佳餚店 (已結業)

忘記由那年開始,跟好友們在農曆年前都吃一頓團年飯,也有不成文規定要吃中菜,所以選地點也以中菜為首,今次選了交通方便的朗豪坊,順道讓金豬家庭衝出港島區 早己致電留座,店方安排一圍大桌在店裡最後方,居高臨下地看到樓下餐廳和天幕下的長電梯,景觀還算開揚。我們點了另一個比較對胃口的套餐,再另點小菜和煲仔飯 六人套餐包括: 麻辣鳳爪/海哲薰蹄: 這兩碟冷盤的骰得很,心想這兩小碟足夠六個人吃嗎?? 鳳爪辣度頗足,吃後嘴巴火燙燙的很刺激,雞爪頗為彈牙,那辣度的確可將胃口打開!!薰蹄切成小粒粒,豬腳肉有點點咸味,豬皮部份也算彈牙,但份量似乎真的少了一點。太爺雞為店中名菜之一,那陣煙燻味道濃得在桌上已經感覺到,利害!!雞肉雖不太肥但煮得很滑,咸中帶甜的外皮最為美味,這味雞可作推介。雞絲翅由六人份分作九人份,小吃多滋味! 個人認為芡汁稍稠和味道稍咸,我這碗的翅針較少反而肉絲份量不少,希望朋友們吃到魚翅的份量會較多；無論如何有魚翅吃都是好像華貴一點的 銀雪魚為全晚敗筆之一!! 一片煎成燕盞型的銀雪魚加了一點蔥花便上桌,外型純樸非常! 本來雪魚煮得好都很美味的,今次的真的不成! 不知道是否遲了送上,魚肉只是

原打算到尖沙咀吃日本料理，奈何變奏來得太快，沉重的一夜後，有點氣餒，睡眠質素隨心情起伏，被壓力迫醒，地點由對方決定，最後在利苑與佳餚店中挑了後者來個簡餐。 天幕則的佳餚店，玩懷舊路線，最引人著目的非中高價的菜餚，反而是門後霓虹燈招牌，來過三次，罵了兩次，首次是吃了燻得近乎苦而肉乾的燻雞的價錢亦多收了，另一次是懵醒醒店員將熱茶倒下，這次是第三次。普坐下店員也沒作什麼介紹，放下三張餐牌走開，場內小貓三、四隻，是很忙嗎？問有沒有焗蠔，冷不防高高男侍應話無，鬆身而去，換著是平日的話，不會就此善罷，胖一點的經理，態度與前者很不同，也不介意企上五分鐘等大家落單，最後要了秘製汁炆蠔豉、蝦醬蒸鮮魷，招牌的士多啤梨骨亦不能錯過。先上的秘製汁炆蠔豉，說穿了不過是海鮮汁加上醬油調成的醬汁，淋在蠔豉上，是冷盤，蠔豉一早備好，冰冷而乾巴巴的，吃不上日照下的蠔味，汁暖、蠔冷，一冷一熱，味道又各自成文，菜式構思想可多花點功夫吧。三天睡不到十二小時，連撐起眼皮的力氣也花不起，托蝦醬蒸鮮魷的福，鹹得腥苦的蝦醬下，魷魚也是梳打過，嚇了嚇，醒了！魷魚未認真去衣，蒸後也免不了會甩色，滿碟粉紅色的鮮魷賣相與「好彩」無分別，那邊

本來想同朋友去食花滿樓，但因為前幾天才食完，所以想試新野。上網睇左食評，見到呢間店，好似唔錯，於是去試下。我地兩個人，我差唔多跟足食評寫既推介食品去試，叫左圖片果三款食品。等左差唔多二十分鐘，至上第一道菜。(一) 太爺雞﹕見等左咁耐，當然會更加有期望，但點知隻雞係凍既。究竟係唔係應該係凍食既呢? 真係唔明喇。味道有點似煙燻味，都OK啦~(二) 士多啤梨肉排﹕都幾好食，好"士啤多梨"囉。感覺上應該係用"士啤多梨"果 JAM 煮的。呢道係唯一一道熱既菜。(三) 蝦醬肉片蒸豆腐﹕呢道菜最唔OK！豆腐應該都係百福吧? 都OK啦，無咩特別。但肉片呢......又無咩蝦醬味，又煮到鞋哂，同埋可能因為凍左，所以好硬......食唔哂。唔會再去了。

