健康齋廚

营业中

休息中

健康齋廚由深水埗大埔道搬左去黃大仙，已經有好一段時間。不過一來仍有素友不知素店已搬，二來素店位於黃大仙一條偏僻的橫街，所以有時客人都不太多。於是，我地又再拉隊黎刷餐飽，支持💪下這間「隱世小店」。先介紹用餐時最需要「保持警覺」的小菜--生炒排骨。千萬不要把排骨一口吞下，也不要以「咬牙切齒之力」地咬下去，因為每件「排骨」都是包着竹蔗在內的，為免啃到或要致電預約牙醫👨‍⚕️，記得小心健康齋廚有很多煲仔菜🥘，「漁香茄子煲」和「咖哩腐球煲」都是惹味之選。「素鰻魚煲」的「鰻魚」是由紫菜包着腐皮構成，看過openrice中其他食客的評價，也是不俗。如果和非素友同去時，這個也是值得試試的此外，今次點了3個「炒粉麵飯」類別的食品。「香樁炒飯」材料十足，香味撲鼻；「星洲炒米」的辣度亦頗足夠(總覺得我的耐辣程度好像提升了?🤔)，值得推介。這次我們一共2圍20位朋友開餐，因為沒有加一和茶芥，即使每圍點了大約10多道菜，人均消費也只是80至90多元。大家去開黃大仙的，歡迎可以一齊來「吃進健康」

我由細到大都食好多垃圾食物，自從認識左素食嘅朋友，開始了解到其實素食對身體嘅負擔冇咁大，但係我有一把為食咀，所以可能一個月先會有一次素食嘅習慣。而今次仲要去到黃大仙食齋，全因為你為朋友想約我一齊 晚飯敘舊。黃大仙我唔係咁熟路所以同佢約埋一齊喺地鐵站等，佢就帶著我由新光中心旁邊嘅一條樓梯向上行，經過一排樓同埋市政街市就到啦！大概五至8分鐘腳程。健康齋廚外表平實，睇得出都係街坊生意，有一班捧場客。而且餐牌都好簡單，套餐又抵食，我哋叫咗個二人套餐都係130幾蚊，再加一個齋滷味拼盤已經好足夠。套餐首先有個粟米羹，一個大湯碗足夠我們二人分享，雖然沒有肉，但味道一樣調得不錯啊！然後可以揀兩個小菜其中一個我加錢 $10 要咗個煲仔菜。沙嗲素牛肉粉絲煲，煲仔熱辣辣，整體感覺同喺平時酒家食嘅差唔多，素牛肉真係有肉味，好神奇。另外因為朋友鍾意食腰果所以我哋就要咗個素肉腰果小菜，大大粒腰果脆卜卜，素肉嘅口感同埋味道都有啲似火腿。齋滷味感覺好豐富，有酸齋、咖喱齋、齋鴨同埋齋雞。成餐飯一啲都唔會覺得自己係食素，感覺一樣好豐富，而且都有肉味，下次去開黃大仙都會行多兩步來依度幫襯。

近幾次同屋企人去完黃大仙拜神，一般都黎呢間健康齋廚 食素，第一次黎係個朋友介紹。呢度優點係抵食大件好食又親切覺得而家齋店越黎越多，可能因為好多人都健康佐，但問題係好多都偏貴。但呢間就唔同，價錢好公道，好似今日叫佐三餸一湯，大大碟埋單都係2百蚊，真係唔好話食齋，就算茶記都無佢咁平﹗仲要係大大碟好好味﹗今日我地一行三人點佐一個二人餐加多一個羅漢齋炒面，因為之前食過D 野食好大碟，都唔敢點太多，費時又浪費啦西湖牛肉羹，真係好足料GA ，個湯又夠焦身，我鐘意飲呢個湯仲多過傳統個隻呢個羅漢齋炒面我次次黎都會叫GA，真係超級大碟，D 料係舖滿曬個面，外圍的炒面好鬆脆，基本上大半碟都係俾我食曬，而最緊要係佢炒得一D都唔油膩呢碟欖菜四季豆炒素雞，佢真係落好多欖菜，好濃味，素雞都好給力，落佐好多，連食開肉既舅父都勁鐘意食。黑椒茄子鮮竹煲，呢個都算係一個幾特別既茄子煲，黑椒做茄子煲我都係第一次食，但味道都真係相當夾。呢間店暫時係我食過最抵食既齋店，不過最唔好係離我屋企太遠，如果唔係做一間常餐店真係無得頂

