佳美去骨海南雞 (已結業)

I went to this restaurant to try Hainanese Chicken Rice. I was really disappointed!Entering the store, I don't know if the air conditioner is broken, and I feel cramped and want to leave immediately. But because there is not even a "bad" food review, it should taste good, so just try it.Ordered a Hainanese chicken rice with a bowl of soup, HK$48. When I drank the soup for the first time, I really thought I was drinking salt water with only a little chicken taste. After two sips, I can't drink an

每日收工，經過深水埗，又想試吓食雞飯，於是OpenRice search左呢間，見評語都不差就試吓啦，入到去好似一個酒吧嘅隔局咁，都聞到陣酒吧味，我去到都差唔多成8:00 ，唔知係咪就嚟收檔，樓面得一個人，點餐及上餐速度當然係有啲耐，跟住我後邊有兩個客人想叫啲食物都話賣晒，咁我當然叫雞飯食啦個半菜係菜心，我好鍾意食，比起平時食嗰啲海南雞套餐，用青瓜半碟我根本就唔會食，雞嘅味道同口感都唔錯嘅，不過成個食評都拎唔到我嘅好評，因為佢個地區係深水埗，呢個飯賣$48梗係唔抵食啦

下午時間經過深水埗唔知食乜好，行經福華街見到呢間海南雞店入去試下。入到去唔使等位坐低叫呢度招牌海南雞飯先。首先送一碗冬瓜湯先，個湯好消暑解渴但湯面有少少油膩，飲落少少鹹及有少少胡椒味，有D特别。海南雞飯終於到了，原來呢度雞飯配埋菜心，雞嘅份量都不少，佢的特色醬汁配埋D雞都幾好，海南雞飯D飯係嘅油飯，飯粒都ok不會係淋飯。另外叫左杯青檸蜜梳打解下喝，估唔到杯野都幾好飲！青檸味清新加埋蜜糖既甜味又中和左青檸D酸味。good

同朋友去深水埗行吓街肚餓，就決定搵啲嘢食大家都知道深水埗最多平民美食，鍾意食好嘢嘅我一定唔會放過每一個機會。今次就去咗呢間海南雞飯餐廳入到去裝修格局好親民，餐牌上嘅都係普通茶餐廳嘅價錢，但就可以食到高質嘅海南雞真係好抵咁我就叫左佢嘅招牌海南雞拼安格斯牛肉飯，真係估唔到呢個配搭一次過可以食晒兩種好野個飯仲附送青木瓜沙律同埋餐湯添嚟到嘅時候超大碟，估唔到咁嘅價錢都仲可以比到六大舊啖啖肉嘅海南雞，另一邊仲有勁大量嘅安格斯牛肉，真係淨係食餸都飽啊跟埋嘅青木瓜沙律都好正，撈埋飯一齊食酸酸地，幾爽口配飯一流仲有佢秘製嘅海南雞醬，雖然唔係平時嘅三種，但都係超級正，配雞配飯食到一流。另外讚一讚佢嘅湯，食得出係真材實料，絕對唔係茶餐廳嘅味精例湯。當然仲嗌左招牌嘅青檸梳打，味道當然好食完個咁抵嘅海南雞飯又係時候繼續行街啦

收工買外賣，又岻試新野！係深水埗呢間開左唔係好耐既海南雞飯好評如潮，就等我試下佢既真偽！限聚令下六點後，街上都是冷冷清清的餐廳，唔問真係以為佢已經關左門！招牌去骨海南雞飯跟埋個湯$48講雞先喇好冇？雞肉唔係超級滑個隻，不過雞味濃！！真係唔錯！而且跟既果個汁好好味！買飯跟埋個湯，有粟米、冬瓜，清清地好飲！呢個外賣算抵食，下次想食雞既時候又多一個選擇喇！好一句無雞不成宴！我記住你！IG : f.nbreak

佳美海南雞喺 深水埗福華街的排檔裏面， 呢日出開深水埗， 見肚餓就隨便點指兵兵入咗去買外賣番屋企食。香茅豬扒飯48 配青木瓜沙律食港式茶餐廳的碟頭飯 ， 最喜歡就係送埋例湯， 呢度嘅例湯當然係有海南雞雞骨煲出嚟， 去埋冬瓜一齊煲清甜得黎帶雞味， 最重要係隔油隔得清， 唔會肥冧冧。香茅豬扒飯 即叫即炸， 餐牌上高都寫咗要等大概八分鐘左右。 一打開個飯盒見到兩大塊豬扒喺飯上高， 心諗一個女仔點食得曬。 好彩仲可以跟青木瓜沙律有少少纖維唔怕 淨係食肉。 豬扒醃得夠味，厚得呢唔會硬柴柴， 而且都幾juicy唔會太乾身。 飯係雞油飯， 有少少雞油香， 小店嚟講出品的確幾出色。半隻海南雞80既然黎得海南雞飯店，當然要叫番半隻海南雞夜晚做餸。海南雞賣相幾靚仔 ，份量也不少，海南雞咬落皮爽肉滑， 雞肉已經去骨, 皮下冇乜脂肪tim. 80蚊黎講的確幾唔錯。

