健康齋廚

营业中

休息中

我哋兩個人嗌咗兩個套餐等咗成個鐘頭先有得食其實pizza hut外賣自取都係七個字就有得拎職員態度亦都唔好淨係叫我哋再等因為好多人都等緊價錢係平 份量真係好細以後唔會再去

遠看招牌光亮明顯，店舖光線足夠。店舖座位寬闊，裝修簡單。套餐主要按人頭數選擇。最後選了一個二人餐，及單點一個小菜。二人餐選了粟米豆腐羹、麻婆豆腐、豉汁素鰻魚煲、再單點 薑汁炒菜心。粟米豆腐羹: 豆腐香滑，粟米香甜入味，羹 稠度剛剛好。麻婆豆腐: 醬汁麻辣香濃，肉末以豆類製成，豆腐滑溜，豆味香醇，配飯開胃。豉汁素鰻魚煲:食材主要以豆類如腐竹 豆腐皮、燈籠椒、冬菇、油麥菜等等。外觀色澤鮮明，醬汁入味 濃而不咸。薑汁菜心:菜心鮮甜，薑汁香而不嗆，清淡而健康。菜色簡單健康，價錢實惠，份量足夠。

上星期同屋企人食晚飯，發現有間新開既素食餐廳係屋企附近，決定去試試。叫左2餸1炒飯，每個小菜另外重送1個白飯，$50 至$80 一個小菜，唔收加一同茶芥，都幾抵食。豉汁素鰻魚煲 $70煲仔一上枱，重聽到滋滋聲，證明呢個煲新鮮出爐，重好熱，用腐皮紫菜整既素鰻魚吸哂d汁，非常入味，相比起傳統既中式齋鋪，佢無油淋淋既感覺，所以名符其實好似餐廳既名，夠健康。咖哩牛肉 $65上枱時又係熱辣辣，呢度餸係勁好送飯，個咖哩汁係精髓，少少微辣香味十足，淨係d汁都可以送好多碗飯。當然d 餸都好夠熱又夠飽足。至於炒飯亦都炒得夠乾身同唔油，都值得一讚！呢間餐廳總括黎講，食物質素唔錯，而且座位唔迫，坐得舒服，價錢都合理，除左小菜，佢重有一d非常抵既特價飯餐，$45一個餸，一個飯，重有湯，下次一定要再試！

大部分齋廚都是好好味，好味有可能鹽份都很高，但是健康齋比我食一般是沒有那麼鹽份高。所以介紹比大家一下^_^。。雖然黃大仙這區不是太方便，最重要是健康⋯⋯上傳了食物照片。好味又健康⋯⋯

叫左三碟都冇味，雪菜兩菇炆米，連雪菜都冇味，味菜三絲飯，味菜一D味都冇，完全咩味都冇係好健康，油都冇滴，炆米一D香味都冇，冇油又冇味，仲要唔熱個老火湯都係冇味，一餐冇味嘅飯

呢間幫襯超過十年嘅齋舖, 之前在深水埗都不時去食,雖然地方頗迫,  但菜式唔太多素肉, 唔太有味精, 主要係小菜, 廚房師傅即叫即炒, 好新鮮! 套餐還有好多料嘅湯都係$45, 次次食都好滿足! 最近舊店唔再續租, 新店更加在屋企附近, 馬上去試一試, 價錢冇加價, 水準依然!今次試左之前未食過嘅咖哩雞, 不太辣, 配上頗多雜菜, 加上咖哩汁, 顏色悅目, 送飯非常唔錯! 而且因為舖面面積比舊店大, 用餐坐得非常舒適!