俺流塩らーめん (新都會廣場)

营业中

休息中

完全中晒伏🙈🙈🙈見到舖頭入邊好多人食緊，幾乎滿座，諗住食物質素都唔會差得去邊，點知俾我食到有生以來最難食嘅拉麵，沒有最差，只有更差👎🏻👎🏻👎🏻。湯底係凍嘅，啲麵黐埋一舊，完全未煮散，味道又超鹹，難以想像咁嘅食物質素可以提供俾客人食。原本想找店員提出食物問題，要求重做一碗，結果上open rice一睇食評，發現超多差評。心諗就算要求重做一碗，都難以確保食物質素有所改善，最後食咗幾啖埋單走人，又貴又難食，仲要加一服務費，嬲嬲地上來留低負評，警惕世人‼️

第一次去拉麵店會覺得難食，最多都係太飽食唔哂…..叫左碗黑蒜熟成濃湯拉麵，濃在哪裡？無味無道，仲有啲苦澀（可能係菠菜問題）….個度有啲調味料可以自己加，依然係冇味道…真係用粉開出黎既湯底或茶記啲拉麵都好食過佢….本身係經過試下，無特別搵呢餐黎食所以無影未食前嘅相，但真係太難食，忍唔住要影低食唔晒嘅相，俾人哋一個食唔食既選擇😆最搞笑星期日lunch去唔係好多人，但就有六至七個員工其實喺度玩電話，可能員工多，雖然唔會理客人，但做嘢嘅速度好快…快帶位點餐出餐收枱埋單，然後繼續玩電話😆😆

黑蒜醬油拉麵 ，湯底正常。唔正常嘅係唔知點解要加幾條柚子上去，不太好味。拿掉柚子覺得仍有柚子的味道。有啲苦好奇怪。第一次光顧那知道會有柚子，侍應話下次可以去掉。拜託不會有下次了。肉片也只有一塊太小了。清湯拉麵，嘩😳！叫比小朋友食，大人幫助試吓味，覺得好似雲吞麵既湯底，中國風拉麵。環境：在廣場行人扶手梯旁吃拉麵的風味，起初侍應帶我哋坐行人扶手梯旁邊的位置，家人不喜歡於是換到bar枱，但他仍覺得這一餐像在天橋底吃飯，餐廳價錢，food court的環境，下次不會再光顧。

見到平時排曬長龍，今日終於有時間去試一試呢一間拉麵店， 今次入去晚市時間竟然冇乜人，心諗係咪伏伏地😂，點知真係，加上成班後生服務員掛住企埋一邊傾計，你舉手叫佢都唔理你咁，完全0服務，仲要收你加一服務費，唔會再去了湯: 淡 似清水feel 完全唔係拉麵湯底 正常拉麵湯個口感好豐富，一蘭個公仔麵湯底，自己煮都好過佢麵: 份量好少，麵質係軟身餸: 叉燒正常，蛋正常，夾唔到個清湯，PS 其實好多小店都好食過佢，價錢又平過佢，不會再食呢間

墨汁拉面完全無味無墨汁味無鹹味連墨魚都係白灼毫無處理過湯好似係滾水加超小量salt 再加色素咁仲知我就要同用佢所有調味料去調味呢間野係毫無心機處理食物給客戶呢間野食完一次真係唔會試第二次正宗掛羊頭賣狗肉

人在 葵芳新都會廣場，見到「俺流塩らーめん Oreryu Shio-Ramen」 心思思想食個拉麵，於是就入去幫襯 ~黑蒜油熟成濃湯拉麵 : 賣相得體，湯頭濃郁香口 ，味道馥郁芳香；拉面是直麵，質感Q靱靱好彈牙，掛湯力一般；日式叉烷，肉質鮮嫩香滑又入味， 口感佳；溏心蛋，入味又蛋香濃，合我口味，算實是一碗不錯的拉麵 ~大阪燒餃子：一客六件，餃子包得紮實，餡料豐富，配合木魚絲和大阪燒醬汁，普普通通的餃子都變成很有特色，既惹味又夠風味 ~本篇完 ~

Me and my friend went to this restaurant for dinner. First off, when we went in the people just kept chatting and we had to find our own seats. Then they didn't give us our menu and ordered our meals wrong. Worst part is they charge costumer service fee.