放工食飯，無得堂食唯有買啲野返，行過見外賣有9折，入去買2盒飯返去食！叫得佳美海南雞，緊係主打雞類！當然要買返同雞有關嘅試。飯類會有埋菜/青木瓜絲沙律送，主要有8種揀。其他係沙律、米線、喇沙、小食。附送冬瓜粟米豬骨湯，返到去先知原來仲有2盒湯送。濕下口都幾好。仲有舊冬瓜同豬骨食添。招牌去骨海南雞，海南雞份量都幾多，雞肉好嫩，全部去晒骨，好方便。雞油飯好香，唔算太油。另外仲有菜芯跟埋，40蚊左右都幾抵食！另一個係川味去骨口水雞飯，辣度十足！好惹味！雞嘅份量比海南雞再多啲！底下仲有青瓜，有啲似拍青瓜。雞肉一樣好嫩又入味！送飯一流！2盒加埋唔洗$100！抵食！

是晚又黎到深水埗呢個平民美食區👯‍♂️行逛之下經過呢間去骨海南雞 🐣.🍚招牌去骨海南雞拼安格斯牛肉飯（$75）估唔到一碟泰式碟頭飯會有兩款配菜選擇🤳🏻小編朋友揀咗青木瓜沙律 酸酸地帶點微辣🌶無骨海南雞好嫩滑再加咗個惹味牛肉🥩再配多個流心太陽蛋👍🏻.🍜招牌去骨海南雞喇沙（$55） 去骨海南雞都係啖啖肉🐥喇沙味都幾濃郁 配上米線 調教到比較港式風味不錯的🤔.另外仲order左兩杯梳打🍹佳美梳打 好奇一試之下原來係芒果梳打🥭青檸蜜糖梳打 蜜糖味道好出好滋潤👍🏻

講起食海南雞飯一定要提呢一間佳美海南雞飯，本身諗住都係普普通通嘅海南雞飯，點知都幾有驚喜嗰日同friend晏晝諗唔到食乜，行過旺角就見到依間海南雞飯唔使等位就入咗去，點知價錢有幾抵食仲要送埋菜，雞嘅份量勁大份，真係啖啖肉去買骨配埋海南雞飯嘅特色醬汁真係超正好夾仲有配埋海南雞飯嘅油飯，飯粒夠香配埋酸酸甜甜嘅醬汁同埋無骨嘅海南雞真係好正，如果大家都鍾意食海南雞飯一定唔可以錯過依一間，除咗海南雞飯之外仲有配菜有埋新鮮嘅蔬菜，唔會淨係食肉咁掛最後飲埋個足料嘅雞湯真係非常完美，餐廳坐得幾舒服又大間座位又寬闊唔會坐得好辛苦，重點係CP值真係好高值得一試

佳美海南雞喺深水埗黃金商場排檔隔離， 小店著實唔起眼，但一條友買飯番屋企食，又唔係下下要食大飯店，呢d小店就係我最鍾意食。星級香燒安格斯牛肉飯65 配雞油灼菜餐廳菜式唔算多行貴精不貴多的路線 ，午餐價位都唔貴。星級香燒安格斯牛肉飯， 牛肉肉味濃， 帶少少辣， 勁惹味。 最不得不提的是 由於餐廳是做海南雞， 白飯已經自動轉為雞油飯， 帶著淡淡雞油香味。 另外配菜可以揀青瓜沙律或雞油灼菜， 我揀了後者， 要讚的是 ，即使拎到返屋企，菜心都唔會過黃過老。半隻海南雞80另外叫了半隻去骨海南雞，雞肉嫩滑脂肪少，，皮嫩肉爽滑， 啖啖肉， 小店出品 ， 絕對不會比大連鎖店遜色 。

