佳美去骨海南雞 (已結業)

今日陪男朋友去深水埗買野 去到黃金 就唸住係附近食晚飯算了 咁岩見到呢間 發現原來係深水埗新開既海南雞飯店～見價錢唔貴 就試左了。輕盈去骨海南雞喇沙 $40喇沙幾好 椰香味足夠 飲落椰奶順滑 但食多左會有啲咸 不過佢加$4有杯野飲 我叫左熱菜蜜 飲完再食👍🏻 米線已經索曬啲湯汁 好入味🥰 唔會好辣！ 啲雞好滑！招牌去骨海南雞飯 $48雞都係好滑 又唔會有骨 岩曬懶人同食肉獸既人啊😍 佢既汁都好惹味👍🏻👍🏻 比較重蒜蓉味 好正😌 另一個係薑蓉來的～總括好平同抵食！

無雞不成宴🤣🤣， 咁就食餐有雞飯，開心吓，仲要去骨架～～～～呢間位於深水埗比較地道嘅餐廳，同埋佢近地鐵站😂招牌去骨海南雞全髀🍗飯（$62）- 雞髀真係好嫩滑，一口咬落去有雞油香味。 油飯就軟硬適中，有少少雞油香，但唔好太膩。夏天食海南雞飯都幾好。 伴碟菜就揀左青木瓜沙律。 另外最近優惠：飯餐仲附送老火雞湯😋星級香燒安格斯牛肉喇沙（$72）- 估唔到呢度有安格斯牛肉食，喇沙湯好香，份量都幾多。泰式生菜包 （$48）- 清甜爽脆的生菜夾住肉同配料，味道好清新。 台式濾掛古坑咖啡 （跟餐+$10） -貪玩又想試下，都幾香咖啡味泰式青檸蜜（跟餐+$10）整體來講我覺幾抵食，去骨海南雞飯係首選！

放工唔洗食咩好, 去左福華街果頭買飯, 見到夜晚仲有全日供應既下午茶, 好抵喎! 所以就買個外賣番屋企食啦!!原來正價menu仲有配菜, 同埋湯, 都係48蚊, 買左個海南雞飯, 同埋個香茅豬排飯,,都係96蚊!盒飯都幾鬼大盒, 同埋都幾多餸, 我一個女仔係食唔晒既, 男仔就夠哂！海南雞無骨, 好滑, 加埋酸辣汁仲惹味, 油飯唔係太油不過好夠香, 好好食!香茅豬排係即叫即煎, 好食, 配菜個木瓜沙律辣辣地好開胃!平靚正又抵食! !!!

有時食海南雞飯又怕太飽，就想配粉麵。呢度有海南雞喇沙，真係啱晒我。叫咗招牌海南雞喇沙$55海南雞喇沙味道少少辣，而且好香椰汁味，喇沙湯底做得唔錯。海南雞份量都多，而且就算係普通海南雞，唔轉雞髀雞肉都幾滑。雞皮嘅雞油滲出嚟好正。另外仲有基本嘅兩款醬汁一個辣醬，一個薑蓉。飲品配左台式古坑咖啡，係用咖啡濾紙自己慢慢滴，再加奶，咖啡味好香濃！餐廳嗰日去得一個樓面員工，覺得佢好犀利，全部野都係佢做，而且仲非常妥當！

深水埗好多平嘢食，捐窿捐罅搵到抵食嘅海南雞飯。呢間餐廳主打海南雞飯，其實我個人係好鍾意食海南雞飯。餐牌裏面除咗雞，當然仲有其他食物。一場黎到，必點當然係海南雞。佢有海南雞飯、海南雞喇沙等等。其實都好多選擇。我就揀咗海南雞髀飯，本身已經跟一個雞湯，我另外再$10配泰式青檸蜜。雞髀飯$62好抵，份量都幾多。雞同飯都多。叫咗雞髀，所以全部雞都滑 。不過啲雞味道偏淡咗少少，點埋薑蓉及辣汁就剛剛好。雞肉真係好嫩滑，雞油飯味道恰到好處，泰式青檸蜜夠滋潤。

收左工經過深水埗落去買電話卡，買好哂野，當然要醫下個肚，行下行下比我見到呢間食海南雞飯，見到價錢好平民化，即時走入去，侍應好快安排我哋坐位，位置都好舒服食物選擇不算太多，但係見海南雞飯，同埋有一個炒豬腩片，勁想食。當然要叫海南雞。招牌去骨海南雞配 安格斯牛肉飯 雞好滑，食落去唔會係乾，仲有兩個醬點黎食，增加雞香味。仲有安格斯牛炒過好香，食落正。特色青檸汁燒豬腩片飯 好特別，酸酸辣辣，食落去豬腩片好香口。

