佳記甜品

营业中

休息中

黎b仔涼粉食,只係貪佢出名,同想食下生果,佢最好食既 我覺得係腸粉 因為夠滑本身佢d咖喱豬皮幾好味,魚蛋又有咬口(只要係厚皮果隻魚蛋都好難唔好食)辣得黎咖哩味好好味, 但近來一試 辣果隻魚蛋 比平日辣左好多,細心一睇先見佢落左辣椒 攪咩落左辣椒 完全兩回事...好喇 咁食個唔辣既魚蛋 豬皮喇點知 個味會怪怪地 食食下才發覺原來魚蛋好腥......唔知係咪轉左來貨定咩事.......下次都唔敢食.....好多人都食既辣雞翼尖,本人就覺得辣得唔好味,得個辣字,不過都見好多人食至於糖水方面 食左個b仔香蕉船 雪榚+新鮮生果都好難唔好食@@至於佢有既糖水我好多都食過,芝麻糊湯圓,鮮果黑珍珠,木瓜雪耳,西米露等等都未見突出,普普通通...至於衛生方面 都幾差 只要你坐響度望一望四周就已經見到環境......幾dirty....最緊要既服務態度 ,無論係外賣定堂食 d人都唔係好想應你 一個唔休做既樣長期都係咁

慕名而來的你一定失望甜品款式有很多，但所謂最有特式的B仔涼粉原來都只因為一個「大」字環境坐都不舒適，侍應毫無態度可言…未試過的話，絕不是你的損失…

昨晚來了這裏食甜品,我們四人叫了咖喱魚蛋,腸粉,雞亦尖,每人一碗糖水,芒菓杏仁豆腐,椰汁紫米露,湯丸加腐竹湯水,腸粉加了很多醬,好味,咖喱魚蛋好入味,但不是太辣,是細粒彈牙的魚蛋,雞亦尖酸酸辣辣好好味,我叫的湯丸加腐竹湯水都好味,湯丸有四粒是芝麻味的,好味,腐竹湯水不會太甜.

個個都話出名+好食食完之後,,,睇表情就知其實已經食左好多次...已經次次都點唔同既野但係...1.服務差2.有好多野自己整仲好食過佢3.普通+做野咩都求其是但4.入到個廚房就知咩事...我都唔知講咩好總之好難頂

試過好出名既B仔涼粉, 份量多到嚇死人, 我同我男友一人分佐4小碗先吃完~~~~~ 賣相好OK, 生果種類很多, 好colorful, 非常吸引, 但食落就....................................... 基本上所有生果都係罐頭既, 甜味全不來自罐頭糖水..... 只有西瓜, 香蕉, 密瓜同哈密瓜係新鮮既.... 好失望.....以份量來說係好抵, 但味道就真係....

入到元朗...老豆話事食乜...佢竟然話要食b 仔涼粉都好啦, 因為之後仲有盛大既盤菜宴...既然佢未食過就去下啦~ =)佢想試b 仔涼粉, 但係得我地兩個人...點食?所以佢想叫芒果涼粉, 我諗諗下, 都係唔好啦...死就死啦, b 仔就b 仔...食唔晒最多拎走! 最尾兩個人叫左一個b 仔涼粉, 一碟雞翼尖, 一碟腸粉雞翼尖檯檯都嗌, 真係几正, 辣辣地, 又夠淋...不過油左d腸粉比一般街買既幼d, 不過几滑之後見到人地叫左一大碟魚蛋...唔通好好味?!所以又叫多串魚蛋...哈哈哈...飽到上心口...老爸想試既主角, b 仔涼粉, 我之前都食過基本上得個大字...一d 都唔特別, 涼粉麻麻, 又唔夠凍生果好多都係罐頭生果, 木瓜一d 味都無...係得蜜瓜好食d...黎佳記覺得好食既竟然唔係糖水, 而係d 小食...哈哈...

B仔既甜品糖水唔可以話好好味，但每次黎親元朗都會黎 B仔食糖水。B仔就好似一個必到既元朗景點甘。呢度既B仔涼粉真係好大碗，無四五個人真係食唔晒。我就最鍾意食B仔船，個雲尼拿雪糕球好香滑，大樹菠蘿好味。榴槤布丁既布丁味道太淡，唔好食。榴槤糯米卷會較好食。燉奶香滑，值得試下。麥提沙糯米糍味道唔 match，麻麻地。其他食物都係一般般。

佳記的喊面越來越多,服務的確很差D阿姐服務態度係零,縱使如此,它仍有些令人欲罷不能的出品, 就如今日心血來潮想食甜品,咁啱行過就入去點了一個"芒果西米撈",在無乜期望下竟然有驚喜,西米撈由芒果加碎冰打成的芒果汁加入適量的西米,入口鮮甜透心涼,加上成十粒的方型的芒果肉,十分足料,而芒果亦非常鮮甜佳記的確有十樣都有七樣差,但剩下個三樣事實又真係幾吸引,所以到今時今日有咁嘅服務仍生意興隆,真係服咗佢

