佳記甜品

营业中

休息中

約左朋友o係元朗食野，原來呢頭好多野食！同朋友食完氹仔餐館，想食糖水，就去左B仔。今晚人唔多，坐得幾舒服，甜品味道都ｏｋ喎～

Too expensive & taste not good

我都是元朗人一個~!!!我次次去都好多人~!!!d人又無禮貌~!!!而且d野又貴law~!!so我唔是太like去食佢~!!!

我自己本身住元朗,次次有朋友入尼都會帶佢去b仔食野,因為係果度食野最講求的都唔係味道,而係一班人可以大聲傾計既氣氛,就算自己元朗人夜晚冇地方去都會去b仔食野.講返味道,普通糖水味道係自己搭配,您自己口味奇怪,佢都幫您達到,咁唔怪得人唔好食,要知佢好唔好食,梗係食最大果個b仔涼粉/西米露/黑糯米....食水果,您都唔會期望有非常既好味啦~其實b仔涼粉以外仲有好多正野,好似芒果糯米卷,雞翼尖...嘩~正~而服務態度,好多人覺得佢唔好,可能因為唔知道佢地既菲律賓員工係唔負責寫單,下次記得只叫香港員工啦~等位係好正常掛,點解d人坐到出大慳渠都仲要食佢因為實在值得.

因為太遠其實只係答過２次，第一次人少，所以冇叫B仔涼粉，食左冰丸涼粉同擂沙湯圓，個冰丸涼粉其實係雪糕糯米磁，但冇乜等特別個擂沙湯圓都幾好食，熱騰騰既芝麻好香！第二次夠人可以食B仔涼粉，真係好大碗，生果又多，幾個人ｓｈａｒｅ都幾抵，仲叫左個strawberry pancakes,麻麻地..太多cream!但講真其實?ｄ野冇乜咁特別～又多人，又要等位!

住o係元朗,d人成日都話要入黎元朗食,我都真係一d都唔覺有咩咁好食,不過呢,成班fd搵地方落腳哩度係唔錯o既,但係,俾我食糖水,我唔會揀哩度食囉,d野好甜,好多罐頭野...仲要服務態度真係唔得...=.=

來元朗飲，早左入來又未開席，幾個朋友諗住食少少野傾下計，原本搵間茶餐廳都得，但其中有人想試試B仔，所以就又來幫襯。星期日六點幾都唔少人，要等左一陣先有張五人檯。打開?牌，覺得選擇比以前少左，而家只有黑糯米、西米擄、豆腐花、涼粉同杏仁豆腐花幾類，不過就多左D糯米滋、斑戟等。叫了B仔涼粉、雪糕豆腐花、奇異果黑糯米同芒果糯米滋。B仔涼粉仍然壯觀，賣相都幾企理，不似是頭頭尾尾堆埋一齊。生果是浸了糖水，但都不太過份，都叫接受到，我食過當然無驚喜，但朋友們就覺得幾得意；雪糕同豆腐花味道幾夾，涷豆腐花都幾滑溜，呢味野係對腸胃的一大考驗，不過托賴食完都無人肚痛；黑糯米過甜，麻麻地；芒果糯米滋唔錯，糯米皮不太厚亦煙韌，芒果餡幾多亦香甜，但26蚊六舊不算便宜。堆單百一蚊，五個人分都唔算太貴。有賓籍員工負責傳菜，但不能take order，你叫佢佢會轉達其他本地伙記，問題不大。伙記係有點漫不經心，但態度都算OK。雖然呢度劣評如潮，仲有朋友認為來吃的人是「簡直係愚昧」tim，真係激！看來食客們都係唔滿意的居多，但再吃一次又覺得問題不太大，入開元朗都會再吃的。

B仔涼粉真係好難食，上次食豆腐花，仲鞋過街市個D，百福好味好多，小心B仔涼粉番撈。

一入到去，勁多人，好難先搵到個位坐，但我地有五個人，個到得兩張”等”，咁咪叫個女服務員可唔可以ling幾張”等”比我地lor，點知佢好勞氣咁叫我地自己去搵，咁我地咪話”唔係咁既態度呀，咁我地走喇”，佢仲要加多句出邊仲有大把人等住食呀．嘩，個下真係火都o黎埋呀，所以我以後唔會再去個到食嫁喇．

甜品太貴,又唔夠鮮味。鋪出面果位收銀亞嬸態度好差,成日大大聲呼呼喝喝,莫講話一般...笑容欠奉多謝都冇句,閣下俾錢慢d 佢都口黑面黑~

都唔係咁好食0者, 一味係大埋頭. 以生果做甜品為據頭都唔係得佢一間呀, 真係唔駛長途跋涉去食, 唔值得咁做囉. 而且佢既衛生好有問題, 我有同事見過呢度d員工會將落錯order0既甜品留起比其他叫相同食物0既客人, 好得人驚架!! 咁做真係好冇品~~

曾經聽過一D關於B仔涼粉o既可怕傳聞：好似會將D食淨o既生果同涼粉recycle，你都o米話唔恐怖。真定假都好，B仔依然係B仔，都係咁唔憂做~~今日去開元朗玩，鬼死咁熱，下午茶時間去B仔食o左碗$25鮮什果涼粉消暑，另加一客$23芒果班戟。是日雖然唔係假期，但兩間舖都機乎坐滿。鮮什果涼粉雖然冇B仔涼粉咁大碗，但都已經好飽，大熱天時食真係唔錯。芒果班戟皮算薄，芒果都唔酸；另外仲見到B仔有隻士多啤梨班戟，成件都係紅色o既，賣相好嚇人，唔敢試。服務真係唔掂；今日見成間舖D侍應都係印/賓妹，連落單都唔識，唔掂o者~~

去呢間野度食過幾次都好難食，不知所謂，ｄ伙記態度差都死，岩岩食個次叫左個一ｄ都唔凍既芒果布甸，同埋淡到好似飲水既椰汁西米露，再加個ｄ湯丸都未軟身既擂沙湯丸．．．．．．以後都唔會去食！！！

我住左元朗都成十幾年，讀中學開始食，同"B仔"呢個名點得來都知，佢地由街邊木頭車做到而家有新、舊舖，由$25食到而家成$50，到近呢兩三年先完完全全冇幫親?，事關佢D野實在太污槽，就連最BASIC既糖水佢地都搞唔掂。最深刻一次，我同屋企人一齊食完個"B仔杏仁豆腐"之後，每人輪流痾左4次，自呢次後，我再冇幫親過。其實有去過舊舖既人，都知佢環境係有幾咁惡劣，唔關條大坑渠事，而係間舖本身既問題。見過好多次，如果D伙計落錯單既話，個碗糖水就會一直擺係度，直至有傻仔叫呢款野就拎埋去。SHIT!!之前係佢前D既角落頭位叫有間"四喜"，係由本地一D大酒店既DESERT廚師夾份開，我都去過好多次，我可以話佢D"楊枝甘露"全新界區冇人能及，而佢既"炸雪糕"同"火焰雪山"更加係鎮店之寶，不過好可惜呀，無機會再食啦，事關佢敵不過"B仔"最終都要關門大吉!我真係好唔明白，到左今時今日,都仲會有人特登搭車入去食？敢問一下大家，『佢有咩好呀?』去既人簡直係愚昧，比人蒙蔽左食D咁唔乾淨既野都唔知!

我成日覺得b仔涼粉就等如將d碎濕濕既生果放埋一齊賣俾人...每日慳唔少,d生果多就放落一碟度賣,又有錢收,又唔浪費,幾好,但我唔欣賞....