近排冇工人，成日帶bb一齊出去食嘢 仲要叫親嘅菜bb都唔食，所以今次直接帶佢食齋，等佢冇得逃避。雖然得3人但都叫左4人餐，因為好似抵d。首先叫咗紅燒雞絲翅 主要成份係木耳， 豆皮，蘿蔔絲， 好大份，可以分成6小碗， 加醋同胡椒粉之後更加好味。加左份細酸齋， 因為銷情太好，我叫時候已經冇咗咖哩齋。內有齋雞，齋叉燒 ，齋鴨腎由麵筋加不同醬汁整成， 酸酸甜甜好開胃。主菜叫咗涼瓜炒蛋， 咖哩牛肉。 涼瓜過咗鹽水之後， 冇咗 苦澀味， 爽口，炒蛋另外加了咗榨菜同冬菇片， 感覺一啲都唔單調。咖哩牛肉用的是甜咖哩，內有大量蔬菜湯，薯仔，洋蔥， 紅椒，紅蘿蔔，椰菜花等，牛肉 像的像真度就只有一半，但味道不錯。豉汁素鰻魚煲， 叫呢碟係見openrice有好多人推介。 因為我都幾鍾意食紫菜，所以呢一個紫菜包腐皮，外加冬菇及雜菜嘅菜式都非常合我口味， 但紫菜吸收咗豉汁， 有啲過鹹。雜錦炒飯 炒得好香， 有素肉，素叉燒，菜心莖， 真係食呢炒飯都夠營養均衡。滿足又健康嘅一餐

今次用戶戶送試下叫健康齋廚嘅外賣，25分鐘就送到，仲係熱辣辣，第一印像已經唔錯！打開之後見到份量都唔少，仲更加心心眼，今次2個人點左3樣野1）小菜紅燒豆腐跟飯2）雪菜鴨絲炆米3）齋滷味（細）首先講下紅燒豆腐，除左豆腐外，仲有冬菇同菜心，幾大盒，呢間餐廳嘅味道係比較主家feel，無咩味精，比較淡味，感覺食完會好健康果種。間唔中食下係唔錯嘅選擇。之後講下鴨絲炆米，用左腐皮黎做鴨絲，另外仲有3色椒，芽菜，冬菇，菜心做配料，好足料，呢個就真係好淡，如果落多少少鹽會好好多。齋滷味，一望落去齋鴨已經好想食，之後就係一粒粒深色果款，好入味。紅色一粒粒似叉燒嘅係的覺得最好味，至於酸齋就比平時嘅偏淡，個人覺得比較失色。

初一去左陪長輩食齋 由於有年青人在場既關係 特別叫左幾款香口既炸野食好耐冇食過錦鹵炸雲吞 好大碟 足夠幾個人分享炸雲吞脆卜卜 配上酸酸甜甜既五柳汁開胃之餘 亦減低油膩感食齋又點可以缺少齋鹵味 叫咗一碟細嘅齋鹵味當中小妹最鍾意素鵝同咖哩齋 素鵝香脆,咖哩齋就又軟又入味長輩點既豉汁素鰻魚煲"鰻魚"其實係以紫菜卷住腐皮 煎香再配上三色椒等蔬菜用豉汁煮成味道調教得幾好 對於平日唔多食齋既小妹我感到好有新鮮感呢個五柳素仙斑(即芋頭魚)就最出色同好食芋頭魚炸得鬆脆 芋頭味香濃 更係完全唔油膩食埋呢碟大大碟既羅漢齋炒麵 食齋都可以食到飽一飽

平時大魚大肉開耐唔耐要食下素 朋友介紹左間街坊素菜 雖然扮肉既素因為醬汁呀煎炸呀好食 但就咁用蔬菜做既原來都可以好正 紅燒豆腐 $55豆腐超滑 但唔會一夾就散 豆腐份量好多 又有好多蔬菜 清清淡淡唔會過咸鮮准山炒南瓜 $65 自己買過鮮准山整 覺得處理好麻煩 見到依度有即刻點左 椰汁香味好強 准山爽口掛汁 南瓜好淋好甜 一爽一淋同椰汁都好夾 朋友食到汁撈飯豉汁素鰻魚 $65用紫菜包住卷成柱形既腐皮 加埋個鼓汁 岩晒又鐘意鰻魚又鐘意腐皮既我 唔油膩又有唔同蔬菜配搭 而且用瓦煲上一直保溫 紅燒竹笙翅 $45/碗 - 好足料仲嗌左支雪耳水 $15/支 - 只有雪耳本身淡淡甜味 冇加糖 而且飲落幾杰身 真料實料呀見成晚黎既似乎都係街坊 有一家大細入黎 見店主拎左架車仔俾個小朋友 應該係佢地上次黎留低左 小店低調親民 又平又好食 雖然唔係住附近 但都會想再黎呀