星期六晚上七時三十分的朗豪坊，沒有訂座的我帶著不安的心情抵達佳餚店，怎知可以立即入座。心中更不安：難道這店的食物不好（沒理由我去openrice看了食評才來的……﹚、還是本港經濟真的很差勁。我們很快就點了三道菜色：士多啤利焗肉掛、太爺雞半隻、蝦醬唐生菜，因為朋友極餓，我們也以極速點完菜，然後靜心等候。我們坐在廚房旁，看見一道又一道的美味佳餚在面前拿走，可總是沒有我們的份兒。我們不禁嘀咕，這家店怎麼攪的，點了菜20分鐘，一點東西都沒有。這時候開始有點希望桌子上有花生或其他甚麼的，可是就是沒有……最後，鄰桌（比我們晚來﹚的太爺雞都送來了。我們實在忍不住詢問經理（﹖﹚，希望可以加快上菜速度。經理立即向我們道歉，告訴我們因機器出錯，漏了我們及另一桌的單，不過他答應給我們全單九折及送甜品。我們也不好意思迫人太甚，只是實在很肚餓。經理大概也發現我們的眼神充滿對食物的渴望，忽然又走來問我們，可以送xo醬給我們，問我們要不要﹖我想也不想就說好。他走開後，朋友問我：要xo醬幹甚麼﹖總不成光吃xo醬，我說我也不知道，總之有點東西都好。xo醬來了，朋友最初不肯吃，可是數分鐘後，仍然沒有東西可以吃。最後我們正

甚少光顧朗豪坊的食肆, 主要係去那裡睇波衫或行muji多。有朋友食過佳餚店, 說太爺雞好好味, 於是就去試下。點知, 經理話賣晒 ---------- 可能係星期日, 多人預訂的緣故吧!唯有食古法鹽焗雞啦! 再加酥炸生蠔和魚香茄子煲。老實講, 三樣都係「街坊小菜」, 尤其係魚香茄子煲呢d, 大牌檔必有, 價錢介乎$28至$48之間, 這裡卻是$98 --------- 在朗豪坊的靚景襯托下, 會好食d?答案係, 同個景冇關, 但又真係幾好食! 其中, 酥炸生蠔真係做到外脆內軟, 蠔肉仍然很嫩。魚香茄子煲, 都算大煲, 而且好香, 茄子亦煮到好淋。鹽焗雞就有鹹味不均勻的情況, 雞胸位亦都一如大牌檔的貨色般「鞋」, 畢竟, $120的雞和$70的雞, 都係雞啫。賣單計數, 係$385, 已經係冇飲嘢冇食甜品, 只係加多碗白飯。算係食得過, 希望下次食到太爺雞時, 就會改口話「大家一定要去試」啦!

五月初四‧晴上次吃這個牌子，已經是半山店的事。就算有水準的品牌，也要事隔多年到今天才再吃，試問一些普通貨色，又那有時間去「翻兜」？也是第一次來朗豪坊的這裡，原來也是別有洞天的一個餐飲地方，很多西餐廳也是半露天的，環境不錯。來這裡吃晚飯，十人坐在大圓檯，隔著玻璃窗，從高而下，景致不錯。餐廳內以紅色及黑色為主，似一間西餐廳多一點。拿了個餐牌，隨手點了幾味菜。先來幾味前菜，海蜇薰蹄是切粒粒的，賣相比一般的不同，但以口感而言，還是傳統的一類較優勝，切粒的海蜇不夠爽，薰蹄亦吃不出彈牙口感來；肉鬆窩巴是慳水慳力的組合，因為兩樣材料均是來貨。但脆卜卜的窩巴，加上人工美味的肉鬆，又幾好吃；蜜味金蠔是用蜜汁及醬油去煮金蠔，蠔身細細隻，但味道十足的，可惜現時蠔已不當造，如不是，會有更佳的演繹。是日的例湯是老黃瓜煲廋肉，沒有什麼特別，把心一橫，索性來個肉骨茶。這裡的肉骨茶不錯，味道濃郁，是重藥味的一派。腩排已炆得酥軟，肥肉多廋肉少的，美味非常；再來幾味招牌菜，士多啤梨骨的精髓在新鮮士多啤梨果肉做的醬汁，酸酸甜甜的，跟脆口及肥肉甘腴的腩排，是個很不錯的配合，轉眼已清碟，旋即追加一碟，是值得一吃的一味；花膠海蔘