這家拉麵館讓我感到非常失望。首先，拉面的味道真的很糟糕，湯底沒有任何深度，喝起來平淡無味，完全無法讓人享受到拉麵應有的美味。麵條也過於軟爛，缺乏彈性，讓人失去了品嚐的樂趣，絲毫沒有拉麵的口感。其次，服務態度也讓人難以接受，服務員不夠熱情，點餐時顯得很敷衍，讓我感覺像是在催促他們一樣。等菜的時間也非常長，明明餐廳內並不擁擠，卻仍然讓人等了很久才上菜，這讓我感到非常不滿。此外，餐廳的環境非常嘈雜，顧客的談話聲和廚房的聲音交雜在一起，讓人無法好好放鬆。而且，桌子和椅子也有些髒亂，清潔工作做得不夠，讓人對用餐的衛生感到擔憂。對於喜歡拉麵的人來說，這次的經歷實在太糟糕了，以後不會再光顧，也絕對不會推薦給朋友們。希望他們能夠認真對待顧客的反饋，改善菜品和服務質量，讓更多人享受到真正美味的拉麵。

好幾年前，呢間店排隊人數多到不得了，現在在排隊人數越來越少，所以嚟試吓啦。今日嚟到試咗個黑蒜麵，沒有黑蒜味，而且味道普通，其實有點難食。另外太太也點了另一碗芝士拉麵，我也問過她，她也說味道普通，兩個人總結大概食了$200 ，但心裏覺得一點也不值，真的不推介這店。

呢間拉麵店真係我喺香港食過有史以嚟最差嘅拉麵店，係綜合能力嘅差。首先，店員態度極差。我同女朋友坐低之後，個店員就抌低本menu同拉麵紙之後就走咗。落完單之後，有兩個店員喺我哋隔離打鬧，攬埋一舊仲要差啲撞埋嚟。食緊拉麵嗰陣，仲有個同事喺cashier度擴音睇抖音睇勁大聲。臨埋單嗰陣，廚房入邊傳出幾句叫聲同粗口，畀人感覺好唔專業。之後係食物質素，啲麵完全唔入味，個湯底純味精feel，可以話難食過味精拉麵。服務唔得，食物質素唔得，仲可以生存喺新都會入邊，罕見。最尾埋單見到個加一服務費，真係冇話可說。

之前食過一次覺得好好味，十分期待下一次。但經過今次體驗，應該沒有下次。之前都試過這一間餐廳是沒有服務質素的可言，但為了美食並不介意。點了最普通的黑蒜熟成濃湯拉麵，濃湯的味道是其咸無比，我要再加一杯將湯底溝淡，才能入口。一個拉麵，令我回家後飲足一晚水才能解渴。

放工的時候，突然好想食拉麵，就二話不說揀呢一間😊因為這間比較少人，一個人又易搵位😜😜拉麵款式又多，眼見已經超過10款😌 ✨鮮味蛤蜊濃湯拉面 $96蜆肉脹卜卜，個湯好好飲，不會膩我仲不停加黑胡椒粉，令到個湯底辣辣地好好味😝😝✨玉子大阪燒 $26一上檯，超多木魚😝一切開隻蛋，無想像中咁流心🥚但都好食，有大阪燒的醬汁和沙律醬😉下次約朋友再食先🤩🤩因為其他小食都很吸引😍有炸雞、大阪燒餃子🥟

星期六晚新都會周圍都係人，得呢間唔洗排隊😅坐低之後睇食評好似都好一般，唔怪得啦😂叫個最普通嘅「塩味拉麵」試試佢！食落畀想像中好，湯底夠熱度，飲落都好有質感，啲拉麵可以掛湯嘅！個麵質都夠彈牙煙韌，最開心係多菜！個日式叉燒有驚喜，啲肥瘦好均勻食落多重口感，好邪惡但唔算好油膩～見唔差之後加咗個炸雞嚟試，唔特別好食，不過都叫多汁嫩口，如果個皮唔好咁厚就再正啲！總結係我覺得冇其他食評講到咁差，唔洗排隊都可以試下😂

今日同朋友過來葵芳新都會食午餐，好耐都無食過拉麵啦！今日午餐就決定食區，入去點左2個拉麵，一個係黑蒜熟成濃湯拉麵加菠菜，一個係辛辣熟成濃湯拉麵，黑蒜嘅蒜味唔係太重，拉麵煙韌彈牙，餐配有溏心蛋，溏心蛋真係好好味，加咗菠菜，但份量不係太多，辛辣熟成濃湯拉麵豬骨湯成份較重，辣就唔係太辣，都可以，一口落去豬骨湯少少微辣，加一口煙韌嘅拉麵，麵每條都裹住濃鬱嘅豬骨湯，再配少少辣，絕了，食完個唔太辣嘅辛辣麵成個身都熱咗，今日午餐又解決了

叫左個豚肉盛合拉麵，豬肉同蛋都係凍，整體除左湯冇咩味，好似求其整咁。咁既質素加埋一要109太貴唔值得。坐低斟得半杯水比我。店員服務一般。不建議。商場有其他更好選擇。