侍元 (已結業)

呢間日式料理，餐廳平民化，有拉麵、飯類等等、可以加配同套餐配小食及飲品。單點左一個拉麵🍜另外加咗$12配泡菜及飲品（蘭：泡菜套餐 +$12）餐廳落完單就會俾個幾仔你，餐點準備好後，機仔會響，就可以去自取食物。▶️黑武士$62拉麵大大碗，有好多蔥花、木耳絲、溏心蛋及兩片豚肉。湯底係黑蒜油醬油，相當濃味。麵質係粗身拉麵，大大碗抵食！▶️炸雞多蜜醬免治牛肉飯$62免治牛肉飯味道有啲似肉醬意粉嘅肉醬、夠多可以用來撈飯。另外炸雞有兩件大大件，雞肉用上雞髀肉，所以非常滑！跟餐加嘅泡菜酸酸辣辣幾開胃。凍檸茶都幾好！

最近咁啱約咗朋友喺黃大仙。而咁啱到晚餐時間，我就聽朋友嘅推介一齊去咗位於黃大仙中心北館嘅侍元享用我哋嘅晚餐。呢間餐廳係以自助嘅形式運作嘅，所以座位上嘅安排都比較彈性。講返佢嘅嘢食先，嗰日我同朋友一共叫咗兩款定食再加套餐。首先我就叫咗一份別府風血池地獄豚骨拉麵加配泡菜套餐，個拉麵我個人認為真係有一定嘅辣度，可能因為我本身鍾意食辣，我覺得佢辣得來好惹味。而佢嘅豚骨個口感都做得唔錯。再加埋額外嘅泡菜，絕對符合鍾意食辣嘅愛好者！而我朋友就叫咗一份海軍咖喱吉列豬扒飯配沙律套餐，我朋友對呢個咖喱吉列豬扒飯讚不絕口，佢覺得豬扒揸得好酥脆夠晒有口感。而咖喱汁本身都好開胃，好適合送飯！另外套餐仲有凍檸檬茶，個人認為凍檸檬茶真係好消暑，好適合呢個天氣飲。誠意推介大家嚟呢間餐廳試吓啦！

今日係黃大仙工作，同事介紹去這間拉麵店，午餐set份量大又便宜，一於去試下午餐set有3款選擇，而我選擇了炸雞定食，等了約8分鐘炸雞外層的裹衣很薄，即炸，非常香脆，size又大件，肉質唔會老而且好脆，白飯又夠多，好飽，好滿足，加上冬檸茶，都只是$48唔怪之得同事經常去食啦！

今晚接埋媽咪放工一齊去屋企附近食日本嘢。我叫咗一個蒲燒鰻魚飯。嫩滑鮮美嘅鰻魚搭配熱氣騰騰的日本米飯，鰻魚醬汁香氣滿滿！簡簡單單但又營養又美味的一餐！媽咪揀咗個黑武士拉麵，東京風黑蒜油醬油湯拉麵。拉麵調味比較香濃，豬肉同拉麵吸收黑蒜油醬味道，而拉麵上面嘅昆布，粟米，雞蛋，令拉麵更充滿層次，充滿日本風味。轉套餐加幾隻煎餃子，配有餃子醬，鬆脆可口。套餐可以加一杯凍檸茶，為夏日降溫。餐廳設計特別，充滿日本神話，令人置身於古代的日本。

今日同朋友去黃大仙拜神，拜神前先叉叉電先。見到呢間侍元係黃大仙原來有分店，之後就入左去食了。之前幫襯過荃灣個間分店，覺得真又平又靚又正，所以今次都同朋友見到就黎食了。睇過餐牌，真係好抵食，又有拉麵或飯,而且仲有好多唔同口味，正呀，總有一款岩自己口味。而且仲有可跟餐，都好抵架，加十幾廿幾蚊就有杯野飲，仲有個小食。我同朋友就一人點了一個主食，再加汽水。都好抵食。呢度仲有下午茶餐牌。而且都好抵食，但可惜我地未到兩點，而又好肚餓，唔等了。好啦，講下食左d咩先我點了一個蒲燒鰻魚飯，鰻魚飯唔差架，最令人讚賞既係好多好多鰻呀，份量好多，一片又一片既鰻魚，肥美惹味，用黎送飯一流呀，而且個飯又唔會好乾身，淋上恰到好處既鰻魚汁，香香甜甜，一啖又一啖，好正，呢個價錢有咁高質既鰻魚飯，唔錯唔錯。朋友點了黑蒜油醬油湯拉麵，黑漆漆既黑蒜油湯底極之惹味同香，我坐對面都聞到陣陣香氣。入面仲有叉燒、溏心蛋，性價比好高既拉麵，份量都好足，好好味呀。又香又濃又足料，真心唔錯。呢間餐廳好抵食，仲真係有好多款唔同既款式。

