健康齋廚

营业中

休息中

無諗到素食煲仔菜都有鑊氣平時食煲仔菜，好多時以為都係臘腸、排骨、咸肉嗰類。今次喺試咗素食煲仔菜，完全打破咗我對齋菜嘅印象。 ✅ 食物：煲仔上枱時一樣有「滋滋聲」，揭蓋有陣香噴噴嘅菇菌香, 完全有返港式煲仔菜應有嘅靈魂。配埋店家特調齋汁，味道更惹味，不會因為無肉而單調。個素牛比較好食, 夠彈牙, 有肉的感覺鰻魚用紫菜包腐竹, 略為重咗點紫菜味✅ 環境：餐廳地方唔算大，但乾淨企理，食飯氣氛算幾舒服, 食齋都有大排檔感覺。✅ 價錢：菜式價錢合理，2人餐$158，仲包1碗湯2個飯。以份量同用料嚟講，性價比算幾高。呢度嘅素食煲仔菜，真係做到「無肉都有鑊氣」。啱晒平時想清清地食，又想保留香港熟悉風味嘅朋友。

如果想食健康住家齋菜，推薦呢間位於黃大仙嘅健康齋廚，係一棟棟工廠大廈中間有呢間家庭式經營嘅齋舖，以少油、少鹽、冇味精的烹調方式，為食客帶來洗滌心靈的健康齋菜～ 比起食過的齋菜多了一份真摯和熱誠～點的齋菜都吃得出食材的原味，不會因為純粹是素菜，而用上口味重的調味料加強味道～經典香茘酥卷($88)是餐牌上的廚師推介，入口外層酥脆，中間是芋香泥，外脆內軟，十分有驚喜，每一件都是薄切，吃罷不會因為是炸物而滿口油膩感二人餐可選一款湯品及兩款小菜 ($158)，其中一款小菜轉了古法上齋煲，整煲燒得滾熱呈上，厚身軟腍香菇是精粹，涼瓜炒牛肉配白飯一流～

最近想食清淡啲嘅中菜，就同屋企人去咗附近嘅素食餐廳，試咗佢哋嘅二人餐，味道有驚喜，原來素菜都可以咁好味😍佢哋嘅$158二人餐都幾抵食，有兩道菜加湯加白飯粟米豆腐羹好足料嘅粟米羹，除咗豆腐仲有好多菇，湯羹好滑，粟米嘅甜味同豆腐嘅嫩滑好夾，飲落去好舒服！🌽鮮竹雲耳炒翠玉瓜翠玉瓜好新鮮，炒得好翠口，鮮竹同雲耳又夠曬爽口，食落好清新🥒紅燒茄子份量十足，茄子煮得好入味，醬汁濃郁，送飯一流🍆🍚軟綿綿南瓜粥最後叫多碗南瓜粥，好香甜🥰無論係小朋友定老人家都好啱食～粥底好綿滑，南瓜嘅甜味好突出，食落去暖笠笠，好舒服！🎃🥣

平日外出晚飯多肉小菜，昨晚經過這齋舖，我們都想吃點素菜，便入內晚餐。我們叫了一個二人餐，有一款湯品、兩款小菜及白飯，只需$158。餐牌上的選擇也有很多，除了小菜亦有煲仔菜選擇（轉煲仔菜要加$10）。枝竹羊腩煲這羊腩煲賣相跟平日吃的羊腩煲相似，味道也不錯，枝竹、冬菇很入味，羊腩的質感也有點軟腍。這個煲送飯一流！魚香茄子煲這茄子有微微的辣味，而不會過咸。茄子入味而且軟腍，很惹味。西湖牛肉羹這個牛肉羹十分足料，味道清香。