素食生活@健康齋廚 黃大仙飛鳳街34號地舖 平時想食齋一係超市買菜自已下廚，因生日月食大多餐，大魚大肉，今日就自己食時搵間齋店食素清腸胃。40元左右己有飯麵了，良心價，$55叫了鮮竹雲耳炒節瓜，包了白飯，另外要老火湯$10。盡量少吃素肉，因去得食素就要忘卻肉的形態及味道，夏天盛產瓜菜，新鮮又爽口。$35 好耐無食啦，酸酸甜甜樂易食曬一碟，用豆製成可以吸收蛋白質，邊個話唔食肉就營養不良！一碟有6款味，仲幾大碟架！湯節瓜湯$10，瓜架甜入曬味又加了乾菇一齊煮，喝下有甘味，簡單調味就是最大架尊重，家的味道。嘩，羅漢果，擁有甜味接近零卡路里又唔怕升血糖，平日外食我唔飲用白糖調味的飲料，呢杯大口飲都唔guilty. 凍飲好舒服雖然離企屋有點遠，但健康養生呀，要提升食素次數會多來的，洗滌身心。

今日朋友話要食得健康，食得太多肉，要黎個green day，食齋👨‍🌾!係黃大仙搵到間食齋既食店。都幾大間喎！周圍都放滿了唔同既晝。呢個鐘有幾趣緻喎！😄野食選擇都好多。奇怪？ 呢間野唔係食齋既咩，點解見個餐牌好似好多小菜，肉類炒粉麵都有既？！原來都是齋黎的！得個名架咋🤣🤣雖然佢有d二人餐都好抵叫。但我地都散叫左，因為想食其他野😄黎到齋舖，當然要叫食齋老味啦！我地叫左個細碟既！但都幾大碟喎！！$35好平！👍有4款口味！我就最鐘意食橙色甜齋喇！甜甜地凍凍地幾開胃！😄餐前小食就最岩！沒有肉的生炒排骨😄餐廳用了素肉來代替了排骨。食落似豬肉丸既感覺。配埋酸酸甜甜既醬，相當開胃。仲有三色椒，菠蘿，瓜配料，賣相很靚。再叫左個 竹笙上齋煲：材料非常豐富，有冬菇，竹笙，雲耳，豆卜，粉絲，蔬菜，豆腐等等……再加了南乳醬，食落相當惹味！尤其粉絲索哂了南乳醬汁，味道很香！最後仲叫左支：南杏北杏雪耳水，解一解涼！飲落唔會話好甜，好清涼又滋潤！👍相當健康呀！

在黃大仙區返了兩年工，但竟然不知道區內原來有一個隱世素食館，真的要多謝好同事的帶路啦！其餐廳一點也不難搵到，就在雙鳳街市那一條街呢！！每日也有不同的超值套餐，己包了白飯及湯啦！選擇很多元化，有小菜、煲仔、炒粉麵飯等！羅漢齋炒麵即叫即製，熱辣辣送上枱！麵餅是即炸的，咬下去脆卜卜的，沒有一點油膩感！材料份量十足，有菜心、雲耳、冬菇、麵根等！涼瓜炒蛋好有鑊氣，炒得很乾身！蛋炒得很嫩還加入了冬菇，最特別之處是加了炸菜，令菜式更惹味，大愛是也！自家製齋滷味（細）叫了細碟的齋，但份量一點也不少！有齊酸、咖哩、齋叉燒、蠔油及腐皮等！味道適中不會太濃味，沒有太重的調味料，食法很健康呢！清潤南北杏雪耳水夏日炎炎，當然要飲番枝冰凍的飲品，自加製飲料只落了微量的糖，完全飲到食物本身的味道！正呀！！看似簡單的菜式，卻吃到廚師的用心及健康味道，又搵到個lunch time 的好選擇啦！

今日下了傍陀大雨，又好肚餓，途經健康齋廚，於是入內開飯。環境不錯，坐得好舒服，點了薑汁炒菜心 （HKD 50 )薑汁可以驅寒，炒菜心 炒得好好，青青綠綠又夠鑊氣，入口清甜又有薑汁味。少油都炒得咁靚竹笙扒豆腐 (HKD 70)竹笙抄得入味又清爽，豆腐味道剛好，生菜抄得青青綠，紅蘿蔔又夠味。兩款小菜配飯一流。 乾炒三絲意粉 (HKD 55)意粉軟硬適中，色澤炒得好靚，少油少鹽，健康又好味，適合素食愛好者。最後，吃胞胞，又停了雨，真係好呀。

