佳芳廚房

营业中

休息中

深水埗新開咗呢間家常小菜餐廳🫶🏻環境光猛企理 菜式選擇好多 有多款蒸飯套餐 又有養生燉湯、餃子、點心之類 仲可以預訂私房菜價錢好親民 味道好有家嘅感覺 不花巧但足料新鮮蒸餃配每日燉湯餐 $88呢個係養生之選 可以自選一款八隻嘅蒸餃 我揀左雲耳馬蹄鮮肉餃 餃子好大隻 外皮薄 但有啲煙韌 內餡好多菜好爽脆 簡單得來亦幾好味 套餐跟一盅燉湯 湯嘅款式都係每日唔同星期日就係花膠燉湯 用烏雞 龍眼 紅棗等等燉成 飲落好甘甜 非常滋補足料 蒸肉餅套餐 $55 （跟白飯例湯）老闆娘介紹肉餅係用新鮮豬肉 無加雞粉食落口感真係有啲唔同 唔係嗰啲落左好多梳打粉鬆肉粉嘅肉餅 食落紮實 係啖啖肉味道唔會太鹹 清蒸加啲豉油 好岩撈飯😌香煎黃金糕 $18最後嗌多咗呢款點心 煎到金黃色👍🏻外皮脆脆地 蜂巢質地好有咬口 甜甜地 做甜品就啱啱好啦

同友人到訪這家店，芳姐友善待客貼心招待，非常有人情味嘅店家👍🏽 點咗小米糭，芫茜蒸餃，同兩個烏雞燉湯。先到烏雞燉湯，材料足，藥材味濃，少鹹，無味精，鍾意養生嘅朋友必點，但藥材口味唔係小妹最愛😝第一次試小米糭，唔算大隻，小米無糯米咁黏，所以比較易散開，口感柔軟，鹹豬肉好惹味，味道出色👍🏽芫茜豬肉餃味道鮮味，餃皮滑而煙韌，芫茜香味好清新，食得出係現包即蒸，絕對唔係預製菜嘅口味👍🏽但同行友人有少少投訴，因為暑期工弟弟丟籠芫茜餃落枱令佢不悅，如可以改善返感覺會好好多💪🏽💪🏽

私房菜每人收$280 一位，其實菜單睇落都好普通，我就以為味道好好啦，點知啲餸好業餘，好普通。鹽焗雞又唔夠滑又唔夠味，勝瓜蒸蝦滑淡到以為自己食緊醫院餐…..蒸扇貝只可叫做一般，味道完全冇特色。手剁肉餅又係，大把人整得好食過佢，又唔夠熱。個功夫白肉係好似韓國啲蒸五花肉，但佢最初唔記得比個汁得地，所以味道勁淡😓仲有個荷塘月色勁求其同唔吸引，將啲蓮藕，紅蘿蔔，荷蘭豆炒埋一碟。所有野都成本勁低同埋唔值呢個價囉！最後個燉蛋蒸到起晒水泡又出水仲好意思拎比人食😓呢間野平平地食個兩餸飯或者點心可能ok gei 但私房菜menu 真係唔值！

我係深水埗街坊，住咗1年幾，成為咗我嘅飯堂。我認為佳芳廚房係全深水埗區最underrated 嘅平民餐廳，有禾桿冚珍珠嘅感覺，表面上同普通一間餐廳一樣，但食落就知好唔同，食材係新鮮嘅，唔用味精，係食得出嘅，因為食完唔會口苦鼻苦想飲水，的確係健康同平價之選。餐廳招牌菜式係皇帝粥（皮蛋瘦肉粥足料版本）+每日不同款嘅足料燉湯，但我個人更加喜歡食點心，食得出唔係預製，例如鳳爪亦有新鮮南瓜托底，balance 到啲汁嘅鹹味，仲有老闆家鄉菜式茂名撈粉，平時少見，用生蒜+熟蒜+橄欖油+豉油嘅配搭令我有一排食到上癮。門口同普通餐廳完全冇分別，令你以為佢只係yet another 嘅茶餐廳之類，價錢都會令你誤會食物水準，例如一客飯+湯+菜賣$68，如果呢個質素放喺銅鑼灣／旺角，我覺得比到$98都唔過份，係深水埗價格，做到非常好的性價比，最重要係食得健康。呢度係熟客為主，基本上我隔幾日就會來食，老闆娘亦儲緊熟客，雖然作為街坊都唔想自己個食堂出名，但老闆娘係今時今日呢個飲食業狀況仍然肯有心做飲食，我覺得係值得支持嘅。

買完六合彩！有少少肚餓見到佳芳厨房有下午茶餐好抵食又啱胃口😋係門口亞姐又好熱情咁招呼我地🥰 所以叫咗兩份下午茶餐：肉絲炒米粉一啲都唔鹹配菜料足😋炸花生都比好多配三隻湯餃👍湯頭清甜而無放味精！湯餃皮薄！下午茶餐：全家福蒸餃芫荽鮮肉餃拼粟米鮮肉餃皮薄料多好食！睇出用心製作總括：絕對係抵食下午茶餐👍👍