今日接朋友收工，想清清地食素，就試下呢間喺黃大仙經營咗20年嘅家庭式素食餐廳，主打健康少油少鹽嘅中菜，我哋好欣賞佢有清楚標示部份食材同用料，對於有食物敏感嘅人士來說，呢個安排真係好貼心餐牌上都幾多款式，有素湯羹、煲仔菜、小菜、齋滷味同埋各類炸物等麻婆豆腐(65hkd) 用豆干碎取代了免治豬肉，口感味道上完全冇違和感，用了硬豆腐，所以不容易煮到太碎或者爛咗，辣度剛好魚香茄子煲(70hkd) 總覺得原個煲上特別有誠意，茄子好軟腍，煮到入哂味，有淡淡南乳醬香，適合配飯～欖菜冬菇炒飯(65hkd) 跟餐有老火湯送，足料無味精，似屋企人煲的味道，食得好舒服的一個粉飯，冬菇味好出，芥蘭粒增加口感，炒飯油亮，賣相好有食慾

拜完黃大仙，心靈飽足，但肚皮還需飽足🤭步行到後面的飛鳳街，品嘗那間口碑不錯的「健康齋廚」。這裡的齋菜素食以少鹽、少油著稱，非常適合追求健康飲食的人士。菜式都有很多選擇，價錢亦都大眾化，這裏小菜和粥粉麵飯都係傳統的素食菜式，不會有花樣噱頭，但每樣都係味覺享受。我們點了一個2人午市套餐$158可選擇一款湯品和兩款小菜，還有兩碗白飯。湯品揀了「南瓜素翅」，湯色橙黃，有着南瓜的甜味及椰奶香味，飲落還有一絲絲南瓜蓉和粉絲，富有口感，清新可口。雙菇煮腐球，這道菜用上冬菇、菜心，金針菇、素雞，沒有複雜的調味，卻能將平凡的食材發揮得很好，每一口都能嘗到不同的口感和味道，卻又和諧地融合在一起。涼瓜炒蛋涼瓜帶回味甘香，蛋則鬆軟有蛋香，二者相輔相成，再加上冲菜同炒，將簡單食材變為美味佳餚。甜酸齋一碟有齊甜酸麵筋、咖喱麵筋、齋叉燒、素鵝等，每根麵筋都掛滿醬汁，甜甜酸酸，非常開胃的小食。

有時想食齋菜又唔想咁悶，搵到間款式都幾多既齋舖，特別在佢哋有好多煲仔小菜！我哋要左2人套餐$158有1款湯2款小菜包兩碗白飯🍲🔸粟米豆腐羹🌽估唔到咁大碗，仲要好足料，好多豆腐、粟米粒、菇等，口感豐富。🔸沙爹金菇素牛煲熱辣辣，上菜嗰陣仲滾緊，素牛都幾有口感，係有少少似牛肉😳好惹味，送飲食一流。🔸枝竹羊腩煲素羊腩、冬菇煮到好入味，冬菇大大件！仲有枝竹吸滿醬汁，我哋一致認為另到既煲仔素菜好掂！食到好滋味😋

最近想食得健康啲🥦所以揾到呢間係黄大仙嘅齋菜館😁齋菜其實都好少食，所以都想試下😉餐廳乾淨企理，頭頂有部電視，可以一邊食住家飯一邊睇電視，有啲係屋企嘅感覺🤣叫左個2人套餐$158，有一款湯品、2款小菜同🍚白飯2碗😊夠曬抵食！🔻湯品揀左粟米豆腐羹，其實份量都幾多，每人都有大概3碗😗入面好足料，真係滿滿嘅粟米、豆腐，仲有啲腐皮咁，粟米羹煮到好濃稠，味道濃郁👍🏼🔻小菜如果想轉煲仔就要+$10，揀左個豉汁素鰻魚煲，同埋欖菜豆角炒素雞😌素鰻魚原來係用紫菜包住個餡黎仿鰻魚，食落口感都有啲似，跟住加左好多啲三色椒同冬菇，聞落好香，用黎餸飯食一流😜炒素雞係用冬菇同欖菜豆角一齊炒，味道都唔錯，同埋都健康😋🔻最後加左碟自製齋滷味$40（細），入面有各款嘅齋菜，例如咖哩/甜酸齋，仲有齋叉燒，都整得幾似，啲豆腐索曬啲汁，勁入味👍🏼😉必試！