💚侍元拉麵💚▫️照燒雞肉飯 $48雞肉粒勁多，講緊喺食到尾都仲有雞肉可以送飯😂雞肉質地嫩，唔會硬/柴，所以咁多就好幸福。醬汁喺甜豉油，啱哂中意食甜嘅我，而且汁量足夠，唔會撈得一半飯，幾好食。份量好足。小編會再叫。▫️墨魚餅烏冬 $52墨魚餅都ok，不過有少少咸咗啲。烏冬份量正常，質地煙韌彈牙。湯底都ok，但又喺都少少咸。所有套餐都可以另外加錢叫小食同野飲。泡菜正常。炸雞就肉質幾嫩，多汁，但外皮似翻炸，硬😢

我以為呢一間係日本連鎖小餐廳，我以為點唔好食都會有個水準，所有都係我以為。確實價錢好大眾化，確實選擇十分多。但係真係一啲都唔好食！如果你話好食嘅話，我相信接受到嘅人應該本身冇乜要求。照燒雞肉飯，根本就係炸雞肉飯，仲要炸到好乾嗰隻，然後加啲汁就完結咗。叉燒豬骨拉麵，根本就係味千拉麵嘅翻版，但係我覺得味千拉麵仲好食啲，呢個味精仲重啲。套餐搭配嘅凍檸茶，根本就係雀巢檸檬茶。套餐搭配嘅餃子，根本就係炸乾餃子，仲要炸到個皮硬晒。唯一最正常就係套餐搭配嘅炸雞，因為其他嘢嘅唔正常，所以我覺得佢係唯一我可以接受到，完！

龍翔中心依家改咗名叫黃大仙中心北館，亦都多咗好多野食，這間餐廳裝修得幾靚幾光猛，有日本風。餐牌有好多不同款式的日式料理，除了拉麵，仲有蒲燒鰻魚飯、牛肉丼、咖喱飯、連咖喱烏冬都有。全部都可以加錢轉套餐，轉套餐有小食同凍檸茶，罐裝飲品就要加$2，都幾抵食。九州風櫻花蝦團骨湯拉麵 $62 餃子套餐 +$22櫻花蝦份量都幾多，湯底忌廉味濃，拉麵爽口，加上流心溫泉蛋，豚肉都有三大塊。加了餃子套餐，餃子大大隻，外皮先得脆，入面有少少肉汁，好味。親子丼 $52 沙律套餐 +$12親子丼的滑蛋幾香濃，而且加上咗油蔥、香菇同蔥花，配上少少甜豉油，好好味，份量好夠飽。沙律是典型日式沙律，有日式芝麻醬。餐廳屬於自助形式，先落單，然後自助取餐，侍應都幾親切，見到有老人家都會幫手拎餐，另外筷子餐具全部有套包住，感覺非常乾淨衛生，值得一讚。

今日去咗呢間拉麵試下， 門面都幾好睇， 咁就試下佢啲麵好唔好食啦~上到嚟其實個樣都ok嘅， 不過個面底就有啲失望， 普普通通嘅麵， 不過佢有少少弧度可以吸住啲湯👍🏼 湯底食得出係溝粉， 唔係煲咗好耐淆出嚟嘅豬骨湯底😂張相煎餃子就變咗炸餃子， 味道都ok， 食得出已經炸咗好耐， 表面有啲凍😂 不過店員嘅服務態度上算還可以，所以其實都唔錯嘅，亦都坐得比較闊落， 唔會逼逼澀澀， 不過就未必會再去下一次，因為質素比較平庸😢

在黃大仙北館享用日式午膳，「侍元」門口有叮噹歡迎著我們光臨😘，餐館環境光亮，牆壁貼上有色彩繽紛跟食物相關的漫畫圖案，非常吸晴，自助式購餐簡單快捷。我們的和風午餐:鰻魚飯與札幌風拉麵套餐。鰻魚飯，我喜歡去了幼骨的鰻魚，啖啖肉吃起來感覺特別爽，魚肉軟滑配合濃香醬汁，鋪在熱騰騰飯上吃得很滿足。家人的札幌風拉麵套餐是加$22配炸雞翼凍檸水，很抵食！日式叉燒與爽滑彈牙的拉麵掛上濃稠味噌湯吃，別有一番和風味！

