倫敦大酒樓

营业中

休息中

今年會慶,工會又選咗去倫敦大酒樓個度搞,大大話話,自己都參與4,5次了.我就請咗下午假,三點鐘到酒樓,幫手佢地pack d紀念品,幾個人係酒樓好似工廠式咁,將d紀念品入環保袋,然後每六個袋捆埋一扎,送去每一張枱度,全個個程都幾好架,有份參與.大約七點,有個H1N1既講座,我既工作就開始啦,負責影下相,又幫手將D問題紙派比現場既人,又提水講答案比佢地聽,之後又收番D答題紙,同D賓客溝通下又幾好玩.到節目開始,我既攝影工作緊加要企定定,好咗還有2個男子幫手影下相,靠我一人唔掂架,因為我又驚相機唔夠電,係咁影,但佢又OK喎,錫晒部機,聽教聽話.中途上菜時間,我又走去影下D菜式,當然又要醫下我個肚啦,佢地第一味菜上既係乳豬全體,嘩...高成本喎,往年我記得只係乳豬拼盤,今年有乳豬全體,真係唔錯,而且隻豬夠脆,唔錯呀.食完第一味,又出去幫手影相,平均每次食幾啖,就要跑出去影,我呢份差事唔易做架.其它既熱葷OK架,份量又足,好夠飽,而且又幾好味,唔錯.係D魚翅同一般酒家一樣貨式都係想搵條真魚翅都幾難.生財花菰玉掌,我只吃了花菰同菜,花菰夠入味,仲好好味添,玉掌冇食,皆因我唔食鵝條大清班唔知係咪蒸得

同啲朋友一齊食飯，有差不多10個人，張枱夠大！但食物的質素...碟干燒伊麪，啲伊麪係超碎的，用筷子夾唔到，而且叫咗成三十分鐘先上，等得好耐！點心又係要等好耐，味道就ok，個芋角幾好食！環境比較焗，冇乜冷氣！

這晚我和親友出外逛街,到晚上逛到旺角便找飯吃,行經一間叫倫敦大酒樓門外,表弟看到這裡有夜茶點心就話很想食呵,而媽咪話呢間係老字號嚟,我們就在這落腳了,上到去看原來這酒樓很大的很旺呢,有三層樓但都要等位,幸好等了不久就有位,我們叫了很多款式食物,有(多樣點心啦,小炒,海鮮,燒味及小食...)燒味拼盆內的乳朱非常受歡迎,吃完要再叫多半隻吃才夠喉,因乳豬皮脆及內裡全無肥豬肉的,食多D都不怕肥,還有生劏龍躉炒班球真的要贊吓...魚肉非常新鮮又好有鮮味又少油正呀!食完還有甜品呀;有香芒糯米糍啦..大大粒'布甸,還有媽咪很好吃的菊花元肉杞子糕及眉豆糕.個個都吃得飽飽的.....

原本我未見到大強時我一定會畀好評,我地琴晚一行十幾人去打邊爐,差唔多咩都叫勻晒,仲要d服務態度還不錯,個個都四萬咁口,仲有佢有埋平時茶樓的點心做配料,好似山竹牛肉同鮮竹卷,又幾好味啵,不過最大鑊的事係中段發生左,就係我有位同學仔撈野食果陣撈埋隻"大強"出黎...心諗,我地究竟食左呢個"大強湯底"幾耐?!我而家諗起都咪搞仲要d侍應好似冇事發生過咁拎走左隻大強就算,咁煲野點呀?之後我地要求佢地換先至肯換番畀我地...講真....如果唔係畀我見到"大強",我下次都會再黎既,不過而家真係咪搞!!

而家呢間酒樓有下午荼．．．聽人講個椰王燉奶都幾好食．．咁就去試下ｌａ！！！雖然椰王燉奶係真係幾好食．．但我真係唔係好滿意ｏ個度ｏ的服務員囉．．．椰王燉奶我都知道多人食．．．我落單點ｏ左３個．．個服務員第一次就叫我等一等好快就到．．．第二次我再催佢ｏ既時間～佢竟然ｏ的態度勁差咁同我講囉「小姐你等ｏ左咁耐都未見就好應該催下我ｌａ～ｏ的椰王燉奶好多人叫ｇａ．．你而家咁樣～我都唔知重有冇得比你地呀！」ｌｅｉ　ｏ的咁ｏ既態度真係令我火到ｏ黎埋呀！＞＜！重有～～～又話大中小點都係一樣價錢～但係就大中小點無咩ｏ野食～一係ｏ的阿姐玩ｏ野咁推ｏ的唔係大中小點ｏ既點心出來大整估～間ｏ野幾好食都好ｌａ～ｏ的咁ｏ既態度～想我再去都幾難呀！！勁差呀！