-🥬健康齋廚 📍黃大仙飛鳳街34號地舖✨二人餐 hkd 158•紅燒雞絲煲•麻婆豆腐•枝竹羊腩煲+$10•自家製齋滷味（大）+50推介比中意食齋/想試齋菜嘅人😼$200都唔洗就可以試曬健康齋菜，無添加味精✌🏻推介叫枝竹羊腩煲！ 煮得好軟冧好入味😆而且大大煲，仲有好多配料係入面有冬菇、腐竹等材料 索汁索到不得了😛加$50就有自家製齋菜😍😍好大份 絕對無渣流攤!!全部都好吸引，甜酸齋都齊曬！中意食齋菜嘅朋友仔可以叫🫶🏻🕰️營業時間星期一至日 11:00-20:30#黃大仙#健康齋廚#甜酸齋#香港 #美食推薦 #香港美食 #齋菜 #素食 #素食料理

好少經過黃大仙呢頭，但今日有事嚟附近，仲發掘到一間好健康嘅餐廳💚 餐廳都好大，好多位✨ 而且佢哋嘅食物都係少鹽少油嘅素菜🌱 每個主食都會配一碗白飯，正😍🔸 麻婆豆腐 ($65)佢哋嘅麻婆豆腐唔會太辣亦唔會太油，豆腐都幾滑❤️ 好鍾意佢加咗菇係裡面，令到口感同味道更加豐富✨ 好啱送飯食🍚🔸 腰果菇丁 ($65)顏色好豐富🌈 腰果係焗過，好香脆🥰 冬菇都好大粒，好腍😋 整體醬汁唔會好多 (which我幾鍾意😆)，但炒得幾香👍🏻🔸 薑汁炒西蘭花 ($60)呢個西蘭花炒得好清香，有輕輕嘅薑味同薑絲✨ 清淡得嚟但都夠味💕 🔸 老火湯 (+$10)呢個湯係無味精，而且每日新鮮煲😍 個湯超級甜🥰 超香嘅粟米同紅蘿蔔味💕整體而言，食物係非常健康但都好味🥰 本身有啲擔心素菜會唔會好多醬/好油，但全部食物都唔油❤️ 好食又健康🥰✨

「都市人平日多肉少菜，其實間中都可以試下素食，亦系一個吾錯既選擇」小編今次就帶大家黎到黃大仙，同大家介紹一間主打健康少油少鹽，屹立黃大仙20年既家庭式素食小店 一 健康齋廚 @healthyveggiehk🌟自製齋滷味(大) $50齋叉燒甜甜地有咬口，咖喱齋滷得幾入味，素鴨幾有趣，酸齋酸酸甜甜，夠哂開胃🤤👍🏻👍🏻🌟五柳素仙斑 $88芋頭魚作為素食經典之一，處理芋頭既工序其實都相對繁複，坊間既芋頭魚通常系「搶酥」，而健康齋廚既芋頭魚比較偏向傳統炸法，但同樣香脆，加埋五柳醬，酸甜開胃🤤👍🏻👍🏻🌟欖菜四季豆炒素雞 $65鹹香既欖菜加埋爽脆既四季豆、素紥肉，都幾好餸飯 🤤👍🏻📍健康齋廚地址：黃大仙飛鳳街34號地舖

