保頓冰室

营业中

休息中

尖咀性價比高嘅香港經典冰室茶餐廳：保頓冰室，Bolton Cafe。復甦六十年代茶餐廳嘅精髓。主菜：招牌牛柳大蝦: 牛柳叫咗五成熟。鐵板熱度十足。牛柳超級軟熟，容易咬碎。牛肉味同肉汁均好。冇根（不過我照食）。蝦頭已經切好，冇蝦爪，容易剝開，好容易食囉。波紋薯條勁經典。外面唔膩，裡面就有油同薯仔味。公司撈丁 ：芝士份量好；撈匀之後對比率剛好。一丁麵唔鹹且有奶油咁。有火腿，腸仔，豬柳扒，煎蛋，芝士同一丁。開心食品是也。甜品：華田脆脆西多士 ：香噴噴，熱辣辣，俾佢吸入咗。就連華田都變成一塊脆脆。外便仲有煉奶，朱古力格同糖漿。西多入便有花生醬 。西多味冇被覆蓋。整體味道均勻。唔會太甜。懷舊香蕉船：懷舊車厘子。香蕉都算熟。鋪滿忌廉食到後期先食到容容地一球咁多嘅雲妮拿雪糕。的確懷舊嘅材料。本應想試下佢哋嘅菠蘿包，不過賣晒。飲品：雪糕梳打 ：梳打水同雲妮拿雪糕。鮮明對比。羅宋湯：小辣，入便嘅牛柳尚有湯味滲入。總括：餐廳入便嘅裝飾用嘅顏色到階磚款都喺60年代香港茶餐廳feel嘅。佢哋播放嘅都係香港情懷經典金曲，非常觸動。客人都由整家人到遊客都有。價錢都喺做街坊生意，唔係唯利是圖；為帶出經典香港餐廳文化

呢間茶餐廳無論門面設計、地下街磚定座位都好有懷舊嘅感覺。🐑鐵板扒餐：香煎羊扒呢個鐵板扒餐非常豐富，個餐包埋餐湯、牛油餐包、餐飲配飯/意粉/薯菜。餐湯羅宋湯好足料，我地揀咗羊扒配薯菜，羊扒夠嫩夠淋，配上自選醬汁：黑椒/洋蔥/蒜蓉汁。特別鍾意佢嘅薯菜薯條係另上，唔怕淋，保持脆口質感~ 🥧牛油蛋撻 蛋撻大大隻，甜度啱啱好，入面仲有花奶嘅味道，口感嫩滑，個曲奇皮夠脆，入口仲暖暖地。🍗瑞士汁雞翼 兩隻大大隻嘅雞翼，醃製得入味，肉質鮮嫩。🍍 雪糕菠蘿包 呢個甜品好特別，菠蘿包入面有雪糕，一定要點嚟食！菠蘿包入面包住兩球大大嚿香滑嘅雪糕球，外脆內軟，甜而不膩，完美嘅搭配~

喺尖沙咀收工諗起呢間就過嚟試吓，嗌咗沙爹牛西多同埋紅豆冰，啲沙爹牛肉好好味，紅豆冰味道唔錯，但可惜太過少紅豆🫘下次唔會再嗌紅豆冰，值得一提就係服務態度真係好好👍

在尖沙咀的懷舊茶記——**保頓冰室**！這裡的美食不僅好吃，還超容易拍照打卡，讓你的IG瞬間升級！📸✨香港人生活節奏快，找一個經濟又方便的地方吃飯，茶餐廳絕對是最佳選擇！這間冰室的裝潢和食物都充滿了懷舊的味道，讓人一走進去就有種回到過去的感覺！🥰我們先來一份**美式雜扒鐵板扒餐**，上來就有熱辣辣的湯和牛油餐包，暖心又香滑！牛扒煎得剛剛好，七分熟，咬下去肉質嫩滑，多汁又有牛味，搭配黑椒汁超美味！雞扒脆香厚滑，還有爽脆的香腸，配菜多到讓你滿足，西蘭花、粟米和意粉，太豐富了！🍖🍝接下來是**生炸雞扒髀雙蛋飯**，雞扒炸得金黃酥脆，肉質保持鮮嫩，超多肉汁！再加上流心煎雙蛋，滑順的蛋黃和脆脆的雞扒簡直絕配！飯粒拌上惹味的蒜蓉汁，口感層次分明，真的好過癮！🍳🍚還有他們的**雪糕菠蘿包**，外脆內軟，夾著冰凍的雪糕球，甜蜜到不行！😍 **法蘭西多士**也是必試，外脆內軟，配上牛油和糖漿，甜蜜可口，充滿蛋香和奶香，簡直是完美的早餐選擇！🍞🍯最後，別忘了試試雪沙和牛油蛋撻等包點，吃完真的是超滿足！快來保頓冰室打卡吧，這裡絕對會讓你拍出超多好片！📷❤️**保頓冰室**尖沙咀亞士厘道20A號地舖快來享受美食

