佳記甜品 (已搬遷) 新店位置

個人認為佳記的B仔涼粉不算深刻, 但佢個雞翼尖就做得好出色蒜蓉加埋秘製辣汁泡製, 佳記的雞翼尖唔單止食落夠辣, 而係連雞翼尖裏面的肉都好入味. 佢個汁底唔會太咸, 亦唔會太傑, 肉質夠淋夠滑, 唔需要花好多力就可以將D肉"啜"出黎. 起初食第一隻唔會覺得辣, 但越食越辣而且會上癮. 食到咁上下叫左碗凍西米露解辣, 真係人生一樂也!如果侍應姐姐態度可以好D就perfect 喇!

適逢週末下午元朗遊，人都給太陽榨乾，要吃點冷的降降溫。太熱的確會令人沒什麼食慾，友人提議不如吃B 仔涼粉當 light dinner。這是一位男生提出的，難道我可以大叫「不是吧？夠飽的啦？」元朗地頭蟲告訴我，原來B仔這名稱是一位熟客的別名 - 我嘖嘖稱奇，店的別名竟然是與客人有關，感覺好像 loop 了（有店才有客？有客才有店？）。廿多年前的熟客「B仔」，可能變了老伯伯啦？當晚大概7pm，店內9成滿座，十分熱鬧，幸好不用等位。由於大部分都是坐5-6人的圓桌，人數少自然要搭枱了。來過這兒幾次，沒怎麼看過 menu 的。除了B仔系列外，不乏傳統糖水、鹹鹹小食等，當中蒜香雞翼尖是很有名的。整體上價格相宜，例如一碗蕃薯糖水盛惠$16，與松記差不多吧。來吃B仔涼粉是「早有預謀」一事，所以不用看 menu就發板了。我向職員表示要少花奶，職員點了頭。過了5分鐘，大大兜涼粉上桌了！我很有自信的說，兜比我的臉還要大！細心位是 - (1) 花奶是另上的，悉隨尊便，起碼沒有吝嗇花奶；(2) 自動自覺給我小碗，不用再勞煩職員了。基本上所需的東西都有了，客人吃得高興，不用職員也不用來回折騰，這就是效率喇。我沒有

今日去左元朗最出名的糖水舖------b仔 但係b仔分左兩間，分別係新同舊舖，聽人話係唔同人經營的，而今次就去左新嘅，因為裝潢都新啲嘛。 一到步，就叫左我最like嘅腸粉 魚蛋 ，因為佢啲汁真係。 好。 好。味~~~~ 另外就當然叫左遠近馳名，差唔多人人都叫香辣雞亦尖，種刺激感係筆墨難以形容的。 今次就因為叫得太多腸粉魚蛋而食唔到糖水，一次一定要一試佢B仔涼粉

元朗沒有鐵路、豪宅之時，我已認識在這盆地裡的「B 仔」，可想而知 「B 仔」的成績有目共睹！天氣悶熱，嚐過粥品後，看到「B 仔」的店舖，即時萌起重溫那舊日味兒的念頭，順便以凉粉驅去炎熱的鬱悶！依稀記得從前的「B仔」沒有雞翼尖，對了，「B 仔」已脫變成為「佳記」，增添不少甜品和小食的選擇。看到幾乎每桌都點上的雞翼尖，趁胃納尚餘空間，於是要來一試！雞翼尖用了大量蒜蓉和辣椒烹調，伴隨底層的汁液將雞翼尖送進嘴巴，一份甜調後，蒜香與辣椒的惹味盡出！不過汁液過後，雞翼尖本身卻不見得入味，而且冷藏的雪味也顯得較重。記起一次在離島一家小店嚐過同樣烹調的雞翼尖，相比之下，相信「佳記」可將效果做得更加理想！渣渣是老公的至愛，大熱天時，當然是要來冷的品嚐。渣渣的稀稠度適中，事實上冷渣渣所揮發的香氣沒有熱的香濃，已有心理準備。果然雜豆和芋頭混雜的香氣沒有驚喜，水準可謂不過不失，幸好甜度適中！我很喜愛水果，涼粉亦是以前家裡必備的夏日甜品，兩者加起來，無疑是全部對準了我的口味！滿滿的雜果涼粉，備有西瓜、蜜瓜、芒果和哈蜜瓜，全是時令的水果。當中芒果鮮甜多汁，亦沒有過熟，非常滿意；難得蜜瓜的甜度和香氣也來得自然，反而