跟家人到這裡吃下午茶... 2pm後大中小點$9.8但不小心叫了個雞扎, 原來$19.8, 於是問阿姐可否不要...唔得, OK明白, 是我沒看清楚椰青燉蛋叫了半小時還沒到, 我們找了2次副部長阿姐追單第2次追時, 誰知她第一句：仲未黎？做乜咁遲先追架？早D追吖嘛下? 原來落左單係要追先有得食？不如我做埋廚房啦?!!明明已經追過!!好, 佢走入廚房追完走出黎話等多三分鐘, 我地等過左幾分鐘終於有得食, 阿姐仲要特登出黎講多句, 拿, 都話三分鐘啦, 要追先得架嘛...你比我地靜靜地食野好冇???食完, 埋單時仲要寸多我地兩句先安樂囉係咪我地個樣好蝦呢???D野食不過不失, 個墨西哥包都唔錯總之, 大家EQ夠高先好去

上司邀請午膳,卻之不恭,當然赴約,只不過改變習慣,攀龍附驥,叫乜食乜.油菜(大點) = 菜無沙,浸得透,辣椒豉油點,幾好!鳳爪排骨飯$19.8×2 = 飯大盅,鳳爪和排骨都中規中矩.西米露(小點)×2 = 不太甜,幾好食.繁忙時間大中小點都是$14.8,茶錢$6一位,埋單連加一$105.6,價錢中上.食物味道幾好,侍應服務亦O.K.,不過最後沒有俾點士,阿姐就沒甚麼笑容.

竟然錯過早前社民連在此擺下"龍門陣",作為這個黨派的支持者,感到非常可惜.今次前來飲茶,似是去不到倫敦潮聖,都要去倫敦.....大酒樓的心態.當然兩者除名稱雷同之外,一點關係也沒有.見到門外的水牌,寫住大,中,小點心劃一價才進來,可是大多都是特點,頂點,全不在劃一價之列.雞扎,蝦餃,灌湯餃等等,在平日早上時間也沒有優惠價.蝦餃餡料不錯,荀絲同蝦肉同樣爽,但澄皮有點sticky.灌湯餃放湯上,份量足,都有三兩條假翅在內.雞扎都是不過不失,唯一劃一價的,是芋角.香脆鬆化,芋茸香軟.去倫敦機票連稅要六千多,去倫敦....大酒樓飲茶,吃四籠點心,要六十九塊錢.唉.

參加了有「政治丐幫」之稱的社民連選後聚餐活動，以每人$138的價錢，已預了食物上有不會有所驚喜，亦可能是在沒有期望之下，其食物的水準比想像中為佳。你話會否有贊助?! 我看就未必了。因為期間他們還希望支持者踴躍捐輸。加上各式燈油火爉道具，關於食物價錢的比重將會更低，相信只有百餘元，食物上的規格也比一般飲宴遜色。也不算太失禮，只是乳豬全體變成燒味拼盤、炸物熱葷變了草菇扒鴛鴦蔬、魚翅變作花膠八珍羹、清蒸海上鮮變成清蒸倉魚，其餘和一般飲宴無別，還包紅酒一枝。有云「物輕情義重」，相信席上大多都為攪手的政治理念而來，大家也不是要求甚麼珍饈百味，加上當晚其廚房部門亦交足功課，發覺整場宴席的味道十分不俗，沒有一味是十分難食的。連蕭生都話當晚食物唔錯架 !見好多食友都對這間食肆給予惡評，不過大多集中在火鍋方面，關於這晚飯的水平，我就好接受了，亦不排除有朝一日在此吃晚餐的機會。

琴日同班同學去左呢間打邊爐，食物一字記之曰... "差"，食物唔新鮮，牛肉係啞暗紅色，羊肉係黑色，金菇頭都係黑色，叫小小野堆埋一個大碟上，感覺上好似係比一大堆垃圾我地食... 價錢又唔算平，我以後都唔夠膽入去食星期日晚市入到去竟然得兩三檯人，未食就已經有Ｄ驚，侍應仲多過顧客，都唔知係咩酒樓黎，由於侍應們好空閒，會成日斟茶加水，總算可以稱後上服務良好

今日去左茶整體而言食物味道偏淡就算係煎粟米墨魚餅你都感受唔到油膩珍珠雞就好D，尚算好食海鮮扎的芋頭幾好食，但其他野都無乜味唔岩小弟口味但質素就唔差價錢也算平注意有D係推車的....