海南雞起源於海南，自20世紀初海南人移民到馬來西亞同新加坡等地，並將佢發揚光大🌟出哂名價廉物美嘅深水埗，竟然俾悲傷小姐揾到一間專門店😍💗老火雞湯跟餐送一碗例湯，𥚃面有雞腳同冬瓜，好適合係夏天飲，消暑解渴🍲湯面清澈唔油膩，飲落偏鹹，有少少胡椒味🤔雞腳冇煲到溶溶爛爛，口感軟腍有少少彈性。💗招牌去骨海南雞飯($48)滑溜溜嘅雞皮厚薄度適中，與雞肉之間夾雜著一層啫喱狀嘅膠原蛋白，雞肉肉質超級軟嫩，就算雞胸都唔嚡，而且唔會好肥。食落肉味香濃，最緊要冇雪味🐥可以點旁邊嘅蒜蓉醬同酸辣醬，可惜冇咗甜甜地黑豉油😭雞油飯粒粒粒分明，唔會油膩，不過欠缺香茅味🍚💗香葉肉碎煎蛋飯($48)毫不吝嗇咁俾咗1/3碟豬肉碎🐷而且唔會剁到碎哂，一粒粒咁仲有咬口，食落唔乾帶少少肉汁，鹹香微辣夠哂入味🌶仲加咗爽口嘅豆角粒同九層塔，特別香口🌿旁邊仲有隻煎到燶邊嘅太陽蛋，流心蛋黃攞嚟撈飯真係一流🍳套餐免費配咗雞油灼菜，菜心翠綠爽脆，雞油香令蔬菜更加清甜🥬

住新界，平時好少出9龍，甘岩前幾日去開深水埗探朋友，失業既關係食唔到啲咩大餐，於是佢帶我黎呢間賣海南雞飯既舖頭食飯，話又平又好食。地點都好就腳，係正深水埗地鐵站口附近，夠晒易搵。門口同舖內睇落都好整齊企理。餐牌方面，話明食海南雞當然係貴精不貴多~我點左呢度既招牌去骨海南雞飯配油菜，另外會送埋老火雞湯。個湯入面用料好足，真係有隻雞腳架而且做得招牌菜，梗係好食。事實上都無令我失望。雞肉好嫩，入口好滑，而且肉同雞皮中間仲有層薄薄既油層果然係舖頭招牌菜。飯既份量都好足夠，食一碟都飽飽。呢個用黎點雞既醬都好好出色，我用1晒黎撈飯食!

同阿妹去深水埗買電器，諗住呢邊多野食食埋個晏先返去～～平時深水埗食開車仔麵或者豬膶麵，但係今日咁啱兩個都唔想食，揀咗一間食海南雞嘅舖頭🤪嗌咗一個海南雞燒牛肉飯，呢度嘅海南雞真係唔錯，夠晒嫩滑，都好新鮮，另外呢個燒牛肉帶少少辣，食落好惹味，撈飯啱哂~ 呢度嘅海南雞完全係可以encore！跟餐佢仲會送埋個湯，仲有飲品，加錢可以轉滴漏咖啡，咖啡味好濃郁然後另外叫多咗一個豬扒青木瓜沙律，青木瓜超級爽口，辣辣地好正！夏天食一流

深水埗一向多野食，好耐冇食過海南雞飯，見到間食無骨海南雞既餐廳，唔使諗，一於食呢間！呢度嘅招牌海南雞飯$48就有交易，仲配埋菜或者青木瓜沙律，仲送老火雞湯一碗上菜既時候真係嚇咗一跳，份量比我預期中既多好多，雞肉好滑，個油飯都幾香，認真抵食！而且仲有配菜揀，可以揀油菜或者青木瓜沙律，我就揀左菜！另外仲叫左個星級安格斯牛肉，牛味都幾香，仲有d洋蔥絲好正最後叫埋杯佳美梳打解解渴，非常滿足！總括黎講抵食夾大件！

喺香港打正旗號食海南雞飯嘅舖頭，一般都有返咁上下水準，最近食過一間係深水埗嘅，門面較為地道，唔似平時嘅海南雞飯連鎖店，之但係都唔錯，我比較喜歡佢嘅醬料，嫩滑嘅雞肉點一點，好夾。仲有點左個生菜包，估唔到佢個生菜包都幾有泰國風味，炒得夠乾身，咁啱個廚仲走咗出嚟，就表達一下幾好食，炒得好乾身，然後佢竟然同我分享點樣可以喺屋企炒，大火細火都可以炒到，仲俾咗啲秘訣我添🤪除左海南雞， 原來香茅豬扒都ok，醃得好味又唔乾。