舊同學R兄將做老襯,順便約大家出來吃飯,實際上幫兩位圍內朋友慶祝生日,兼派帖.地點在朗豪天幕下的"佳餚店".我選的.說起佳餚店的典故,又是一匹布那麼長.老闆歐先生的大上大落的遭遇,又是一個傳奇.由九十年代由北角,山頂連開分店,到金融風暴後只剩下灣仔克街的一間{現今是大婆牛肉麵的位置.}後來到九一一,連這間最後的堡壘也守不住.直到近兩年,如火鳳凰置諸死地而後生.一連開幾間店,包括這間朗豪店.這種打不死的香港精神,值得我們去借鏡.事出突然,早兩日前訂位,只能坐店外的天幕下.十幾人在天幕的藍光照影之下,人人都變"藍血人".如果帶同女友來撐檯腳,一對天幕下的戀人,又是另一番味道.早年曾在克街分店留下足跡,年代久遠,印象模糊,但一定記得吃過士多啤梨骨,其他菜式,也是盡點一些普通不大名貴的小菜之類.用士多啤梨汁來做肉排,又是佳餚店的得意之作,後來很多菜館東施效顰,也做不出佳餚店的水準.闊別七年再吃此味,士多啤梨汁甜酸味平衡,不大濃凋,而肉排的肉質很鬆化.士多啤梨汁完全滲進在肉內.這一道不愧為多年來的"招牌".冬瓜盅兩個,要預留才有.正值仲夏夜,清甜的冬瓜盅,材料有蝦,蓮子,冬瓜

來了這裡晚飯也不少次了, 是晚一行四人, 又來了這裡. 貪這裡的食物有水準, 也坐得幾舒服, 係區內的好選擇.是晚係坐係入面的位置, 沒有了舉高臨下的靚景, 但轉回一個光線比較充足的環境, 照片係拍得更加清晰, 其實更高興. 四個人, 三個係姊妹, 有一個仲係生病的, 不敢叫得太多, 三項菜色好了. 當然係最大路那幾款.大豆芽菜肉鬆生菜飽$80: 9分, 先來的係生菜飽. 見有人病了, 都係要一個比較清的菜色. 生菜份量不少, 四個人分係有得包好幾舊的. 這裡的大豆芽菜肉鬆炒得不太濕, 點上醬汁先包著生菜去吃也幾香口.士多啤梨焗肉排$98: 10分, 當然不能不叫這個招待作. 是晚的水準係比上兩次更高. 先講個汁, 不太甜不太酸, 由於加上士多啤梨調製, 味道係比較真實, 撈飯吃一流, 跟坊間吃到那些剩係個樣似士多啤梨汁但味道不知似乜的比係高了不止一個層次. 肉排其實已經係配角, 也夠鬆化嫩滑, 不算炸得太勁, 實在相當滿意.蝦膏肉片蒸豆腐$70: 10分, 這個菜色本應係簡單又平凡, 但那份香濃的蝦膏味實在係非常之吸引, 配上清清的豆腐, 實在係值得一吃再吃的.來了幾次, 食物的水準

父親節當日本來唔想飲茶因為怕逼,去到朗豪坊差不多兩點就上嚟睇吓有無位,果然有位仲係玻璃窗側望晒樓下咁多層.想叫點心但係好多無得賣,不如食小菜,叫咗海蜇汾蹄($28),半隻太爺雞($120),生炒骨($70),炒腸粉,咖喱羊肉飽,海蜇汾蹄用料正,炒腸粉炒燶咗,咖喱羊肉飽無乜羊味,生炒骨炸得幾香,個汁都好味,太爺雞就皮香肉滑,不過老婆同阿仔話唔鍾意D味,結果一個人食晒,今次真係慶祝父親節.

裝修很高雅，但很驚訝菜牌只是由數張A4彩色紙過膠，不大匹配。選擇不多，屬家常便飯小吃肉鬆鍋巴HK$28 - 鍋巴(米餅)既香脆又鬆，面上蓋滿了肉鬆碎及辣粉，很惹味海蜇燻蹄HK$28 - 燻蹄方塊狀金銀蛋莧菜HK$78 – 不錯士多啤梨焗肉排(排骨)HK$98如食評家Olivian所云，「士多啤梨汁醬鮮甜開胃，果香味很濃，酸中帶甜的醬汁已中和了肉排的肥膩，令到肉質鬆化爽口。鮮紅色亦很能刺激食慾」 醬汁含果肉，一致認為此乃全晚最好吃之菜式佳餚肉鬆脆泡飯(2位起)HK$35@侍應把砂鍋內的湯澆在小碗的飯上，產生吱吱聲響．飯內徐肉鬆外還有粟米粒．但可惜飯有燒焦的味道豉椒肥牛肉炒脆麵HK$90麵香脆，整體不俗但賣相令人有茶餐廳的感覺所有菜式份量不大茶HK$10@父親節(星期日)的晚上仍不滿座

