健康工房 (已搬遷) 新店位置

叫了碗糖水，在我面前倒捨了小小唔緊要，要求換個碗，我眼望住兩個職員抹了托盤，貪方便無換過，再上抬，我問她換了沒有，她說同事換了，無道德可言，真是氣憤，不想再幫襯。

呢個係 養元 · 香茹瑤柱蝦米乾粉仔話晒經過星期六日既喪食, 每每到星期一都想食清淡D 但… 呢個粉仔 (應該係烏冬吧), 味道其實OK, 但煮得淋左少少, 如果換上係煙韌烏冬一定大大加分!!Btw, 個菜脯好好味!!

18蚊先得4粒既燒賣仲要收曬水，應該反叮又或者係預熱得太耐既。咁難食所以4粒都食唔曬，個姐姐收野果時仲一臉不滿我浪費左佢哋啲野食咁🤦‍♀️餐廳明明有好多位，但係因為一個人去又無交到特別多野食，全程都比佢哋啲姐姐係咁望著，勁唔舒服🤦‍♀️ 我因為唔好意思麻煩佢哋，已經係自己攞杯自己添水，費事無咩幫襯但係諸多要求咁，但係佢哋既目光都係搞到我好唔舒服。原本餐廳環境幾好、setting唔錯 (見圖)，坐得幾舒服，但係咁樣既野食再加埋咁樣既服務，真係好趕客。一個字，差！

我係健康工房嘅長期支持者。由它剛開業開始就光顧，幾乎所有券都有買（除了糖水券）。今日點咗款健脾補氣，滋陰養血嘅無花果猴頭菇響螺花膠烏雞湯，同我十分愛吃嘅燒賣（必加豉油、辣油）湯冇券堂食$65，燒賣（$18）唔想食得太多，健康又飽肚的頗佳選擇😉

呢排天氣越來越來涷，感覺皮膚都差左，所以去食下糖水滋潤一下首先叫左紅棗桂圓雪蓮子燉桃膠，甜味適中，食落去感覺好潤我見加12蚊就可以有3塊曲奇，所以決定一試，味道都ok,幾特別

早兩日同老公去吉之島行街兼食午餐，想食d清清地嘅野，見健康工房有粉麵食，就入去試下！呢度主打飲涼茶食糖水。食物方面有燒賣呀菜肉包呀果d，另外仲有幾款粉麵，選擇並唔算好多。我叫左一碗瑤柱蝦米香菇粉仔，老公叫左雞絲雜菇麵，兩碗加埋$110。兩碗嘅份量唔算太多，味道清清地，但兩碗麵都好淋，完全冇咬口。我碗粉仔除左幾隻香菇就無餸，都幾齋下！老公碗麵只有幾條雞絲，再加幾舊菇，都係無冇餸！真係幾貴下！應該無下次吧！

呢排唔夠訓，記性唔係太好， 好似有咗健忘症咁，唔係漏咗野就去錯地方，行過健康工房，俾佢招牌吸引。。。。一大堆宣傳廣告，食佢或飲佢既唔同產品，都有唔同功效。。。。吸引我既係佢話合桃可以補腦、增強記性，似乎講咗我宜家最需要解決嘅問題。於是坐低叫左一碗熱合桃露 35蚊，份量都幾大，上面有幾粒合桃。一食就覺得怪怪的。。。啲唔凍亦都唔係熱，係比常溫熱少少嘅溫度。不過我叫嘅係熱既，究竟點解冇熱騰騰嘅效果？可能我去開其他嘅甜品舖，食呢啲糊，通常都係熱辣辣，健康工房例外。合桃露本身微甜，夠健康。可惜合桃既香味不足，唔知係咪溝左其他成份。質感幾濃，食完到底記憶能有幾多改善？甘就拭目以待。

