佳記甜品

营业中

休息中

我地成班人一齊搭車入去食~以為咁出名一定好好食~點知原來唔係!我地一去到!就叫左b仔涼粉啦!原來b仔既意思只係有一大堆生果.......仲要係有罐頭生果添..d涼粉根本就無特別.....仲要係好大粒~好難進食...開頭以為d涼粉係有咩特別....又係無...咁我去街市買$5個d涼粉都可以....之後叫下其他野....班"cake"又係唔好食....好多cream...好少料....食我覺得真係好唔得~而且店員態度都係唔好......環境亦都唔好..好迫b仔依家仲賣埋好多其他野,好似燒賣啊,腸粉啊個d反而d雞亦尖仲好食過佢最出名既糖水!我覺得好可悲.......因為山長水遠入到去....食物質素竟然係咁差!

試過椰汁西米露同紅豆椰汁糕.我呢個對西米露既要求都唔係好高既人都覺得難食.件糕就一般

成日聽到人話B仔好出名..咪去開元朗食下囉..點知..原來真係得個名囉..連最出名既招牌涼粉都唔好味.$53 好大碗..未食前睇個樣就真係好正..全部都係生果.不過好多都係鑵頭貨式..水蜜桃,大樹菠蘿,海底椰,椰果,荔枝,得西瓜,蜜瓜,木瓜,香蕉,奇異果唔係咋..鑵頭貨式既生果就有糖水甜味..反而新鮮果D一食落口係無味..總括黎講係唔好味..話雖如此..我去到好多人食緊同等緊位..環境真係唔係好OK 囉..坐係大坑渠隔離..間中有陣嗅添..

名不符實…糖+水+被糖水浸罐頭生果！名為b記。食完一定一肚氣！50幾蚊食完得個甜字，其他甜品…芝麻糊就一點芝麻味也無，千萬不要食果度pankcake，一口也是cream，似食cream多。仲有，大家留意下印人雙手吧！包你食唔落，態度又差，最基本之糖水也唔掂！大家入來元朗可以去泛后甜品食，雖然無乜驚喜，但最起碼有新鮮生果食，驚赫度低點。如果在元朗廣場側度食，有間細細間之糖水店(美心西)對面，只有傳統糖水，愛食糊之你，不能錯過，又平、clean and nice......

開頭呢度真係以b仔涼粉出名,但係e家都轉左形la,去呢度食o既人多數都唔係叫b仔la,反而叫燒賣,腸粉,芒果"米需"米卷,雞亦尖咁,轉左型la不過我去親都係食b仔西米露,其實又唔可以話好好味,要自己整都得,但係你又唔會為左一個西米露買咁多材料,佢有10幾種生果(不過好多都係鑵頭,我記得有西瓜,蜜瓜,木瓜,香蕉,水蜜桃,大樹菠蘿,海底椰,奇異果,椰果,荔枝,楊桃),都算係咁,$53咁大碗,可以4~6個人share(但係我試過2個人食晒~~haha)其實都唔係貪佢好味,係貪佢大碗,成班fd一齊食hehe haha咁都好開心,傾下計咁都好,其實個個都係過黎吹下水,開心下.如果抱住出名黎食,一定會失望,但係如果當食下糖水都幾好,幾多款仲有真係好多人,如果要拍車係新b好d,如果唔係我覺得over all 舊b係好d ga,多d位,又無咁多蒼蠅,又有冷氣

好正咩? 我唔覺wo 個好似老闆既人懶係介紹咁, 懶係全港最好食咁, 車! d生果唔新鮮, d糖水係咪水喉水黎ga?!涼粉咪又係咁既味!

係啦，呢間仲係本店，唔係分店添！

這兒不就是吃B仔的嗎？

覺得b仔正好多...

其實佳記d黑糯米糖水都好正, 好杰, 好多料, 唔係好多人會order, 但真係正架另外黑珍珠係一粒粒, 好似西米入面加黑芝麻咁, 好有口感, 幾得意, 都係值得一試可惜佢而家真係無舊時咁好食, 又成日用埋d鑵頭生果, 失晒d原味.........

頭先食完晚餐，口淡淡，於是走去佳記食甜品．我點左個熱芝麻糊，而我bf 就點左個麻蓉湯丸．個芝麻糊比其他舖頭既"杰"，芝麻既份量較重，食落啖啖芝麻，一碗都係$10，好抵！而其他舖頭多數都落好多粟粉，又要十幾蚊，唔抵．食完個芝麻糊真係飽晒，食唔落其他野了．以前去佳記都係食B 仔，原來o的糊都幾正．

以前同屋企人一齊去食就覺得好好味,仲特登drive car 去食,現在已經凡風光不再喇e+既B仔只不過係一大兜鑵頭生果加涼粉咁樣既話係屋企整都得喇!!!而且去到千萬不要叫用strawberry整既甜品呀!!!因為佢用既應該係大陸strawberry,係酸ga,差勁都爆,用十幾蚊去食糖水不如去買盒美國既strawberry食好過,而且仲要坐係街邊,完全無環境可言,d waiter 忙到七彩,唔理人兼且態度差勁真係完全失望,下次唔會再去食ga la

佢曾經真係抵食同好食,但係今時今日糖水舖又多又有新意, B仔重賣緊四十幾蚊一大兜鑵頭生果加涼粉,係唔掂架啦. 不過一般general個d糖水,好似黑糯米,紅豆沙個d係好好味,雖然價錢無變,但係個碗細左,即係變相加價,諗深一層,食個d不如番屋企叫阿媽煲啦.佢而家重賣埋魚蛋燒賣腸粉個D小食, 搞到雜晒不倫不類,都唔知似咩.

點解佳記唔係真係咁好味....都有咁多票geeee

原來b仔涼粉係d咁普通o既什果涼粉...