尖沙咀有間冰室，大件加抵食，今次放假一於去試一試。位置都方便，一出地鐵站走幾分鐘路程就到，店舖空調舒服，頗大空間感。重點無加一服務費，食得經濟又實惠。公司撈丁 $58 平時一聽到見到茶餐廳有公司三文治/ 公司公仔麵等等，就是什麼都有。今次保頓冰室的公司撈丁同樣令人滿意。不但材料豐富，而且份量還很充裕。有腸仔、火腿、雞蛋、午餐肉、漢堡扒和芝士。食完超飽肚。鹹牛肉雞蛋三文治$24 雙拼三文治食得多，這款鹹牛肉雞蛋三文治值得一讚。雞蛋中有豐富的牛油香味。鹹牛肉材料份量都好充足。中層材料餡料澎湃。麵包又好軟熟。而且感覺麵包體積份量比平時食大一點點。^_^凍杏仁霜$21 凍阿華田$21

睇電視成日見到啲上班族去canteen食飯嗌常餐abc作為一個好少食茶記冰室嘅人就搵咗呢間試試！常餐同早餐嘢食基本一樣 只係供應時間同埋價錢有啲唔同所以放假想瞓晏啲嘅朋友都可以食到早餐嘢食㗎😆常餐A $48雪菜肉絲米粉米粉爽彈份量適中雪菜肉絲鹹香味濃 配搭湯底一齊食啱啱好🤩配菜可以揀腸仔/火腿/餐肉/紅腸/煎蛋/炒蛋 兩款相對健康少少嗌咗兩隻煎熟蛋🍳金黃金黃放落湯底會更惹味！另外都可以揀配牛油餐包/方包唔好睇牛油餐包好似default setting咁啊 都幾有驚喜！！平時食到嘅九成都係微波爐翻熱 但呢度係焗爐焗熱㗎所以食得出餐包外皮微微脆麵包體就保持鬆軟綿密

時至今日的香港。太多飲食業倒閉。一有空就同朋友出去幫助下市面經濟。今晚行過亞士里道就随便一間冰室消費消費。美式雜扒鐵板大餐。雞翼/司華力腸/朱扒/雞扒/煙肉。跟那個意大利粉好獨特。平時餐廳只係滾熟後就算。但他們還用蒜蓉炒左一轉。先再配上。雞扒肉質鮮嫩肉質彈牙。再配上黑椒汁更是配合天衣無縫。沙嗲牛肉西多士。平時既西多士已經食到悶。新鮮配料就是沙嗲牛肉。兩樣都是香港獨突食物。拼出來是一種新穎獨特的小食。入口少了油膩。多左一份咬感。馳名金牌飯（生炸雞髀煎雙旦飯）我朋友每次來到。總要叫這個招牌飯。生炸雞髀近幾年先再用這做法。因為這做法出嚟既口感與衆不同。有咬口。肉質脆口。味道十足。

這天晚上我約了朋友在尖沙咀吃晚飯，經過家人的推薦，我們便決定來到這間冰室試一試，店內環境明亮和清潔衛生，設計很有懷舊風味，餐廳會播放音樂公司意粉($58)餐廳十分細心，將火腿切成細細塊，很容易入口，豬柳稔香軟彈，意粉十分彈牙，配上微辣的黑椒汁，煎蛋嫩滑細密牛扒意粉($61)牛扒十分香稔軟嫩，很大塊，十分新鮮，配上黑椒汁，意粉十分彈牙，份量非常多，非常豐富雪糕梳打($26)有氣梳打水，配上雲呢拿雪糕清新淡雅，味道恰到好處，不會太甜雪糕菠蘿包($38)雲呢拿雪糕十分冰凍，雪糕有兩球，份量十分多，配上新鮮出爐的菠蘿包，十分鬆軟，十分新鮮整體來說，食物的質素非常高，食物的份量非常多，食物的用料非常新鮮，食物的賣相非常吸引，食物和飲品的選擇十分多，價錢相對合理，而店員亦有良好的服務態度和積極，所以我認為這間餐廳是值得再去惠顧