士多啤梨焗肉排, 長洲大蝦粉絲煲 both tasted very good. particully the 粉絲, not too wet or dry, absorted the fresh taste of the shrimp.古法豉油皇乾煎大蝦 ($70 each): large shrimp. but the soy sauce was not 惹味 enough太爺雞: really very strong flavour of smoke and tea. ok tasty.carrot and green turnip soup: delicious粉絲雜菜煲: so so only.合桃露,芝麻糊: quite good too. very too sweet

幾年前幫襯過呢度的前身「酩霞飛」, 覺得好靚又好貴 (詳見 http://www.openrice.com/restaurant/commentdetail.htm?commentid=112618), 今日一行 3 人0黎試試而家呢間「佳餚店」. 叫了一個頭盤, 3 個(食送) 加一個甜品 share 食, 整體感覺非常唔錯:- 牛蹄脆: 即薄切牛展, 食落又真係幾爽脆, 加埋 d 酸酸0地又幾惹味的汁, 幾開胃0既一個小食.- 太爺雞: 即茶葉燻雞, 煙味好濃又帶少少(火農)味, 茶味就唔係好食到, 不過係幾香的; 雞皮燻到好深色, 雞肉好嫩滑, 油亦唔係咁多, 唔錯唔錯.- 士多啤梨焗肉排: waiter 話係招牌菜, 當然叫個試試. 肉排好腍, 肥瘦適宜, 士多啤梨汁就最正, 酸酸甜甜, 極香士多啤梨味, 比起之前0係彭慶記食到的更掂. 推介!- 雜菜煲: 簡簡單單一個雜菜煲, 佢都整得好好食 -- d 菜非常腍甜, d 湯亦鮮味, 最正就係 d 粉絲, 索湯又彈牙, 好食.- 杞子桂花糕: 0岩0岩好一人一件, 賣相晶瑩剔透, 睇落亦足料, 桂花味非常香, 食

一家四口,因媽媽生日泥呢度食一早book左桌,但去到.雖然係星期日但都算小人,環境偏黑,但望落去個view好靚*點左4個菜-長洲大蝦粉絲煲雖然只有2隻蝦,但粉絲好入味淨係食粉絲都夠曬!-士多啤梨焗肉排好重士多啤梨味,肉排都好鬆軟可能會酸左少少,但撈飯一流*-鐵板芝士斑塊好有芝士味!!連d底ge菜都好入味雖然前面幾個食評都無提,但我覺得好值得一試!*-椒絲腐yu通菜本來只係諗住無菜,是但點個但好有驚喜!=],好有心思,唯一唔夠好ge只係上菜有少少慢但如果用d時間,整d咁好ge野食,都無所謂!=]

原址是酩霞飛，內裡的裝修格局兩者都差不多，只是前者是京滬菜，現在是粵菜加一點西餐。睇完Herbert食評後幾吸引，就提議一家人來食。之前已搜集了資料，鎖定某些招牌菜。梅子炆鴨-酸中帶甜很醒胃，鴨亦炆得腍，肉質一點也不嚡口。太爺雞-即是煙燻雞，茶燻味香濃，雞皮燻得顏色均勻，入口淡淡的茶香，用了普洱茶來燻，心埋上有消膩作用。士多啤梨焗肉排-果香味很濃，酸中帶甜的醬汁已中和了肉排的肥膩，令到肉質鬆化爽口。鮮紅色亦很能刺激食慾，我一塊接一塊的食個不停，幸好份量不多。士多啤梨汁醬鮮甜開胃，我亦連飲幾口。北菇吊片蒸肉餅-雖是家常的菜式，但功夫不少。這個做得不錯，蒸出來肉質不會過硬，仍保持鬆軟。有冬菇及吊片一定是惹味的，中間亦夾雜著馬蹄粒，更豐富了層次感。粉絲雜菜煲-味道一般，粉絲多過菜，菜亦煮得極腍，缺乏爽口感覺。原本老豆想試焗豬扒飯，但侍應說西廚師傅在數碼港趕來，西餐部份起碼要8點幾才有，唯有改叫鹹魚雞粒炒飯，飯炒得很爽身，亦滲出淡淡的鹹香。另外再叫一碟豉椒肥牛炸脆麵，幾有驚喜的一碟，很有鑊氣，沒有油膩怠，炒得乾身又夠香，只是豉椒汁略為鹹了少少。試過了幾款菜式後，大家有讚無彈，是近期食過較有水準

朗豪坊飲茶既地方真係少,只得三樓同埋呢度!地方係一個室內露台,可以睇大電視,幾開揚,幾舒服!食物選擇唔算多,我就食左蝦餃,馬拉糕,腐皮卷同埋蘿蔔糕,幾好食,不過d茶就偏淡,要侍應再加茶葉!服務唔錯,飲茶可以嚟呢度!