問題(一) 叫腸粉話明走芝麻走辣醬走花生醬, 但係一黎到就靜係走左花生醬之外咩都有齊, 咁我指係拎起個竹籤一下炸, 我就叫左個亞姐黎換, 佢就好惡咁問我, 有冇食過呀? 我就話緊係冇啦, 有我唔鐘意既醬0係度, 之後佢就同我講(惡到爆既態度): 下次你要換就唔好搞入動既野 !!! 嬲到我爆呀, 明明係你地d人寫錯野都仲可以聲大大咁話番我地轉頭, 問題(二) 我讀書個時, 佢既生果全部都用新鮮既, 唔知點解愈搞愈衰, 而家仲用埋罐頭生果問題(三) d 糖水唔係你想像之中咁好食

我以前都有食開, 算係不過不失. 前幾日卻因為發生左件事, 搞到非常不快.當晚我去叫左碗清補涼堂食. 食到半路竟然發現碗糖水入面有條吋半長的鬈毛, 無錯, 係"鬈毛"! 我相信呢條會係人既體毛......我覺得好噁心. 於是我即是叫侍應妹妹過黎, 話佢知呢件事, 佢用隻匙搞左碗糖水一陣, 搵到條毛之後就好嬲咁同我講"點會有毛架!"然後就成碗糖水囉走左, 搞到好似我做錯事咁. 之後佢又俾過一碗清補涼我, 中間一句道歉都無, 我見到碗野都無胃口啦. 於是埋單走人. 我想話, 間舖既服務非常差囉. 加埋食物入面有條毛, 食完真係又噁心又受氣.

特登入唻食左出名的b 仔涼粉...一碗$57但係好失望,佢係好大碗好多生果但好多都係罐頭生果罐頭生果多過涼粉一d 都唔好食都唔明點解會咁出名!!!!

上2個星期熱辣辣去到元朗本來o係openrice度見到一個食台式想試 但係搵唔到行行下行左去佳記 又有小食又有甜品 正腸粉 腸仔 魚蛋 一般~"老"水chicken wing~太勁八角味,唔係太喜歡湯圓凍椰汁紫米露,可能d熱湯圓放入d凍紫米,所以d皮好煙Q~好正~好似仲有5粒芒果糯米糍~芒果甜~正地方大,有冷氣~加埋天時暑熱真係好o岩黎食

有時候去開元朗，想吃甜品也會去佳記。小時候的我，第一次見到B仔涼粉很有驚喜，對我來說是很大份的甜品，七彩繽紛，什麼生果也有：西瓜、哈蜜瓜、蜜瓜、蜜桃、木瓜、菠蘿、大樹菠蘿等等；現在的B仔涼粉對雖然比從前加了數元至$55，但仍然很大份，可是感覺上比從前的很不同，生果有新鮮的，也有罐頭的，可是新鮮的也不知道冷藏了多久了。如果有三四個人一齊吃已經好足夠。腸粉豬皮咖喱魚蛋跟出面街檔沒有什麼分別，腸粉滑，豬皮不太硬身，可以叫做值得吃的食品。可是大坑渠側這佳記的侍應服務態度有點差！叫甜品時叫極都無人來似的，如果多人時情況更嚴重。衛生須是一般，可能隔壁的大坑渠異味影響了整個感覺吧。甜品雖然比以前是多了很多款，如芒果腸粉等新奇名字，可是如果他們的服務態度好一點，重質不重量的話，我想一定沒有那麼多的「喊包面」佳記是元朗最出名的糖水鋪？只怕風光不再吧！

不久前才在分店寫下一個笑臉的食評一直覺得食b仔不是食服務的因此店員肯慢慢幫我落單已經可以俾5分佢但係...................有一天我同姐姐和另一位朋友到這裡吃甜品都係叫左西米露黑糯米gor d一貫水準啦~幾好之後再嗌左10蚊腸粉+三條腸仔+5蚊魚蛋一放碟野落黎已經覺得有d唔妥有d隔離條大坑渠既味我就諗:應該係自己心理作用姐點知吉起條腸黎食再聞下d臭味的而且確係由d腸仔傳出唔通用坑渠水洗腸仔??之後我地停哂手同左個店員講d腸仔好臭佢...........佢....佢竟然話:邊度臭?不知幾香!隔離台都食左四碟啦~d人口臭咋卦!作為一名消費者俾錢黎食野仲要俾你咁樣串法真係...................完全不能夠接1!!!!!!!!!!!!!!!!!!唔單止咁佢重要行黎行去不停咁樣重複以上既說話好似要俾全間店聽到咁實在太太太太過分!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!以後見到呢位阿姐我都唔會再踏入b仔門口一步!!!!!!!!!!!!!!!!!!!!!!!!!!!!!!!!!!!!!!!!!!

咁啱有事入開元朗, 天時暑熱, 正好黎個甜品消消暑出出火. 久聞B仔涼粉大名, 點會唔黎試一試?唔使睇menu, 二話不說叫左個B仔涼粉三份食. 有相為證, 真係幾大盆, 有齊多種生果: 大樹菠蘿、酉瓜、龍眼、蜜瓜、奇異果等等, 涼粉梗係唔少得啦. D生果都算幾新鮮, 不過又未到一試難忘既地步.聽好多網友講昵度已大不如前了, 唔通名氣真係會拖抵質素? 我個人覺得還ok, 如果再入元朗都會再食, 不過要特登山長水遠走黎試既朋友真係要諗諗