算多呢! 仲有啲蔬菜㗎，好似南瓜同青椒仔。明太子茶漬飯好大碗呀!!! 熱湯加上紫菜，好香呀，明太子加上熱湯飯，食完令人好溫暖。朋友仔同我都食到好飽，捧腹而回呀，而且坐得舒適，係一個傾計嘅好地方。

今日小夥伴又帶我去銅鑼灣食好野，其中一間好正既日式居酒屋，澳門逸園中心就係SOGO隔離勁方便。店內走居酒屋風格，燈光微黃，有bar枱同 VIP 房，感覺舒服輕鬆，個場都幾多人好彩我們有訂枱。 一坐低侍應就會奉上前菜，是紅蘿蔔條、青瓜、椰菜，配味噌一起吃好清甜。 我首先點左兩個蔬菜清一下腸胃先，冷蕃茄 $40 同冷豆腐 $40，同樣都係有日式芝麻醬，食起上嚟酸甜開胃，清新的選擇！牛魔王一坐低就話要食串燒，最愛 美國安格斯牛柳 $75，分量十足同牛柳粒一樣咁厚身，我哋每人一串食得好和味，牛肉微焦漂來陣陣香氣，牛肉味十足而且肉汁豐富，加上入口即溶，係我個人心水推介！第二樣好想試嘅就係煙肉蠔卷 $42，串燒一口的吃十分方便。蠔味鮮甜煙肉鹹香可口。清酒煮大蜆 $78，有驚喜的一個料理，清酒煮熱後味道更加芬芳，大大隻蜆肉新鮮清甜，我哋連個湯都飲埋就知道真係好。始終有人都好想食澱粉質，一於叫 墨魚汁炒烏冬 $98，估佢唔到賣相黑蚊蚊夠玩味之外，墨魚汁鮮味十足，烏冬彈牙，我就唔敢食咁多因為唔想食到個咀唇烏卒卒。感覺好滿意下次再同小夥伴嚟食多啲其他串燒先

今天,又是和閨蜜一起聚會的時候了,今天就選了我們兩個最喜歡的餐廳,這家餐廳地方很舒服,很適合一邊喝酒,一邊食串燒。我們兩個人叫了很多不同燒物,最令我們感到驚喜到其中一個是豚肉荔枝串,荔枝配上豚肉，非常滋味，豚肉充滿荔枝的水果味減少了油膩的感覺。燒白鱔非常爽脆，沒有魚腥味，也沒有魚骨。雞泡魚乾一向是我在居酒屋的最愛，燒完的雞泡魚干有豬肉乾的感覺，肉質又帶點甜味，並不韌。鵝肝多士做得非常好，鵝肝沒有腥味，配上脆的多士，入口並沒有油膩的感覺。燒安格斯牛柳粒，來的時候，上面還有一塊小牛油，慢慢溶化，一咬很軟嫩，很多肉汁。黑白芝麻炸多春魚，配搭非常新鮮，芝麻的隨口感覺令到多春魚的口感更豐富，非常特別。芝士年糕，不是炸的那種，是燒的，外脆內軟，一分開，芝士從中間漏出來，熱辣辣。最後叫了一下海膽炒飯，一看見飯面的海膽就覺覺得值回票價了，飯粒分明，炒得乾身，更加入了不同的海鮮，加上飯面的海膽一起拌勻，鮮甜美味。這一單我們都吃得非常飽，非常滿足。

好耐冇同朋友食過日式燒物，於是就用OR睇下有咩好揀啦，見呢間備長又幾好好評，就一於去試試。店中座位幾多，微微的燈光加上座位距離夠遠，都幾有情侶氣氛。我點了許多著名的燒物，例如鹽燒雞翼：鹽味份量恰當，能帶出雞翼的鮮味明太子雞翼：明太子味較輕，食落淡淡肉大蔥雞肉串：大蔥及雞椰梅花間足排列，食落有多層次的味道，加上雞肉燒得夠香口，係我嘅個人最愛。接著點了個海膽海鮮炒飯，海膽份量很足，而且鮮甜，不似次貨，炒飯亦帶有焦香，粒粒分明，相當有火候。最後則點了個雜錦天婦羅，粉很薄，而且時間控制得不錯，其中鮮蝦最好食。

今日去左銅鑼灣食「備長」，係日式串燒料理！好近SOGO,所以都幾多人下！好肚餓叫左好多野，特別係燒物，聽說很出名好好食！沙律要左個牛油果溫泉蛋沙律，沙律菜都好新鮮好好食！串燒叫左幾樣，鹽燒雞翼，明太子雞翼，雞軟骨，仲有蔥燒雞肉！等左唔夠3個字，就上齊！都幾快手！佢地加左特制醬汁，都幾特別，加上檸檬汁，可以把鮮味提升！刺身友人想食又叫左三文魚刺身，普通啦，冇咩特別雜綿天婦羅，有蝦，蕃薯，茄子等，新鮮即炸好好食！仲有叫左個海膽炒飯，一大舊海膽放係上面，流晒口水！友人與我大讚！員工服務態度好好，主推介紹邊個好食，同埋加熱茶！下次也要過來這邊食！