太幸福了！剛好遇上有新菜式 - 銀魚仔肉碎蒸水蛋, 蛋蒸得好滑, 入口即走入喉嚨！哈哈！七種材料煲嘅湯(扁豆、赤小豆、粉葛、雞、五指毛桃、豬骨及紅蘿蔔), 出街食應該冇咁多料吧！一人前附上大大碟菜！單身狗都可以有住家飯感覺！大滿足喔~

深水埗街坊真幸福，有無味精無添加住家飯食，講緊就係呢間「佳芳廚房」，餐廳主打養生燉湯、早菜點心、住家飯、蒸魚套餐，重點係無味精夠曬健康。香煎蓮藕餅配蛋跟配燉湯一碗：賣相好有住家味，首先蓮藕餅一定會係不同形狀，證明係自家製，豬肉絞得特別細幼，有咬口之餘又好鬆化，仲帶有蓮藕粒的爽脆口感，煎蛋都加上適量豉油，佐飯一流。燉湯是佛手瓜紅蘿蔔海底椰湯味道清潤，有潤肺和中、理氣止咳的作用，適合現時乍暖還寒的天氣，有增強免疫系統的功效，而且好入味。南乳豬手麵：豬手炆至軟焾，可以補補骨膠原，充滿膠質，輕微南乳味，不會過咸。麵條爽彈沒什有過多的鹼水味，口感好順滑，抵食。套餐跟四隻蒸韮菜餃：外皮好煙韌，餡料豐富鮮味十足，肉汁滿溢，搭配自家製麻辣醬和辣椒油，風味十足，好惹味。涼拌皮蛋：充滿清爽香辣，酸醋好開胃，皮蛋呈唐心效果，好正呀，酸酸辣辣。熱奶茶☕️：茶底完全唔苦澀配合香滑淡奶，入口順滑。總結：燉湯出色 一定要飲養生無味精住家餸

深水埗(佳芳廚房)標明無味精，無添加劑，真材實料健康住家餸。早茶點心八折優惠❣️蒸餃配每日燉湯💥韭菜蒸餃外皮柔韌，餡料鮮香可口。韭菜的清香與肉餡的鮮嫰，每一口都充滿了滋味，肉汁四溢，搭配秘製辣椒油，更添惹味yummy💥野生虎乳菌靈芝湯湯色清澈，香氣撲鼻，口感滑潤，配上野生虎乳菌、野生靈芝、烏雞、龍眼肉和豬展肉....等多款精美食材。靈芝的微甘與虎乳菌的甘甜互相交融，飲後感覺清新舒暢，適合秋冬季節飲用，滋補又健康❣️御五品粥(星期五、六供應)粥底綿滑順，配上梅頭肉/豉/皮蛋/咸蛋豐富材料。皮蛋帶來微微鹹，咸蛋增添濃郁，梅頭肉鬆鬆軟入味，熬夜下虚火之選，食得出暖暖家的味道❣️鮮蝦腐皮卷外皮香脆，內饀真材實料，原隻鮮蝦肉質鮮味，鮮嫩多汁與腐皮的荳香溶和一起

老闆娘係門口不停熱情招呼客人入去食吓冇味精冇雞粉住家餸坐低見到只係（星期五六供應）的御五品粥，號稱乾隆皇帝粥，用一個白色燉盅盛住，打開蓋見到材料有蠔豉，瘦肉，皮蛋，鹹蛋，口感黏稠軟綿套餐：青菜鮮肉餃面（4隻）韭菜鮮肉餃皮薄餡大豆奶是低糖豆漿，幾好飲👍健康小米粽老闆娘推薦了小米粽，看上去與一般粽子無異，但其實吃起來有一點不太一樣， 小米的口感比一般糯米更加細緻Q彈，而且小米更健康，也較容易消化香煎龜苓膏2件龜苓膏食得多，煎龜苓膏人生第一次食，口感滑嫩、漆黑如墨，煎完之後除咗本身甘甘苦苦味之外又加多左一點焦香