深水埗真係好多平民價美食 今日經開深水埗福華街見到一間主打食海南雞嘅餐廳 一於入去試下 如果好食嘅話就買半隻雞返去斬餸加料餐廳製作嘅海南雞 特別嚴選了頂級龍崗雞 從全港最大家禽供應商購入 品質絕對保證正所謂無雞不成宴 這裏有提供淨買雞 有三個份量可選擇$58例牌 $80半隻雞 $160一隻雞下午茶餐全日供應 超抵食 幾十蚊就有交易 重要再減價 深水埗居民真是有口福海南雞飯(送老火雞湯)$32米飯尖長 粒粒分明帶油光夠香口 帶少許鹹味雞胸軟 有雞味 雞皮爽薄而不肥 雞嘅份量一啲都唔少 餐廳好大方海南雞喇沙$40喇沙湯底非常濃郁 好香椰奶味 一點也不辣 豆卜完全可以吸收湯底嘅精華 米線亦能有掛湯效果 這個配搭很完美 雞件冇骨 啖啖肉 肉質嫩滑唔鞋口 非常出色嘅海南雞秘製豬腩肉沙律$48青木瓜絲做底加咗香口嘅花生碎 醬汁方面酸味味 既爽口又清新 是一道非常開胃的菜色 豬腩片肥瘦均稱 皮嘅位置大點煙韌 充滿骨膠原 醬汁可以中和油膩感座位方面 疫情嘅關係下枱與枱都有屏風阻擋 確保乘客唔會交叉感染 保持社交距離 如果多人用餐可以選擇坐梳化 很舒適

太耐無食海南雞啦今次去開深水埗 晚餐就食呢間小店～鋪頭位置好方便 地鐵站一出轉個彎就到👍🏻鋪頭唔算大 枱同枱中間空位唔多但防疫措施都有做好 有用foam board隔開😛晚餐時段 店內人數唔多老闆同員工都好熱情咁招呼同介紹餐牌😛我地叫左一個海南雞飯（$48）同豬扒喇沙（$55）再加左一杯檸茶同泰式青檸蜜～最近叫飯餐會送湯 個湯淡淡地但有啲胡椒豬骨味就係一般例湯咁 不過不失啦～右手邊係泰式青檸蜜梳打～都幾fresh一般出面飲都係青檸梳打 呢度加埋蜜感覺就無咁dry 更加開胃！餐廳主打海南雞 點可以唔試！飯餐可揀配青木瓜沙律或者菜 我地揀左前者 本身以為會分開上 原來係咁樣放一齊🤭個沙律真係幾辣 要有心理準備😂油飯底油感唔太重 似有啲油味既白飯 海南雞好嫩滑 同埋佢唔係出面用貴妃雞扮個種😂如果醬汁有埋黑豉油就好啦🤤呢個喇沙有驚喜！首先個湯底唔辣偏甜 係我中意既口味🤤雖然食到落底都會有少少辣滲出黎 不過個沙律辣好多haha香茅豬扒係最最最欣賞❤️其實我自己本身唔係好中意食豬扒但呢個肉質好嫩 一啲都唔會乾食落好香口 配埋醬食加分！而且份量好足 好滿足！————————————————總結小店經營

其實有時唔肚餓，但個腦又有意識話你知係時候食嘢，喺咁嘅情況下，我多數都會搵啲輕量啲嘅食物醫飽個腦🧠。於是乎我就襯差唔多兩點鐘出街行下，睇下有乜下午茶啱食。喺深水埗地鐵站D出口一出向右邊福華街有間係賣海南雞飯嘅🐓，之前經過見到，但未食過。依日我仲發現餐廳因應近日情況，下午茶減價送湯之餘，仲全日供應😅，生意相當難做，但對於街坊嚟講，係有著數，好事來！不過正餐牌都唔貴，全部幾十蚊有交易👍。餐廳原來幾大下，仲好好冷氣😍，但買外賣嘅人多過堂食。題外話，收銀阿哥幾好人同有禮貌。🐔🍚我要咗輕盈去骨海南雞飯(原價$34➡️$32)，仲奉送老火雞湯(原價+$6)。包裝乾淨俐落，份量還好啦，我就啱啱好(細食咗)，女仔應該夠食。海南雞飯整體味道OK，飯唔係平日好黃嗰啲黃油飯，但都有味。隨飯可揀搭配木瓜沙律或者熟菜，我要咗前者；店員提我有少少辣的。另外，海南雞個酸辣汁好惹味😋，但都幾辣🌶。至於啲雞，味道正正常常，有四至五件，仲有隻雞翼，抵讚係去咗骨同無乜毛(接受唔到有毛😵)。老火雞湯好彩係送嘅，味道麻麻地。餡料有隻雞腳同幾粒冬瓜，飲落好似有啲味精味🙈，但就無口乾，所以都唔Sure。總括嚟講，考慮到依餐只係$32