佳餚店 (已結業)

樓下三樓粵江春無得食,因為落場,就上左十三樓嘆茶!香煎窩貼餃,廿五蚊,味道唔錯,唔會太油,ok!咸魚雞粒炒飯,七十八,炒飯粒粒分明,咸魚味都夠,幾好味!蒸鳳爪,廿五蚊,ok啦!春卷,蝦餃,都係廿五蚊,味道都幾好,但係我覺得辣椒油適合過豆板醬!今次我全部都寫價錢因為我覺得有點貴,但係都可以接受,因為味道都唔錯,而且服務好好!

二月十四，本是一個浪漫而溫馨的日子，我的男友早為我安排一連串的興祝活動，以一星期前訂朗豪坊的佳餚店，嘗試中菜，但可惜，本人晚上７：４５分入座，立即叫菜，我明白這日子可能比較忙，但可惜等到８：４５分，一碟菜都未出現，所以我追單，但他們沒有理會，所以我９：００，再追單，同樣沒人理會，到９：２０分，我再忍不住，我跟部長說因由，要結脹，他只回應不好意思．你可以離開．這實在太過份，不但沒有人理會有否漏單，就算追單，只草草敷衍我，要客人餓著肚等個幾鐘，服務態度，上菜都好有問題，浪費我的時間，破壞我倆的節目，身心受好大的創傷．所以我發誓以後不會再光顧．

今年媽媽的生日, 揀了這家新店去試.話就話新開, 其實都有相當歷史, 不過曾經退出了, 現在重出江湖. 咦! 像老孫一樣. 之前已開了家係數碼港, 實在太遠了, 見朗豪坊有分店, 當然心思思想試一下.環境係中餐館來講係好好了, 我們在係靠窗的位置, 樓底係奇高, 唔怕嘈, 一望落去四樓, 真係幾有氣勢. 但係實在太黑了, 想浪漫一點?餐牌的選擇其實不太多, 但也知道這裡的招牌係乜, 所以都係從那些招牌中揀了四樣.粉絲長州大海蝦煲$140: 9分, 其實店方另有一道菜係古法豉油皇乾煎大蝦, $60一隻, 現在這道粉絲長州大海蝦煲有兩隻大蝦, 收$140, 即係粉絲收$20? 擺係面頭的蝦係相當之大隻, 先試底下的粉絲, 一吃落口, 不得了, 係相當之得, 好香, 好入味, 加上小小蔥, 真係剩吃粉絲已經好夠. 個大海蝦係做得好仔細, 挑了腸出來, 大廚再塞入一條蔥, 蝦膏係幾鮮甜的, 據文迪講, 蝦頭也是不錯的. 不過蝦肉的味道係比較淡的, 好像不太入味, 現在的感覺有點蝦同粉絲係扯不上關係. 不過單計個粉絲已值得有9分.士多啤梨焗肉排$98: 9分, 係這裡的起家之作. 坊間吃過的士多

十分佩服呢度嘅老闆歐生，不斷屢敗屢戰。想當年佳餚軒可算係中菜店之中赫赫有名，名菜如士多啤梨骨亦係由佢哋首創。自己响以前炮台山店食過一次，印象不錯。之後想再去試一下佢哋嘅懷舊點心，但已經來不及嘞 (因舊店己光榮結業)，可惜....及後知道佢哋响數碼港重新開業，但數碼港對小弟來講委實係太遠la...一直冇機會去食。家陣歐生响朗豪坊開咗呢間young line版嘅佳餚店，地方又就腳，唔去幫襯實在有D唔講得通...跟太座去到，地方黑掹掹，裝修有一DD cozy feel，人亦唔太多，枱亦只係以四五人枱為主。若想book位俾一家人去食，似乎有D難度嘞...menu以一貫歐生嘅"fusion"手法，有中亦有西，但選擇不多。侍應話今晚西厨唔係度，所以冇得叫西菜。唉...仲諗住趁天氣涼叫碗normandi蠔場及龍蝦湯暖下身添...問一下有乜嘢中湯，侍應竟然話只有兩樣湯水嘅物體---- 燉鮑翅及肉骨茶。心諗: "有冇攪錯? 連普通老火湯都冇?"見隔籬枱枱都問相同嘅問題，亦得到相同嘅答案。呢點實在要改善一下...只想簡簡單單叫家常小菜，於是叫個蒸陳皮牛肉餅、梅子炆鴨及瑤柱蝦乾花膠粉絲節瓜煲...陳皮牛肉餅