佳寧娜潮州菜

营业中

休息中

本人30年前已經開始久不久就去佳寧那食飯，但最近兩年因有事沒去過食，今天終於有時間去幫襯，濶別兩年，第一感覺是已經不是香港人去食的餐廳，所以食物質素口味也因此變了嗎？牛𦟌唔淋又細塊兼簿片；鹵水豆腐好油又唔入味，而且唔熱，記得以前，鹵水豆腐是我必吃的一味餸，豆腐煮得入味又夠熱；另外久違的蠔餅，是不過不失，但整體來說，餐廳環境是好的，但食物令我感覺好勁失望最後，唯一沒改變的就是前菜，即是那碟鹹酸菜，依然咁好食

1. 掌翼滷水拼盤（$420）滷水拼盤選料傳統，包括小鵝掌翼、鵝肉、豆腐等，滷水滲透得幾均勻又有醬香，不過整體層次略為單調，鵝肉厚薄適中但份量偏少，豆腐滷得入味，口感軟滑。若加上花生或豬紅會更豐富。 總之呢個碟頭飯咁大細幾百蚊真係太貴。2. 蘿蔔排骨春菜煲（$200）此菜配搭豬骨等煲製，湯底呈乳白色，應屬長時間熬煮，豬骨炆得夠腍，而且有啲肥肉又唔鞋口。不過其實個湯底有啲似雲吞雞煲。煲身細小，性價比稍遜。3. 潮洲蠔格（$180）蠔餅厚薄適中，外層煎至金黃酥脆，內層蛋香濃郁，無腥味不過亦冇蠔嫁味道。建議可以再大件少少，否則幾個人分食會覺得唔夠喉。4. 瑤柱方魚肉碎粥（$160）啲瑤柱係帶起咗個味，仲有冬菇絲，不過主角應該係肉碎，因為佢令到滿足啲口感豐富好多，亦都飽肚。蠔仔就冇乜。5. 糖醋伊麵（$160）屬經典小食做法，伊麵煎至兩面金黃酥脆，油份控制得宜，唔會過油膩。配埋白糖同糖醋會有驚喜感。呢碟係最值得叫的一道。6. 蟹籽鮮蝦燒賣（$48）燒賣大粒紮實，外皮唔會太厚，餡料蝦肉比例高，配蟹籽提升鮮味及口感。蒸煮火候控制得好，無水淋或過熟情況，保持咬口。7. 蝦餃皇（$48）皮薄晶瑩，透視

佳寧娜係一間以潮州菜為主打嘅餐廳，提供各式潮州美食。餐廳有數十年歷史，傳統中式佈局，座位舒適，不會太逼。 1. 滷水拼盤：掌翼比較重滷水味，腩肉唔會太肥。魚片同豆腐就清淡少少，中和一下濃味掌翼同腩肉。 2. 黃金蟹棗：蟹棗係潮州菜嘅特色菜式，通常係將蟹肉同其他配料混合製成嘅球狀小食，然後炸到香脆。 3. 潮州蠔烙：即係蠔餅，幾乎係食潮州菜必點嘅菜式。唔係一味多蠔就好食嘅，整到好似薄罉咁，外脆內嫩。 4. 川椒雞：呢道菜係潮州菜嘅一款辣味菜式，將雞肉裹上川椒同香料烹煮而成，味道濃厚。 5. 蘿蔔排骨春菜煲：呢款菜式係一道滋補養顏嘅菜式，將蘿蔔、排骨同春菜等材料燉煮喺一齊，湯汁鮮甜可口。我認為重點係蘿蔔。 6. 冬菜蒸原條馬友：冬菜嘅香味同馬友嘅肉質配合得好好，魚肉細嫩。 7. 雙面黃：美中不足嘅係只有一面黃 整體感覺唔錯，朋友聚腳好地方。用餐前後都有功夫茶唔記得影相。

家族聚餐 揀咗呢間since 1981年既老字號.入到去感覺都寬敞 職員都好快上嚟幫忙但我哋入咗 幫我哋準備茶水～.細細杯既功夫茶 餐前餐後都有天氣咁凍既時候 佢都仍然夠哂熱 (￣∇￣).叫左好多餸 每樣都有水準 不愧係老字號～.要講下佢個鵝肝夠厚身而幾易入口 唔會好似平時咁有啲一粒粒咁既感覺 滷豆腐亦都入味好夠滑 .佢個臘味飯不論臘味四寶個連飯焦都幫我地分好既飯定餸飯既豉油 由上枱嗰下已經覺得色香味俱全.蠔餅 唔會感覺好油好厚粉 多蠔仔又易入口 兩份唔該 ( ´▽` )ﾉ…#讚賞下連廁所都好乾淨呢～ 😂🤣😂🤣

