健康工房

营业中

休息中

大前日（31-1-2025 Fri）大年初三晏晝，同老公食完晏行完街，經過荃灣地鐵，記要買涼茶清熱氣，老公話呢間有龜苓膏同涼茶，我哋嚟到研究吓，見到好多$32.00+，500ml嘅支裝涼茶，再睇睇龜苓膏，賣$55.00 300ml。um....我都係買支裝涼茶算喇，最後揀咗$34.00嘅椰汁海底椰川貝雪耳露。返到屋企唔放入雪櫃，因想放到變室溫飲，終於等到開嚟飲喇，呢個滿滿椰汁味，又唔太甜，口感滑溜兼有啲雪耳粒同椰肉，都幾好飲。上次食評係2022年9月17日刊登嘅呢篇：https://www.openrice.com/zh/hongkong/review/%E6%B7%A1%E5%91%B3%E7%94%9C%E5%93%81-e4539895

11-9-2022 (Sun)追月日,我用The Club積分嚟呢喥色費換椰汁桃膠雪蓮子西米露,我同老公嚟到睇見係價值$40.00.由於佢唔係用鍚紙袋裝住,而天氣又熱,所以我哋換完後放返屋企先,然後至行街.雪到大前日13-9-2022 (Tue)晚至記得拎出嚟食,真好彩,因為呢個翌日就到期.我哋將佢分成三份,見到圓形半透明嘅雪蓮子都唔少, 桃膠份量就一般.食落,唔單止唔太甜,重好清淡;佢重有蓮子,所有食材都好夠腍,OK嘅.味道:2.8分上次食評係2021年7月15日刊登嘅呢篇:https://www.openrice.com/zh/hongkong/review/%E8%8B%A6%E7%B3%96%E6%B0%B4-e4090335,而佢嘅主題係苦糖水呢.

健康工房燒賣算數一數二出色，有枸杞、香菇，十分大粒兼好味，唯獨係貴了些，$20/5粒，但真材實料，又美味，食完又瘋狂回頭客。飲品係有益身體，如補肝潤肺等，款式多，所以我長期買coupon光襯。阿姐一定幫你翻叮，服務態度佳🤤

老公呢幾日話熱氣,食咗兩日喺呢喥買嘅龜苓膏有啲悶,噚(14-7-2021 Wed)晚就轉買綠豆沙,順便當甜品.呢個一包$20.00,都幾大包,而正確名稱係海帶百合蓮子綠豆沙,睇見個名覺得奇怪,綠豆沙點會加百合蓮子?我哋飯後食啦,倒出嚟幾杰,水份好少,而且重可以好似起咗座山咁,食落,先食到少少臭草味,係正常,但之後即刻係苦味,我都未食到百合蓮子就食到苦味,唔通已經係煲咗出嚟?百合蓮子又冇苦味,口感就正常冇問題.我食咗兩啖就唔食喇.

My dinner tonight 🍜😋平時都係健康工房常客😄 喜歡它少味精少添加👍🏻 飲品，靚湯就飲得多了，但好少食佢地D產品。但今日就見到新野想試吓😀今期有個新產品：松茸香菌菇北海道烏冬 Vegetarian Stewed Hokkaido Udon with Matsutake and Mushroom $68 盒內有一包可大啖大啖飲落肚的健康湯包，一包松茸菇，兩個小烏冬，加一包辣菜甫。望樣已經知個烏冬不是普通貨色喔開爐整熱個湯，之後加烏冬煮至你喜歡的硬度，最後加埋松茸什菌再煮滾，好快有得食～一人食剛剛飽😌 個湯幾好飲～菌又多，烏冬夠滑夠彈牙，抵食👍🏻

又有免費嘢食，今次無得怪我早唔早講，依個要有恒心。做Yahoo!會員唔止得e-mail同團購！當然睇新聞都好緊要，而只要你用App，唔止一次過可以睇哂，每日睇仲有YPoints攞，食嘅、用嘅，現金券都有得換，新會員先送200YPoints，足夠免費換當期優惠兌換，之前就做過葡撻、淮山杞子豬肉燒賣，有效期仲有成幾個月，可以過開去想食先兌換。依隻燒賣平時貴到好似樓酒食梗，值唔值？放工去見佢仲蒸梗成堆，裝得滿滿蒸到皮都爛，都已經數錢，應該無人買。五粒落去已一大杯，有得加豉油辣油，食到豬肉味，無點溝粉，杞子有兩粒，但已無口感同味，完全食唔出淮山，可能一樣蒸到無咗存在感，試唔到原本質感，相信原價真係無嘢食先會食。

試過年少無知，在M come前幾天還特意泡製了一大杯鮮香蕉豆奶，非常美味，卻惹出禍來。香蕉和豆漿均屬涼性，飲用的結果自然是血崩收埸。険死過後，明白到認清自己體質和食物屬性的重要性。最近我迷上了健康工房，它由昔日只賣傳統舊式涼茶的同治堂，搖身一變成為今日形象時尚創新的健康工作坊，並結合了中醫藥及養生概念，年青人也很受落。店方推出了一系列不同療效的健康茶，並會隨著季節的轉變而不定期更新口味，創意十足。健康茶價格單售由$16~$25不等，想再平可購買店方的健康茶券，一套十張，盛惠$200，大概一年有效期。嫌不夠抵，可以考慮一次過買兩套，店方會再送<秋日•天地養生＞健康茶券4張，計起來每枝茶只需$17。額外送的4張可按指定的四個時段換取指定健康茶（口味二選一)。我買的時候其實已經過了第一個時段（23/9~7/10日），不過店員解釋，只要未過最後行使日(11/21號)，其實都可使用。今個秋天嚐了幾款健康茶：【鮮豐水梨汁 - 涼性】豐水梨汁有清熱潤燥，生津止渴的功效。主要成分有豐水梨、雪梨、冰糖、蘋果、杏仁，味道清新微甜，是我開會必備之選。【鮮水蜜桃汁 - 平性】水蜜桃一般只有7至9月能吃

天時暑熱，經過荃灣地鐵站，於健康工房選購了一支涼茶降溫解渴。羅漢果夏枯草，標示成份有夏枯草、羅漢果、土茵陳、冬桑葉及甘草等，功效:清除肝肺燥熱，滋潤咽喉；味道微甜，飲到羅漢果及夏枯草的味道，都幾好飲。這間也許就是原先在安榮街的那一間健康工房，搬上地鐵站上，應該會是更就腳了。