雞尖和豬皮一次比一次辣，新鋪冇舊冇咁好食，另外果日第一次食B仔船，其實講真我真係冇興趣，一睇就知道唔好食，因為個大陸朋友專登叫我帶他黎食，所以想試下條生果船，哎...真係超級難食咯。生果冇任何貼味和新味，比超級市場罐頭生果更加難食，而且煉奶唔知加左咩，好流囖，好似水咁！就得榴蓮班戟好食！糖水都勉強ok，但感覺都擺左兩日！哎...自從B仔紅咗之後，大陸人多咗之後，就已經唔喺以前既B仔了！

到朋友家中作客, 在附近走著走著, 見到了佳記。朋友素愛榴槤, 小人遂在此名店買了一款用榴槤做材料的甜品到訪。飯後朋友從雪櫃取出榴槤糯米卷, 一打開盒蓋, 榴槤的香味一湧而上, 就算榴槤加糯米也不會太滯, 榴槤肉滑溜清甜, 回甘味濃。經雪過後的糯米亦沒有變乾變硬, 仍然軟軟的, 煙煙靭靭, 可說是滋味清新、回甘味濃。難得的是飽餐後再吃它胃部也不至漲爆, 很是不俗的飯後甜品! ^_^

雖然這間甜品鋪遠近馳名，但我覺得食物質素越黎越差，無以前甘好食。先講芒果糯米糍，個皮太厚，但口感尚算煙韌，上面既椰絲都夠香，而餡料方面，芒果偏酸，奇怪之處係，芒果糯米糍分開兩條上，其中一條既芒果好香甜，但另一條係好酸，之前買過幾次都有甘既情況，睇得出這家店好奸！雞翼尖其實幾好味既，醃得幾入味，蒜香味好濃，辣辣地幾惹味，但偏油膩，整體算是能保持水準，我覺得道間甜品鋪最好味是這個雞翼尖。

對於不是在新界西住的我，一直聽聞元朗B仔很出名，但一直苦無機會嘗試。難得今天入到元朗，我決定一定要食過品嘗過才走的。我們合共2人，我點了芒果西米露，我最怕吃到的芒果是酸的，幸好這一碗是甜的。而且芒果份量也有很多，不錯。另外我們亦點了一個熱燉奶，但可惜是很普通。最後當然是經常見朋友於facebook / intragram放毒的”B仔雞翼尖”！原諒我無知，我一直以為”B仔雞翼尖”是凍食的！咬落第一啖竟然是熱的，老實說有點顛覆了我的想像。我覺得坊間將這個雞翼尖比喻得太過火，老實說，是不錯吃特別是醬汁辣辣地，但亦不是大家所說會吃上癮。今天一到元朗，發覺亦有很多小店，可惜未能逐一嘗試，留待下次有機會再來一試！

食完正餐，到遠近馳名的b仔涼粉食甜品。薑汁撞奶：奶滑，入口時奶香帶着微辣，混在一起，非常好吃。花奶涼粉：只是涼粉不好吃，但加了花奶後，像jelly的涼粉加了甜味，很好吃。芒果班戟：薄薄的皮包着凍奶油和新鮮芒果，暖+凍，入口的感覺實在太美妙了！

我想B 仔是全港唯一一間平日日間仍能坐無虛席的糖水鋪。找到位子後便立即叫了個芒果撈~芒果撈上面是芒果冰沙,味道十分天然,應該是由真材實料的芒果打的。芒果冰沙下面是大大粒的涼粉同芒果,超好食!

有時做元朗街坊，好處就係多野食，11、12點都有好多鋪頭未關門。其實聽到B仔好多人由香港九龍專登搭車，駕車來食，有時覺得其實唔多抵，因為佢既態度真係當你地底泥咁，所以我即使住得咁近，都係外賣的。首先，點左兩份雞翼尖，好快包裝好，因為佢真係請左好多菲藉、印藉既人，一個收錢，一個舀野食，一個入袋，一人一個位。所以速度好快。另外點左個芒果糯米卷，不過收錢既時候有D小插曲，就係收錯錢，不過都無太問題。雞翼尖:由之前$12食到依家$14，份量小左，不過個汁依舊不變，又辣又正！芒果糯米卷唔好話我完美主義者，佢D皮厚左，自自然然入面個心既芒果都少左，不過甜度都夠。其實好多人住香港九龍既，聽元朗個名，就只會想起B仔個名。不過我就有一個問題就係，究竟我食足咁多年，佢請既菲藉印藉姐姐究竟係咪家庭傭工來既呢？