以前因為長輩喜歡食潮州菜，經常跟朋友光顧佳寧娜。但疫情後飯店生意大不如前，偶有光顧卻發現食物質素下降，所以已經很久沒有再來。昨晚跟好友過年前聚餐，好姊妹訂了佳寧娜，本沒有太大期望，但食物質素及服務態度卻令我喜出望外。我們只是點了一些家常便菜，最後點了反沙芋作晚餐的句號。當反沙芋上枱後，大家興高采烈品嚐時，發現芋頭完全不鬆化，但姊妹們都只是繼續吃下去。其後經理先生知道，親自走到餐枱前了解，並表示已責備了廚房，芋頭條不粉未煮之前必定知道。經理先生於是收回餘下的反沙芋退回廚房，隨後還請我們吃甜點。今時今日這樣的服務態度，實在令人欣佩，不負老牌飯店的稱號。

—🥟 蟹籽鮮蝦燒賣🥟 香煎蘿蔔糕🥟 XO醬炒腸粉🥟 蟲草花蟹肉灌湯餃•🍲 蠔仔肉碎泡粥🍜 鵝片撈麵—宜家揾好味道的潮州菜真是買少見少難得仲會有功夫茶飲 有咸菜食 正蠔仔肉碎泡粥 鵝片撈麵 點心都吾錯☺️

佳寧娜潮州菜, 這間老字號酒家矗立於灣仔告士打道 40 多年了, 我也曾到訪,  食物水準保持但欠些新意. 侍應安排座位後, 潮州茶, 小食及餐悼牌一起送上.   不過不失.滷水鵝片,   鵝片薄切排碟, 墊底有滷水豆腐, 鵝片用鹵水汁烹煮得入味,   肉質好一般, 墊底豆腐, 口感 OK.滷水豆腐豬肉卷, 一個很簡單的潮州菜, 無骨, 啖啖肉, 伴以潮州粥也不錯. 佳𡨴拿一品煲,  賣相吸引有花膠, 大蝦, 帶子, 冬菇,足料調味正, 這個菜係今個晚餐的焦點. 沙爹牛肉炒芥蘭, 牛肉大大塊, 肉質好但太稔, 沙爹味道美, 炒芥蘭好爽口.潮州蠔烙   這個菜太遜色,  蠔仔份量少又細,  蠔烙煎得不夠松化,  只可讚是少油膩感.可能我們不是常客, 招呼態度好一般.  食物價高質素比不上坊間好.

佳寧娜真係好多年都冇去過，難得屋企人有朋友約喺呢度飲茶，發覺佢嘅質素比之前好咗好多！嗰日星期日唔多人，叫咗蝦餃，叉燒腸，芋絲春卷，方魚蠔仔肉碎粥同埋椒鹽九肚魚。蝦餃蝦好新鮮非常彈牙，皮夠薄，唔會好厚腍啤啤叉燒腸出奇地好食！個粉漿調得好好，腸粉好滑，叉燒冇肥芋絲春卷芋絲春卷係我潮州點心嘅最愛！呢間都整得唔錯，調味好好，好友芋頭味！不過我嘅最愛都係之前賽馬車會嘅金朝閣，可惜佢哋已經關門大吉。方魚蠔仔肉碎粥蠔仔非常之新鮮，脹卜卜，真係好少已經食到咁好食嘅蠔仔粥，大推！椒鹽九肚魚呢個就真係比較遜色，炸得都幾乾，食唔出食緊九肚魚嘅口感。下次可以唔使叫。

灣仔佳寧娜，43年的老字號，出名的城中富豪的飯堂，每天一到飯點，門口停的都是豪車！我也打卡15年了，重新裝修後依然品質保證，用料依然上乘，鹵水全鵝拼盤，鵝肝入口即化，脂香濃郁，鹵水很入味！推薦！香芋油鴨煲芋頭很粉無筋無渣，越嚼越香，正👍🏻煎鯧魚老字號佳寧娜的用料還是上乘的，這鯧魚肉差不多有一寸厚，煎的火候控制得非常好，外脆內滑多汁好好味😋！姜汁芥蘭芥蘭是精挑細選過的，選的都是嫩嫩的芥蘭心，姜粒很多！

好久沒有到訪佳寧娜晚飯，趁今天復活節假期首晚便來到這老字號，但實在令人失望看到餐牌已經覺得啲餸好貴，最平嗰個沙嗲牛肉芥蘭都要$180，味道一般-芥蘭老、牛肉拿得太淋，春蘿蔔排骨煲仲離譜，得四嚿蘿蔔四舊排骨。最差的是鹹菜豬肚湯鹹湯，根本鹹到入唔到口，一碗得兩片鹹菜、兩嚿豬肚，盛惠$100，個頭盤係牛腱$120得9片，唯一坐得幾舒服，應該唔會再幫襯