到處都有美食只係未遇到機會去品嚐，呢期又去咗銅鑼灣食飯，其實呢度食嘢都比較集中，真係乜嘢美食都會係度食得到夠方便，而且好多食肆都集中晒係同一座大廈裡面，至於今餐係食串燒，就去左呢間已經開業左11年嘅日式居酒屋品嚐一下美食主打菜式就梗係燒物同和食料理，係燒物方面有齊牛、羊、豚肉、海鮮、鳥（即係雞）同蔬菜，大家點都會食到自己喜歡口味燒物，事不宜遲我都點番幾款燒物食住先，就又淡味開始食起，茄子肉質燒得香滑又食到鰹魚乾香味，簡單得來又入味，再來有日本青椒仔，咪睇以為會辣，其實食落爽口得來好清甜食完淡口嘅燒物，輪到有濃味豚之大腸，睇見肥美又飽滿嘅大腸香味四溢，燒得啱啱好食落皮脆肉滑，滿口香甜油脂口感確一流，而另一款係浦燒鰻魚，食到香脆可囗魚皮，入口肉質嫩滑之餘又啖啖鮮甜肉汁眨眼又品嚐左幾款美味燒物，再食埋和食料理咁先至完美晚餐點了海膽海鮮炒飯，材料有主角海膽、章魚、元貝、蜆肉等，熱辣辣海鮮炒飯再食啖又滑又鮮海膽簡直係一流配搭，一次過滿足晒食慾又品嚐一完餐滋味美食。

今次同朋友搵左間串燒店聚聚，呢度款式選擇多，價錢亦合理。餐前送上椰菜，青瓜，蘿蔔條，點味噌食，食法同係九州食串燒一樣，夠哂地道，好爽甜，口味清新。頭盤先來一件鵝肝多士，用醬油燒製法獨特，鵝肝外香內juicy, 切得厚厚的，滿口濃郁鵝肝香味。再來一串煙肉蠔串，用煙肉包住一隻蠔去燒，保留蠔肉嘅汁，而且蠔味濃郁，唔腥，好少見到呢個製法。煙肉包住厚厚嘅蠔肉，脹卜卜炸物揀左蕃茄雞肉球，用日本巨型蕃茄釀入醃過嘅雞肉碎同紫蘇葉，蕃茄封蓋，再上面包糠炸成，配合芝麻沙律醬，肉汁滿滿，雞肉好嫩滑，蕃茄香甜，非常創新嘅製法。最後黎一個墨魚汁炒烏冬，成碟黑卒卒咁，入面其實加左墨魚絲，豚肉片同洋蔥炒，口味唔會單調，加入大量墨魚汁，香味濃郁，食到成個口都黑哂，個咀都黑埋，如果著白色衫同要顧及儀態嘅約會的話，慎入。呢度食物嘅款式好創新，水準亦都唔錯，值得再幫襯。

閨蜜帶我食好西 地點超方便，係sogo行完街行過兩步就係。好多串燒類選擇，重覆睇左幾次本菜單，終於有心水啦。首先黎既係鵝肝多士，鵝肝油脂多，厚身，多士脆卜卜，一口咬落去感覺相當良好。 之後係雞泡魚乾，閏蜜介紹一定要試，又真係好好食，唔會燒得太乾，甜甜地好特別，係差左杯酒。 荔枝豬肉卷，荔枝水份重，夾埋外層豬肉，一口咬落去，爆水果汁，好match, 荔枝味比起就咁食荔枝仲出。 自家制免治雞肉棒，肉汁濃，配埋溫泉蛋食，多左一種口感，係幾好食。 仲有燒白鱔，平時串燒店無咩機會食，白鱔外皮燒到脆卜卜，一咬落去，肉好彈牙，又無平日蒸鱔咁黏口。 柚子芥未墨魚鬚，好香柚子味，酸酸地配上墨魚，好有咬口。 最特別係黑白胡麻多春魚，整條舖滿黑白芝麻，相當香口，魚心又不會燒到全乾，配上小小檸檬，令多春魚更為清新。 仲有安格斯牛柳，七成熟，內面仲有點紅紅地，一口咬落去仲係好有肉汁，加上外面有牛油吊一吊味，好juicy。芝士燒年糕，加上一片，紫菜，煙煙靭靱，大愛爆芝士。 最後係海膽海鮮炒飯，本身怕唔夠飽先叫飯，點知未食到飯都飽左😂😂😂。海膽炒飯超大份量，好大匙海膽，飯炒得好香，拌上海膽，有些細粒元貝，用料豐富到