影片
平时同朋友去酒吧多数都系饮 cocktail，贪佢又甜又易入口。但因为呢排世界杯，系少数服从多数既关系之下，去左呢间修士吧。成日以为呢d无乜鬼佬既酒吧，好杂好嘈。但原来呢度系唔可以猜枚同玩我憎既骰盅，实在系对环境有要求既人一大喜讯！天时暑热我地拣左室内冷气地方坐，入面有套白色大sofa好靓，好好坐。本来我想照旧order cocktail，但系我d朋友话呢度最出名系生啤，咁o岩个侍应又向我地推介 k1664，话呢只法国啤酒好o岩女仔饮。饮落，香香地甜甜地，易入口！之后 order 野食，见到有我最钟意既蚬肉意粉，一于试试！其余都系一d 炸野、焗野。另外侍应又再推介咸猪手俾我地。食物方面，俾我想像中好好多，我最钟意既蚬肉意粉仲order多一次添！仲有个咸猪手又真系无介绍错，绝对可以一试！不过d甜品就真系麻麻，望落就好靓既，不过唔系无味，就太甜。虽然我唔系为睇世界杯，但呢度又的确可以满足到我d朋友，度度都可以睇到电视，包你唔会睇唔到！佢地仲话决赛要再黎呢度。不过原来呢度系无独立厕所架，要行返出去商场，都几远........
继续阅读
世界杯开波, 最好梗系揾到挞地方吃+喝啦, 听朋友讲呢度有位咪同几个朋友一早黎霸定个靓位啰, 原来呢度出名多生啤种类, 地方算几阔落, 叫咗几个小食, 咸猪手真系不错, 蒜蓉包都不俗, 有个薯皮我就麻麻, 不过我d fd就话几好食, 虽然当日戏码超弱, 不过果度气氛不错, 再加上老细(唔遁得叫咩名咯)热情既招呼, 真系一个不错既好去处. 美中不足系d侍应冇咩笑容 + 蠢, 几次无啦啦俾张单我叫我埋, 我都冇叫过埋单, 不过总括而言, 值得再去.
继续阅读
入得bar，其实唔会预佢正餐会好食！一行三人叫左好多野食。先来两个长期半价set dinner，汤还可，主菜都不过不失，但个甜品就真系得个样，一d都唔好食。相反，佢d小食就真系唔错，焗薯、炸鱼条、猪手，样样都ok，加埋啤酒，简直系一流！可能食dinner时间都系早，所以环境都算可以，倾到计，但系室内有人食烟，令到有d唔舒服‥‥‥‥‥‥‥
继续阅读
去睇詹瑞文之前，沙漠王子提议去诺士佛台揾食，时间太紧迫，唔可以俾我慢慢比较同挑选餐厅，所以就去左诺士佛台的第一间食～$168/set，HSBC卡有半价，会抵好多，但系即使无半价，相比诺士佛台其他餐厅都算系平soup of the day：青豆汤：OK creamy，不错～starter：鹅肝酱多士：小小的一块，鹅肝好腥，法包就几脆～焗蚝：无试，大概唔错～Main course：烟鸭胸：我觉得呢个最好，唔太鞋，个红酒汁都OK～肉眼扒：好韧（因为无问几成熟？）Dessert：bread pudding：都系无乜味creme bluee：麻麻，无乜味drink：iced coffee：非常难饮上菜速度奇慢，三催四请都未有main course，但系main course食到一半就上dessert，张枱仲要唔够位放非常无奈～waitress唔系恶就系唔理人，服务要改善！环境就唔错，几好气氛，可能如果只系饮野会好Ｄ啩～食到咁贵觉得唔系几好意思......仲要之后睇港男港女show。。。
继续阅读
经常在杂志见到推广，内容丰富颇吸引，前晚与朋友聚旧食饭，证明了广告实在不可信，食物质素很一般： 头盘有三款可拣，朋友拣了香蒜烟肉焗生蚝，没试不作评价；我要了凯撒沙律拌烟三文鱼，所谓凯撒沙律其实就是生菜两件，毫无芝士/烟肉香。是日餐汤为青豆忌廉汤，只得浮面那层橄榄油香且吸引，汤本身可是淡而无味，颇差。 主菜有七款选择，看餐牌每款内容都甚吸引。友人拣了西兰羊架件鲜乳酪薄荷汁，落单时没有询问成数，出来果然过熟过鞋，又没有应有的羊骚香味，一句话：不好吃。我的主菜是西兰牛柳拼法国鹅肝伴红酒黑醋蜜糖，鹅肝口感鞋且有渣，牛柳要求五成熟，一件达标一件过熟，配以不过不失的酱汁，勉强可以收货。 甜品有三款选择：creme brulee, 面包布甸及蓝莓慕丝饼。询问侍者，他毫不犹豫推介蓝莓慕丝饼，味道的确香甜不错，不过慕丝如风质地始终非我所爱。朋友点的creme brulee就小得可怜，又不热，唯一可取是焦糖够薄够脆。是日咖啡quota已用完，故点了冻柠茶走冰，茶粉开出来的冻柠茶好难饮。 晚餐如非半价，根本不会有人吃吧。
继续阅读