今日同朋友去左健康齋廚 呢度既素食完全打破咗我對齋菜既印象 雖然走健康路線 但味道一d都唔寡 反而好有驚喜♡自家製齋滷味 $50齋滷味拼盤絕對係招牌 齋叉燒做得超似真叉燒 甜甜地既蜜汁味好出 仲有少少煙燻香氣 質感軟嫩得黎帶少少咬口 素鵝更加係驚喜之作 外皮微脆 入面層次分明 滷得夠入味 完全唔會覺得係素食♡錦鹵雲吞 $75炸雲吞皮金黃香脆 雖然冇餡料 但點埋店家特調既酸甜錦鹵汁 開胃得黎又唔油膩 最欣賞佢炸得夠乾身 食完完全唔會有好漏既感覺✨超值套餐（包湯同白飯）♡腐乳通菜素牛肉 $55呢個餐真係好抵食 碟菜好大碟 通菜炒得翠綠爽脆 腐乳味香濃得黎唔會太鹹 素牛肉質感幾可亂真 帶少少嚼勁 同通菜出奇地夾 送飯一流♡伏苓粉葛湯個湯雖然用咗豆、蜜棗同埋腰果去煲 但係都覺得好鮮甜 粉葛都好多舊總括黎講 健康齋廚既菜式有心思 味道平衡得幾好 唔會太濃味但又唔會淡茂茂 價錢合理 環境乾淨企理 係一間可以encore既素食小店 如果想試下唔同既齋菜 呢度係個唔錯既選擇

素菜唔簡單🍅🫛🥒🫑🥕🍆有好多手工菜坊間都未必食到架啦！好值得大家去支持素食餐廳！大家都注重健康，但正正真真去素食店食素菜又試過未呢？黃大仙健康齋廚菜式多，味道仲好好食，價錢亦都好實惠，仲有套餐可以選擇！想食健康無肉餐，絕對推薦你去食🙆🏻‍♀️👍🏻𝑭𝑶𝑶𝑫𝑺1〉羅漢齋炒麵 $65 （大推薦🌟）份量多，蔬菜種類多！特別出色係啲菇吸哂芡汁，好入味又好清新！麵條炒到有啲金黃色，咬落去彈牙又脆口！2〉五柳素仙斑 $88 （大推薦🌟）買少見少手工菜！內餡係芋頭（細細個食過稱為芋頭魚，因為通常外形會炸到一條魚嘅形狀）！真係唔多地方有啦，想食都難！仲要唔係道道炸得好食！外皮香酥脆之餘，唔會有油膩感，絕對係會令人上癮嘅一道菜式！再配上甜酸醬汁，超級加分！3〉鮮竹雲耳炒翠玉瓜 $65 翠玉瓜份量多，而且好入味！另外腐皮都有驚喜，吸哂芡汁而帶出鮮甜味！-環境．8/10服務．8/10人均．$100～120污嘴狗覓食指數．9/10-

好耐無周圍去揾食啦 ！今日膽粗粗單拖帶囡去第二區揾食，力推一間良心素食想大家多多支持。環境闊落，枱與枱之後唔會太，大圓枱都有，所以真係返咁常下大，同埋室內温度岩岩好，唔會太凍太熱，呀囡訓得好淋。😂一大一細 叫左三個餸+飯+湯 大小姐鬧脾氣唔食 老娘幾乎全清 沙嗲金菇素牛煲$75瓦煲上，真係瓦煲煮，大大煲，熱辣辣，上菜時d湯跳得好猛烈，就知好鬼惹味，最後我添左飯呀！欖菜四季豆炒素雞$65欖菜係我最愛，炒素素雞即素紮肉原來都幾好味，同樣好岩餸飯。竹笙豆腐煲$100竹苼好大件份量都好多，係上等竹笙黎呀，對比前2道菜呢個味道相對會比較淡啲，爽D。老火湯$12粟米蘿蔔老火湯，飲時感覺特別滋潤。除始之外，仲有自選超值套餐$55 #支持小店 #黃大仙素食店

【🧅素友仔🍅揾食🌱】🇭🇰 香港素食餐廳 🌿 Vegetarian Restaurant in HK 🇭🇰🌱健康齋廚🌱 位於黃大仙的中式素菜館，有別於傳統的齋鋪，主打健康素食，菜式少鹽少油。 二人套餐($158)🥣粟米豆腐羹🥘咖喱素雞球🍲沙嗲金菇素牛煲 (煲仔菜式加$10)🍚白飯2碗另加 🥢招牌齋滷味（細）($40) 📍黃大仙飛鳳街34號長春大廈地下🚉黃大仙地鐵站A/E岀口，步行約8分鐘⏰營業時間：11:00-20:30📞查詢電話：6733 0283