昨日「星期四」因為時間比預期遲了一點點才能夠到達「黃大仙中心北館」商場，所以當時的我只能夠退而求其次，只購買一杯「黑糖珍珠烏龍鮮奶茶」，喝完儘快坐車返回「新蒲崗」食晚飯。翌日「星期五」我相對擁有比較多的時間，所以時間比較能夠早一點，就可以坐港鐵來到「黃大仙中心北館」商場一樓，光顧享用日本菜餐廳「侍元」裡面的雞肉丼飯，還有炸雞小食。「侍元」雖然擁有「雞肉丼」，但是對我來說，「侍元」唯一比較可惜的地方是沒有製作提供「雞腿扒」丼飯食品，我在晚餐餐牌裡面，就只找到像「照燒雞肉飯」的「雞肉飯」食品而已。「侍元」的而且確是我印象中，光顧過的日本菜食店裡面，廚房少有地同時製作「雞肉丼」跟「雞肉」小食食品的日本菜餐廳，而且「侍應」「雞肉丼」定食套餐還有「雞肉」小食供食客選擇，單是套餐「雞肉」小食都需要食客再三考慮。加上「侍元」晚餐餐牌裡面，還有製作提供例如「元祖炸雞」、「元祖炸雞翼」，以及「炸雞桶」的食品，所以令一早把「侍元」目標放在享用「雞肉飯」食品的我，一時間有點選擇困難。結果我最後選擇了享用「侍元」，配「溏心蛋」作為配料的「溏心蛋照燒雞肉飯」套餐，至於「溏心蛋照燒雞肉飯」套餐裡面的小食食品，我則

這天朋友推薦了一家價錢親民的拉麵店。這裡的食物選擇不算很多，但有飯、有麵，還有小食及飲品，已經算是提供了足夠的選擇。在這餐廳點一款主食便可加購套餐。我吃的「松」是3隻大雞翼及凍檸茶的配搭。大雞翼炸得很香脆，調味合適，肉質結實有彈性。凍檸茶較一般的減了甜，我覺得這個甜度剛好，不會甜膩，亦不會失去檸檬茶的風味。我吃的拉麵叫侍元，即是味噌豬骨湯拉麵。我覺得湯底很濃厚。拉麵配搭3片叉燒及半隻蛋，配菜份量十足，是划算的選擇！

餐廳在連接黃大仙中心天橋的對面，雖然在角落位置，但人流不絕，餐廳有很多日本風格的畫，日本快餐的確有它吸引的地方。餐廳採用自助形式，落單後便等待機仔響，然後到櫃面取餐。白武士 | $62有櫻花蝦的豚骨湯拉麵，有粟米、蔥粒、櫻花蝦集中放在拉麵上容易食到。湯底鹹味適中，飲完不覺得口渴。海軍咖喱吉列豬扒飯 | $56吉列豬扒炸得脆，肉質可再鬆化點。咖哩汁夠多，整個飯都吃光了。炸雞套餐 | +$22餐牌中炸雞是鎮店名物，點了一份試試，跟餐飲品是凍檸茶。炸雞有兩件，超大件，啖啖肉。外皮炸得脆，內裏仍充滿了肉汁，Cp值高。

秋天除咗係行山季節，更加係芒草季節，趁着週末時間上咗去東洋山行過圈影吓相，之後沿着沙田坳道落山，終點就係黃大仙呢個商場。因為一早起身行山，落到黎呢個商場已經非常肚餓，只係想快趣趣搵間坐得舒服嘅餐廳，行吓行吓見到呢間日式拉麵店，點幾鐘入面都算坐得寬躺，就決定入去一人食碗拉麵醫下肚先。呢間餐廳係自助形式，入到去坐低會俾個餐牌你，你睇完想食咩就出去收銀嘅地方點餐，俾錢後就坐低等嘢食，準備好嘢食提示器就會響，之後自己去收銀位置攞嘢食。拉麵份量都足夠，我哋咁肚餓食完都有飽肚嘅感覺，味道就普普通通不過不失。

價錢反映質素，東京風拉麵麵質偏硬，湯底唔夠熱，材料是足夠，但味道一般。我要嘅套餐包凍檸茶，但鋼杯用膠蓋封實又唔係篤埋檸檬俾客，由於膠蓋太緊要客人自己好用力先拆開個蓋，一拆杯嘢都濺濕張枱，隻膠匙羹又短，都唔知點樣篤檸檬。