陪老婆喺尖沙咀行完街，經過間感覺幾懷舊嘅冰室，即時嚟返場老派約會。入到去唔止裝潢懷舊，待應亦同樣懷舊，熱情得嚟唔造作、唔hardsell、反應快。餐牌亦有特色，有豬油撈飯，又有大大份抵食鐵板餐。 ✦ 椒鹽田雞豬油撈飯 HKD98 ✦好耐冇見過同食過豬油撈飯，居然仲要有田雞揀。一上菜非常香嘅椒鹽味。豬油係自己落，按個人喜好選擇份量，撈埋飯度好香口。而田雞好多隻，隻隻肉厚，爽口嫩滑。 ✦ 美式雜扒餐 HKD118 ✦ 雜扒餐有豬扒、雞扒、雞翼及司華力腸，配菜可選飯/意粉/薯菜，醬汁可選黑椒/洋葱/蒜蓉。雜扒大大份、熱辣辣、香噴噴，上菜待應仲會問你汁想自己落定佢幫你落。薯菜係粗薯，有調味，好香口。跟餐仲有好香濃嘅羅宋湯，同懷舊牛油餐包。 另外仲嗌咗忌廉鮮奶同紅豆冰，大大杯又唔算好甜。成餐飯幾有感覺，好適合拍吓拖重拾吓當年情 ヾ(´ε`ヾ)

最近愛上了尋找hk的隱藏老店，就快可以出一個茶餐廳系列了🤓（等我summary👉之前在社交平台的🇭🇰茶餐廳文化huo動看到【保頓冰室 Bolton Cafe】就在尖沙咀，朋友來香港玩，趁此機會一起打卡！上世紀的港式裝修風格，好🈶年代感！格仔地磚，舊式海報和掛扇，懷舊feel➕🈵 當然了 食物也hin棒！🍛生炸 雞髀太陽蛋飯和臉那麼大的雞腿🍗炸得外酥里嫩，港式標配 兩個流心太陽蛋🍳融入到粒粒分明的米飯間，一 定要試試一口吃三樣👍真jue！🥪豬扒包豬扒大塊且不會太肥，煎得好香！加上番茄生菜沙拉醬，整個搭配剛剛好。烤脆的豬仔包 是我zui喜歡的！👉朋友還點了葡國雞飯🥘 瑞士汁雞翼撈🍜 出品都不 錯👍上菜也很快，幾分鐘就已經擺滿一台面，果然是茶餐廳速度🌟🥤除了基礎冷熱飲，還有紅豆冰、菠蘿冰、雜果賓治這些香港經典特飲 套餐只要+8哦🍞經 典蛋撻 麵包也好誘入，明明都吃不 下了，我這饞貓還是要打包幾個走😄——————📍保頓冰室.尖沙咀懷舊港味 價錢實惠（押韻哎😎

📍保頓冰室▪尖沙咀時光倒流🇭🇰香港懷舊冰室一磚一瓦都充滿復古風味電風扇、電視、掛牆電話☎️、海報、月曆播放着一首又一首粵語金曲 🎶每一處細節令人置身於80年代嘅香港多款經典冰室菜式任你揀勁好食之餘價錢於同區嚟講又唔貴絕對值得一去再去🫶🏻♡椒鹽豬扒煎蛋豬油撈飯 $88豬油撈飯聽得多 真係第一次試😍大大塊豬扒🐷肉質爽滑唔柴唔乾 椒鹽調味剛好夠惹味又唔會過鹹仲會額外上一支甜豉油及一支豬油可按個人口味加入飯撈勻包裹住粒粒分明嘅飯粒 加上香脆豬油渣每啖都油香撲鼻最邪惡嘅組合永遠最吸引人🫢♡美式雜扒餐 $118性價比最高🤩包餐湯、餐包、豬扒、雞扒、煙肉、司華力腸、飯/意粉/薯菜、飲品🍴食完真係飽到上頸🤣🤣🤣一上菜店員貼心提供大張紙巾遮身再幫忙淋上醬汁 滋滋聲出晒煙咁風味十足🤎其他配菜都好正羅宋湯足料 餐包抹上牛油烘熱薯條直接用焗飯嘅大兜裝比你新鮮炸起外脆內綿🍟”食肉獸”們必點.ᐟ.ᐟ♡牛油蛋撻 $8果然傳統港式蛋撻始終最好食💛撻皮非常酥脆 充滿牛油及烘焙香蛋漿嫩滑香甜 曲奇皮派🙋🏻‍♀️表示很滿意.ᐟ.ᐟ當日食得太飽 打包咗兩個蛋撻一輪散步後先開始食 仲有咁高水準🥹難以想像如果當時熱辣辣食係幾咁好食.