奉行每月一素的我最近想吃久違了的齋菜，然而近年興起新派素食餐廳，傳統的齋菜店已經買少見少，以往食開的齋菜店都少下一間又一間，於是今次就專程前往黃大仙的這一間試一試！餐廳近地鐵店位置不難找，我和媽媽二人先點了一碟小的齋鹵味，有齊六款口味。我一向最喜歡吃酸齋，這裏的酸齋的酸甜味調得剛好，完全不會有一陣死甜味或酸得刺喉。而媽媽最愛齋雞粒，她大讚這裏的雞粒做得口感煙靭，整碟齋鹵味亦做得十分出色，展現出傳統齋舖的功架。接下來叫了一道薑汁炒雜菜，味道清淡得來有淡淡的薑味，明顯餐廳沒有落任何人工調味料，是一道天然的健康菜式。最後就是整餐飯我最喜歡的錦滷雲呑，我完全可以為了這道錦滷雲呑而再來！上菜時看見滿滿一盤金黃色的錦鹵雲吞已經十分興奮，而且更是最舊式，小時候常常吃的那一種。雲吞皮炸得非常香脆，而作為靈魂的酸甜醬汁更是做得很突出，番茄、燈籠椒、菠蘿等用料十足，醬汁不會因為落了太多生粉而變得漿口，這碟錦鹵雲吞絕對稱得上為店內招牌菜式。最後不得不提餐廳有派發飯卷給區內長者，當日亦見到有長者前來換領飯盒，這樣有良心的小店真的值得大大力支持💪🏻💪🏻💪🏻

成日出街食，肉膩之餘鹽糖味精都好重，所以決定試間無味精系列既齋菜鋪位雖然身處細街，但質素一d都唔差套餐注明沒味精，的確，味道一食就知，起碼我沒食完返去口乾飲水閒日都咁多人，已經好期待佢既齋菜有唔同人數既套餐選擇，但我呢次散叫，希望可以試多d店主推介既野呢個芋頭魚，又名五柳素鮮班，炸得好香脆，香芋味濃，入口就化泥，但一d都唔油膩，我估用油都好有關，唔似出面食完好肥膩感覺西芹腰果炒菇🍄丁，呢味好似屋企自己炒咁健康，好有住家味道，腰果香脆，芹就爽甜，配合冬菇既香，好清新竹笙上上素煲，煲仔素菜系店主推介，果然沒介紹錯！南乳味好香，支竹好淋一d都沒出面食既豆壓味，竹笙索曬南乳香，配合埋最底既菜心，比羅漢齋更豐富，更啱配飯最後點左個湯，素翅，好足料，裡面d豆製絲都幾似肉絲，木耳既爽脆，好飲值得一提個甜酸汁，好惹味，五顏六色既甜椒豐富左個賣相同味道，點炸野一流後生飲唔慣佢地自家涼茶唔緊要，有一品，我地一黑一白，健康之選！總結，住家味咁健康，清淡得黎好多款式，我好推薦呢間齋菜，好多間齋菜齋而不淡反而油膩，健康齋廚真正做到健康，味美！

清清地想食下素，就搵下附近既素食，依間好家常菜，份量又多，又抵食款式好多！紅燒雞絲翅，叫左一窩，我地4人分，6人share就岩岩好芋頭魚（五柳素仙斑），皮薄又脆，芋頭份量多竹苼上齋煲，好足料！份量多，有南乳味，仲會送2碗飯錦鹵雲吞，又薄又脆，加埋甜甜酸酸既汁，好食！腰果菇丁餐廳人流都多，當天雖然只有一個店員，但態度好好，做野又快手，選擇多，野食夠清淡，如果想食得健康又抵食既，依間真心係一個唔錯既選擇！

而家香港真係好難搵到可以食「齋」嘅舖頭，最近同朋友難得黎到黃大仙，有機會食到！感覺地方環境都唔錯，人流唔算多，但都好舒服好寬闊！呢度嘅餐廳餐牌都好豐富，有好多唔同款式俾食客選擇！價錢唔算貴，而且仲唔洗加一服務費！好抵！主菜方面，我地叫咗「上古法齋煲」，可以話係雜錦煲！以上呢個煲有好多唔同嘅配菜，例如有冬茹、青菜、豆腐、豆卜、粉絲等！好新鮮好美味呀！仲非常醒胃添，份量亦很多！呢碟係齋鹵味，價錢一啲都唔貴！