我同友人都鍾情B仔既雞翼尖，於是今日又過黎朝聖。近來應該成日比人捉又新街既食店 唔好將D枱放晒係街上，所以12點前去到B仔，只會見到好多人堆晒係門口，但就唔會見到D人係出面食野。其實，唔比擺枱食野，反而仲阻礙行人路。咁亦都做就左B仔又平時自出自入揀位，變成又嗌位！但係個姐姐雖然已經叫到好大聲，但始終人多，任憑佢再大聲，都係有好多人Miss左自己既號碼～ 最搞笑既係，個日我同排係好前面既男仔拎住同一個號碼，28號！叫到28號個時，我地兩個都行前，個姐姐睇左一睇個男仔個號碼，就話佢係8號，等下一輪。於是我都睇唔過眼，我同個男仔都同佢解釋反係佢寫錯左，個呀姐先比埋佢地入去。唉！搞到完全比人既感覺都係亂黎既！入到去食野個時，由於我地兩個都未食野，我地就叫左B仔啫喱（原本想叫B仔涼粉，但由於成日都食，今次就試下新野）、雞翼尖同腸粉。腸粉向來都原過原失，但雖然B仔出名既雞翼尖就次次黎食都唔同味，真係要睇彩數！今次就真係唔好彩，既唔辣又唔入味，原來想叫多一盤再食，可惜B仔啫喱實再係太多，所以都放棄了。至於個啫喱，面試既生果其實每次都差不多，都算係新鮮，但啫喱卻係揀左青檸味，就覺得就點唔太夾，我朋友仲

晌屯門三聖村嘆完海鮮，食埋個美心Line Friends蛋糕，一班死佬話飽話飽，咪又喺專登揸程車落去元朗食B仔涼粉 。因為今次食海鮮揀頭輪，食完未夠8:30pm，所以，去到「佳記」九點未夠，等位嘅人唔多，我哋都喺等咗幾分鐘，老闆就安排咗張三連枱俾我哋 。除B仔涼粉，「佳記」仲有唔少招牌嘢，今次都睇準埋個榴槤糯米卷！雖然話門外等位唔多，但鋪內依然坐滿人。不過，攞位期間都發生咗段小插曲，因為我哋成13個人，兼大部份人有番咁上下身形，真喺要3張枱先夠坐。老闆先安排咗兩張，而另一張有個後生仔坐緊，無點嘢，一個人霸住成張枱，話啲朋友嚟緊，即時被老闆鬧啦 ，叫佢齊人先再俾枱佢。講真，「佳記」啲客流量超快，個個食十零廿分鐘就走，使唔使咁自私霸住啲枱呀 ！ B仔涼粉 $72 對照舊年嘅食評，事隔一年多，都只喺由$70加到$72，絕對溫和，對番啲相，份量一樣咁大堆頭，唔會有種加你少少錢，但減去多多份量嘅搵笨現象 。唔使多講，一定B仔涼粉x3先夠我哋食，與其叫嚟食飯後甜品，我就覺得喺食飯後果喇。一排3大兜B仔涼粉，香蕉、奇異果、水蜜桃、蜜瓜、哈蜜瓜、西瓜、大樹菠蘿、椰果、蘆薈、木瓜、龍眼

入元朗食完飯，梗係去出哂名既Ｂ仔食個甜品啦。雖然門口堆滿等位既人，等左成３個字先有位。Ｂ仔既芒果糯米糍好有水準；首先個皮厚度適中，口感煙韌，惟憾上面既椰絲唔夠香。而餡料方面，選用芒果中菲律賓既呂宋芒，因為當造，所以好香甜，而店家亦落足料唔姑寒（不過成３６蚊）；芒果既比例畀皮大，可以話皮薄饀靚。可惜店員態度差，愈叫愈走，衛生環境亦欠佳。

一場黎到元朗當然要食下呢個b仔涼粉，正所謂冇食過B仔涼粉就好似冇去過元朗咁啦！雖然呢間野個個都有唔同嘅評價不過始終夠晒傳統就當然要試下！環境方面，就不過不失啦！大大間都算坐得舒服，多人嘅時候仲要等位添！不過今次好好彩，等左十分鐘到唔算太耐。有時黎到迫迫地咁坐，其實一大班人嚟到又真係幾溫馨嘅！一大班人呢就真係啱晒啦！今次就叫左個芒果撈黎食，賣相都算幾吸引！有層芒果沙冰做面，下邊就係西米露，加埋條飲管啜下啜又幾特別架喎！ 大熱天時坐低涼翻個冷氣，飲返個冰凍既甜品又真係幾爽架喎！食完個芒果撈，再同班friend 叫左個生果涼粉黎食，一大盤有幾夠食架播！生果再加涼粉，簡直係一流，perfect match!雖然有時都會聽到呢間B仔涼粉有唔少嘅負面新聞，不過作為老店嘅佢又真係唔錯既！叫下啲傳統甜品來食下感受下傳統風味！