呢度播放住懷舊金曲，食物有懷舊既豬油撈飯，聽講係呢度既出名食物之一就黎左食下，豬油撈飯小編就真係好少食，佢上菜既時候會俾一枝豬油，一枝豉油你自己鐘意落幾多豬油同豉油都得，按個人口味去加甘就唔驚食到好油好肥膩，叉燒煎蛋飯配豬油炸，豬油係比其他油香口d，蛋係半熟既混埋豬油豉油食又真係幾夾。叉燒有d爽口位唔係淨肥肉，仲可自選多飯少飯。鐵板叫左牛柳拼大蝦薯條份量好多，呢個價錢係大碟加抵食仲可以自選醬汁同飯，意粉，薯菜跟埋餐包同餐湯。

同朋友約埋黎尖沙咀行街，見到呢間懷舊冰室，比佢嘅鐵板燒餐吸引咗入黎～✨鐵板扒餐-西冷牛扒（$138）我哋揀咗個鐵板牛扒餐，上枱係有舊式鐵板“渣渣”聲，熱到keep住冒煙，好有鑊氣。牛肉軟腍，份量都唔少。舊式薯條🍟好耐冇食呢種人手切嘅薯條，懷舊嘅味道✨餐湯羅宋湯比較開胃，湯入邊都有啲牛肉，真材實料👍🏻✨牛油蛋撻（$8）啱啱出爐嘅蛋撻真係好正，熱辣辣又有蛋香✨生炸雞髀煎雙蛋飯（$63）雞髀大大件，賣相吸引，雞皮炸得好香口，另外雞肉都好Juice，我哋揀咗蒜蓉汁配合埋煎蛋，幾唔錯嘅搭配✨紅豆冰係用椰汁🥥代替咗牛奶凍檸檬紅茶✨雪糕菠蘿包（$38）中間夾住嘅係香濃嘅雲呢拿雪糕，配合埋菠蘿包，甜品胃大滿足😆

🔮今日約咗朋友公司附近食飯💯呢間冰室入面掛滿懷舊嘅相片🩷就好似時光倒流一樣😛🦐招牌鐵板牛柳大蝦：好耐無食過鐵板🔥細個嗰陣真係好鍾意食😛見到啲洋蔥汁🧅汁倒落去個鐵板上面發出吱吱聲😍回憶真係返曬黎呀👍記得記得要快手打開定張餐巾呀✔️牛柳煎完都仲係超腍又有牛肉味🐃隻蝦都好大隻又彈牙爽口✅🍳叉燒煎旦豬油撈飯：好鍾意呢個叉燒煎旦🍳喜歡叉燒唔肥瘦瘦的🐽豉油同豬油係比我地自己隨意落嘅😍唔錯呀👍🍌懷舊香蕉船：香蕉船究竟係乜東東呢❓原來係有隻香蕉開邊🍌上面鋪咗cream同埋雪糕🍦側邊仲有兩塊朱古力威化餅🈵好昧又啱曬打卡呢🥳🧋紅豆冰：黎到呢度咁懷舊feel嘅冰室😛梗係要叫番杯紅豆冰嘆下啦🩷正呀喂🥳☕️熱奶茶：奶茶控仲試埋杯奶茶💯茶底夠濃又夠熱✅滿意😍

因為今日要去亞士厘道剪頭髮，所以在附近隨便挑選一間茶記食午餐。餐廳外觀十分像懷舊冰室，我特別喜歡吃沙嗲牛肉麵，所以進去試一下。我點了常餐有沙嗲牛肉麵，太陽蛋，腸仔，茶走。我老婆點了生炸雞髀飯同埋凍檸茶。我們共同得出的結論是食物的質素和味道都十分普通，雖然價錢是相宜，但是相比其他的茶餐廳的質素真的是很一般。可能是我們沒有點中他們的鎮店名物，但是真的想不明白那麼多的好評是怎麼評價出來的。實話實說我們應該不會再去吃第二次了。