在吉之島買左嘢，行到攰攰地，就入去健康工房堂食區坐下。白色的裝潢，簡潔整齊，門外綠色植物頗為養眼。堂食區得一位阿姐負責，快手快腳，服務親切。小妹要了一份滋淮山杞子豬肉燒賣及一枝香荷冬瓜薏米露。$13 / 4粒的燒賣不算便宜，但叫特別，加了杞子和淮山等補身藥材。滋陰健脾、養肝明目，真的嗎？健康養生嗎？美食當前，且不去深究吧﹗一咬，燒賣蒸得過久，口感偏濕腍。偏油且略帶有肥肉的豬肉餡內混雜了一粒糜爛的杞子，淮山失去了踪影，蘸上了豉油和辣椒油的黃皮燒賣味道偏鹹偏濃烈。然而，若沒有醬汁，燒賣就會顯得淡而無味了。香荷冬瓜薏米露($22)具有清心火、健脾祛濕的功效，惜不是新鮮即煲瓷碗上枱，而是超市有售的膠樽裝。「骨碌骨碌」 的喝下，清淡順喉，甜味適中，冬瓜味濃，略帶荷香薏米味。然而，米白色的飲料中，底部只有丁點兒極稀極零碎的白色沉澱物，應叫「香荷冬瓜薏米水」更為適切吧﹗食完，按照阿姐指示行前幾步到收銀處排隊埋單。原本，一個消費過程已圓滿地完結了。誰知，好戲在後頭………小妹見到蒸燒賣爐及蒸包爐放在一角，就舉起手機拍照。「喂，唔影得喎﹗」突然，一位阿姐喝住了我，嚇了我一跳，抬頭一望，阿姐盯著我、面露不滿

和S小姐吃過いちご後（詳情請參考食評-《陌路人(十)之緣起緣滅》），時間還早，S小姐提出到太古逛逛，一般來說，S小姐飯後總喜歡逛逛百貨公司及超市，雖然不是要買什麼餸菜，不過酷愛零食的ｓ小姐，所謂閒逛超市也總會有所收獲的。沒多久，我們就來到了太古的吉之島，閒逛過後，S小姐提出想吃甜品，其實吉之島那邊也不乏選擇，既可以到麻布茶坊吃宇治金時，又可選擇到糖百府，而且我發現吉之島內的健康工房有堂食的，S小姐一向是健康工房的粉絲，因此我們最後就選了健康工房。健康工房堂食的位置並不顯眼，因此一向人客不多。我們選擇了店內最內邊的位置，看看餐牌，選擇應該就是大家在港鐵站能買到的款式，只是這裡提供堂食攞了。S小姐一向只吃杏仁系列的食品，因此我們點了兩客蛋白百合杏仁糊。蛋百百合杏仁糊不一會，侍應就送來了兩碗蛋白百合杏仁糊，賣相就是一片全白，白色的碗子盛著白色的杏仁糊，看起來杏仁糊質感濃稠而細滑。吃起來，頗有杏仁的清香，質感幼滑，隱隱亦能吃到嫩滑的蛋白，令杏仁糊更有質感，甜度溫和，更突顯杏仁的清香，不過我自己覺得當中添加了百合似乎就不太搭調，因為乾百合本身較硬，如果用上鮮百合質感就會更配合了，整體而言，味道還

不知是午餐還是晚餐吃的東西。這家開在吉之島的健康工房, 平常不是直行直過, 就是隨手拿瓶什麼, 付錢便走, 還沒有為意原來是有堂食的地方的。在超市買完東西, 口痕起來, 見這裡的店員說有藥膳套餐吃 (其實就是健康工房的產品加錢配燒賣囉), 又坐低吃一吃。我要了一碗百合杏仁茶 ($20), 加 $10 有 4 粒淮山杞子豬肉燒賣 (原價 $12)。在雅致的用餐區內向店員落單後, 他們就會把食物送來。(之不過他們不時落錯單, 又給其他顧客送錯東西。)我的杏仁茶大大碗, 甜度低, 質地卻是粉粉的, 也沒什麼杏仁香, 也有幾片有少許硬的百合片。我對這些聲稱含藥材的食物從沒什麼期望, 當它普通的豬肉燒賣便是了, mass production 就是同一個味兒, 我硬是覺得它跟鴻X堂的燒賣是一樣味的。當然現在健康工房最中吃的東西是龜苓膏, 下次可以試下。