喺九龍深水荔枝角道，有間街坊廚房最近吸引咗唔少食客。呢間餐廳以親民價格同埋家常菜聞名，特別適合想食地道美食嘅人。老闆仲特別話俾我哋聽，佢哋嘅菜冇落味精，真係好有誠意！以下就嚟講講我試過嘅幾款招牌菜。首先試咗$58走地焗雞飯，真係好好味！雞肉嫩滑，飯粒吸咗雞肉嘅鮮汁，香味四溢。焗完之後，雞皮脆脆，肉質又保持咗原汁原味。配上五指毛桃湯，湯底清爽，仲有一陣淡淡嘅甜味，飲落去好解膩，令餐點更加平衡。再講講$68豉汁蒸黃立倉，呢道菜真係令人驚喜！蒸嘅時候，魚肉嘅鮮味完全保留，豉汁嘅香氣更加提升咗味道。魚肉滑嫩，配合特製豉汁，食落去忍唔住想再叫多一份。海鮮愛好者一定要試下！最後，$52韭菜鮮肉蒸餃都唔可以錯過。餃子皮薄而韌，內餡有鮮肉同韭菜，味道好和諧，咬落去汁液四溢，香氣撲鼻。每一口都好新鮮，食完真係令人有好心情。整體嚟講，呢間街坊廚房高性價比，加上地道味道，真係贏得咗唔少食客嘅心。老闆堅持冇落味精，令到每道菜都保持咗食材本身嘅鮮味。如果你喺深水埗一帶，記得親自嚟試下呢啲美食！

餐佳芳廚房 深水埗街坊最愛！暖笠笠支竹羊腩煲＋鮮肉餃面 深水埗 喺深水埗搵到間隱世好味嘅街坊小店——「佳芳廚房」！🍲 天氣凍凍哋，最啱食佢哋嘅 支竹羊腩煲（$88），羊肉燜得夠腍，蘿蔔 馬蹄吸晒啲精華，湯底濃郁到不得了！ 仲有 鮮肉餃面（$68），韭菜鮮肉餃皮薄餡多，配埋一碟青菜，夠晒滿足～ 呢度嘅價錢親民，味道又夠地道，絕對係街坊飯堂之選！👏 #佳芳廚房 #深水埗美食 #支竹羊腩煲 #鮮肉餃面 #街坊飯堂 #香港美食 #暖笠笠 #食好西 #香港小店 #foodiehk

做咗街坊咁耐，而家先至知有間佳芳廚房😂原來有得飲下早茶😆老闆娘都好親切招待🫡平時啲人問我深水埗有咩食，其實我都唔係好答到😂都係朋友介紹返俾我聽深水埗有咩食😆茂名撈粉係淋上香油醬油蒜頭🧄的河粉，看上去簡單的撈粉，但入口超香口，如果用更滑身啲既河粉就更好了😆金麥流沙包個包樣同平時食果啲款好唔同👀外表其貌不揚，但入面既流沙餡就有少少驚喜既係幾有鹹蛋黃香😂香煎蓮藕餅賣相好有家的味道👀絞得香滑的豬肉加蓮藕，咬落鬆化又不失蓮藕的爽脆口感蘿蔔糕&芋頭糕正常發揮香煎小吃，蘿蔔糕很柔軟，芋頭糕比較有咬口😆紅糖發糕看上去有點像馬拉糕，但外面很光滑，吃下去帶有一點煙靭又鬆軟的口感，又有點像帶紅糖香的白糖糕😆還不錯健康小米粽還是第一次吃小米做的糭，相對傳統的糯米糭，是比較健康養胃的配搭！吃起來也有點糯米糭黏黏糯糯的口感👀要試要試～仲有個燒賣唔記得影😆大大粒架！好有肉！傳說中的皇帝粥星期五六才有的，據說是清朝御廚流傳落黎😆有機會再去試

佳芳轉左新鋪，新鋪頭又大又舒適，佢地未搬前已經成日到訪，就算住港島都會專登過黎，朋友新左bb, 今朝一早即刻去搵佳芳，佳芳老闆分享左好多生仔後點樣補身，產后食d咩最好😍😍😍買左燉湯俾生完bb既朋友，再買左同豬腳薑，芋頭糕，蘿白糕，南乳豬手俾同事食自己就食左蒸餃同糕，全部都100分，勁好食，係香港仲食到咁好食有又無味精既野，真係買少見少，要好好珍惜之前食過既款式🙂燉湯之後都有飲過幾款，真材實料🙂皇帝粥，4小時13個工序煮成，食過一次，但只得星期五，六供應，真正係可遇不可求😉小米粽岩晒唔可以食糯米但又有棕引既朋友😁蘿蔔糕同芋頭糕，真係每次黎都一定會點，芋頭同蘿白都好慷慨，唔係只食到成口粉，平靚正下次諗住試黃酒煮雞😲😲😲

足料，夠火候肉淋粥綿味適中！老板娘介紹話呢粥食譜來自清朝御廚傳落來，用時用心還很講究用料！用最嫩的梅頭肉放表面，不會影響肉質口感，粥綿綿軟軟入口即化，好好味，回味中！

在門口看了一陣，老闆娘親自介紹，笑容很好，所以便入去試一試唔使等好耐食物就到齊曬韭菜餃子爆汁豬手撈麵：豬手夠稔、醬汁都好惹味服務態度也很好地方都好整潔支持下小店 👍🏻👍🏻