和朋友諗住兩個人去打邊爐，試試新地方，怎料卻出事了。原本去到諗住酒樓不會太差，點知入到去見無乜人先知有問題。點菜紙的選擇不多，只是大路貨色。但送來的大都是未解凍，連牛肉也是一排排，要成舊放落去，一係就要撕到的牛肉爛哂，先可以放入鍋。食物大都不太新鮮，實是馬虎。但店子的侍應服務則較好，個鍋一來到便問我們要否加水，我都奇怪點解未食就要加水，原來鍋來的水又真的不太足夠。而且很多時不用出聲會自動自覺加水加茶，將食物收拾。這實是值得一贊。不過食物和價公都不吸引的情況下，下次都是去返對面食火鍋的店子選擇，穩陣點，而且價錢比這裏便宜，仲有飲品送。

冇服務...冇野食....冇禮貌d待應叫完望住我都可以直行直過...完全冇反應兩個字形容呢間野.....倫敦垃圾大酒我味試過會食到要寫食評囉呃錢曬時間d餸睇都唔睇..有粒仔膠布碎囉..好失敗呀呢間野

呢間酒樓,大大話話都黎過數十次,原因唔係呢度既食物好味,湯底正,只係呢度易有位d,尤其係冬天,星期五/六創興商場個邊既火鍋酒家都要等好耐...而呢度一上去就有位,我地呢d兄弟幫既,有得食,有得坐,而又唔使等就冇咩問題,自自然變成眾腳點...其實,呢度既食物一d都唔好食,就以丸類為例,差唔多任何丸類上檯既時候,係放唔到落個鍋度,因為跟本就未解凍,痴住左隻碟度,明明係食一粒丸,就要夾硬將全部一次過都放晒落去...因為所以丸都痴住晒...而且經常漏單,你就算剔好幾多樣食物都好,佢地總會有好幾樣執漏左,就算你之後再嗌,佢又可能會執漏另外既野俾你...總之,你想食好野,呢度並唔係好選擇...至於飲品方面,其實都冇咩邊間係會好飲,因為d人都係注意食物多,但呢度飲品(包括竹庶水,酸梅湯)都要另外收費,其實真係唔係好抵...至於最離譜既,係我地每次去都一定會遇到,講過好多次,都冇人理既問題,就係湯底,我地次次去,個鍋黎到,我地第一時間唔係等佢滾之後食,而係即時叫阿姐幫個鍋加水...因為一上檯,入面既水竟然差唔多見底咁滯...呢個問題我地講過好多次,但佢地意見接受,態度照舊,所以,我地依家決定都少去為妙

前天一行四人出旺角，在沒有準備下就挑了這間「大酒樓」試試火鍋。本想以這酒樓的格局，應該會便宜吧。而且火鍋應該不會差到那裡。豈料就此出事。我們八時半進場，先點飲品。侍應生們好像由火星來的樣子，問他們有甚麼選擇，卻問非所答。最後才有個經理級人馬給了我們一個飲品餐牌，可惜在餐牌上而我們又想要的都沒有了。不過當時只是八時半。還是喝茶好了。之後來了湯底，我們打開鍋蓋，湯的份量只有一半，少得可憐。火不猛，湯也不滾。沙嗲湯底沒有半點沙嗲味。不過相對火鍋的配料，這還不算惡夢...我問侍應生有沒有雞蛋，不知道雞蛋是否不受歡迎，他竟不知道。他查了查電腦，然後告訴我：我們沒有雞蛋供應的。原來雞蛋真的不受歡迎。火鍋的配料，果真嚇人。肥牛跟血淋淋的豬肝放在一起，肥牛也新鮮起來；火腿丸難吃得要猜輸了才有人吃；菜除了有沙以外，還有人吃出了電油的味道；魚腥得可憐；還有...太多了，不能盡錄。到了十一時許，侍應走過來要我們先結帳，因為十一時半大廈會停電。一早就該告訴我們吧？沒想到這樣質素的火鍋的價錢也不算便宜，每位大概一百。這個故事教訓我們吃飯前應先去ＯＰＥＮＲＩＣＥ做個資料搜集。