先嚟一個細嘅潮州四色拼盤，入面除咗有蝦棗同蟹棗之外，仲有油泡帶子同埋炸魚片頭。另一個頭盤就係掌翼滷水拼盤，兩個頭盤嘅味道都唔錯。跟住飲個湯，呢個燉湯好正，係螺頭石斛花旗參湯，滋潤得來好清熱。陳皮香蔥焗蠔砵係一個經典菜式，我都係第一次食，其實佢有啲似焗魚腸，不過魚腸就變成蠔仔，用陳皮去焗特別香。雖然呢個名叫做蘿蔔排骨春菜煲，不過大部份都係春菜，好好食，好少食到啲咁新鮮嘅春菜。豆豉麵醬欖角蒸沙包龍躉最有驚喜，佢個醬汁做得非常之好，香得來有層次感，尤其是個欖角非常好食。埋尾竟然嚟個糖醋麵真係俾佢殺個措手不及，味道好而且冇乜油。個糖水係桃膠蛋白杏仁茶，非常足料，好難識到啲咁有誠意嘅甜品。臨尾仲送個薑汁紅棗糕俾我哋食，再加埋功夫茶，真係一餐令人難忘嘅潮州菜。

團年飯，見個場面都熱鬧，伙記都夠人，雖然個套衫都各有自己特色，拼出有趣畫面，唔知係咪折射潮州老細孤寒嘅風格。菜式都穩打穩扎。蝦蟹枣雙拼、鵝片、春菜、糖醋麵，全部都對辦嘅，老實講，個雙拼叫做得唔錯，真材實料。鵝片有豆腐托底，中規中矩。糖醋麵唔夠乾身。烏頭可說係當造，例牌小半條。可能係疫後第一次團年飯，樓面頂得住，廚房都頂唔住，結果甜品等咗大半個鐘都未見，越坐越凍，見周圍啲枱個個都媽媽聲嗌漏單，嗱嗱聲嗌埋單，點知連樓面都拖住一波，結果招呼緊包廂嘅姐姐都要幫手埋單。

潮州菜黎講價錢有少少偏高，好彩食物質素都有返咁上下🫣🫣-芋頭鴨食得出係心機手工菜，好酥脆👍🏻👍🏻值得一讚！最緊要鴨肉唔會柴～樟菜鴨都唔錯，但同芋頭鴨相比就會略顯單調，如果淨係想食一款鴨，就較建議選擇芋頭鴨😋😋-九肚魚餅好出色👍🏻食落唔會成口都係粉，都足料既😋岩岩好唔會太燶！惹味 encore項目～-另外炒飯夠鑊氣，食落都香口，配料多整體都OK，唔伏，但價錢就略貴，份量尚可坐得都舒服

潮洲菜老字號，酒樓地方好大，唔迫夾，但環境嘈雜，人手不足，中午12點半燒賣已經售罄，唔知係因為餐廳準備不足，還是用餐當日個別情況。《$1380 午市自選套餐-六位》套餐包點餐紙上4款小菜+6款點心《滷水鵝肉拼盤》⭐聞說佳寧娜既滷水膽已經超過40年歷史，今日一試，滷水味幾香，但唔濃。材料唔知係咪滷得太短時間，唔太入味，豆腐色水仲係白雪雪。鵝肉嫩滑，肥瘦適中。但以開左幾十年既潮州菜來講，不太合格。《香煎蠔仔烙》⭐⭐唔同平時係街食既炸蠔餅，餐廳將蠔餅煎香。上枱時服務員會幫手切塊，食落似蛋餅既感覺，蠔仔算多又大粒，但個人黎講比較鐘意有酥脆感既炸蠔餅多一點。《香酥芋茸鴨》⭐⭐份量好大份，芋茸包鴨肉再拎去炸，入口超酥脆。但芋茸本身好飽肚，加上炸完油炸感好重，食一小件已經覺得好油膩。《普寧炸豆腐》⭐️⭐️又係特色既潮洲菜，將普寧豆腐炸到酥脆，再點特製既韭菜鹽水，既為豆腐加添咸味，更可以降低燥熱感。餐廳呢道炸豆腐，唔會好大陣油益味，又唔會炸到乾哂，不過不失。《佳寧娜蝦餃皇》⭐⭐⭐⭐蝦餃入面既蝦好大隻，而且蝦肉新鮮彈牙，外皮唔會太厚，幾高分。《香煎韮菜㷄》⭐⭐⭐我想像中既韮菜㷄偏向似水晶餃咁，有晶瑩剔透透明

已經有好幾年沒來這裡了。小時候常與家人來，但長大後因為家跟工作的地點都在九龍區，加上疫情關係，所以就沒過來了。自從工作轉到灣仔，就一直想著來試， 今日終於有機會了。因為同事想吃粥，於是我就提議來這裡，吃他們的蠔仔碎肉粥，其實我饞這很久了。兩個人吃不了太多，於是我就只加了春卷和糯米卷。還有----福果芋泥。服務員先上一盤功夫茶。是懷念的味道呀！吃過其他家，但始終覺得這裡的蠔仔碎肉粥是最對味的，蠔仔肥美，方魚很香，粥的濃稠適中。潮州的春卷是用芋頭餡的，所以特別香口。糯米卷我是見一次點一次，因為實在喜歡糯米的味道。也不是太多地方有做。最後吃個甜品，大膽地點了福果芋泥，芋泥鏟得很細滑，用了豬油，特香，加上福田火果甘甜的味道。這道甜品越來越少地方有， 因為很多人都怕肥怕不健康，但對我來說好吃的食物吃了再算吧，不要"斤斤"計較呢！